الناس كامل تغير من عقليتها مهمها طال الزمان غير حنا

[لاجودان شاف]

الناس كامل تغير من عقليتها مهما طال الزمان غير حنا

السلام عليكم ورحمة الله وبركاته
اهلا بجميع اعضاء اللمة الناس لملاح وان شاء الله راكم ملاح
اليوم ماناش راح نعلقو على لبنات خليهم يروبوزيو شوي حتى اجل لاحق ههههههههههه:shay:
اليوم حبيت نحكيلكم على واحد الامر شفتو بعيني وقاسني وخلاني غير نخمم ونقارن:um_sh:
كيما تعرفو كامل بلي العالم عانا بزاف من العنصرية ومازال للآن
خاصةالعنصرية لي بين الابيض والاسود
وتقدر تقول بلي اول بلد عنصري في العالم هوما الطليان
اليوم ياسيدي قاعد نتفرج في مباراة تاع بالو بين الطليان -وبولندا ..
وانا نتفرج لمحت لاعب مع الطليان كحلوش خلاص
بيان اصلو من افريقيا ودورجين ثاني
نظت قربت وقاعد نثبت بعينيا مليح ايييييييو كحلوش يلعب في الطليان:scared:
في الطليان يعني في النخبة الوطنية تاعهم .....واعرة جدا
هيا وانا نثبت هكذاك حتى عطاوه لابال تيراها واحد التير وماركا واحد البيت بزاف.....
مع ماركا البيت راح يجري ويسلم على لعلام لي في لمايو تاعو:sheer:
ودارو بيه جماعتو بفففففففففففففف واشي هذا ..واش راهو صاري
de rossi هاذاك يسلم ويعاود عليه
pirlo جا من بعيد ونقز عليه وحضنو لراسو
الخاوة تسلم على الراس وتحضن
وشي هذا وين راهو راسيزم تاع الطليان ...وين راهو التكبر
وين راهو جبروت روما القديمة
طلياني يبوس في كحلوش ؟؟؟؟:scared::scared::scared::scared::scared::scared:
يحكي واحد كان يقرا في الطليان قال واحد النهار في محطة القطار
كان كحلوش راقد على الكرسي تاع المحطة جاو جماعة طلاين
كبو عليه شوي بنزين ...لاحو فيه عرف زلاميت ..ضحكو ومشاو
واليوم ....بابابابابابابابابابا
Derossi هذاك عينيه ماهم زرق ماهم خوضر ..عينيه بلوسيال وشقر وقالك جدو لأول جوليو سيزار القيصر
وpirlo شعرو حرير وطايح وعلى وجهو و يبوس في الكحلوش هذا:scared: ومحضنو الراس عند الراس:scared:
بففففف والله حرت هذا كامل يصرا في الطليان في اول بلد عنصري في العالم
وشبيه العالم كامل تربى وكل مرة يدير خطوة مليحة
والله لثم تفكرت كيفاه نتكبرو حنا على بعضانا
وكيفاه كاين ناس مازالت تتمصخر بناس وتستهزأ بخلق ربي
في الجزاير برك لي مازالت مقولة
شوف شوف فلان كيفاه مداير
وفلان يتكبر على فلان
لانو مايعرفش يلبس ولا لان يحرقو قدام الناس لانو من الدوار
وفلان شايخ بفلان ..شوف شوف مايشبه لوالو
والمشكل وين في الجزاير من يتكبر على من؟؟؟
وحنا كامل رانا في الميزيرية سوا:sad:
كيما قالك الشبكة ضحكت على الغربال قاتلو عينيك كبار
مع انو شعب كيما الطلاين من حقهم يتكبرو ويكونو عنصريين
ومن حقهم لو تجي تشوف يعفسو الناس كي تخمم بنظرة اخرى
لانهم الحضارة والعراقة و الزين والعلم ووووو
في وقت لي كانو الناس ما يعرفوش وشي هي النار والماء والتراب
ومايعرفوش بلي كي تلوح الزريعة في لرض راهي تنبت
وماعلابالهمش بلي اليدين راهم للخدمة والرجلين للمشية
الطليان كان عندهم مكتبات يقراو فيها ومسرح يمثلو فيه الدراما
ويهدرو شوي في الفلسفة وبداو يحطو المبادئ الاولية تاع
علم العمارة والعمران
وحنا للاسف التاريخ والعلم والثقافة والزين فاتنا شوي
ومع ذالك متكبرين متجبرين متعنترين ناس كامل تحتنا
ونسبو في الناس ونشيخو بيهم ونستهزأو منهم
وعيينا نقيمو الانسان بمردودو في هاذ الدنيا لا بخليقتو
ومازالنا نحقرو بالعين
وعلاه؟؟؟؟؟؟؟؟؟؟؟؟؟؟​

 

[adel-mz]

سلام
حاجة مليحة الطليان عرف بلي العنصرية ماشي حل وربي خلق الناس سواسية.
نرجعو لبلادنا التكبر داير ظل كبير ،لوكان نحوسو في العالم كلو ملقاوش معجم من الالفاظ نتاع الاستهزاء والتكبر الا عند العرب عموما وعندنا خاصة كل يوم كلمة جديدة (نيقرو ،دواري ،كافي ،جبري ،عروبي ،كعبة ،حابس،......الخ
وهذا كامل معندوش علاقة باخلاق دينا الحنيف
واش نقولك خويا لاجودان الله يهدينا الى الصواب ،ونتمنى ان شاء الله الاقتداء بقول النبي (ص)
لا فرق عربي واعجمي ولا بين ابيض و اسود الا بالتقوى
بارك الله فيك الشاف
​

 

[ماكانش]

يعطيك الصحة يا لاجودان
انا لول بارح عايروني وقالولي يا الشاوي
كون غير قالي يا تونسي ولا يا المروكي بلاك نبلعوها قال عنصرية
المشكل ولاد بلاد وحدة ...
​

 

[Nassim94]

اكيد اخي انا تاني تفرجت الماتش البارح
مي دير في بالك هاداك اللاعب عانا بزاف من العنصرية كي كان يلعب مع الانتير كانو يقولولو القرد عزنا الله
ومع ذلك اصلو من غانو لكن زايد فليطالي وكابر فيها اسمو بالوتيلي
ولكن في كرة القدم اللي يفرح الجمهور يسلمو عليه فالطليان

بصاح ماركة بيت شباب بزاف
هههههههههههههههه
​

 

[nina bonoise]

على ذيك قعدنا روطار متخلفين
​

 

[لاجودان شاف]

سلام

حاجة مليحة الطليان عرف بلي العنصرية ماشي حل وربي خلق الناس سواسية.
نرجعو لبلادنا التكبر داير ظل كبير ،لوكان نحوسو في العالم كلو ملقاوش معجم من الالفاظ نتاع الاستهزاء والتكبر الا عند العرب عموما وعندنا خاصة كل يوم كلمة جديدة (نيقرو ،دواري ،كافي ،جبري ،عروبي ،كعبة ،حابس،......الخ
وهذا كامل معندوش علاقة باخلاق دينا الحنيف
واش نقولك خويا لاجودان الله يهدينا الى الصواب ،ونتمنى ان شاء الله الاقتداء بقول النبي (ص)
لا فرق عربي واعجمي ولا بين ابيض و اسود الا بالتقوى
بارك الله فيك الشاف​

وعليكم السلام
اهلا بيك خويا عادل
والله كيما قلت الطليان فاقو للعنصرية بلي مش حكاية
والعبرة راهي بالخدمة والنتيجة
وكيما قلت مكانش معجم تاع كلمات تاع تطياح وتكبر واتسهزاء كيما عند لعرب
نيGرو...مايشبه لوالو...يشبة لل4 تاع الصباح:scared:
واحد الكنية تاعو الجرد لاخر الكنية تاعو للفعى
والله تحير
وكيما قلت لافرق بين عربي وأعجمي الا بالتقوى
ربي يهدينا
ويعطيك الصحة
:re_gards:​

 

[لاجودان شاف]

يعطيك الصحة يا لاجودان

انا لول بارح عايروني وقالولي يا الشاوي
كون غير قالي يا تونسي ولا يا المروكي بلاك نبلعوها قال عنصرية
المشكل ولاد بلاد وحدة ...​

صحيت آسفيان
صح كيما قلت لوكان قال مروكي تقدر تلصقها في العنصرية والحدود
ولا لو قالك هندي تعبد الفيران ولا فيليبيني تاكل الكلاب
تقدر تلصقها في الولاء والبراء
بصح على شرط انو يكون هو روسي ولا ألماني خادم مارسيداس
+
كيما قلت كامل رانا في مقلة وحدة
كي جبال جرجرة
كي جبال الاوراس
كي جبال التل
كي جبال الهقار
كامل خريجين جبال
يعطيك الصحة​

 

[asma2090]

يعطيك الصحة خويا راك ديما مع مواضيع شيقة ولله يا خويا حتى في الزواج لازم تكون المراة بيضة وسمينة باش تتزوج والمراة الكحلوشة الصمرة الباهية لازملها تقعد تبور وهدا الشئ اللي خلانا متخلفين ​

 

[لاجودان شاف]

اكيد اخي انا تاني تفرجت الماتش البارح

مي دير في بالك هاداك اللاعب عانا بزاف من العنصرية كي كان يلعب مع الانتير كانو يقولولو القرد عزنا الله
ومع ذلك اصلو من غانو لكن زايد فليطالي وكابر فيها اسمو بالوتيلي
ولكن في كرة القدم اللي يفرح الجمهور يسلمو عليه فالطليان ​

بصاح ماركة بيت شباب بزاف
هههههههههههههههه​

ههههههه شفت خويا هاذك البيت بففففففف
زعما pirlo لي حشيشة يديو التير ويماركي من بعيد بصح حتى هو دهش
+
صح بزاف لاعبين عاناو في الطليان ومالزالو شوي للآن
خصوصا مع الجمهور تاع روما
اللاعبين ثاني بسيف لاترباو
علاه ماشفتش لي يقولو الملك toti نهار عفس لاعب اسود على رقبتو
وسامويل ايتو عقدوه كي يجي يلعب في لاروما رجليه يتعوجو
وكيما قلت لي يفرح في البالون هذاك هو
المهم يعطيك الصحة​

على ذيك قعدنا روطار متخلفين​

صح عليها بقينا لخرين
شكرا
:re_gards:​

 

[لاجودان شاف]

يعطيك الصحة خويا راك ديما مع مواضيع شيقة ولله يا خويا حتى في الزواج لازم تكون المراة بيضة وسمينة باش تتزوج والمراة الكحلوشة الصمرة الباهية لازملها تقعد تبور وهدا الشئ اللي خلانا متخلفين ​

يبارك فيك ختي
ايييييييييه خلينا من الراسيزم هذاك تاع الزواج راهو حكاية وحدو
لبيض قالك بغيتها بيضة
ولسمر قالك بغيتها بيضة
ولكحل قالك بغيتها بيضة
وفي الجزاير كاين 2 بيضات فقط
وكيفاه نديرو ؟؟؟؟؟؟؟؟؟
يعطيك الصحة ختي
:re_gards:​

 

[asma2090]

يبارك فيك ختي​

ايييييييييه خلينا من الراسيزم هذاك تاع الزواج راهو حكاية وحدو
لبيض قالك بغيتها بيضة
ولسمر قالك بغيتها بيضة
ولكحل قالك بغيتها بيضة
وفي الجزاير كاين 2 بيضات فقط
وكيفاه نديرو ؟؟؟؟؟؟؟؟؟
يعطيك الصحة ختي​

:re_gards:​

ههههههههههههههههههههههههه ولله قتلتني بالضحك خويا يعطيك الصحة​

 

[إيمان قلب]

السلام عليكم
يعطيك الصحة خويا لاجودان موضوعك هااايل ونظن راه جا مع وقتو
كشما يفيقوا ناس راهي تحسب روحها التطور عندها وحبس
الناس كامل فاقت لروحها غير العرب مازالوا ياكلو غي في بعضاهم
صح نلقاوهم مش مسلمين وعندهم الإسلام واحنا زعما المسلمين ولا أبسط تعاليم الإسلام نتمشاو عليهم
شكرا مرة اخرى لاجودان على الموضوع الباهي , وكيماهاك بعد من مواضيع ليشيرات هوما يديرو عليك انقلاب ههه
"+ تقييم اذا خلاوني نديرو هههه"
سلامي​

 

[*amina*]

السلام عليكم ورحمة الله تعالى وبركاته
والله يا خويا العنصرية مهيش في الطاليان برك
كي كنت نقرا دوزياماني في الجامعة كان يقرا معايا واحد من مالي كحلوش اسمو عبد الله ومسلم
وحد اليوم جات دالتو تاع الاكسبوزي دارو على الريسيزم سقساتو وحدة تقرا معايا قاتلو why did you select this topic??
وسؤالها كان في محلو قلها بلي راني نتعرض للعنصرية ي الجامعة تاعكم(طبعا يهدر انجليزية) قلها وحد اليوم رحت للقهوة قعدت مريح حتى جاو ليا وحد ليجان وبداو يقولولي بالبون (لاعب اولمبي الشلف سابقا) خاطرش نسكن في الشلف
قاتلو زميلتي بصح هذا بالبون لاعب كبير في الشلف قلها i'm no balbon i'm not anyone else i'm abdulah
والله في الحق غاضني بزا وحسيتو صح يعاني مع وضعيتو الصعيبة يقعد ربع سنين باش يكمل القراية ويروح لوالديه ولعائلتو وزيد يتعرض العنصرية بلا منحكي مواق اخرى لهذو الكحاليش لي يقراو معانا بصح بيناتنا غير يشوو شوية اهتمام يديرو قرون هههههههه خلونا مانمنشرش خير

 

[بنـ MaPa ـت]

ايييييييو

هههههه انا وراسك سلفلي هادي يامات ونردهالك راهي عجبتني هههه
يعطيك الصحة خويا
انا تبالي نلها في روحي خير مانشوف للناس مايشوفو ليا كل واحد يعوم بحرو

مرسي على الموضوع
تحياتي
​

 

[hiba14]

عندك الحق احنا قعدنا غي هاك نعسوا في بعضانا و نضحكو قالك المسلوخة تضحك على المدبوحة و المعلقة شبعانة ضحك

 

[تاج الجزائر]

وعليكم السلام والرحمة خويا لاجودان

شتا نقول ولا شتا نخلي راك دايما تجيبلنا مواضيع شابة من الواقع المر لي رانا عايشين فيه

التمييز رانا نشوفو فيه غير عند العرب مشي حاجة تغيض الواحد

ولا حتى واحد ما يقادر خوه المعايرة طير في وجه وفي الكفا لا حشمة لا حيا

تلقى واحد يعاير في خوه وهو اصلا كثر منه يجي الواحد يبغي ينصح يقولك بركا ما

تتفلسف علينا

ما يخلو هاد عوج هاد عور هاد كحل هاد سنه طايره

هاد حاسب روحه هاد ميعرفش يلبس

هاد فيه حبة في راسه

....................والخ من التمسخير وقلة التربية

على هاديك قاع ما طلعناش

المشكل لي حنا مسلمين والاغلبية مخالفين الشريعة الاسلامية بقلة العقل والتفكير

الله يهدي ما خلق


​

 

[لاجودان شاف]

ههههههههههههههههههههههههه ولله قتلتني بالضحك خويا يعطيك الصحة​

ههههههههه هيا مليح​

السلام عليكم​

يعطيك الصحة خويا لاجودان موضوعك هااايل ونظن راه جا مع وقتو
كشما يفيقوا ناس راهي تحسب روحها التطور عندها وحبس
الناس كامل فاقت لروحها غير العرب مازالوا ياكلو غي في بعضاهم
صح نلقاوهم مش مسلمين وعندهم الإسلام واحنا زعما المسلمين ولا أبسط تعاليم الإسلام نتمشاو عليهم
شكرا مرة اخرى لاجودان على الموضوع الباهي , وكيماهاك بعد من مواضيع ليشيرات هوما يديرو عليك انقلاب ههه
"+ تقييم اذا خلاوني نديرو هههه"

سلامي​

اهلا بيك اخت ايمان
علابالي بلي موضوعي هايل ههههه
كيما قلتي العالم كامل فاق بصح توجور لخرين
وزيدي شكون حنا واش درنا باه نتكبرو
+
هههه راهي جاية مواضيع على الشيرات قاوية بزاف ..خليناهم يريحو برك شويi-o:
+
معلش غدوة وقيمي مكانش مشكل
تقراو بلاش نتوما هههه
يعطيك الصحة
:re_gards:​

 

[لاجودان شاف]

السلام عليكم ورحمة الله تعالى وبركاته
والله يا خويا العنصرية مهيش في الطاليان برك
كي كنت نقرا دوزياماني في الجامعة كان يقرا معايا واحد من مالي كحلوش اسمو عبد الله ومسلم
وحد اليوم جات دالتو تاع الاكسبوزي دارو على الريسيزم سقساتو وحدة تقرا معايا قاتلو why did you select this topic??
وسؤالها كان في محلو قلها بلي راني نتعرض للعنصرية ي الجامعة تاعكم(طبعا يهدر انجليزية) قلها وحد اليوم رحت للقهوة قعدت مريح حتى جاو ليا وحد ليجان وبداو يقولولي بالبون (لاعب اولمبي الشلف سابقا) خاطرش نسكن في الشلف
قاتلو زميلتي بصح هذا بالبون لاعب كبير في الشلف قلها i'm no balbon i'm not anyone else i'm abdulah
والله في الحق غاضني بزا وحسيتو صح يعاني مع وضعيتو الصعيبة يقعد ربع سنين باش يكمل القراية ويروح لوالديه ولعائلتو وزيد يتعرض العنصرية بلا منحكي مواق اخرى لهذو الكحاليش لي يقراو معانا بصح بيناتنا غير يشوو شوية اهتمام يديرو قرون هههههههه خلونا مانمنشرش خير

وعليكم السلام ورحمة الله وبركاته
صحيحة ختي هاذوك الكحالش يعانيو من الراسيزم بزاف هنا
بصح لي ناس ملاح منهم فقط
نتي متعرفيش الكحالش الثانيين كيفاه مدايرين
والله من اخطر الناس ..يسرقو ويقتلو رايح...يديرو كلش
وهكذا عندهم عقدة من العبد الابيض
يحاول باي طريقة ياذيه
يعطيك الصحة ختي
:re_gards:​

 

[لاجودان شاف]

ايييييييو​

هههههه انا وراسك سلفلي هادي يامات ونردهالك راهي عجبتني هههه
يعطيك الصحة خويا
انا تبالي نلها في روحي خير مانشوف للناس مايشوفو ليا كل واحد يعوم بحرو​

مرسي على الموضوع
تحياتي​

هههه معلش نسلفهالك
زيدي كولي ولا اشربي حاجة تعيشي هههه
+
هيا مليح وتهنيتي
مشكوووورة بالشكاير
:re_gards:​

عندك الحق احنا قعدنا غي هاك نعسوا في بعضانا و نضحكو قالك المسلوخة تضحك على المدبوحة و المعلقة شبعانة ضحك

ههههههههه مليحة هاذي بزاف
ونسيتي المعلقة تضحك على لي راهي تتشوى
ولي راهي تتشوى تضحك على لي داروها قديد هههههه
يعطيك الصحة
شكرا
:re_gards:

​

 

[*amina*]

وعليكم السلام ورحمة الله وبركاته
صحيحة ختي هاذوك الكحالش يعانيو من الراسيزم بزاف هنا
بصح لي ناس ملاح منهم فقط
نتي متعرفيش الكحالش الثانيين كيفاه مدايرين
والله من اخطر الناس ..يسرقو ويقتلو رايح...يديرو كلش
وهكذا عندهم عقدة من العبد الابيض
يحاول باي طريقة ياذيه
يعطيك الصحة ختي
:re_gards:​

والله يا اخي مكنتش رايحة نقول خرابيبهم بصح هدرت رايحة نقلك
والله انا شايفتهم قبل متقلي العام هذا قبل منتخرج كانت تقرا معانا وحدة سموها فانيسا نظن من غانا او غينيا ضربت صحبتي مسكينة ذنب صحبتي انوكانت مبارة بين هدو الكحاليش والبيض تاوعنا مالا صاحب هذي فانيسا كان يضيع في الوقت كانت صحبتي تتفرج سقساها واحد قلها هذاك واش اسمو لي راه يضيع فالوقت (البوي فرند تاع فانيسا) صحبتي قاتلو اسمو اوديلو عليها وتجي فانيسا مبرزة على صحبتي بدبزة في الذراع قاتلها علاش قلتيلو اسمو المباراة حبست وجاو يفكو في المداقة وفانيسا تعيط وتقلهم let me kill her let me kill her let me kill her صحبتي انخلعت قاتلها مسكينة اس فانيسا قاتلها am'i mskina?? معقدين مساكن
والعام لي فات تفاتنو عند باب الجامعة بالكراسة والطوابل والموس ربي ستر حتى دخل الامن
وفي الاقامة تاع لبنات مرة دخلت ليها دايرين العجب يتكيفو ويدروgو حاشاكم وصوالح حدث ولا حرج
اما لي تنارفي انو احنا كنا نعانو مع لي كارت تاع الكوس وتاع الدخلة من الباب وتاع الريسطورونت ولاشان في كل دورة وفي كل وقت وهوما يجو مع التالي يركبو صون كارت ويفطرو بلا ميديرو لاشان فالحق والله مفطرت في المطعم الجامعي بصح شفت مرة بعيني كيفاش جازو بلا لاشان
وامور بزاف يديروها تنخلع كيفاش هذو مسلمين وكاين طبعا مسيحيين يقراو معانا تنخلع فيهم وفي عالمهم يغيضوني مساكن مين ميعرفوش ربي