تليتلي باسهل طريقة من مطبخي // بدون تفوار

[nada242008]

المكونات​

حبة بصل
دجاج
حمص منقوع
جريوات // courgette
خردل // لفت
ملح
فلفل اكحل
شوية زيت وزبدة
وطبعا تليتلي​

الطريقة
نحضر اولا المرق
في طنجرة الضغط نقلي حبة البصل المفرومة في شوية زيت وزبدة مع الدجاج
والملح والفلفل اكحل ومن بعد نمرق بماء دافئ ونضيف الخضر
والحمص انا ماكانش عندي

نغلق عليها ونخليها حتان يطيب الدجاج والخضر
من بعد نصفي الخضر ونحمر الدجاج

نحمص التليتلي في شوية زبدة

حتان يتحمر ونفرغو في صحن اخر باش مايكملش طيابو ويتحرق

المرحلة الاخيرة وهي التجمار
انا كيلت المرق هذي المرة
استعملت 250 غ تليتلي
والمرق 3/4 لتر

نحط التيتلي في المرق في طنجرة الضغط
ونشعل عليه النار
بعدما تصفر الطنجرة
نقص النار خلاص يعني لاقل درجة ممكن
ونخليها حتان تنشف
نراقبها // نحرك الطنجرة اذا لقيناها نشفت نحلوها
وهذا شكلها
تبان مازالت مانشفتش لكن هذي هي

نغطيهاونخليها تبرد لمدة 5 الى 10 دقائق
ومن بعد نقدمو مباشرة

عندي اضافة بسيطة نبشر عليها الفرماج وهي سخونة يمد طعم رائع

ونزينها بالخضر والدجاج

​

زوووووووووووووم

 

[lina07]

الله الله يشهي يعطيك الصحة

 

[سجينة الصمت]

اممممممممم باينة عليه بنين
يعطيك الصحة
​

 

[oumsif]

اممممممممم حبيبتي ام ندي طريقة جديدة اكيد انجربها وساهلة شكرا كثيرا

 

[نيهاوند غصون]

تسلم ايدك اختي ام ندى
الله يعطيك العافية
والله مبين ان طعمه مررره حلو
​

 

[faloussa]

امممممم ندوش طريقة روعة جاك يشهى يا الفحلة

 

[حكيك]

بصحتكم ندى التليتلي جا هايل وبنين بلا ماندوق
فكرة مليحة تاع الفرماج نجربو ان شاء الله

 

[ام خديجة1]

ما شاء الله راه طبق تشهي يعطيك الصحة

 

[إحســاس بــراءة]

يعطيك الصحة ام ندوش خرجلك هايل
ومع راني صايمة اليوم قتلني الطبق هاذا هههههه
يعطيك الصحة الزينة ​

 

[الاختان سوسو ونونا]

بارك الله فيكي ويعطيك واش تتمناي
ان شاء الله نجربها عن قريب ونردلك الخبر

 

[الاختان سوسو ونونا]

سؤال واحد برك اختي ندى سما الكيس تاع 500غ الحبة رقيقة تجي نص ليترا مرق ونقدرو نديروه في طنجرة عادي
سمحيلي بزاف تعبتك وشكراليكي

 

[nada242008]

الف شكر لمروركم وردودكم المشجعة .. بارك الله فيكم جميعا
الاختان سوسو ونونا
500 غ تيتلي ديري معاها لتر ونصف من المرق
250 غ تيتلي يجي معاها 3/4 لتر مرق
بالنسبة للطنجرة انا دايما نستعمل طنجرة الضغط خطراه تحافظ على البخار اللي يساعد في طبخ التيتلي
ممكن تستعملي طنجرة عادية بشرط تكون ثقيلة وتتغطى باحكام ياش ما يخرجش البخار

 

[rima29]

شهيتيني يسلموا ايديك
ندوش​

 

[narjes81]

رائعة الوصفة يعطيك الصحة

 

[حاملـة المسك]

نطيبو بتلك الطريقة...يعطيك الصحة ندودة​

 

[l'algeroise]

نفس طريقتي أنا تاني مانفوروش نحمصو في مقلة و نلوحو فالمرقة يعطيك الصحة أم ندى ​

 

[imane27]

جات هايلة ندى يعطيك الصحة

 

[ibtesem]

امممممممممممممممممم
نفس الخطوات لمشيت عليها هههههههههههه
يعطيك الصحة نجرب تاع الفرماح ان شاء الله

 

[Djazaire-El-Ghalia]

اممم يعطيك الصحّة خير من التفوير اللا متناهي ديالو:cra_zy:

 

[روعة2005]

الله يبارك عفاف طريقة هايلة وناجحة مممممممم شهيتيني