عييــــنا من هاد العفايس........سيارات الدولة حتى فالأعراس!!!!!

[NABILMAN]

وش راكم و شراهي حوالكم :shiny:
هذا اول موضوع ليا فالمنتدى هادا مالا سايسو خوكم برٌاني و ميعرفش i-o:

اليوم حبيت نحكيلكم على واحد الظاهرة
سير واحد مادار عليها مووضوع :showoff:

نحكي على سيارات الدولة لي داروهم فرود و سيارات شخصية نفعية
تلقاه خدام في سونلغاز و لعشية لعشية طاير بالطوموبيل تع الدولة موصل مرتو لدار باباها ههه ولا رايح يجيب قرعات غاز

و لي يخدم في اتصلاات الجزائر هارب ب الرونو اكسبرس هاديك هاز فيها الذر اللور منعرف وين ماديهم يحوسو

وين رايحين بالعقلية هادي ها فهموناi-o:

هيا نخليكم
حقا تفكرت .........اللخرة قالك شافو طوموبيل تع سونلغاز فالكورتاج ديك النهار ههه ولاو يجيبوهم حتى لاعراس:like_1:

هيا تهلاو في بعضاكم
كان معاكم نبيل البسكري
​

 

[إنسانة ما]

بارك الله فيكم
صح، موجود، جارنا يخدم في شركة الماء سيارة الشركة تحت تصرف زوجتو وأهل زوجتو.
ربي يصلح الأحوال

​

 

[ماكانش]

الزازاير .........

 

[programmeur]

سيارة شرطة أصبحت نفعية هههههههههههههههههه

قالك بقات air algerie وتولي نفعية
تصيب كاش pilot مركب مرته في airbus و طاير بيها لجزر هاواي

درك تشوف طيار عسكري
يدور ب MIG 35 ومركب وراه حبيبته ههههههههه

 

[simou11]

بالنسبة ليهم هذيك الطوموبيل تاعهم و يروحو بيها وين يحبو
و تع لعراس هاذي كاين منها الف بالمية
نشفا في عرس حفيدة بنت مهرية
الكورتاج كامل تاكسيات تاع الدولة
عرس برعاية اتصالات الجزائر !!​

 

[sali-sali]

ايه ديما بلادنا فيها عفايس هكدا

 

[hadil2044]

مش عارفين لوين راح نوصلو بهاذي العقليات

 

[شجـ الروح ـون]

احنا عندنا حتى لومبيلونس
l'ambulance
تروح تجيب القضيان والمصروف
.........
ربي يهدي ماخلق
​

 

[إنسانة ما]

بالنسبة ليهم هذيك الطوموبيل تاعهم و يروحو بيها وين يحبو
و تع لعراس هاذي كاين منها الف بالمية
نشفا في عرس حفيدة بنت مهرية
الكورتاج كامل تاكسيات تاع الدولة
عرس برعاية اتصالات الجزائر !!​

أضحك الله سنك أختي
أختي لازم ديريلنا موضوع على مهرية هاذي وتعرفينا عليها
:shiny:
​

 

[07 _H@yThm]

عفاااااااايسي هادي كشما شفت اتصالات الجزائر زرقا
تحوم حدا لحومه تاعكم راني انا
​

 

[Jeune Sghir Mc]

كيما الدولة تسرق فالشعب
خلي الشعب يسرق شوي مالدولة
​

 

[رنيم16]

ونزيد نضيف حاجة
تلقاه يسوg حبة وداخل فالطنوبيلات تع الناس
سينورمال psq ماهو سارف دورو فالطموبيل هديك
ربي يصلح الأحوال
​

 

[simou11]

أضحك الله سنك أختي
أختي لازم ديريلنا موضوع على مهرية هاذي وتعرفينا عليها
:shiny:
​

يا افكارك يا كرآفت !
لازم ندير موضوع على مهرية و بنتها و حفيدتها
باسكو كل كاشي واحد
التمهبيل عندهم سلالة في العيلة
سuرتو بنت مهرية كعبة وحدة !!​

 

[أنثى مختلفة]

هههههههههههه تاع الدولة
واش تحب نديرووووووووو

 

[homework]

كاش يوم تلقى الحماية المدنية تعمر الماء في الديار نظرا لنقص الماء في البيت والله سيارة الأسعاف وماطلقوهاش وحدة تخدم طبيبة توصل ولدها لنوريس بسيارة الاسعاف شوف وين وصلت التقافة نتاعنا

 

[وردة رمال الصحرا]

ههههههه عجبتني تع ولاو يديروهم ف الأعراس
يا خويا الاستغلال عدنا بعيد لدرجة كبيــــــــــــــــــــــرة
هي جات ع السيارات برك .... ولي تلقاه يخدم ف كاش بيرو و 24 ساعة و هو bla bla bla مع لي يعرفهم ولي ما يعرفهمش .........طبعا بتلفون الشركة ولا ....
و الأمثلة بزاف
الحشمة ماكاش ..الحيا راح من الناس .... الله يصلح الأحوال
شكرا كثير
موضوع بزاف شباب
بدايتك راهي فووور خويا
_ ما شاء الله_
(تنحي العين ههه)​

 

[***سوسن الجزائرية]

ايه نورمال كيما قالولك الدولة تسرق الشعب أملا الشعب قلبها عليهم
كيما وحد النهار خالي جاب طوموبيل تع سونلغاز وكان غدوة من داك رايحة نجوز سوركولاسيون علمني فيها و الغاشي قاع يخزر. حاجة نورمال ربي يهدينا برك.
وموضوع هو بالدات يعطيك الصحة​

 

[bachboucha]

ههههههههههه الظاهرة ولات صحية يمدو فيها الطبة راهي بارتو ....​

 

[la_safa]

والله يآ خويآ عندنآ جآرنآ صورة كآملة على هذآ الحآلة
يـpــروفيتي في طوموبيل الدولة حتى في أتفه الحوآيج يروح يقضي مام الحآنوت قريب خلآص
يروحلو بالطوموبيل و لا الغسيل يديها كل يوم كي عآدت الدولة لي تخلص
و مآنحكيلكش على الاعرآس و التوصآل هآذي حآكمة طريق أخرى

اكثر حآجة نكرهآ انو الوآحد يــpــروفيتي حوآيج الغير ..

صحيت خويآ عالموآضيع + موضوع اول مرة يطرح هنآ صحيت ههههـ

​

 

[حكاية احاسيس]

هههههههههههه خويا بديت موضوع واعر مليار
هههههه تحير للشعب الجزائري يفكر بزاف