الكاستال من مطبخي ... وصفة جديدة و لذيذة جدا

[أم نيفين]

​

كيف الاحوال؟؟ إن شاالله بخير
اليوم و بعد طول انتظار رايحة نحطلكم وصفة ليكاستال
سامحوني برك طولت عليكم بزاف​

​

المقادير: (هذه مقادير طبقة واحدة)
*400 غ كوكاو أو لوز بالقشور محمص و مرحي
*225 غ الى 250غ سكر قلاسي
*100 غ فرينة
*50 غ زبدة ستار
*بياض 7 بيض كالثلج
*فاني​

كريمة الزبدة:
*400 غ مارغرين لابال
*سكر قلاسي حسب لذوق(الحلاوة)
*فاني
=
في الخلاط الكهربائي نخلط الماغرين و السكر جيدا حتى يولي كريما ​

التحضير:
* نخلط الكوكاو +السكر+الفرينة مليح +زبدة و نخدمو مليح الخليط بكفوف اليدين (كيما البربوشة) و نضيفو البياض كالثلج و نخلط غير بشوية من الاسفل الى الاعلى
ثم نفرغ الخليط في بلاطو خاص بالبسكوي رولي مدهون بالزبدة و ندخلو للفرن يطيب على نار هادئة كيما السابلي حتى يجمد و يحمار غير شوية
نقلبو على لوحة و نخليه يبرد تماما ثم ندهن الوجه بكريمة الزبدة
و في هذا الوقت نخدمو الطبقة الثانية و كي تبرد تماما نحطوها فوق الطبقة الاولى و ندهنوها هي كذلك بالكريما ثم نقطع الحواشي و نفتتهم على الوجه ثم نكمل التزيين باللوز ايفيلي
و نخليه يبات ليلة كاملة باش يطرى و يجي ساهل فالتقطاع و الغدوة من داك نقطعوه مربعات
و ألف صحة و هنا
جربوه و ردولي الخبر
لا تنسوني بدعائكم لي
سلام​

 

[ŚσÚмĨÁ.Ďz]

بارك الله فيك

وصفة رااائعة

شكرا جزيلا لك
​

 

[أم نيفين]

الله يسلمك حنونة

 

[Ahlem&mou]

الله يبارك الصورة تعبر عن نفسها.شكرا ام نيفين

 

[tasnim55]

امممممم روووووعة يشهو الله يبارك الله لا يحرمنا من وصفاتك يا عزيزتي ام نيفين بصحتكم
​

 

[merieme hassi]

تبارك الله عليك حنونة
الله يبارك

 

[أميرة اميرة]

يعطيك الصحة رووووعة دايما مبدعة في وصفاتك حبيبتي تبارك الله عليك +احلى تقييم

 

[rima29]

يعطيك الصحة حبيبتي​

 

[BASMA19]

دائما متميزة , جزاك الله خيرا أختي أم نيفين على الوصفة
+ تقيييم

 

[ندى الورود]

يعطيك الصحة اختي ام نيفين هاااااااااايلة
سبقلي ودرت وصفة الكاستيل بكريمة الزبدة
وعطرت كريمة الزبدة بعطر الليمون وهنا عطر الليمون اعطى مذاق رائع لكريمة الزبدة
والجوانب تاع الحلوى فتتهم وحطيتهم من فوق ودردرت سكر رطب من فوق
جات رايعة شكلا وذوقا
​

 

[أم نيفين]

الله يسلمكم حبيباتي على الردود الطيبة و المشجعة
و ألف شكر لكل من اضافت لي تقييم

 

[رآج ـية العفو]

ألف شكر يالغآلية يعطيك الصحة كنت
نستنى في الوصفة ربي يحفظك حبيبة
تح ـيآتي ,, ~||
​

 

[imane27]

بارك الله فيك ام نفين على الوصفة

 

[Djazaire-El-Ghalia]

سلمت الأيادي وشكراً على الشّرح المفصّل لاعدمناك أخيّة

 

[ألاء الرحمـــن]

يعطيك الصحة أم نيفين احلى تقييم +++++

​

 

[amira2782]

شكلهم هايل يعطيك الصحة

 

[bachboucha]

بارك الله فيك

وصفة رااائعة

شكرا جزيلا لك​

 

[روعة2005]

الله يبارك جاتك روووووووووووعة تاع الصح تعيشي قوليلي قدش طول وعرض المول تاعك تعيشي

 

[ibtesem]

مشاء الله ام نفين حبيت نجربها
ربي اهنيك ويسعدك اختي

 

[ام ايناس وفاروق]

شكرااااااااااا ام نيفين يعطيك العافية حبيبتي