امي ولا عجوزتي؟؟؟؟

[اشتك]

السلام عليكم

واش راكم لباس عليكم ولا عليكم لباس

هادا اشتك باغي يتناقش معاكم في وحد الموضوع

واش قلتو تناقشوه ولا لالا

ايا نبداو

هادي وحد القصه خلاتني بلا عقل

وحد الراجل مسكين صرالو وحد المشكل داخ فيه و دوخني معاه

هادا اليوم حب يروح يحوس هوا و المدام تاعو هيا قالتلو ندو معانا ماما امها هيا طبعا

ايا قالها اوك معليش امو تاني قاتلو نروح معاكم يا وليدي و انا لمن تخلوني هنا

كي خبر مرتو قاتلو ياما اوكي مي امك لالالالالالالالالالالالا

انا رايحه نحوس ماشي رايحه نتكفل بعجوزه كيما امك

هوا تعلق في النص مسكين معرف يرضي امو ولا مرتو ؟؟؟؟؟؟؟؟؟؟؟

اي دركا واش من خير راح يجيك من مراء كيما هادي

ربي يستر و يحفض انا على روحي لوكان يقدر عليا ربي بمراء كيما هادي منخليهاش تزيد نهار في داري

على خاطر اوك مرتي و عندها حقوق و اولويات مي امي تاني كيما هيا و امي اكثر مهما دارتلي مرتي ماشي راح تجيب ليله برك من لي صهرتهم عليا يما

و انتوما واش رايكم واش يعمل المسكين راه تبدل عليه البرنامج كامل

​

 

[*امينة*]

مسكين هذا الراجل صعيبة عليه بزاااف
ماصعيبة ماوالوا يقول لمرته بغيتي تروح معنا الشيبانية اهلا وسهلا مابغيتيش نديها ونروح غير انا وياها
ياااو الام الام حتى واحد مايعوضهااا
والله يهدينا
شكرا على الموضوع
تقبل مروري
​

 

[أم راضية ~_]

سلآام
في رايي مرتو لازملها تأديب !! :santa_1:
ماشي حق عليها كامل :schmoll:
لوكان جيت في مضربو نبطل نقولها يا في زوج يما و يماك؟ يا غير أنا و ياك ؟
لا مجال للتغليب ،و إنما المساواة كيما هي تحب يماها هو تاني عندو يماه
الله يهدي النسا هادو :sad:

​

 

[لاجودان شاف]

السلام عليكم
مايديهمش في 3 يحوسو
ويتهنا​

 

[bachboucha]

ايييييييييييييييييييييييييييه الام واعرة كي تكون ف النص مي كانو شي عجايز والله العضيم تعاشر 100 راجل فالسين و ماتعشرش واحدة فيهم سال المجرب ماتسالش الطبيب و كاين تانيك شي عرايس ماكانش خلاص الرحمة كاين و كاين
هاد الراجل مايادي حتى وحدة حتى يتفاهمو ...

 

[سمو الأميرهـ]

هذا اصلا امر ما يحيّر ما والو ساهلة ماهلة
قولو يدي امو ويخلي مرتو ويماها عقاب ليها
ديجا هذي كون جات تفهم ماتديرش هكا خلاص ،ترضاها لأمها لو مرت خوها دارت هكا؟؟؟؟
كاين شي نسا تحير فيهم صح
ربي يهدي ولا يدي
المهم يا خويا هاذ القصة كانت قريتها واحد الوقت في النت واحتفظت بيها عجبتني فيها عبرة
قولو يقراها ويندب على زهرو ههههه ، قولو لي مافيهش خير في امو مافيه خير حتى في واحد
تفضل



السلام عليكم و رحمة الله و بركاته,,

أحب أحد الشباب إحدى الفتيات حباً شريفاً , فأرسل من يتوسط لدى أهلها ليخطبها
فرحب أهل الفتاه وأبلغوه بعدم وجود أي مانع , غير أنهم يريدون أخذ رأي البنت تطبيقاً للسنه
وعند سؤال الفتاه قالت : ليس لدي مانع غير شرط واحد وهو أن يخرج والدته من البيت أو أن يكون لها بيت لوحدها
فعاد رسول الشاب إليه فأبلغه شرط هذه الفتاه التي أرادها زوجةً له
فقال : أبلغوها ليس لدي إخوان أترك والدتي عندهم , فأنا وحيدها ولن أفعل ذلك . ولو كانت بعصمتي لطلقتها .
وأنشد هذه القصيده ...

علمت ملهوف الحشا مرسل ٍلي <><> رسالتن تجعلني أفـرح بفرقـاه
إن كان ماقصد الحبيـب تغلـي <><> ماقبلك يالمرسول لانته ولاايـاه
أمي ليا شافـت خيالـي تهلـي <><> ولا الغضي لا شاف غيري تحلاه
ماانسى سنين ٍ درهـا سقتلـي <><> اركب على المتنين واقول يايـاه
الوالـديـن بقلبـهـم محـلـي <><> معروفهم مع طول الأيام مانسـاه

وبعد أن وصلت هذه الأبيات إلى مسامع هذه الفتاه وافقت على الزواج منه على الفور
وقالت : من فيه خير في أهله , فيه خير للناس . ومن حفظ والدته سيحفظني


قصتي هذه عبرة لمن ضيع حقوق والديه وقدم عليهما الأمور الدنيوية الفانية

طبعآ القصه منقوله


تقبّل مروري :re_gards:+تقييم

 

[podolsky]

السلام عليكم

انا في نظري لمجرد انو يحتار ولو لثانية هذا عار عليه تجاه اامو

غيرر يما الي مانلعبش معاها
واشمن مرا هذي
قولوا يروح هو ويماه وحدهم يحوسوا
ويراجع امور مع هذي المصيبة الي صلطها عليه ربي

 

[meriem150491]

كون ريحو في الدار يشمسو وخلاص [

+ وكون صرفقها بكف دك تشوف النجوم تفيق لعمرها لا تبالها اي تورني في مسلسل مسكينة/center]​

 

[ام أمينة]

لا حول و لا قوة الا بالله العلي العظيم
يا خويا هادي ناقصة عقل لوكان جات تخمم برك
شكون لي جابت راجلها ماشي عجوزتها
و فالصح لي يدير الخير في يماه تكمل الخير لعجوزتها

ربي يستر هادا مكان
تحياتي
​

 

[nawal 88]

لوكان جيت منو نخرج ما ونسيبتي ونخليها هي فدار كي الغولة​

 

[اقبال1]

ما نيش حابة نزيد على واش قالت الاخت سمو الاميرة بسكو هدرتها كفات و وفات ..بارك الله فيها


كاين حاجة يسموها عند هذا الرجل " انطلقي لداركم و الحاجة تاع ماما تروح تخرج معايا نحوسو "

المرا لي تشرط لراجلها في امو جامي تكون مرا تاع اصل و مربية ..


ربي يكون في عون هاذو رجال تاع اخر زمن يقلك مي الحاجة تاني قوات قاع ما تخليناش نخرجو وحدنا ..

يا لي يسموك راجل هاذي لي قوات عليك هي مرا تعذبت و سوفرات و صبرت على جال باه تكون ذوك راجل زعما مزوج و المرا تحكم فيك ..7

ربي يهديهم

 

[الخيزران]

السلام عليكم




انا رايحه نحوس ماشي رايحه نتكفل بعجوزه كيما امك
قالتلو هذا الكلام ومازالت في ذمتو ؟ عجبت لك يازمن

هوا تعلق في النص مسكين معرف يرضي امو ولا مرتو ؟؟؟؟؟؟؟؟؟؟؟
علاه يتعلق خلاصو النساء؟ راهم كالبرغوث
واذا رضى بهذا الشيء ربي يعلقوالى يوم البعث

​

على القارعة:
حنا العجوز ما تروحش لدار نسيبها وما عندها حتى صلاحيات ولا تحواس مع بنتها و راجل بنتها
ونعرف شيء عجايز والله يحشمو من ازواج بناتهم .

 

[βǻŋǾừŧά ₡ǖŦё]

هههه يا الزمان قالتلو هكا
ماصعيبة فيها والو
جيت منو نركبهم الزوج ونديها
نحطها ماين جبتها من دار باباها
ونكملو انا وماما ندورو
وحدناااااا​

 

[المتادورالمازق]

الله يسترنا ويرزقنا بمراة صالحة:shay:

 

[soussou27]

السلام عليكم و الله العظيم هذا النساء يديرو مشاكل لروحهم واش فيها اذا راحت يماها و يماه و هي برك كبرتها بزاف يقولوا صحاب بكري الخير مراء و الشر مرا اذا كانت المراء مليحة ما يكونش المشاكل و المراء راني نقصد الزوجة و الام او العجوزة بشكل عام يعني
الله يهدي ما خلق

 

[خلود 27]

تبانلي هادي يروح يحطها في دار امها تشبع تحواس معاها مرا كيما هادي واش يدير بيها بفففففففففففففففف غير قريتها قنطتني

 

[touffik]

بنت لى تقول هك
مرهش بنت فميلة




انا رايحه نحوس ماشي رايحه نتكفل بعجوزه كيما امك

 

[***سوسن الجزائرية]

والله غير تفكير عجب
يماها تديها ويماه لالا
بصح نقلك عقليات كيما هدو شفتهم بزاف.
لوكان قاللها أقعدي خلاص أنتي ماشي تع الخرجات.
+ عندها الجرأة باه تحكم فيه على يماه ؟؟ سبحان الله العظيم

شكرا لك.
​

 

[اللـــ فراشةـــمة]

لاحول ولا قوة الا بالله في نساء عار على النساء كما تعاملين أمك عاملي حماتك، الله يسترنا على قول المثل ( يلا تفاهمت العجوز والكنة حتى بليس يدخل للجنة)

 

[Melia azedarach]

لو كان جيت في بلاصته الكف ونقلها طيري لدار امك تشدك عندهـا
والله النسا هبلو كامل ...وما بقا فيهم عقل وما يليقلهم غير الضرب يسقمهم ..
هذي المرة باينة عليها راجلها هذا جايح ميعرفش يربيهـا ..وجاي يحير قلو من عندي كففلهـا ..متديرش مشاكل