حلوى محشوة بالكابريس من مطبخي

[•• AméL Là Stàr ••]

السلام عليكم

حلوة محشوة بالكابريس سهلة التحضير وغير مكلفة ولديدة جدآآآ

المقادير:

250غ زبدة+ كاس سكر رطب+ كأس زيت+ 02 بيض كاملة+ 02صفار البيض+ 01فاني
+ 02 أكياس كاراميل (من فلان رابحة) + 1خميرة كيميائية { انا استعملت واحدة ونص }+ فرينة + عدد كافي من حبات حلوى الكبريس
للتزيين : شكولاطة ذائبة و شوكولا مبشورة

طريقة التحضير : نخلط مقادير العجينة جيدآ ونضيف في الاخير الخميرة والفرينة ونعجنوهم مليح حتى نحصل على عجينة طرية

نشكلها كريات ثم نضغط قليلا وسط الحبة بالاصبع ونضع حوآلي نصف حبة كابريس ونغلقها لنحصل على الشكل الموجود في الصورة

ندخلها الفرن نصف ساعة على درجة حرارة متوسطة

ثم نزينها حسب الرغبة
انا زينتها يالشوكولا الدائبة والمبشورة
يمكن استخدام بدل المبشورة سكر بودرة او فستق مطحون او فارميسال
يمكن تزيينها بالمربى و القوفريت او الكاوكاو مطحون

ملاحظة : عملية الطهي يمكن ان تستغرق اقل من نصف ساعة او اكثر حسب الفرن وحجم الحلوى
الكابريس اختاري النوع اللي كي تفتيها بيدك تتفتت بسرعة باش تخرجلك طرية

واي استفسار انا هنـــآ للتوضيح

تحـــــيـــآتـــيـــ

اللهم اغفر لي وللمسلمين والمسلمات والمؤمنين والمؤمنات الاحياء منهم والاموات الى يوم الدين يا ارحم الراحمين
​

​

 

[ISMA.dz]

بصحتكم

خرجتلك روعة

ربي يحفظك

تستاهلي التقييم​

 

[•• AméL Là Stàr ••]

انتي الرائعة
شكرا على الرد والتقييم
​

 

[حكيك]

خرجولك هايليين عملتهم في العيد بصاح خرجلي قاع الكبرييس ولصقلي في الصيينية عشييت
نلمو وعملتهم حلوة لي مطيبش اي سلكتو :shiny:

 

[•• AméL Là Stàr ••]

:shay:

خرجولك هايليين عملتهم في العيد بصاح خرجلي قاع الكبرييس ولصقلي في الصيينية عشييت
نلمو وعملتهم حلوة لي مطيبش اي سلكتو :shiny:

المشكلة في نوع الكابريس انا سييت 2 حبات فقط كي شفتها ساحت بدلت النوع ​

 

[ام ايناس وفاروق]

شكرا امال عملتو في الصيف وخرجلي مليح بصح انا درتلو مربى وقوفريط

 

[حكيك]

صح الكبرييس لي ستعملتو ميتفتتش
شكرا على التوضيح

 

[•• AméL Là Stàr ••]

ام ايناس وفاروق واه يجي شباب بزاف انا درته بالشيكولا لأني من محبيها شكرا على المرور

حكيك العفو اختي نورتي الموضوع
​

 

[imane27]

جاتك هايلة يعطيك الصحة

 

[merieme hassi]

تبارك الله عليك حنونة \
يعطيك الصحة

 

[ندى الورود]

يعطيك الصحة اختي خرجتلك هايلة
عندي نفس الوصفة بصح مازلت ماجربتهاش
​

 

[•• AméL Là Stàr ••]

يعطيك الصحة اختي خرجتلك هايلة
عندي نفس الوصفة بصح مازلت ماجربتهاش
​

نصحك بتجربتها تجي لديدة وساهلة في التحضير
شكرا على الرد ​

 

[•• AméL Là Stàr ••]

merieme hassi ربي يبارك فيك ختي شكرآ


imane27 مرسي ختي ربي يحفضك ​

 

[بنت غليزان]

مشكورة على الوصفة خصوصا انا نحب كابريز

 

[طيف الامل]

روعة يعطيك الصحة

 

[rima29]

يعطيك الصحة حنونة​

 

[♥SaMoù Là MoDèsTe♥]

خرجلك هآيل يعطيك آلصحة أختي آمآل
​

 

[pixau_dz]

mmmmmmmmmm Bayna bnina c r tt ki 3adt men ydik

mais mata3rdinach 3liha !!

 

[•• AméL Là Stàr ••]

بنت غليزان العفو اختي انصحك بتجربتها تجي رائعة مع دوق الكاراميل


Hind250 مرسي ختي

rima29 شكرااا

SaMoù Là MoDèsTe مشكورة على الرد

pixau_dz دوماج كملت نعرضك نشالله في وحدة احسن منها ​

 

[وصال المحبة]

السلام عليكم ​

حلوة محشوة بالكابريس سهلة التحضير وغير مكلفة ولديدة جدآآآ ​

المقادير:​

250غ زبدة+ كاس سكر رطب+ كأس زيت+ 02 بيض كاملة+ 02صفار البيض+ 01فاني
+ 02 أكياس كاراميل (من فلان رابحة) + 1خميرة كيميائية { انا استعملت واحدة ونص }+ فرينة + عدد كافي من حبات حلوى الكبريس
للتزيين : شكولاطة ذائبة و شوكولا مبشورة ​

طريقة التحضير : نخلط مقادير العجينة جيدآ ونضيف في الاخير الخميرة والفرينة ونعجنوهم مليح حتى نحصل على عجينة طرية​

​

نشكلها كريات ثم نضغط قليلا وسط الحبة بالاصبع ونضع حوآلي نصف حبة كابريس ونغلقها لنحصل على الشكل الموجود في الصورة ​

​

ندخلها الفرن نصف ساعة على درجة حرارة متوسطة​

​

​

ثم نزينها حسب الرغبة
انا زينتها يالشوكولا الدائبة والمبشورة
يمكن استخدام بدل المبشورة سكر بودرة او فستق مطحون او فارميسال
يمكن تزيينها بالمربى و القوفريت او الكاوكاو مطحون ​

​

ملاحظة : عملية الطهي يمكن ان تستغرق اقل من نصف ساعة او اكثر حسب الفرن وحجم الحلوى
الكابريس اختاري النوع اللي كي تفتيها بيدك تتفتت بسرعة باش تخرجلك طرية ​

واي استفسار انا هنـــآ للتوضيح ​

تحـــــيـــآتـــيـــ​

اللهم اغفر لي وللمسلمين والمسلمات والمؤمنين والمؤمنات الاحياء منهم والاموات الى يوم الدين يا ارحم الراحمين ​

​

سلام اختي يعطي الصحة بصحتكم انا تاني جربتو و خرجلي تحفة و خفيف كيما الغريبية نتمنى تجربوه بالتوفيق:sheer: