أول يوم فالمدرسة , , , / كل واحد يقولنا كيفاش كان

[khaLeD CaPaCHiiNO]

سلام عليكم
ذكريات الطفولة حاجة فوور و ماتتنساش موحال لواحد مايحبش كي كان صغير
درت هاد الموضوع باش كل واحد يقولنا كيفاش كان اول نهار ليه فالمدرسة
نبدا على روحي
كامل قبل ما ندخلو للمدرسة كنا ميتين بالفرحة ماعلابلناش وش راه يستنا فينا :$
غير يخلعو فينا تقول رانا رايحين للجحيم . نشفا زعمة اللي يقراو يقولولي الاستاذة تضربك بالعصى
حتان لحمك يزراق :cra_zy:
كنت حاسب نهار كامل و الاستاذة تضرب فينا بالعصى مالـgـري كنا خلعانين . مي كنا فرحانين
النهار اللول النص الكبير تع لولاد داوهم باباهم . غير انا )': رحت مع خويا كان يقرا السنة 5 زعمة عندو خبرة في داك الوقت ههه كنت ميت بالفرحة :showoff:حسبت روحي كبرت . لولاد لابسين قش جديد . قمة الفرحة يجي عندك واحد و يقولك عندك سباط مليح هههه المهم دخلنا للساحة .رح يحيو العلم و انا ماني فاهم والو وش صاري هنا :/ حياو العلم خلصو جات واحد الطفلة هازا معاها ورقة بدات تقرا منها كي شغل خطاب دوماج ماشفيتش حتى كلمة منو _o: و كي كاينة تقرا انا كنت ميت بالخلعة كنت حاسب دك تجي دالتي و يقولي المدير اقرا من الورقة و انا مانعرف حتى حرف :shiny:
شوية دخلنا للاقسام رحت نجري سبقت الطابلة اللولة انا و صاحبي اسمو فوزي دكا كبار و عندو golf serie 5" و رجع قليل باش يشوف عندي و يهدر معايا :sadwalk:" و انا r4 ماكسبتهاش هههه
ايا هادا فوزي كاينة واحد البيدونة محطوطة على الفورنو جا هو طيحها ساح منها الما انا في هاديك اللحظة خلعت كثر منو كنت انا خواف هههه كنت غير نستنا الاستاذة ( الانسة :shiny: ) تعطيه كف تعرفو النظرة اللي كانت عندنا على الاساتذة و مدى رعبهم و سطوهم D: مي مادارتلو والو قاتلو ماتزيدش تعاود برك لثما راحولي الافكار السيئة المسبقة اللي كانت عندي :cra_zy: ماشفيتش من بعد وش صرا ههه
روحنا للدار باش نتغداو استقبلتني يما بحرارة ( في هاديك اللحظة ماكانتش تتوقع بلي وليدها رح يولي طالب جامعي ههه ) بقات غير تسقسي فيا وش درنا ووش قرينا كي شغل النهار اللول رح يعلمونا كلش ههه و حكيتلها على حكاية البيدون الاسطورية p:
ورا الغدا رحت نجري للمدرسة مع صحابي . وصلنا للمدرسة . منين وصلنا للمدرسة حتا لدركا فاتت 15 سنة . ودكا راني 2 جامعي . كي كنت فالابتدائي ماعلاباليش رح نخرج عبقري القسم نتاعنا ههه لولاد اللي قراو معايا فالابتدائي واحد لا طلع للجاميعة غير انا و لبنات كانو غير 4 :sheer:
الحمد لله وفقنا ربي و نشالله ربي يسهل للجميع
كل واحد يقولنا كيفاش كان اليوم اللول تاعو فالدراسة

 

[ماكانش]

أهلا بيك خويا
بلاك كي دخلت نقرا أعضاء بزاف هنا مازال مازادوش هههه​

 

[asma2090]

ههههههههههههههه هدي هايلة ولله انا من ىنشف على روحي في سنة الاولى تامو خلعتني معلمتي كي دخلت للكلاصة انا هربة ومن جابتني تكر فيا وعطاتني طريحة من ثما كرهت لقرايا وجيت انا 36 في القسم هههههههههههههه:sheer:​

 

[أسماء الجزائر]

نووووووورمال ...دخلت كان عمري 4 سنين
نروح بالتحلال و الحلوى و الدراهم ......و نرجع بالكف و الركلة بويسك كنت نبكي و اللي نروح معاه نرجع معاه حتى للفصل الثاني باش رجعت نقعد شوية في القسم
علابالكم والفت الضرب و كانو كي يقتلوني ما نبكيش ......والله درت رايي .........هاذيك هي الحياة

 

[إيمان قلب]

السلام عليكم
هههه والله ياقصتك انت والمدرسة ههههه
امممم انا ماكانت عندي حتى فكرة على المعلمين , ودخلت نقرا سنة اولى عند عمتي وكنت متعلقة بيها
بزاف على بيها ماحسيتش يستما انا من سنة رابعة حسيت بــ ليكول كي بدلوها وجابولنا معلم آخر ههههه الناس كبرت وانا هذاك وين دخلت نقرا هههه ,نبكي عليها علاش بدلوها عليا والله عجب
اييه وقاع فاتت الايام وحتى انا راني دوزيام جامعة ههه
هيا يعطيك الصحة خويا على الموضوع فكرتنا فالصغر​

 

[أم راضية ~_]

و عليكم السلام

هههههه عجبتني تاع عمبالك يعطوك تقرا من الورقة ههههه :shiny:
أنا نشفى مليح كان في عمري 5 سنين رحت مع بابا باش ندخل نقرا قالولو مكانش بلاصة :sad:رحنا لمسيد آخر كيف كيف مكانش :sad:و منبعد خاضتني عمري بزآآف و بكيييت :schmoll: :crying_1:
:crying_1: :crying_1: :tears: على خاطر كنت نحب نقرا بزاااف :sadwalk:
و من بعد قالولي العام الجاي تروحي و تفوتيهم كامل :shiny: و فالعام اللي موراه بابا داني معاه و شرالي طابلية خضرا sans manche تشبه ل robe aller بالقفالي بيوضة مدورين
و كرطاب أحمر فيه ميكي :shay:
كنت فرحآآآنة بزآآف ديك الليلة ما رقدتش من الفرحة و الصباح نوضدت كامل خاوتي و قولتلهم رايحة نقرا و هوما يقولولي منآ على أعوام عاوديلنا هاد الغنية و نشوفوك ههههههه
و كي دخلت قعدت في الصف الثاني اللي جهة الباب الطاولة الثانية مع وحدة إسمها أحلام
و المعلمة إسمها مريم و كانت شادة وحد الطفل عند الباب كان يبكي حاب يروح مع جدو اللي جابو
هو يبكي و أنا نضحك و نقولو أرواح لعشية تروح لداركم اليوم نلعبو و نقراو :shiny::shiny: :shay:
زعمة أنا خبرة و قديييمة في le domain ههههههه :shiny:
صحيت الأخ فكرتني بأجمل نهار عندي​

 

[hiba14]

هههههههههه مليح انا كنت ساجية كي كنت صغيرة كي كبرت جياحيت نو رمال لابسة طابلية تايباس خضرة كي موكاموكا و داخلة زاهية و نضحكة و كي خرجت سوطت وحدة غي هي كارهة القراية و زدت كرهتها

 

[ђĩหđǿĉħǻ]

لي عودة في الموضوع
​

 

[تاج الجزائر]

وعليكم السلام ورحمة الله وبركاته

نجيك في الصح لي نعقل عليه دخلت وكان عمري6 سنوات ولابسة كسوة جديدة وعاجبة عمري :shiny:

ودايرةة ديك الطابلية الله الله وداك التيكي لاصق فيها ومكتوب فيه اسمي تقول خايفين عليا نتودر :music_whistling:

والمدرسة حدانا غير بشبر

ايا راكم عارفين تحية العلم وحنا نتاع السنة الولى دايرين على جنب وعاطيينا شوي

اهتمام على البقية



زعمة شخصيات مهمة i-o:

وممبعد بداو يفرزو فينا اقسام ودخلنا ممبعد لجحيمنا اقصد لكلايصنا :shiny:

وبعدها بدات الكوارث الطبعية اقصد البشرية :sad:

الي يبكي ولي خنونته تسيل ولي شارد وهوما يخرطوه

فيه ولي باغية ماماها ولي بغي جده ولي باغي ياكل_o: ...........الخ

ايا ويبدا السوط وتبشاش للشعر طبعا للبنات والقريص للشاشرة والبكا يطير وحالتنا حالة :sadwalk:

تقول سجن غوانتنتمو وايا سلكت وقرينا ورانا نخدمو والحمد لله :shay:
​

 

[شجـ الروح ـون]

ياريت ايام الطفولة ترجع
ههه عندي حكايات مع الابتدائي
ان شاء الله لي عودة قريبة
موضوع رائع
شكرا
​

 

[khaLeD CaPaCHiiNO]

أهلا بيك خويا


بلاك كي دخلت نقرا أعضاء بزاف هنا مازال مازادوش هههه​

هههه كل واحد ووقتو صاحبي

 

[khaLeD CaPaCHiiNO]

ههههههههههههههه هدي هايلة ولله انا من ىنشف على روحي في سنة الاولى تامو خلعتني معلمتي كي دخلت للكلاصة انا هربة ومن جابتني تكر فيا وعطاتني طريحة من ثما كرهت لقرايا وجيت انا 36 في القسم هههههههههههههه:sheer:​

36 ؟ هههه
الله يبارك عبقرية من النهار اللول

 

[khaLeD CaPaCHiiNO]

نووووووورمال ...دخلت كان عمري 4 سنين
نروح بالتحلال و الحلوى و الدراهم ......و نرجع بالكف و الركلة بويسك كنت نبكي و اللي نروح معاه نرجع معاه حتى للفصل الثاني باش رجعت نقعد شوية في القسم
علابالكم والفت الضرب و كانو كي يقتلوني ما نبكيش ......والله درت رايي .........هاذيك هي الحياة

باين عليك قبيحة مالا ؟ :shiny:

 

[khaLeD CaPaCHiiNO]

السلام عليكم​

هههه والله ياقصتك انت والمدرسة ههههه
امممم انا ماكانت عندي حتى فكرة على المعلمين , ودخلت نقرا سنة اولى عند عمتي وكنت متعلقة بيها
بزاف على بيها ماحسيتش يستما انا من سنة رابعة حسيت بــ ليكول كي بدلوها وجابولنا معلم آخر ههههه الناس كبرت وانا هذاك وين دخلت نقرا هههه ,نبكي عليها علاش بدلوها عليا والله عجب
اييه وقاع فاتت الايام وحتى انا راني دوزيام جامعة ههه

هيا يعطيك الصحة خويا على الموضوع فكرتنا فالصغر​

اممم مالا كانت ديما تزيدلك النقاط ههه
بلا مزية ختي ربي يوفقك

 

[khaLeD CaPaCHiiNO]

و عليكم السلام​

هههههه عجبتني تاع عمبالك يعطوك تقرا من الورقة ههههه :shiny:
أنا نشفى مليح كان في عمري 5 سنين رحت مع بابا باش ندخل نقرا قالولو مكانش بلاصة :sad:رحنا لمسيد آخر كيف كيف مكانش :sad:و منبعد خاضتني عمري بزآآف و بكيييت :schmoll: :crying_1:
:crying_1: :crying_1: :tears: على خاطر كنت نحب نقرا بزاااف :sadwalk:
و من بعد قالولي العام الجاي تروحي و تفوتيهم كامل :shiny: و فالعام اللي موراه بابا داني معاه و شرالي طابلية خضرا sans manche تشبه ل robe aller بالقفالي بيوضة مدورين
و كرطاب أحمر فيه ميكي :shay:
كنت فرحآآآنة بزآآف ديك الليلة ما رقدتش من الفرحة و الصباح نوضدت كامل خاوتي و قولتلهم رايحة نقرا و هوما يقولولي منآ على أعوام عاوديلنا هاد الغنية و نشوفوك ههههههه
و كي دخلت قعدت في الصف الثاني اللي جهة الباب الطاولة الثانية مع وحدة إسمها أحلام
و المعلمة إسمها مريم و كانت شادة وحد الطفل عند الباب كان يبكي حاب يروح مع جدو اللي جابو
هو يبكي و أنا نضحك و نقولو أرواح لعشية تروح لداركم اليوم نلعبو و نقراو :shiny::shiny: :shay:
زعمة أنا خبرة و قديييمة في le domain ههههههه :shiny:

صحيت الأخ فكرتني بأجمل نهار عندي ​

تشفاي مام على لون الطابلية ؟ هههه الله يبارك :d
بلا صحيت :$

 

[boublal]

إإإإإإإإيه ماتفكرونيش بالأيام الزينة ((بيناتنا أنا أصلا مانشفاش عليها))