الجون الميستكي و عقلية التيكي ........

[kazawa]

اعضاء وزوار منتدى اللمة الجزائرية اهلا ومرحبا بكم

كيراكم لاباس انتيكو بيان ........

اليوم راح نهدر على موضوع بسيط اسلط فيه الضوء على و حد الضاهرة متاصلة في عقليتنا و

مكونة في جزئات dnn نتاعنا ومنعرفا (السيونس كنت فابل فيها.... :sadwalk المهم كي تشوف

واحد مبيش ميستيكي :shiny: تعطيه قيمة عندك قبل ما تعرفو ولا تهدر معاه و العكس كي تشوف

واحد مغبون :santa_1: قشو قديم مبهدل تقول انسان ماقبل التاريخ تشوفو بنضرة احتقارية او

استصغار ان صحت الكلمة بصح كي تبدا تحكي مع الاول تلقاه سطحي في افكارو عندو شوي

ثقة مي خداعة اكتسبها من المضهر تاعو او شخص مقرب ليه عندو نفوذ او سلطة :re_gards: اما

الشخص الثاني صح مضهرو قديم ويبان عيان مي تعفرو من الهدرة تاعو انسان محترم مثقف مي

الهيئة تاعو تعطيك الانطباع اخر . وانا خطرة شفت فلتلي دارو برنامج وجابو فيه مدام مرا باش

تادي دور تاع هاديك الحصة المرة الاولى عطوها لباس قديم وبهدلوها شوي وعطوها تهز 2

Gرون فاليز وحطوها في حي Rي عام وخلوها وحدها ترفدهم و حطو كاميرا كاشي باه يتبعو

تحركات المرا وهي تادي دورها التمثلي الي يتمحور حول الناس وردات الفعل تاعهم تجاهها اسكو

يعاونوها في هزان الفاليز الكبار:showoff: المعمرين او لا المهم وهي ماشيا واحد مدار بيها ولا

عاونها غير 03 اشخاص و هنا انتهت الميسون الاولى و مبعد جابو نفس المرا مي هادي

المرة قلبوها انوشة لابسا وحطة و برطابل و ذهب .... وعطوها مام لي فاليز وخلوها في لRي

اللي كانت فيه + كاميرا اكشن - ايماجينو مازلت ماشيا في خطواتها الاولى كاين جون حب

يعاونها قالها و علاش وحدة كيفك ترفد في هاد لي فاليز لكبار هاتي نعاونك .... و هكذا وصلوا الى

عدد كبير من الاشخاص الي تفاعلوا مع المرا فاق التصور تاعهم الى 70 شخص _o:.

و علاش .... المرا هي هي بصح كي تغير مضهرها ولت عندها مرونة في جلب الانضار اليها اما

كي كانت مغبونة واحد ما دار بيها .....

وعلاش المضهر ولى هو المعيار الاول للحكم على الشخص عند Gاع الناس ....حتى انا :sad: ...

اكسيبتي يا لمشرف

 

[bachboucha]

ايه المظهر ولا حاجة لازمة هدا ماكان الوقت هكدا بغا ... كان تخطيك الحطة ماتخدم ماتسقسي ما تروح ماتجي الا ما رحم ربي​

 

[القطة الزهرية]

سلالالالالالام
اخي والله كاينة منها حتى حنا بصراحة نرتاحو غير للي حاط الحطة مافهمتش علاه هدي عقليتنا ومانربحوش عليها بربي ان شاء الله مع انو ربي قالك مكان حتى فرق بين عربي ولا اعجمي كلنا متساويين مي الدنيا مصالح ومعريفة ..........هدي هي حنا ربي يهدينا:re_gards::re_gards:

 

[kazawa]

شكرا للاشراف على الاكسبتاج

 

[بلد المليون]

سلام عليكم
مشكور اخي على الموضوع+++
عندك الحق خويا عاد اللي يسوى عشرة دووروا يبقى بالعشرة دووروا حتى نهار ياكلوا تراب واللي من بكري مديينها فيه الناس هداك هو مولا شاش واش تحب
هدي هي الدنيا​

 

[EL General]

حابين توصلوا من خلال موضوعكم ان المظاهر خداعة

و هو صحيح المظاهر خداعة و لا يمكن الوثوق بها الا قليل

شكرا موووضوع نقاشي
​

 

[kazawa]

ايه المظهر ولا حاجة لازمة هدا ماكان الوقت هكدا بغا ... كان تخطيك الحطة ماتخدم ماتسقسي ما تروح ماتجي الا ما رحم ربي​

صح يا بشبوشة المضهر عندو اهمية ولى حاجة لازمة بصح كاين عباد غير ستيل ومضهر هدا مكان

 

[kazawa]

سلالالالالالام
اخي والله كاينة منها حتى حنا بصراحة نرتاحو غير للي حاط الحطة مافهمتش علاه هدي عقليتنا ومانربحوش عليها بربي ان شاء الله مع انو ربي قالك مكان حتى فرق بين عربي ولا اعجمي كلنا متساويين مي الدنيا مصالح ومعريفة ..........هدي هي حنا ربي يهدينا:re_gards::re_gards:

وعليكم السلام صح كاين ميول شخصية تخلينا ننجدبو لي كل شيء مليح وشباب

 

[kazawa]

سلام عليكم

مشكور اخي على الموضوع+++
عندك الحق خويا عاد اللي يسوى عشرة دووروا يبقى بالعشرة دووروا حتى نهار ياكلوا تراب واللي من بكري مديينها فيه الناس هداك هو مولا شاش واش تحب

هدي هي الدنيا​

شكرا على المرور الجان ولى يسوى وش عندو في جيبو

 

[kazawa]

حابين توصلوا من خلال موضوعكم ان المظاهر خداعة​

و هو صحيح المظاهر خداعة و لا يمكن الوثوق بها الا قليل​

شكرا موووضوع نقاشي​

كيراك ارمندو لاباس اه يا البرسا البارح خيتافي دارت فيكم لعمايل شكرا ليك وعلى تفاعلك مع الموضوع

 

[بلد المليون]

شكرا على المرور الجان ولى يسوى وش عندو في جيبو

سي عندك حق عفففففففوا​

 

[وصال]

اخي الكريم شكرا جزيلا على الموضوع الهادف .

حبيت نقول ثلاث حوايج وهي:
اولا :ان الله جميل يحب الجمال : يعني الانسان ملازمش يتهاون في المظهر ديالوا ليس المهم لبس الجديد لكن المهم الطهارة ولباس نقي والسلام عليكم .
ثانيا :لا يخدعك نوار الدفلى في الواد داير ظلايل ولا يعجبك زين الطفلة حتى تشوف لفعايل : معناه الانسان ملزمش ينخدع بالمظاهر يالي مشبح من بارا واش حوالك على داخل .
ثالثا: صراحة يعجبني المستيكي وتعجبني البنت لي متحوفة بصح ماشي لدرجة اني نحكم على المظهر .

وفي الاخير الاهتمام بالمظهر شئ جميل ويعطي انطباعا اجمل لو كان الظاهر مثل الباطن.

 

[مابقاش بزاف.Dz]

ما تنساوش المظاه خداعة
جامي يغرك الي حاط الحطة و ملداخل واش راهو حاط

 

[hiba14]

شوف اخي هي صح المظاهر خداعة بصح نعطيك رايي من الاحسن الواحد يهتم بنفسو شوي بعيدا على انو الناس تقيم بالعين ليه هو ما شي كليح اصلا يكون مبهدل ماشي شرط اللبسة الغالية و ما علاباليش بصح على الاقل نظيفة و مرتب حالو النظافة من الايمان

 

[Coeur de l'Océan]

lah ghaleeeb chabaghi diiriii​