- إنضم
- 3 أوت 2010
- المشاركات
- 3,882
- نقاط التفاعل
- 4,446
- النقاط
- 1,516
- الجنس
- أنثى
السلام عليكم و رحمة الله تعالى و بركاته
واش راكم ناس اللمة ؟ إن شاء الله راكم آنتيك
و صحاب الليسي راكم في فترة إختبارات روحو تراجعو على رواحكم ، بارسكو علابالي راكم هردتوها كي خيتكم في الفروض:shiny: .
راني جيت اليوم نخربش هنا عندي بزاف ما حطيتش موضوع في واش راك تهدر ، المهم راني جيت و الكراس في يدي آني زعما نريـvــزي للكومـpـوزيسيون
، خلونا ندخلو للموضوع بدون مقدمات ...
البارح قاعدة ماما تحكي مع خالتي راكم تعرفو حكايات النساء ما يخلاصوش
، و أنا قاعدة عين على الكراس و عين عندهم
مقابلتهم نسمع فيهم واش يحكو وساعة على ساعة نخلط عليهم بكلمة
... أيا حكاية ورا حكاية حتان جبدو موضوع على وحد العايلة اللي هي بيت جيران خالتي ، قاتلك هذا واحد الشيخ عجوزو ماتت صافي longtemps و عندو بنات كبار مي ماشي مزوجين ، و أولاد مزوجين و ساكنين معاه ، كاين غير واحد برك ماشي ساكن معاهم ، الشيخ هذا قبل ما تموت عجوزتو كان بصحتو لاباس عليه مي ضرك راه مريض و راح عقلو ماعادش فايق كامل واش راه يدير و لا واش راه يهدر كما نقولو حنا خَرَّفْ ، كي وصل لهاذي الحالة بناتو و أولادو تخلاو عليه ماعادش يهمهم باباهم كامل ( ما يوكلوه
، ما يبدلولو قشو ولا الفراش ، ما يدوشوه ، ما ينظفولو شمبرتو
...) يعني مهمشينو
، بصح ابنو هذا اللي ماشي ساكن معاهم يحب باباه بزاف كل يوم يروح ليه يدوشو و كاشما يصرفلو يوكلو ، يعني قايم بيه كما تقول الشريعة ، واحد المرة راح يشوف فيه لقاه في واحد الحالة ربي سبحانو عالم بيها ، قالهم و علاش خليتوه هكذا ؟ يعني كون منجيش أنا واحد ما يقوم بيه ؟ عاونوني فيه بزاف عليا وحدي أنا ، قالهم أنا ما عييتش بـ بابا مي راه عندي دار و أولاد و مسؤوليتهم ماشي ساهلة
، نتوما راكم ساكنين معاه قومو بيه يخي راه باباكم ماشي عبد واحدوخر
، قالولو '' حنا كي نكبرو شكون يقومنا
'' شوفو هذيك العقلية
، و قالولو ثاني '' إذا ما عجبكش الحال هكذا أديه لدارك و قوم بيه كما تحب '' يا ليلي يا عيني يخرجوه من دارو و يريحو هوما كي الأمورات
، قاللهم '' و الله مليحة هذي يخرج من دارو و يروح يعيش عند ابنو، نتوما لي تخرجو من هاذي الدار، هو بناها باش يتلم فيها في كبرو ماشي يقعد يتلاوح في ديار الناس '' ...
هذا ملخص الموضوع فقط ، حبيت نوصّلكم بلي الوالدين نعمة من عند ربي سبحانو ، كاين واحد شاتي أب و لا أم و كاين واحد مهمشهم و يزيد يخرجهم من دارهم ... و نوصيكم نتوما ناس اللمة أتهلاّو في والديكم بزاف و ما تديروش كما هاذ لافامي تنساو قداش تعبو عليكم و رباوكم و كي يحتاجوكم في كبرهم ما يصيبوكمش ... ربي يهدي ما خلق
ما عندي ما نعلق ما عندي ما نقول
نخليلكم الخط ليكم ، خَـنْـتِـشُو وَ خَـرْبِـشُـو كما تشاؤون ههه
سلام
واش راكم ناس اللمة ؟ إن شاء الله راكم آنتيك
و صحاب الليسي راكم في فترة إختبارات روحو تراجعو على رواحكم ، بارسكو علابالي راكم هردتوها كي خيتكم في الفروض:shiny: .
راني جيت اليوم نخربش هنا عندي بزاف ما حطيتش موضوع في واش راك تهدر ، المهم راني جيت و الكراس في يدي آني زعما نريـvــزي للكومـpـوزيسيون
البارح قاعدة ماما تحكي مع خالتي راكم تعرفو حكايات النساء ما يخلاصوش
هذا ملخص الموضوع فقط ، حبيت نوصّلكم بلي الوالدين نعمة من عند ربي سبحانو ، كاين واحد شاتي أب و لا أم و كاين واحد مهمشهم و يزيد يخرجهم من دارهم ... و نوصيكم نتوما ناس اللمة أتهلاّو في والديكم بزاف و ما تديروش كما هاذ لافامي تنساو قداش تعبو عليكم و رباوكم و كي يحتاجوكم في كبرهم ما يصيبوكمش ... ربي يهدي ما خلق
ما عندي ما نعلق ما عندي ما نقول
نخليلكم الخط ليكم ، خَـنْـتِـشُو وَ خَـرْبِـشُـو كما تشاؤون ههه
سلام
_o:
