بعد غياب طويل آتيكم بهذا الموضوع المثير للجدل

[souhila_95]

السلام عليكم ورحمة الله وبركاته
اليوم رجعت ليكم بعد غياب طوييييييييييل والحقيقة ليه اسبابو الخاصة المتعلقة بالدراسة
عقب العيد وما باركتش لذا عيدكم مبروك ولو مؤخرا وعيدكم باول محرم مبارك سعيد ليكم ولكل أمة محمد صلى الله عليه وسلم وانشاء الله يكون عام يمن ويسر وبركة على كل ولاد بلادي (بنات بلادي مقصودين كذلك عندك تقولو راها عنصرية) وعلى كل الدول العربية والثورات العربية
في الحقيقة راني نسيت على من كنت رايحة نتكلم

أأأأأأأأأ هذي ليام راني دايرتها غير على الشقلة والصقلة :re_gards:اللي يعقب عليا نديروا قصة

آآه وتطورت الاحوال وليت نكتب الاشعار والخواطر في الحصة القادمة نحكيلكم عليها

ههههههههه على بالكم هذه نتاع *الحصة القادمة نحكيلكم *ماشي ليا هذه جملة استاذ الاجتماعيات

كل استاذ جبنالو معايرة خخخخخخخ

استاذ الاعلام آلي : أيقونة
استاذة التكنولوجيا : برنامجdao
استاذ الانجليزية : أو ياه
..........والقائمة طويلة وعريضة لا يسعني الذكر

تميت نهدر حتى نسيت الميضوع
المهم موضوعي على البنات اللاتي يدرسن بعيدا عن الاهل

يعني بنات اللي يقراو في ولايات اخرى او خارج الوطن

على جال القراية

يعني بالمختصر والمفيد :انتم مع هذه الفكرة ولا ضدها ؟

وكيما جرات العادة سلام:re_gards:
​

 

[لاجودان شاف]

السلام عليكم ورحمة الله وبركاته
بارك الله فيك ختي
صعيبة البنت تقرا خارج ولايتها وبعيدة على أهلها
تلقى حرية بزاف والحرية بزاف تفسد العبد
هكذا تبالي​

 

[nawal 88]

صعيب الحال يا ختي سورتو الوقت لي رانا في ولا يخلع لازم الطفلة تكون قريبة لدار باباها
​

 

[M!ss_f@ti]

السلام عليكم

موضوع حساس بزاااااااف

انا راني نقرا بعيدة على ولايتي بـ 64 كلم والله الحالة صعيبة بزاف والوقت مايرحمش ،ن باش تركبي تروحي لازمك توجعي قلبك بواحد المناضر وزيادة على هدرة الناس ،، اذا روحتي وحدك عيب شوية واذا جاو داركم يدوك شقية كبيرة

ربي يعينا برك نقراو ونروحو نتهناو

ميرسي عليك

 

[bachboucha]

ربي يفرج على الناس لبعيدة كامل و ربي يستر على بناتنا كامل وين مكانو .. اما الدراسة لبعيدة انا معاها ياختي وين نتعلم حرف انا نروح نشقى على جالها باسك الجهل هو اللي يخلي فينا متاخرين بالرغم من اننا ندعي التعلم لكننا لا نزال نجهل ديننا و لا نزال نجهل في تربيتنا ال غير ذلك شكرا لك على الموضوع و ربي ينجحك فقرايتك

 

[القطة الزهرية]

سلالالالالالالالالالام
امم اختي موضوع حساس ونهنيك انتي فكرتك ممتازة
انا من ناحيتي ضد ومع.. شوفي
مع ....لانو لقول الرسول صلى الله عليه وسلم **اطلبو العلم من المهد الى اللحد **
انا ضد الجهل ويحق للفتاة طلب والاجتهاد للعلم
اما ضد الحرية الزائدة واتباع النفس الأمارة للسوء ياختي رانا نشوفو في لعجب عادو مايحشموش تقول ماعندهم لا اصل لامل ...ربي يهديهم ادير الي ماتتوقعيهيش وتبهدل باهلها واخواتها واجيب الهدرة عليهم وهدا اكل كي مالقاتش شكون يعسها ولا يتحكم فيها وبالاحرى نقولو الي ينعتلها الطريق الصحيح سواء بالهدرة ولا بالخبط:shiny::shiny:مي والله كاين بنات فاميليا وين تروح تعرف قيمتها وقدرها وماتخلي حتى حد يلعبها عليها متربية حاكمة قدرها لاتيا غير بقراياتها بصح هدو قليل جدا ....في الاخير اي توضحتلك فكرتي على ما اظن او ربي يجيب الي فيه الخير ....شكرا اختي ++ تقييم على موضوعك الباهي وزينون :re_gards::shay:

 

[hiba14]

السلام عليكم
انا نحكيلك عن تجربة شخصية لاني من ولاية تيارت و درست في العاصمة هي صعيبة على البنت و على الولد على قلتك على الاتنين لاني نشوفها صعيبة في الوحش على الدار و ما كاش الاهل تاعك لكن من المنظور انو البنت توجد الحرية تاعها انا ضداه لانو ماشي المرا اللي يشدها كاش واحد الشيرة كي تعول تعول ما شي حتى تبعد و علابالنا شاكاين

 

[مابقاش بزاف.Dz]

انو الطفلة تقرا بعيد و لا تقرا فالخارج على جال طلب العلم و لا اذا كان عندها تطلعات مستقبلية بعيدة نورمال
انا اذا لقيت نقرا فالخارج و ما نقولش لالا
ميرسي على الموضوع

 

[إيمان قلب]

وانا بعد نقرا بعيد على دارنا , هي فيها معاناة بزاف من ناحية الترونسبور والعيا , من ناحية كلام الناس هذي مسوقة وحدها " وهذه بالذات ماتهمنيش " الميزيرية وحوايج بزاف صافي تقراي قريب من ماليك خير
اما من ناحية الحرية للبنت , ياأختي البنت على واش تربات تبقى , الا هذوك البنات اللي الهوا اللي جا يديهم مانقيسوش عليهم , باسكو رانى نشوفو بنات البلاد ويوصلوهم والديهم وين يقراو , وفي واحد الحالة,...... ,أمالي اللي متربية متربية
يالوكان تحطها في المدينة التي لاتنام واللي مش متربية مش متربية كي تحطها في مكة المكرمة
يعطيك الصحة خيتو على الموضوع​

 

[ماكانش]

أهلا بيك سوهيلة
والله حاجة صعيبة انو الإنسان يبعث بنتو تتغرب وتقرا بعيد عليه
خاصة في الوقت هذا
الطفلة حتى ولو كان تكون عاقلة راح تتأثر ويؤثرو عليها رفيقاتها وتفيد طباعها بحكم ذهاب الوازع السلطاني والناس تعرفها وووو ...
ولكن يبقى هناك بنات فاميليا وأصل يروحو حتى لأوروبا يقراو وماتتغيرش طبايعهم ...​

 

[ريمو]

وعليكم السلام ورحمة الله وبركاته

انا مع الفكرة و بما اني مغتربة خارج الوطن وفي دولة كل شي فيها غييير من ناحية الانفتاح وميلهم لمعيشة الغرب اكثر ( قبرص تابعة جزء التركي ) بصح الحمدلله حتى حاجة تغيرت كأني راني نقرا عند اهلي و هاد العام هو 5 و ان شاء الله اخر سنة ونتخرج ... الحمدلله واحد على حسب كيف رباوه اهله صدقيني يكمل حياته بنفس تربية ... ما نكذبش عليك ونقولك كل حاجة كانت ساهلة من اول عام لا ... مثلا كانت مضايقات بسبب حجابي انو ممنوع بصح الحمدلله مرت على خير وغير هاد العام سمحوا للتركيات يلبسوه ... وثانيك عقليات وثقافات و ديانات الناس مختلفة الي عندهم هما عادي عندي انا لا وابسطها تسليم باليد ... الي حابة نوصلك اختي البنت بفرض رأيها و شخصيتها قوية تحط حد لكل شي من اولها ... والحمدلله لقيت تفهمهم لي و الحجاب يلعب دور كبييييييير انو يخلي ناس يحترموك و يقدروك .... وكي نرجع شريط ذكرياتي من سنة 2007 و كلمة بابا الي حتى الان متذكرتها وتوصيته لي ... الحمدلله الحمدلله فاتو السنين وكنت على قدر ثقة لي عطاوهالي ورفعة راسهم بتميزي في اخلاقي و في دراستي ...واكيد شرفت بلادي و الحمدلله كل واحد دا نظرة مليحة عن الجزاير وحتى لو كنت غير انا الجزايرية في جامعة ...

ونتمنى ولاد و بنات بلادي الي راح يجوا من بعدي ويقراو هنا يكونو قدها ويعطوا نظرة مشرفة عن بلادنا


​

 

[تاج الجزائر]

وعليكم السلام والرحمة

اهلا وسهلا بيك معانا مجددا وما تعاوديش طولي علينا هاكا :shay:

اما بخصوص موضوعك ختي خير الكلام ما قل ودل

اذا البنت حطت ربي في قلبها وبين عينيها ووكل خطوة وحركة وديرها تتفكر ربي

سبحانه بلي راه شاهد عليها مافيها والو تروح وين ما بغات تقرى

اما اذا نسات ربي راهي تنحرف شوي شوي قد ما كانت متربية

الجيل صعيب وما فيهش لمان الا من رحم ربي

في امان الله ختي ربي يحفظك

 

[صوريا27]

هي صعيبة على البنت انها تقرا في مدينتها وما بالكي بالي تبات بعيدة على الدار بالاشهر يا اختي كاين بنات بزاف الله يبارك وين يروحو ماتخافيش عليهم بصح الشيطان ماماتش

 

[souhila_95]

السلام عليكم ورحمة الله وبركاته
بارك الله فيك ختي
صعيبة البنت تقرا خارج ولايتها وبعيدة على أهلها
تلقى حرية بزاف والحرية بزاف تفسد العبد
هكذا تبالي​

يعطيك الصحة على الرأي نتاعك :re_gards:عندك الحق وقتنا صعيييييييب بزااااااااااااااااااااف :showoff:شكرا

 

[souhila_95]

صعيب الحال يا ختي سورتو الوقت لي رانا في ولا يخلع لازم الطفلة تكون قريبة لدار باباها
​

والله غير صعيييييييبة الحرية بصح ثاني كاين بنيات العاقلات اللي هدفهم مناصب افضل:re_gards:وشكرا مالقاوهاش في مناطقهم

 

[souhila_95]

السلام عليكم

موضوع حساس بزاااااااف

انا راني نقرا بعيدة على ولايتي بـ 64 كلم والله الحالة صعيبة بزاف والوقت مايرحمش ،ن باش تركبي تروحي لازمك توجعي قلبك بواحد المناضر وزيادة على هدرة الناس ،، اذا روحتي وحدك عيب شوية واذا جاو داركم يدوك شقية كبيرة

ربي يعينا برك نقراو ونروحو نتهناو

ميرسي عليك

الله يكون معاك يا وخيتي العزيزة وانشاء الله تدي ديبلومك وتتهناي:sadwalk:انا متمنية نقرا برا بصح لما نسمع عن الصعوبة الوضع نتردد شوية مممم ما زال ما قررتش :scared:

 

[souhila_95]

ربي يفرج على الناس لبعيدة كامل و ربي يستر على بناتنا كامل وين مكانو .. اما الدراسة لبعيدة انا معاها ياختي وين نتعلم حرف انا نروح نشقى على جالها باسك الجهل هو اللي يخلي فينا متاخرين بالرغم من اننا ندعي التعلم لكننا لا نزال نجهل ديننا و لا نزال نجهل في تربيتنا ال غير ذلك شكرا لك على الموضوع و ربي ينجحك فقرايتك

والله طفلة الحرة ومتربية لوكان يحطوها في اي بلاصة تقرا .والطفلة لي في بالها السيعة لوكان يكونوا واللديها وخاوتها وكامل لافامي يعسوا فيها تدير لي تحبها:sadwalk:شكرااااااا الله يخليك آآآآمين يارب العالمين وينجح كل ابنا الجزائر انشاء الله

 

[souhila_95]

سلالالالالالالالالالام
امم اختي موضوع حساس ونهنيك انتي فكرتك ممتازة
انا من ناحيتي ضد ومع.. شوفي
مع ....لانو لقول الرسول صلى الله عليه وسلم **اطلبو العلم من المهد الى اللحد **
انا ضد الجهل ويحق للفتاة طلب والاجتهاد للعلم
اما ضد الحرية الزائدة واتباع النفس الأمارة للسوء ياختي رانا نشوفو في لعجب عادو مايحشموش تقول ماعندهم لا اصل لامل ...ربي يهديهم ادير الي ماتتوقعيهيش وتبهدل باهلها واخواتها واجيب الهدرة عليهم وهدا اكل كي مالقاتش شكون يعسها ولا يتحكم فيها وبالاحرى نقولو الي ينعتلها الطريق الصحيح سواء بالهدرة ولا بالخبط:shiny::shiny:مي والله كاين بنات فاميليا وين تروح تعرف قيمتها وقدرها وماتخلي حتى حد يلعبها عليها متربية حاكمة قدرها لاتيا غير بقراياتها بصح هدو قليل جدا ....في الاخير اي توضحتلك فكرتي على ما اظن او ربي يجيب الي فيه الخير ....شكرا اختي ++ تقييم على موضوعك الباهي وزينون :re_gards::shay:

والله لكي مني تحية:re_gards: على هذا الراي ولي هوالأنسب لي تعرف قيمتها تقرى ولي لعكس تندم....مرسي بزااااااف على التقييم ولكي مني تقييم

 

[هديل يسمين]

السلام عليكم ورحمة الله تعالى وبركاته
تعرفي علاش حبيت نشارك في الموضع هدا على خاطر هدي وحدة من المشاكل الي عندي لاني حبيت نقرا في مكان بعيد على الدار والمشكل انو ادا رحت بالسيارة معناه كل يوم 2 ساعات وحدة في المروح والثانية في المجي باش يعني دراهمي ناكلهم غير في ليسونس باش نكري دار مستحيل ولا نقاش في اني نسكن وحدي مرفوض رفضا تاما والحل هو اني نزيد نستنى حتى نولي عجوزة ولا نخدم في حاجة وحدوخرا نعاود نبدا من الصفر

 

[نسماء]

سلام:ماش كل يلي نسمعوه نصدقوه انا نسكن بعيد من وين ندرس والحمد للله مقاسني والو صح شفت عجب و صرالي كثر بصح لي مربي مربي ولا واحد يكذب عليك.مبروك علينا التربية و ربي يصون:re_gards: موضوع هااااااااااااااااااايل