صحا عيدكم
قال الله تعالى
{ وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } {الإسراء/23-25}
صدق الله العظيم
في هدا اليوم وانا اتصفح جريدة من جرائد نا ورقة بورقة حتان نلحق ياخاوتي لوحد لارتيكل في صفحة المجتمع، عيد والعواشير كيما يقولو
كي تقول فيه الحاجة : قلبي على وليدي وقلب وليدي على حجر
انا هدا لارتيكل زعزعلي خاطري وحسيت بوحدة الحاجة في خاطري كبيرة بزاف وتحسرت على هدا الزمان او الاصح عباد هدا الزمان(الزمان حشاه)، لي قساة قلوبهم مبقات فيهم لا رحمة وقيلا لا والو . قولولي ولا كيفاش
وراكم وقيلا عرفتوني واش راني نقصد ،،اوكي نقولكم راني على هادوك الناس لي راميين والديهم في دار العجزة ،ياربي اغفرنا وارحمنا
انا مانيش متصور انو انسان عاقل يدير هدا الشي ،في والديه
بعد مارباوه وكبروه وقلبوه ررررررررراجل ،تراس انعم ايه
وبكل بساطة في اخر عمرهم يرميهم في دار اسمها العجزة ،يعني هادا هو جزاء من سهرو عليك ،جزاء الام لي كانت تنحي من جلدها وتعطيهالك
لي كانت تمسحلك وتغسلك كي تبول على روحك وانت صغير(اسمحلو على هادي الجملة) وبلا ننساو الاب.
ادا متعرفش واش هو جزاءهم نقولك و ديرها كل صباح كي خارج من الدار
هادي وصفة من وصفات دخولك الجنة
وفي بالي هادي وغير شوية وما درت والو ومرجعلتهاش ذرة من نتاع سطر ليلة وحدة كي كنت في كرش يماك ،وفي الاخير نطلبو ربي يهدينا الى الطريق الصواب ويهدي هادو الناس الغافلين،وربي يحفظنا والدينا ونطلبو ربي تاني يرضاو علينا
وبارك الله فيكم وشكرا
مادابيكم كثرو الدعاوي نتاع الخير والهداية في الباجا الله يحفظكم
خير وخير.
آخر تعديل:
