- إنضم
- 19 جانفي 2010
- المشاركات
- 1,347
- نقاط التفاعل
- 1,084
- النقاط
- 71
السلام عليكم ورحمة الله تعالى وبركاته
بسم الله نبدا اليوم جبتلكم من مطبخي المتواضع رشتة بطريقة جديدة
رشتة عجينتها وطريقة التحضير مثل المعتاد الفرق برك انها ماشي طويلة مقطعة صغيرة جوزتها
فسيار نتاع الشخشوخة ويبستها مثل ما موضحة فالصورة
نحطلها شوية زيت باه كي نفورها ما تلسق
نروحو للمقادير
بصل
فصوص ثوم طماطم
خضرة على حساب الرغبة انا استعملت (كورجات ولفت )
توابل + ملح + مغارف زيت + ماء للتمريق + حمص مشمخ + جاج
التحضير
نسكرفج البصل وفصوص الثوم والطماطم ونضيف التوابل وشوية زيت ونخليهم على نار قليلة يتقلاو
بعد ما تتقلا نضيف الجاج ونقلبو حتى تتشرب لصوص فالجاج
وبعدها نمرق ونضيف الحمص والخضر
مثل ما هي فالصورة
وبعد ما تغلي القدرة نحط الرشتة تتفور
بعد ما تفور اول مرة نبللها بشوية ما ونخليها ترتاح شوية ونزيد نعاود نفورها ونعيد نفس المرحلة حتى نشفوها رجعت طرية ونفورها أخر مرة وندهنها بالزبدة
وهذا شكلها النهائي بعد ما طاب كلش
أن شاء الله تكون عجبتكم متبخلونيش بالردود والتقييم الا نستهل:sheer:
سلام
