النيف الجزائري

[IronTarek]

السلام عليكم يا الخاوة و الأخوات (راني نكتب و البرد يخبط فيا)

☺☺☺☺☺☺☺☺☺☺

حبيت نفهم حاجة برك واش معناها النيف الجزايري اللي نفتخرو بيه


☺☺☺☺☺☺☺☺☺☺


نقولكم الصح واش شففت او واش فهمت من هاذ الهدرة
شفت الناس نتاعنا دير النيف على واحد حاب ايدوبليهم فالطريق


☺☺☺☺☺☺☺☺☺☺


ايديرو النيف على واحد ايحب اينعتلهم حاجة جديدة (انا ديما ايقولولي علابالي تبانلي بقيت غير انا اللي ماعلاباليش)

☺☺☺☺☺☺☺☺☺☺

أيا ايدير النيف على خوه مايسمحلو في والو او زيد كان يطلبو في حاجة ايقلب عليه الدنيا

☺☺☺☺☺☺☺☺☺☺


يا سيدي ايدير النيف على الدراهم زعما مايلتاش و لكن راكم عارفين ( تسالو دراهم ايقولك واش نتا عسيتنا على 2دورو كان حبيت نعطيك الدوبل او هو جامي ايفرط في دورو).


☺☺☺☺☺☺☺☺☺☺


لاكان هذا نيف ناعلبوه منين جا او لاكان ماهوش نيف مالا بركاو ماتقولو النيف الجزايري

☺☺☺☺☺☺☺☺☺☺

لأنه شفت اللي عندو النيف صح ديما ايبومباديوه مسكين


ملاحظة
ماديروش عليا النيف برك او تبداو تبهدلو فيا غير بلعقل نتفاهمو
ههههههههه
​

 

[لاجودان شاف]

السلام عليكم
صحيت خويا كلامك مليح وملاحظاتك في محلها
مازال ماشفناش النيف في بلايص ملاح
ممكن النيف المليح لي شفناه هو نيف الثورة والثوار - ثورة التحرير-
ونزيدلك نيف آخر نسيتو
النيف تاع لي سطاد
كي تخسر بالون نظيف تضرب المشجعين تاع الفريق لاخر
صحييت خويا
​

 

[IronTarek]

و الله كثرو حتى نسيتهم السطاد و السوق و الليسي ثاني ههههه
الله إعيشك قولي برك حاجة كاش مافيها بلاصة عندكم ندخل أنا ثاني أجودان شاف ؟؟

 

[zahira92]

عجبني زيدان كي داه النيف على عرضو هنا بان جزائري واسمحولي ادا كنت خارجة عن الموضوع هكذاك انا فهمتو
​

 

[adel-mz]

سلام
ختي النيف داروه ناس 54 وايا راح معاهم ،بالسلامة في لامان
مارسي
​

 

[حكاية احاسيس]

خويا يقولك النيف و الخنونة ههههههههههه
و الله ماني عارف وعلاش نهدروا بالنيف على بالك هدي عادة
كون ما جانيش النيف على الموضوع نتاعك كون ما رديتش علي هههههههههههه
سلام:re_gards::re_gards:

 

[INATA LOTUS]

........مشكوووووووووور اخي على الميضووع الراقي ههههههههههه ...........و مرحبا بيك بيناتنا............

 

[homework]

النيف كي تكون غيور علي بلادك وابناء وبنات بلدك كي تكون تسري في دمائك دما ساخنا و مشبعا بالعلم والاختراع و النيف كي نشوف واحد يحقر واحد نحكم بالحق كي نحط رحمة ربي في قلوب الناس كي نشوف شايب كبير نعاونوا والا طفل صغير نساعفوا وكي نحترم روحي والناس

 

[bachboucha]

كاين تاني النيف نتاع الستاد الجزائري ادا خسر ديما رابح يربح العيب و المشاكل​

 

[IronTarek]

الله ايعيشكم راهم عرضوني هنا قالولي كاين واحد البلاصة وين تقدر ترحي او تهدر كيما تحب
أيا جيت، يخي حنا كامل معمرين لداخل

 

[IronTarek]

عجبني زيدان كي داه النيف على عرضو هنا بان جزائري واسمحولي ادا كنت خارجة عن الموضوع هكذاك انا فهمتو
​

هذاك نقدرو نقولو عليه نيف جزائري المهم مانلوموش زيدان و لكن كلاعب محترف لقاولو سبة باش يهدرو عليه و زيد عربي يخي كمل الفيلم

 

[IronTarek]

سلام
ختي النيف داروه ناس 54 وايا راح معاهم ،بالسلامة في لامان
مارسي
​

ربي ايقومنا نديرو النيف حنا ثاني إن شاء الله

 

[IronTarek]

خويا يقولك النيف و الخنونة ههههههههههه
و الله ماني عارف وعلاش نهدروا بالنيف على بالك هدي عادة
كون ما جانيش النيف على الموضوع نتاعك كون ما رديتش علي هههههههههههه
سلام:re_gards::re_gards:

شكرا عليها درت ملاحظة على الأخر باش مايديهمش عليا النيف او يفهموها إهانة
هههههههه

 

[IronTarek]

........مشكوووووووووور اخي على الميضووع الراقي ههههههههههه ...........و مرحبا بيك بيناتنا............

شكرا على الرد المشجع و الإستقبال المحترم

 

[الخيزران]

نعطيك من الاخير
انا نموت على النيف
ونيفي قزاز -زجاج- يطيح يتكسر

يعطيكم الصحة والنيف سلام

 

[IronTarek]

النيف كي تكون غيور علي بلادك وابناء وبنات بلدك كي تكون تسري في دمائك دما ساخنا و مشبعا بالعلم والاختراع و النيف كي نشوف واحد يحقر واحد نحكم بالحق كي نحط رحمة ربي في قلوب الناس كي نشوف شايب كبير نعاونوا والا طفل صغير نساعفوا وكي نحترم روحي والناس

الله ايعيشك تبانلي تعريف كامل و شامل ماعندي مانزيد عليه
لازم نكونو هكا باش ايكون عندكنا النــــــــــــــــييف

 

[IronTarek]

كاين تاني النيف نتاع الستاد الجزائري ادا خسر ديما رابح يربح العيب و المشاكل​

و الله يا السطاد... قالهم كامل أقعدوا

 

[IronTarek]

نعطيك من الاخير
انا نموت على النيف
ونيفي قزاز -زجاج- يطيح يتكسر

يعطيكم الصحة والنيف سلام

ربي ايدومها نعمة إن شاء الله

 

[لاجودان شاف]

نعطيك من الاخير
انا نموت على النيف
ونيفي قزاز -زجاج- يطيح يتكسر

يعطيكم الصحة والنيف سلام

ايييييييييييييييه
النيف ما يوكل خبز في هاذ الزمان ختي فاطمة
سقسيني نقووولك​

 

[الخيزران]

ايييييييييييييييه
النيف ما يوكل خبز في هاذ الزمان ختي فاطمة
سقسيني نقووولك​

نموت على نيفي وناكل خبز بالدهان
ولحم البط والضآن
خااااه منقدرش نتحي نموت كرومة حتى نولي gارومة
التواضع صح بصح النيف لالا
والنيف يقصد به الانفة ومشتقاتها من شهامة وعزة نفس وكرم وووووو