ادخلوا لهنا وفهمنوني في هذي الطفلة

[crazykhadija]

السلام عليكم
جمعة مباركة
راكم لباس؟
ان شاء الله تكون هكا مهنيين
راني هنا حابة تفهموني في ليستوار بايخا على الطفلة كي تكون لباس عليها وتجي صحبتها تسمط عليها
وتكون هذيك نية وتحكيلها ودايرتها لانتيم
وفحلة
ولخرى تقطع مورا ظهرها؟:scared::scared::scared::scared::scared:
كل مرة
انا صحبتي دايرة النية معاها وربي عالمني
وهي كل مرة تخرجلي في خرجة؟:sad::sad:
وانا ايجوني لبنات ويقولولي متمشيش معاها وراهي كل يوم تقول عليك حاجات بايخين
ويقولولي لوكان منعرفوكش عالم ربي غير نصدقوها
وانا مرة الاول حكاولي عليها بلي سامطة
ملي قلبي قلت بلاكي ربي يهديها
هي مش تاع خرجات مش ملاح
لباس عليها مي متخليش_o: الصحبة؟
تمنشر :scared:
وراكم عارفين؟
تخيلو في العيد جاتني صحبتي وحدة اخرى
وحكات مع ماما على هذي اسمها سعاد قالت لماما قولي لبنتك يزيها من سعاد
ماما من تم قاتلي بلاكي
وواش زيد راهي معايا في كلاصة
علبالك الطفلة هذي مرة الاولى عزتني و+تانيا ههههههه خرجلي منعرف منين
ربي يهديها
انا الحمد لله في ليسينا مكانش لي ميعرفنيش شريفة وتخلقة ومنحكيش بزاااف
مي هي دايرة فيا لي متدارش
ربي يهدي ما خلق
هذي هي
مرسي لي سمعتوني وخصصتو وقت ليا
في امان الله
​

 

[إنسانة ما]

وعليكم السلام ورحمة الله
أهلا أختي خديجة
شوفي اختي في هاذي الدنيا رح تشوفي بزاف ناس من عقليات مختلفة، وهاذو جماعة 2 و3 و4 و10 وجوده راهم كاثرين والله المستعان.
انت تعاملي بنيتك وما تسمعيش بزاف للناس لي تجي زعما تنصحك وتقولك اخطاك من فلانة، ممكن تكون البنت طيِّبة وبقية البنات يكرهوها ويقولولك هكذا باه تبعدي عليها، ناس بكري كانو يقولو: (ما غاضنيش لي قال فيا غاضني لي جا ورد عليا).
انت امشي بنيتك وما تكثريش المخالطات بزاف لأنها تجيب غير المشاكل.
ربي يحفظك ويعافينا ويعافيك من جماعة 10000000 وجه

​

 

[القطة الزهرية]

سلالالالالالام اختي شكرا للموضوع
اييه ياحصرا صدق كمال مسعودي كي قال ياحصرا عليك يادنيا فيك حكاية وحكيات علاش هكدا الحقدة والسمية تضلي تبدلي في الصفات هدي المخلوقة صراتلها كيما هذ لمثل في وجهك مرايا وفي ظهرك موس ربي يهدي ماخلق انا وحدة من الناس نسمع بطفلة خرجت فيا الهدرة نجبد روحي منها ونولي نزليها عيني عينك .......شكرا:re_gards::re_gards:

 

[adel-mz]

سلام
هادو الناس يقولوهم ذو الوجهين ،وهادي الشخصيات بصراحة مذمومة
يعني قدامك بينلك بلي صديق صدوق وفي ظهرك عدو لذوذ
وهادي الصفة منتشرة بزاف في المجتمع الله يعافينا منها
ربي يبقي عليك الستر اختي .
مارسي

​

 

[صراحة]

جمعة مباركة للجميع
أنا رأيي تبعديها خلاص أحنا في زمان مايرحمش لي يعرفوك تسلكي معاهم و اللي مايعرفكش يصدق كل مايقولوه عليك نصيحة إبعد عن الشر و غنيلو

 

[βǻŋǾừŧά ₡ǖŦё]

جمعة مباركة للجميع
أنا رأيي تبعديها خلاص أحنا في زمان مايرحمش لي يعرفوك تسلكي معاهم و اللي مايعرفكش يصدق كل مايقولوه عليك نصيحة إبعد عن الشر و غنيلو

هذا رايي

 

[crazykhadija]

وعليكم السلام ورحمة الله
أهلا أختي خديجة
شوفي اختي في هاذي الدنيا رح تشوفي بزاف ناس من عقليات مختلفة، وهاذو جماعة 2 و3 و4 و10 وجوده راهم كاثرين والله المستعان.
انت تعاملي بنيتك وما تسمعيش بزاف للناس لي تجي زعما تنصحك وتقولك اخطاك من فلانة، ممكن تكون البنت طيِّبة وبقية البنات يكرهوها ويقولولك هكذا باه تبعدي عليها، ناس بكري كانو يقولو: (ما غاضنيش لي قال فيا غاضني لي جا ورد عليا).
انت امشي بنيتك وما تكثريش المخالطات بزاف لأنها تجيب غير المشاكل.
ربي يحفظك ويعافينا ويعافيك من جماعة 10000000 وجه

​

والله عندك الحق
مممكن صح هكا بصح كاين بعض حوايج سر بيناتنا قالتهم لي ميعرفهم غير وغيرها ورغم نعرفها عليها المليحة وبايخا ومنحكيش
ربي يهدي
امييييييييين
ربي يعافيك
تحياتي
​

 

[crazykhadija]

سلالالالالالام اختي شكرا للموضوع
اييه ياحصرا صدق كمال مسعودي كي قال ياحصرا عليك يادنيا فيك حكاية وحكيات علاش هكدا الحقدة والسمية تضلي تبدلي في الصفات هدي المخلوقة صراتلها كيما هذ لمثل في وجهك مرايا وفي ظهرك موس ربي يهدي ماخلق انا وحدة من الناس نسمع بطفلة خرجت فيا الهدرة نجبد روحي منها ونولي نزليها عيني عينك .......شكرا:re_gards::re_gards:

عندوا الف حق
على خاطر راه عارف علامن يغني
واش تحبي مي منقدرش نجبد منها راهي تقعد معايا في كلاصة؟
وحتى واذا لازم انسلم عليها لا؟
ربي يخليك لينا حنونة دمتي بود
السلام عليكم
​

 

[crazykhadija]

سلام
هادو الناس يقولوهم ذو الوجهين ،وهادي الشخصيات بصراحة مذمومة
يعني قدامك بينلك بلي صديق صدوق وفي ظهرك عدو لذوذ
وهادي الصفة منتشرة بزاف في المجتمع الله يعافينا منها
ربي يبقي عليك الستر اختي .
مارسي

​

يا حسراه كاينين بزااف وممكن يكون اعز صديق ليك متعرف
مي لي انقولهالك
مكانش الثقة خلاص؟
مرسي بزااااااااااااااف ليك ربي يعيشك
امين
سلام
​

 

[crazykhadija]

جمعة مباركة للجميع
أنا رأيي تبعديها خلاص أحنا في زمان مايرحمش لي يعرفوك تسلكي معاهم و اللي مايعرفكش يصدق كل مايقولوه عليك نصيحة إبعد عن الشر و غنيلو

وجمعة مباركة
شكراااا
زمان ميرحمش معاك بصح والله مشيت معاها بالنية
ربي يهديها بصح منا وجاي ان شاء الله اندير قلب واتشوفي
ربي يسجيك
سلام
​

 

[bachboucha]

ربي يهديها

 

[حنان18]

ربي معاك و يهديها و يهدينا كامل هادي دنيا تشوفي كثر و كثر .

 

[Innocence]

اعذريني نفسيتي متسمحش ننصحك

مي عجبني رد انسانة ما

طرح الموضوع محترم​

 

[i west my life]

اولا ان شاء الله النجاح في البكالوريا
تانيا كلام ناس ميدي ميجيب ملا التاي بقرايتك و خليك من هدرة ناس (تحبني راك ديما في قلبي تكرهني ربي يسهل عليك) المهم انتي جربي في لخابة تصاحبيها قوليلها سر و شوفيها ادا خرجاتوا بعديها خلااااااص ادا كتماتوا هديك هي الصحبة
مرسي عليك ختي

 

[ام أمينة]

ربي يهديها و انتي اجتنبيها قدر المستطاع
بالتوفيق
​

 

[ماكانش]

أهلا بيك خديجة
هذي ألي تمنشر فيك غير أخطاكي منها
لأنو قادر تخرج عليك هدرات كبيرة
والحمد لله كيما قلتي نتي معروفة متخلقة وبنت أصل​

 

[βïģ βôşş]

ربي يقدر الخير برك

 

[مابقاش بزاف.Dz]

denya bloudjouh w lakhra belf3ayel
9olilha fel wadjh khti sarhiha wech 9aloulek 3liha w choufi la réponse
bn chanse