قالك هادي العقليه ادي ولا خلي

[اشتك]

السلام عليكم
واش راكم لباس عليكم

اليوم حبيت نحكي معاكم في هاد الضاهره لي شفتها اليوم

اليوم رحت لبلديه باه نخرج كواغط

ايا على صباحات ربي يا فاتاح يا رزاق دخلت للبيروات كامل فارغين وين راهم هادو

قالك مزال مجاوش الله يبارك 08/30و مزال

تقول عليهم يخدمو في رزق باباهم

ايا معليناش ستنينا حتان جاو المعاليم


ايا دخلنل تفضلي اختي تخدميلي هاد لوراقي

ايه معليش خويا تفضل ريح درك نخدمولك كواغطك

ريحت يا منعاااااااش وسع بالك راح تكتبلك البلديه بسمك

وين راهم كواغطي قاتلي مزال اصبر اصبر تصبر

كبر بالك

قلتلها يا اختي راني كبرة بالتي حتان سكنولي فيه يزااف

و هوما هادوك لبنات معلابالهمش كامل بيك يحكو مع بعضاهم و هاديك خطبوها و فلانه طلقوها و هاديك زيدة و صرات هاديك الحاجه و طلعة و هبطة ايا اخدمو على رواحك اوموا تدو جورنيكم حلال قاتلي علاه راني ندير في لحرام

برايكم هادا الجورني لي راهم يدو فيه ياتقرعيج و تمسخير هادي حلال

لا حول ولا قوة الا بالله

لوكان جاو رجال لي يخدمو تجي خير على الاقل معندهمش كثرة الهدرى بزااااف

لي يفيس فيهم راه يخرج يتكيف قارو و كاس قهوة و يولي مي بنات ربي يبارك

لعراس و الطلاق و الزايدات و المشاكل ماشي فضه كل يوم جديد كاين

صح ماشي الناس كامل كيف كيف مي الاغلبيه هادي العقليه ادي ولا خلي

ايا انتوما تاني هكدا صاريلكم في البلديا تاعكم؟؟؟​

 

[ماكانش]

مشكل صح فالبلديات تاعنا
وتبالي مهما يكون لمرا خير في الخدمة بالنسبة للراجل
كيما حكا عليها المشرف عالي الحمدي في موضوع في النقاش
راجل تروح لراجل مايتهلاش فيك يبان راح يمدلك الدراهم من جيبو​

 

[تاج الجزائر]

وعليكم السلام والرحمة

قاع لي قلته خويا نعطيك الحق فيه وراني شيرة ونجي ضد النسا لي يخدمو في البلديات

باه يسرحولك حاجة حتى تبقى في ندايمك لي جيت عندهم خطراش الواحد يبقى يقول ما

نعرف على من صبحت اليوم:cra_zy:

والمشكل يزيدو يناgروك لو كان تقولهم طولتو خطراش تبان للواحد ينقز عليهم

شgالكونتوار ويبششهم من هدوك الشعرات :glare:

والله عنا شحال من وحدة يبهدلوها الرجال على قلة اهمالها والناس عجلانة وهوما يجبدو

الغايسة المايسة عندهم:huh:

انا نفضل الرجال لي يحكمو هاو البلايص والنسا يدبرولهم بلاصة توالم الطحين واللسان

نتاعهم

مشكور خويا على الموضوع

هاد المشكل راه في كل بلاصة


الله يعطينا الصبر :sad:
​

 

[*amina*]

السلام عليكم ورحمة الله تعالى وبركاته
والله يا خويا اشتك الحكاية هادمهيش غير في البلديات راهي بارتو نجيبلك مثال بسيط رانا نعانو منو
الدراهم فلي بوسط راهم كاين مي يخلوهم لمعارفهم وهذي الرجال راهم يديروها بزاف يعني سواء الراجل او المرأة الفسادكثر في هذي البلاد معندك مدير غير توسع بالكودير ربي سبحانو في خاطرك وين تروح تلقى مشكل يقلق
الله يسترنا وبي يعطينا طولة البال

 

[amoulita@mosta]

موضوع مليح
و راهي كاينة عندنا هاد العقلية خويا مي مشي غير في البلدية
تلقاهم في ليكولات في المستشفيات في الحمام في كل بلاصة يهدرو و مايخدموش ولا مايكملوش خدمتهم
ادي ولا خلي هادي هي العقلية

 

[JIJEL88]

الاولوية للمرأة عفوا لليمين ​

 

[عربية6]

مشكل صح فالبلديات تاعنا
وتبالي مهما يكون لمرا خير في الخدمة بالنسبة للراجل
كيما حكا عليها المشرف عالي الحمدي في موضوع في النقاش
راجل تروح لراجل مايتهلاش فيك يبان راح يمدلك الدراهم من جيبو​

اهلا سفيان
واش راك يا لعزيز ؟؟

و الله مام احنا عندنا هاد المشكل لخدامين خيرك يا ربي و كي تدوموندي حاجة يشيب راسك و فالشك
و تعليقي على الجملة اللي راهي ملونة ياو تاني النسا هكا كي تروح مرا لمرا تحسب غادي تنحيلها ذهبها يا حفيظ مي يل جاها راجل اه ليه ليه ا خيي تخرجلو الورقة اللي محتاجها
وحد المرة و الله عجوزة قدامي تسوفري مسكينة باش يمدولها واش خاصها قالتلهم كون حسبت الدعوة هكا نجيب 7 بنات وحدة نخدمها فسبيطار و وحدة في لاميري و...و..و


ربي يجيب لخير

صحيت ع الموضوع خويا

تحياتي
​

 

[bachboucha]

هههههههههه امالا هكدا ادي و لا خلي حكايات النسا جامي يخلصو