العيد بكري وذرك

[الزنبقة السوداء]

السلام عليكم ناس اللمة كيما راكم وصحا عيدكم
المهم هذا اول موضوع لي هنا

رايحة نهدر بكري كي كنت صغيرة كيفاش كنت نعيد وذرك كيفاش

بكري قبل العيد بشهر تقولي ماما راهو قريب العيد وتخرج تشريلي القش ترجع لدار ومعاها قش ليا ولخاوتي وانا ماما هاذي تاعي ولا هاذي تاعي ونقيس القش وانا متشوقة على النهار نتاع العيد بعد ايامات ننسى العيد حتان تقعد سمانة ونشوف ماما تطيب في القاطو ونعود نقلها ماما خليني نعاونك تمدلي عجينة صغيرة ونبدا نلبز فيها حتان تعود كحلة:cra_zy:
وكليوم ماما شحال قعدلو لعيد وهي تقولي قعدلو5 ايام نزيد لعشية ماما شحال قعدلو العيد تقولي 5 ايام وماتتقلقش مني
كي يقعدو نهارين على العيد يجيب بابا الكبش ونعودو كامل فرحانين نسمعو في الحارة باااااااع بااااع:shiny: والجماعة كامل فرحانة ذراري الصغار قصدي ويبداو يزوخو حنا بابا شرى زوج كباش يقولو لوخر حنا طيبنا خمس انواع قاطو وواحد اوخر يقول قشي نتاع العيد شريتو من فرنسا هههههههه

نهار غدوة العيد نبدى نغني مع الذراري نتاع الحارة
غدوة العيد يابوزيد لحفافة والقش جديد

وفي الليل نوجد قشي نتاع العيد وانا فرحانة رايحة نطير :sheer:
نحط كرسي حذا سريري نحط في قشي نتاع العيد كامل كي اللبسة كي السباط:showoff:باش كي نرقد نقعد نحلم بيه ههههه
وماما تكون خلطت الحنة وخلاص تجيبنا كامل تقعدنا وباش تزيد تفرحنا تبدى تغنيلنا حني حني يا لحنينا لغنية نتاع لعروس نهار حنتها
كي تكمل تربطهالنا بالساشي _o: وانا ضروس لعقل يبانو من الضحك والفرحة:sheer:

وكي نحكم بلاصتي باش نرقد كالعادة ذراري الصغار كامل يرقدو على التسعة انا ذاك النهار نرقد على 12 منقدرش نقعد نخزر في قشي وغدوة وش ندير المهم كي نرقد نوض الصباح بكري نروح نحي الحنة من يدي ونتمنى تخرج زينا :sad: واذا جاتني حمرا ياسر نبدى نزوخ على خواتاتي i-o:
نفطرو مع القاطو الطايب في الدار مش المشري ومبعد بابا يروح يصلي انا نكون نلبس في قش وماما تسشور لي شعري وندير مساسك جدد يعني نبيش من الفوق للتحت:re_gards:
ونستنى يخرج بابا من الجامع باش يكون اول واحد نعيد عليه ومبعد نعيد على ماما *وخاوتي ونخرج نعيد على الجيران ولافامي ونلم عيدي قبل ميحكمو الكبش باش يذبحوه علاجال انا الكبش اللي نشروه ندير معاه الصحبة

نلمد ذيك الخمسة وعشرين الف نحس روحي اغنى الاغنياء نقسمها نص نلمدو ونص نشريه العاب وحلوى في الليل بابا يديرلنا شوى ونكمل نهاري نتاع العيد اللي هو احسن نهار في حياتي




بصح العيد نتاعي ذرك مخالف تماما
_o:_o:_o:_o:_o:_o:_o:_o:_o:

نوض الصباح نشرب حليبي كالعادة زايد عليه قاطو الدار مش القاطو المشري نعيد على ماما وبابا وكي جي وقت الذبيح ندرق في اي بلاصة باش منشوف دم منشم ريحة نتاع الكبش منغسل معاهم المصارن والكرشة ومعلاباليش نقعد في الميكرو نعيد على لافامي في السكايب ونعقبو كاي نهار واحد اوخر

احكولي نتوما ثاني على عيدكم والتغيرات الي تصرى بين بكري وذرك


والسلام كلام الختام

 

[ماكانش]

أهلا بيك ختي
والله كلش صماط وكلش ولى مظاهر برك
كلش تبدل العيد رمضان المناسبات كامل راحت الباراكة والبنة تاعها
شوي العيد لكبير خير منهم ههههه
يعطيك الصحة​

 

[الزنبقة السوداء]

أهلا بيك ختي
والله كلش صماط وكلش ولى مظاهر برك
كلش تبدل العيد رمضان المناسبات كامل راحت الباراكة والبنة تاعها
شوي العيد لكبير خير منهم ههههه
يعطيك الصحة​

شكرا على المرور
عندك الحق وكيما قلت العيد لكبير خير منهم شوي فيه شوى

 

[مابقاش بزاف.Dz]

موضوعك رائع اختي يعطيك الصحة
و الله كيما قلتي سي بون راحت البنة تاع المناسبات هادو
مي بقات شويا ماشي بزاف المهم العيد يجوز بالصحة و الهناء و خلاص

 

[*من أنا ؟*]

والله عندك الحق راحت البنة تع لعياد والمناسبات
رانا غير انزيدو نبعدو على العادات القديمة
كومام صحا عيدكم وان شاء الله ينعاد بالصحة والهنا

 

[براءة مسروقة]

صح عندك الحق تبدلت بكرى كانت الحاجة جى حلوة وكانت النية وزيد حنا كنا صغار وهادو الحوايج يفرحو الصغار كتر من الكبار والحاجة الى كملتها الشغل قاع عليااااااااااااااااااا

 

[إيمان قلب]

أمممم والله عندك الصح اختي مام بكري نحسو نهار العيد نهار طويل بزااااف
أما دوك نغمضو عينيا نعاودو نفتوحهم هاهو لحق الليل تاني العيد تاع بكري
يبان من الزيارات تاع لفامي دوك التليفون ولا السكايب خلفها
وبزاف اختلافات
يعطيك الصحة خيتو على الموضوع وصح عيدك مسبقا​

 

[الزنبقة السوداء]

موضوعك رائع اختي يعطيك الصحة
و الله كيما قلتي سي بون راحت البنة تاع المناسبات هادو
مي بقات شويا ماشي بزاف المهم العيد يجوز بالصحة و الهناء و خلاص

معليش نقعدو مع الشوي المهم مايروحوش

 

[الزنبقة السوداء]

والله عندك الحق راحت البنة تع لعياد والمناسبات
رانا غير انزيدو نبعدو على العادات القديمة
كومام صحا عيدكم وان شاء الله ينعاد بالصحة والهنا

ربي يهدينا كامل وصحة عيدك

 

[مرام التيبازية]

سلام شكرا ليك اختي على الموضوع.
والله العظيم راحت البنة تع العيد ولا رمضان ولا اي مناسبة وبكري الحاجة كانت حلوة اما درك ،ايه اختي هادي هي على كل حاااال....
صح عيدكم كامل وينعاد بالصحة والهناء عقبال للعام الجاي انشاء الله..
تحياتي+احتراماتي..

 

[الزنبقة السوداء]

صح عندك الحق تبدلت بكرى كانت الحاجة جى حلوة وكانت النية وزيد حنا كنا صغار وهادو الحوايج يفرحو الصغار كتر من الكبار والحاجة الى كملتها الشغل قاع عليااااااااااااااااااا

يعني هي صح الشغل بعدنا بصح اصح كلمة نقولو كرهنا :schmoll:

 

[الزنبقة السوداء]

أمممم والله عندك الصح اختي مام بكري نحسو نهار العيد نهار طويل بزااااف
أما دوك نغمضو عينيا نعاودو نفتوحهم هاهو لحق الليل تاني العيد تاع بكري
يبان من الزيارات تاع لفامي دوك التليفون ولا السكايب خلفها
وبزاف اختلافات
يعطيك الصحة خيتو على الموضوع وصح عيدك مسبقا​

دك حكمنا التفنيين
يسلمك صح عيدك تاني:re_gards:

 

[القطة الزهرية]

سلالالالالالام
تقول تحكي عليا كي كنت صغيرة انا تاني كنت نحط لبستي قدامي ونتفرج فيها وضك نحط نخبيها بشوي باه نروح نقرا بيها هههه يسما ماتبدل والو هههههه صح عيدكم وكل عام وانتوما بخير

 

[الزنبقة السوداء]

سلالالالالالام
تقول تحكي عليا كي كنت صغيرة انا تاني كنت نحط لبستي قدامي ونتفرج فيها وضك نحط نخبيها بشوي باه نروح نقرا بيها هههه يسما ماتبدل والو هههههه صح عيدكم وكل عام وانتوما بخير

ايا مليح لي كاين خرين كيفي شكرا على المرور وصحة عيدك:re_gards: