اشتك و الكوارث تاعو

[اشتك]

السلام عليكم

واش راكم لباس عليكم جمعه مباركه علينا و عليكم

اليوم خرجت رحن للمارشي و هاو نحكيلكم واش صرالي فما

يا سيدي راح اشتك للمارشي باه يشري حوايج ايا تصادفت مع وحد الله يبارك طول و عرض اصح مني مليار واش قاعد يدير قاعد يطلب

قالي خويا معروف لوجه ربي نفرح لوليدات

شفت معاه زمان و من بعد جات في بالي وحد الكلمه قلتهالو

قلتلو خويا انتا الله يبارك عليك طول وعرض مي انا مدخلنيش فيك و منقلكش روح تخدم عليهم هاد لوليدات و جيبلهم من عرق جبينك هاديك شخصيتك و انتا حر مي لوليدات الا حاب تفرحهم ننصحك روح قوللهم غدوى مكانش قرايه درك يفرحو ههههه

انا منيش قاصد نتمصخر بيه مي راه مزال قادر يخدم على روحو ربي عاطيلو صحه يهد بيها جبال علاه راه يقبل يوكل ولادو خبزه تاع ذل

لوكان جات مراء مسكينه و الا شيخ كبير مسكين

ربي يجيب الخير لهاد المجتمع​

 

[adel-mz]

سلام
التسول صفة مذمومة ،ومنهي عليها دينا وحتى وان كنت في فقر متقع
والناس هادو فنيانين وطفيليين وداروها ميتي جديد يحبو يعيشو على حساب الناس
وخاصة لي قلوبهم رهيفة زعمة يغيضهم ، بحجة ماكاش خدمة ،انا زوالي ،انا معطانيش ربي .......وو.... وهادي حجج مكاش منها .
+
المحتاج الحقيقي والله ماتلقاه يمد يدو ،يا حبيبي الانسان عندو كرامة.
الله يهدينا الى الطريق الصواب.

​

 

[بنـ MaPa ـت]

وعليكم السلآم
شيخ ولا عجوزةكبير ولا صغير عيب يمد يدو راهي كاينة الخدمة غير ماعرفولهاش
انا برايي يخدم في النظافة ولا يطلب على الناس راهي حاجة عيب سورتو لي يكون بصحتو
مرسي على الموضوع

سلآم
​

 

[القطة الزهرية]

سلالالالالالالالالام
نشفا عليها كان واحد هنا كان اسمو اشتك اشتك كان فووووووووووور بيه بمواضيعو يادرا وينو ليسونسيال او جا واحد بصح غير اشتك وحدة هههههههه
شكرا خويا على الموضوع الباهي وفكرتني بوحد لحكاية قالك معلم راح يسلك كي خرج لقا وحد الطلاب قدامو قالو فرحلي لوليدات الله يخليك قالو روح قوللهم غدوة ماتقراوش ههههههههههههه
ربي يهدينا ان شاء الله واحد قد لبغل مايخدمش يخي عبد يخي الي يحتاج او ماتلقاهش يمد يدو الي يحتاج صح ماتسمعش بيه خلاص ...وشكرا مرة اخرى

 

[صراحة]

الحقيقة كامل طلابين بالصح نطلبوا ربي لأنه هو مقسم الأرزاق وحدين officiel مرسمين في الدولة ووحدين contrat يطلبوا في العباد
واش نقولك ربي يهديهم ويهدينا أجمعين /FONT]

 

[nina bonoise]

التسول حرام
مادام قلتي بصحتو ا راه قادر يخدم على روحوا

 

[محـ أمين مد]

لقد اصبح التسول حرفة لبعض الناس

اعمل . قم بحرفة تجدها لعاقبتك . بيع الخضرة ف المارشي . اشري لي بورطابل و عاود فيهم

حط السلعة عند قروسيست . طلع الرملة . رون السيمة . تعلم الخياطة و افتح حانوت .

و الله يبارك للواحد الساعي للعمل بالجد و الكد .

توكل على الله و امضي في سبيل كسب العيش . و الله مع المتوكلين .

موفقين ان شاء الله .
​

 

[nawal 88]

شوف خويا المحتاج صح عمرو مايمد يديه لناس بالعكس يموت وما يطلبش
فكرتني واحد الخطرة فتت على واحد قلي ربي يفرحك قتلو آمين مد يدو قتلو علاه دعوة الخير بالدراهم ولا​

 

[DARINE05]

والله صح تلقاهم يضرب الحيط يريبو ويطلب وجوه البخض واش يجيك منهم حنا جاتنا وحدة نهار العيد بعد الذبيحة قالتنا او كاشي لحم هههههههههههه