هاذي هي عقليتنا في الدار ............... ونتوما؟؟؟؟؟؟؟؟؟

[سلفي والحمد لله]

السلام عليكم وشراكم لاباس الحمد لله
ربي يحفظكم كامل
حبيت نحكيلكم اليوم على واحد العقلية في دارنا زادت عليا وعييت نغيرها في الدار واكيد كل اسرة في الجزاير عندها عقلية تمشي عليها
العقلية اسيدي تاعنا في الدار هي لازم يجي الحاج بابا باش نتغداو لو كان مايجيش نبقاو هاكاك نسناو
اففففف كرهت حاياتي لبارح جوايه الثناعش وقت لغدى بديت نعيط آمّا وجدت لغدى
هيه وجدت
سكت زدت شوي 12.15 آمّا وجدينا نتغداو
اصبر يجي باباك
12.30 هيا مّا ماناش راح نتغداو
قالتلي حتى يجي باباك
زدت سنيت ومن بعد قلتلها آمّا وجدي المايدة حتى يجي عجبتها الفكرة

ايا بدات توجد تحط تحط تحط حتى حطت كلش قدامي وجات سماتني وبقينا في زوج نتفرجوا في بعضانا ونسناو حتى يجي بابا
المهم انا بديت زعمة ندير في روحي ماعلاباليش وبديت ننتش بالشوي
زمان ندي خبطة على اليد ههه
حبس يجي باباك قلتلها راني ناكل في السلاطة برك سكتت حتى قريب توصل الوحدة وماجاش
لثم قالتلي عيط لباباك قولو وين راك
عيطلو قالي راني جاي قريب نوصل للدار معليييييش
ايا مع وصل بدا يعيط اففففف كرهت حياتي هذا سنيناه ساعة ومن بعد جا بدا يعيط على منعرف وش قالي دير ونسيت مادرتش هههه
ومن بعد تغدينا في سعادة وهناء هههه
المهم هاذي هي العقلية تاعنا في لغدى وفي لعشى كل يوم هاك ومعندكش حق تاكل وحدك
منعرف وكتاش لواحد يولي في دارو وحدو ياكل كيما يحب ههه
ونتوما باين عندكم عقليات في داركم وكل دار مختلفة على لخرى لي يقدر يحكينا شوي يحكينا
ايا بالسلامة عليكم​

 

[لاجودان شاف]

السلام عليكم
صحيت السالافي
هاذي زعما يديروها لgور
لازم يتعشاو مع بعضاهم وكي يتلاقاو على المايدة
يحكمو يدين بعضاهم ويدعيو زعما
باه تكون البركة
انا مافهمتش يعني كي تسنا باباك باه يجي وتضرب معاه عدس
وش معناها
يعني رح تتبدل بنة العدس تولي تشوف فيه ستاك
نتا لي راخف روحك
انا كي نبغى ناكل ديراكت للكوكوطة
لاباباك لا مك
ديجا ماما :scared:لي دارت لغدا وتعبت عليه ومانسناهاش هههههههه
​

 

[أم راضية ~_]

و عليكم السلام ورحمة الله وبركاته
أووووه عادة مليحة بزاف :re_gards:
حنا عكسكم تماما كل واحد و كيفاش على خاطر بابا كل نهار و وقتاش يدخل للدار و خاوتي واحد يقرا و واحد مع صحابو ينسى روحو وو
إلاّ أنا عضوة دائمة في الكوزينة :shiny:و أي وقت متواجدة فيها باش نغسل لماعن تاعهم بالواحد كلما نكمل الغسيل و التخمال حتى يجي آخر نسقيلو و نسناه ونعاود الخدمة
عادتكم مليحة بزاف على خاطر تحافظ على هداك الجو الأسري و الدفء العائلي
نتمنى نكونو هكدا في دارنا بصح ..... الله غالب
عندي شهر رمضان و 6 أيام تاع شوال وين نفرح بهاديك اللمة
ربي يجمعكم ديما فالخير و يدوم المحبة بيناتكم ​

 

[سلفي والحمد لله]

راهو جاي​

جيب معاك التاي ولا ما تجيش

 

[لاجودان شاف]

جيب معاك التاي ولا ما تجيش

ههههه
جبتلك واحد من عند عيسى السوفي
خادمو بالشب:scared:​

 

[ISMA.dz]

السلام عليكم

المهم فطرت وشبعت بصحتك

احنا تان هاك بالصح العشا برك الفطور كل واحد وين هامل

يقولك ماكلة الجماعة تجي فيها البنة

انا مازال مادقت البنة ههههه

يقولك العرب صف صف واليهودي وحدو

موت بالجوع واستنا باباك العزيز

هاذي هي القوانين هههه

سلام​

 

[سلفي والحمد لله]

السلام عليكم

صحيت السالافي
هاذي زعما يديروها لgور
لازم يتعشاو مع بعضاهم وكي يتلاقاو على المايدة
يحكمو يدين بعضاهم ويدعيو زعما
باه تكون البركة
انا مافهمتش يعني كي تسنا باباك باه يجي وتضرب معاه عدس
وش معناها
يعني رح تتبدل بنة العدس تولي تشوف فيه ستاك
نتا لي راخف روحك
انا كي نبغى ناكل ديراكت للكوكوطة
لاباباك لا مك
ديجا ماما :scared:لي دارت لغدا وتعبت عليه ومانسناهاش هههههههه​

هههههههه صحيت يخي قلتلكم بلي راني gاوري
وشيهو عبد الوهاب لي فلسني هههه
وليوم هذاك كان غدى لوبيا بالكرعين هههههه
وزيد ناكلو ومتقابضين يعني مايش عقلية
وحنا لولاد طولت ولا قعدت يتغداو نورمال مايسناوش
ويقولك لي غاب غاب سهمو هههه
حبيب عايش باربو علينا هههه​

 

[امين 22]

اانا درك نحكيلك على العقلية في دارناا


يجي شايب ولا ميجيش متعشي متعشي ومولا القوا هو الي ياكل وعندنا لعجوز كبيرة شوية

تغسل روحك ولا تدي لتكري سااج

نبات لبرا نقصر ندخل مع 12 لفوق يعني دارنا واحد معلبالو بواحد مي كي تترسا لصح يقفو معيا خاوتي

مشاكل مكانش بزبيب

ولمبيونص ديما



يعني حنا عايلة هايلة بكل اختصاار

 

[bachboucha]

ههههههههههههههههههه ايا مليحة كي تتلمو ... انا فدار بابا كنت نقول ديما علاه السبة لكبيرة نتاع اللحم و ديسار ياكلو بابا و حنا نقسمو واش بقا اذا الحاج خلالنا ههههه مي كي تزوجت لقيت روحي ناكل وحدي كي الباص كي نجوع و نزيد ناكل مع راجلي كي يدخل باه مايكلش وحدو و الفايدة قريب نولي حجم عائلي من كثرة الأكل
المفيد ف دار بابا اللي قفز الاول ياكل و الباقي طفرت فيه ههههه انا جامي لحقت على اللحم و الديسار نلحق غير كي دير ماما لوبيا و حمص لباقي نشم الريحة و نلحس القدرة بالخبز ادا لقيت ادا مالقيتش بالبقايا ههه ايييييييه يامات الزينة اللي راحت استمتع بالماكلة نتاع الحاجة ربي يحفضهالك تتزوج ماتعجبكش ماكلة المرا جديدة فالميدان هههه

 

[سلفي والحمد لله]

و عليكم السلام ورحمة الله وبركاته​

أووووه عادة مليحة بزاف :re_gards:
حنا عكسكم تماما كل واحد و كيفاش على خاطر بابا كل نهار و وقتاش يدخل للدار و خاوتي واحد يقرا و واحد مع صحابو ينسى روحو وو
إلاّ أنا عضوة دائمة في الكوزينة :shiny:و أي وقت متواجدة فيها باش نغسل لماعن تاعهم بالواحد كلما نكمل الغسيل و التخمال حتى يجي آخر نسقيلو و نسناه ونعاود الخدمة
عادتكم مليحة بزاف على خاطر تحافظ على هداك الجو الأسري و الدفء العائلي
نتمنى نكونو هكدا في دارنا بصح ..... الله غالب
عندي شهر رمضان و 6 أيام تاع شوال وين نفرح بهاديك اللمة

ربي يجمعكم ديما فالخير و يدوم المحبة بيناتكم ​

يعطيك الصحة ختي بصح بزاف عليك كل دقيقة ونتي توجدي وتهزي في الصحونة
نقولك حاجة ديريلهم قانون قال 12.30 نحط لغدى لي يجي اللهم بارك ليمايجيش يعوم بحرو
ذرك بالشوي يتروداو
بصح وشمن دفئ اسري والجو العائلي مكان والو هههه غير لعياط ومثلا اذانسات ختي الماء ولا حاجة
هي تقولي روح جيبها من قبيل وانا نايضة وانا نقولها نوضي نتي لي وجدتي نتي لي تكملي حابسة
وشوي هاك توقع الحرب ههههه​

 

[ماكانش]

عقلية مليحة
حنا مانقدروش نستناو في بعضانا ماتكفيناش الكوزينة ههههههه
كل واحد ياكل الوقت الي يحب الله يسهل ههه​

 

[لاجودان شاف]

وحنا لولاد طولت ولا قعدت يتغداو نورمال مايسناوش​

هههههه شفت شفت
مك تقادر غير باباك
زعما مولى بيتها وحكايتهم قديييييمة
زعما وما الحب الا للحبيب الأول
هيا الي .......
وهو تلقاه كل يوم يسنا فيها وكتاه تموت باه يجيب انوشة مليحة
هههههههههه
+
ابقا كول مع باباك ومك هههه
جامي ذقت في حياتك عدس مع شوي حنان i-o:​

 

[سلفي والحمد لله]

ههههه

جبتلك واحد من عند عيسى السوفي

خادمو بالشب:scared:​

ههههههههه
كون ما جبتليش راني نبات عساس ههههه​

 

[لاجودان شاف]

ههههههههه


كون ما جبتليش راني نبات عساس ههههه​

اضرب فيها روضة:scared: ذرك ترقد وتنام روحك ديت ميداياi-o:​

 

[السلطانة]

وعليكم السلام
راك ناشط لي جور هادو الله يبارك ههه
عجبني الموضوع بزاف
حنا معندناش العقلية هادي في الدار

لابطا كاش واحد عقاب ليه ياكل وحدو ههه
وقت لغدا 12
ووقت لعشا بعد صلاة العشاء

ومام يكون بابا بعد منستناوهش ههه


تحياتي
​

 

[سلفي والحمد لله]

السلام عليكم​

المهم فطرت وشبعت بصحتك​

احنا تان هاك بالصح العشا برك الفطور كل واحد وين هامل​

يقولك ماكلة الجماعة تجي فيها البنة​

انا مازال مادقت البنة ههههه​

يقولك العرب صف صف واليهودي وحدو ​

موت بالجوع واستنا باباك العزيز ​

هاذي هي القوانين هههه​

سلام​

ههههههه يعطيك الصحة صح في ديننا قالك الرسول صلى الله عليه وسلم طعام الواحد يكفي الاثنين وطعام الاثنين يكفي الثلاث وهي ماشية يعني كي ناكلو مع بعضانا تكون لبركة
هذا وين فهمت علاش بابا ولفنا هاك باش يقتاصد ويدير الدراهم
كي ناكلو كل واحد وحدو ما تخرجوش هههه
يصرف بزاف هههه​

 

[سلفي والحمد لله]

هههههه شفت شفت

مك تقادر غير باباك
زعما مولى بيتها وحكايتهم قديييييمة
زعما وما الحب الا للحبيب الأول
هيا الي .......
وهو تلقاه كل يوم يسنا فيها وكتاه تموت باه يجيب انوشة مليحة
هههههههههه
+
ابقا كول مع باباك ومك هههه

جامي ذقت في حياتك عدس مع شوي حنان i-o:​

ههههههههه هيه صح هوما لازم نسناوهم وحنا لالا
حتى الما ساعات تبقى تصلي وحنا نسناو كامل ههههه
زعمة عايشين قصة حب لا تنتهي للابد و مهما طال الزمن واشتدت الصعوبات الا انهم متواعدين يبقاو ياكلو اللوبيا مع بعضاهم فور ايvر ههه
​

 

[ISMA.dz]

ههههههه يعطيك الصحة صح في ديننا قالك الرسول صلى الله عليه وسلم طعام الواحد يكفي الاثنين وطعام الاثنين يكفي الثلاث وهي ماشية يعني كي ناكلو مع بعضانا تكون لبركة
هذا وين فهمت علاش بابا ولفنا هاك باش يقتاصد ويدير الدراهم
كي ناكلو كل واحد وحدو ما تخرجوش هههه
يصرف بزاف هههه​

ههههههه مزيا فيقتني باش نبدل العقلية​

 

[سلفي والحمد لله]

اانا درك نحكيلك على العقلية في دارناا


يجي شايب ولا ميجيش متعشي متعشي ومولا القوا هو الي ياكل وعندنا لعجوز كبيرة شوية

تغسل روحك ولا تدي لتكري سااج

نبات لبرا نقصر ندخل مع 12 لفوق يعني دارنا واحد معلبالو بواحد مي كي تترسا لصح يقفو معيا خاوتي

مشاكل مكانش بزبيب

ولمبيونص ديما



يعني حنا عايلة هايلة بكل اختصاار

مليح باين امبيونص كبيرة في داركمربي يدومها
وياخويا حنا والله للذرك كي تجي خارج تقولك مك وين رايح تبان لارمي يالطيف بابابابا
منعرف وكتاش لواحد يولي في دارو يكوموندي شوي ندير رايي في مرتي نشربها لمرار هههه
كل حاجة لازم تشرحلي علاش دارتها ههه​

 

[*امينة*]

انا نتمنى هاد القعدة الشابة
بصح للاسف بابا خطرات معنا وخطرات لا
وخوتي قاع شاشرة ما عندهمش هاد القعدة دخل لدار يقولك راني مقلق مانستناش
العشا غيرمين يكون بابا معانابصح تطفر فيا نقعد عايشة اللحظة وننسى روحي
عادتكم مليحة بزااااااااف ربي يحفظكم



​