shaun the sheep داير حالة في الليسي

[بنـ MaPa ـت]

السلآم عليكم ورحمة الله وبراكاته

واش راكم حبابنا صافا؟؟ كاش نقاط ملاح؟؟
نشالله ربي يوفقنا و يوفقكم

حبيت نحكيلكم على جماعة الطوايش في الليسيات كل مرة بضربة جديدة

الضربة لي راهي هاد اليامات shaun the sheep الكارتون تع mbc3 لي راه داير حالة في الولاد الصغار والكبار هههه

واحد يقرى في كلاصتي داير الغنية صونري في البورتابل i-o: عند الاستادة تع المات الشوناعة جوست عيطولو تخلعت مسكينة قاتلنا بالاك راني في لاكراش وانا لاخبر هههه

وهادا واحد يجوه حوالو ويوقف يدور على ليكلاص وقت ليكور وعاطيه آآآفون ويغني معاه هههه ربي نسالك ثبات العقل ونبات ضرستة هههه بالاك كاش عقالة تخلق

وبلا مانحكو على غينة آآآلو آآلو ايدا تشفاو عليها تع بكري
بابا فين بابا هينا هينا هو اقولو مين ههههه

مالغري كبار مي في العقول صغار
المهم خرجو مود جديدة :shiny:


الــــيــــكم الــــخــــط لـــلـــتــحـــدث عــــن لـــيـــســـيـــاتــــكـــم بـــطــــلاقـــة :shiny:

تحياتي

:re_gards:
​

 

[ماكانش]

أهلا بيك بنت باباها
ههههههه
والله ساعات كي يجيو ولاد خويا ويتفرجوه نلقا روحي قاعد
معاهم نتفرج هههههه
وذرك يدخلولك ناس الليسي وتسمعي الجياحة ولعجب هههههه
يعطيك الصح بنت باباها ​

 

[جاك المرسول]

السلام عليكم
واش انقولكم ... هذي ما يسموهاش لامودة هذا يسموه التبهليل
و الناس تبغي تبان يبغو يطلعوا علامهم سيرتو قدام الموسطاشات
ما نحكيلكش التبهليل داير حالة
هو يروح للدار ما يصيب واش ياكل
الله يطينا نفية من ذي البلاد
بارك الله فيك السلام عليكم​

 

[bachboucha]

ممممممممممممممممممممم شحال نحبه هادوك الخرفان يقتلوني بالضحك ياربي نتوجم على هاداك الصغير و نجيب زيو .. ماشي جياحة هادي نورمال يعجبوني نشتيهم ....​

 

[secret de coeur]

وعليكم السلام مروة الحبــوبــة
يآآه على دوك الخرفــآن وشحال يعجبوني ههه
مي نتفرجهم برك ههه مانحطهمش سونري
الليسي راني تهنيت منو دوك نروح نضرب طلــة عليه ونشوف الغاشي واش مداير فيها
هههه عجب راهم غي يولو لورآآ
مرسي
سلااامو
​

 

[أم راضية ~_]

سلام
هههههه شحال يعجبني هداك الميكي ههههههه :shiny: مالgري ما عندناش لولاد الصغار :shay: :shay:
بصح باش تلحق يدورو بالسونغي تاعو فالليسي :scared: ههههههه عجبًا :shiny:
بصح في راي shaun the sheep خير من justin bieber و جماعتو i-o:

سلام ​

 

[mira real]

علاه انتي متحبيهلش هادي الرسوم انا نولي نهتور بيها في الليل نموووووووووت عليها انا من صحاب ليسي جايحين ههههههههههههههههههههههههههههه
مرسي على الميضوع يا بنت باباها هههههههههههه

 

[بلد المليون]

يــاو ماشي جياحة بصح ديفوا تحلالك لكومميك والله
ديجا راهي عند شعب كامل
علىالاقل صونري هديك نتاع كوميك ولى نتاع ايميـنام و بلا50 يصهل صح ولى ميش صح
سي كاين ناس كيما هك
و احنا في الليسي كاين مسلسلات و اذا بديت نحكي لازم عليك تبعي هههه ياو المشكل ما بخلصش
هههه أم على كلاصتي عاقلين ديجا اني درت موضوع عليهم ههه هدا وين خلصتوا هاتي عمك المراقب يقبلوا و تعرفي ليستوار هههه
تقبلي مروري
...أه نسيت ما قتلكش موضوعك بزاف باهي و خاصتوا أمورة
هه++​

 

[♥SaMoù Là MoDèsTe♥]

أدرس في الجآمعة و صحبتي دآيرة خلف تيليفونهآ صورة لآسقة برآقة ل إشون ذو شيب
إذن مآ تنخلعيش إذآ شفتيهآ مرة وحدوخرة في ليسيك
أنآ نظن يديرو رسوم كيمآ هآك خير من يديرو أغآني أجنيبة و لآ صور أجنبيآت فآضحين
​

 

[امورة المنتدى]

السلام عليكم

واش هادي غيبة (صرلو زمان القرلو مابان )ههههههههههه

خخخخ والله عندو مادار شون فينا ياختي

ولاو يهترفو بيه

ايا انا راني طولت الهدرة ههههههه انا نخليك

ثانكس على الميضوع​

 

[الخيزران]

Perhaps one day, You’ll find a way
To,Come and meet with Shaun the sheep
Oh! Come and bleat with Shaun the Sheep
la la la la
la la la la
la la la la la la la la la la la la
la la la la
la la la la
la….
la la la la la la la la
هههههههههههه اسكتي برك
شكرا اختي
​

 

[Melia azedarach]

لالا وسبونج بوب هذاك
الحالة دايرة بيه
يلي دايرة بودي ديالي ويلي هازة الدمية ديالو ويليويوي

هذا جياح منهم
الناس راهم مع القراية هوما مع الرسوم
هاهاهاها
مرسي بنت ماماها وبنت باباها
توحشتك

ان شاء الله تكوني صافا

+احلى تقييم ليـك

 

[amira07]

واش كاين فيها خخخ

انا خترات نحوس في يوتوب على لي كوميك نتاع زمان الي كنت نتفرجهم

ذكريااااات و حنيــــــــــــــ ن ياختشي :crying::crying::crying:

الا ليت

الطفولة

تعـود يوما فأحكي لها ما فعل بيـا الشباب:crying:

 

[zahira92]

انا شخصيا نحب شون ذي شيب ياسر نتفرجها مع خويا الصغير
موضوع زين كما انت شكرا
​

 

[ђĩหđǿĉħǻ]

هههههههههههههههه و الله حنا استاذ نتاع المات يحب يخرف بزاف ايا بدا يحكيلنا على وحد القصة نتاع رسام
ايا كل القسم تعجب قعدوا يقولولو shqun the sheep
hhhh
​

 

[souhila_95]

ههههههههههههههههههههههههه رانا في الهوى سوى
حنا تاني راهي دايرة حالة في الليسي
حتى أستاذة التكنولوجيا هبلناها بيها ههههههه باسكو تلبس لبيض بزاف يقولولها راكي تشبهيلهم
أما أستاذ التربية الفنية هبلوه برسومات سبونج بو غير يقلنا أرسمو رسم تعبيري ولا اي شيء يرسموهلو
وأستاذ الاعلام الآلي مسكييييييين هههههه قصير مسكين يكثر الهدرة سماوه أيقونة هه ودارولو أغنية :
أيقونة حمارو ايويو طاح زلق في دارو ايايايو ثرثار كبير ايويايو قزم صغير ايويويو
شفتي الابداع دايرين حتى السجع ههههه
كثرت الهدرة بزاااااف بصح راكي فكرتيني في الألقاب ربي يوفقك شكرا
​

 

[مرام التيبازية]

سلام.
هههههههههه والله العظيم احنا تاني راهي لاموووود تع هاد االعااااااام هادي هيا.
قاتلنا الشيخة ديرولي paragraphe كامل دارولها على هاد الكرتوون.

 

[خوليتا]

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه و الله فووور ضحكتيني من قلب قلبي ......... مليحة كيجات فالشون د شيب ماراحتش لحاجات خلاف

 

[07 _H@yThm]

ياو لحقت هاد جياحه للجامعه
​

 

[بنـ MaPa ـت]

أهلا بيك بنت باباها
ههههههه
والله ساعات كي يجيو ولاد خويا ويتفرجوه نلقا روحي قاعد
معاهم نتفرج هههههه
وذرك يدخلولك ناس الليسي وتسمعي الجياحة ولعجب هههههه
يعطيك الصح بنت باباها ​

اهلين بيك سفيان
مانعرف كامل يعجبكم غير انا كون نلقى نقتلهم هادوك الخرفان هههه

مرسي على المرور خيو يعطيك الصحة

السلام عليكم
واش انقولكم ... هذي ما يسموهاش لامودة هذا يسموه التبهليل
و الناس تبغي تبان يبغو يطلعوا علامهم سيرتو قدام الموسطاشات
ما نحكيلكش التبهليل داير حالة
هو يروح للدار ما يصيب واش ياكل
الله يطينا نفية من ذي البلاد
بارك الله فيك السلام عليكم​

:scared:
دورتوها دوك من الانوثة للتمسطيش؟؟؟

وي خويا تمهبيل صح مي كاين لي قصدو يحلي بلاصتو برك ويقصر مع صحابو
لكن "اذا زاد الشيئ عن حده انقلب الى ضده"

مرسي على المرور يعطيك الصحة
​