فلسطيني من غزة
:: عضو مُشارك ::
- إنضم
- 15 نوفمبر 2011
- المشاركات
- 497
- نقاط التفاعل
- 6
- النقاط
- 7
- العمر
- 40
هبطت في مطار هواري بومدين الساعة الـ 9 مساءاً
دخلت مع المسافرين
عند وصولي لشباك ختم الجوازات الاول بعد هبوط طائرتي
اخذ جواز سفري بعد هيك شاف الجواز حكالي الموظف تاع المطار
انتظر
Waiting
حكيتلك اوك
بقيت واقف
بعد 10 دقائق اجا شرطي واخذني من ايدي لغرفة جانبية واجلسني على احد الكراسي وانا انظر اليه
بعدين حكيتله ليش قعدتي هون شو في
حكالي باشارة شوية ونجيلك
راح ساعة وبعدين رجعلي
قلي انت هون للصباح هتنام هون :sad:
ليش طيب .. حكالي لانه ما في امن عسكري يعمل تشييك لجوازك ليأمن دخولك
انتظر للصبح
انتظرنا وخلال انتظاري تعرفت بجزائري قادم من بلجيكا
عزمني على عشا لحمة كبش
تعشيت معه وشربت كوكا
رجعت فيا الروح شوية
بعدين اجا عسكري حكالي لازم تنام لوحدك
اخذوني بغرفة لوحدي ما نمت ولا دقيقة
بس بجد هاي الي ما عجبني بالرحلة
الهدف منها كلها ( اجراءات قانونية فقط )
لسه لو حكالي رح احجز جوازك للصبح اهون عليا
المهم
الصبح ختمولي جوازي
وخرجت من المطار لساحة السيارات والكار
اوقفتني سيارة
حكيتله العاصمة
حكالي تزاير
قلتله العاصمة
قلي تزاير :scared:
قلتله انا رايح العاصمة
حكالي ايوة تزاير :sad:
قلتله تزاير تزاير .. ان شاء الله ع الجنة .. خذني يا راجل
كان بيقصد عن تزايز .. يعني الجزائر العاصمة وانا ما بعرف
طلعت معه
اوصلني بعد ساعة ونصف لشارع ديدوش مراد بالعاصمة
حكتله شو تأمر .. شو عاوز فلوس
حكالي 30 ألف دينار
ما بعرف بالفلوس حاجة وكنت مصرف الفلوس من المطار
200 دولار .. 2 مليون دينار
حكتله تفضل
كان نصاب الله لا يسامحه اخذهم مني بعد فترة طلعوا ما يقارب 30 دولار
نزلت بالعاصمة وذهبت لعنوان فندق اصطحبت عنوان الفندي معي من غزة كبداية
المهم
حوست كثييييييير في ولايات كثير
رحت لمناطق كثير بالعاصمة حلوة ..
القبة - حيدرة - بن عكنون - مقام الشهيد - ساحة الشهداء - حديقة الورود
رحت لبومرداس - بودواو
رحت الرغاية
رحت الحراش
رحت وهران :sheer: بعيدة بزاف بالقطار طبعا بعد ما يقارب 6 ساعات
وتلمسان
وتيزي وزي وبرج منايل
كل منطقة قضيت فيها ايام بس
ما طولت لاني حوست في ولايات كثير
المهم
أحلى شي صادفني بالجزائر وعجبني :-
- النظام والقانون
- اذا بدك تقطع شارع .. تلاقي السيارة تقف والسائق يشيرلك بايده تفضل ويدخلك الشارع
- اذا ضربك واحد في ايدك او كتفك بالغلط في الشارع او ضربت انتا في واحد .. يحكيلك اسمحلي
مشان هيك وانتا ماشي بالشارع بتسمع هالكلمة مليون مرة في الثانية :shiny:
- لما تشوف صديق أو صديقة وتسلم عليه بالصباح او المسا .. المفضل تسلم عليه وتبوسه من هون ومن هون :shiny: يعني Normal
- قهوة الصبح او الحليب ( مشروب مفضل ) قبل تناول اي افطار
وعودوني عليها وصرت اشرب مثلهم .
- لو ركبت الكار ومش عارف كم تدفع للسائق كنت افتح ايدي وفيها كل الفلوس الي بحملهم ويختار الي بيجمع الفلوس المبلغ الي عاوزه بدون سرقة ويقعد يضحك عليا :shiny: هههههه احكيلو اسمحلي ما بعرف في الفلوس تاع بلدكم تزاير
لما روحت العاصمة سألت صديق فلسطيني .. الا وبحكيلي يعني حلو كثير هههههه قلت احسن :re_gards: احم احم
احلى شي وانتا تروح لحديقة عامة او متنزه وتلاقي عجوز جزاري بيقرأ جريدة الخبر او ما شابه وكاسة القهوة جنبه في الصباح . منظر رائع ولاحظته كثير
بعدين الحياة كثير free في تزاير
- المعاملة حلوة معنا كانت من قبل اصحاب الفنادق وبيحترموا كثير
- احلى شي لما تتعرف ع جزائري وتحكيله انك فلسطيني على طول يحكيلك حاب اجي ع فلسطين واحارب عندكم واموت شهيد .. الله ينصركم :shiny: يارب
- اذا سقسيت شرطي وانت بالشارع .. يسلم عليك ويوصلك بكل احترام للمكان الي انت عاوزه
- واذا سقسيت اي جزائري يوصلك ويحطك ع راسه من فوء
- اذا دخلت كافيه او مطعم او اي مكان .. يقعدوا الجزائريين يطلعوا فيك .. على طول يعرفوك مش جزائري :shiny: واذا تكلمت وانت بالمطعم مصيبة كبرى :shiny: هههه بتأكد مليون بالمية انك مش جزائري
- احلى شي ما بتركب عند السائق في التاكسي جنبه الا ولازم تحط حزام الامان
والمصيبة لو انت ناسي وحكالي حط حزام الامان ( وحكالك ياها بالفرنسي ) وانت مش فاهم بالاخر نفسه يضربك ويفكرك انك ما بدك تلبسه .. خخخخخ ههههه حصلت معي كثير
احلى اكلات الكسكس الجزائري
بعدين الجاتوهات .... بتجنن وكل يوم اكل منها
حاجات ما حبيتها وانا هناك
- لما رحت العاصمة وصديق جزائر اصطحبني لغابة التسلية بن عكنون وانا ما بعرف شو فيها من جوة والمصيبة كانت بداخلها
- بعض السرقات حصلت امامي .. في غابة بن عكنون وفي الحافلة في بومرداس وفي احد الاسواق في الرغاية وفي القبة وفي الحراش سرقات كثيرة حصلت امامي
- الاكل يعتمد ع fast food
- ما في اكل طبخ مثل الي بغزة ممكن الوالدة تطبخ اي شي من الخضار .. مثل الملوخية او البطاطا او الباذنجان او الكوسا او ملفوف اوورق العنب او ما شابه
- تلاقي بس في المطاعم - السمك - البيتزا - الستيكات - الاسكلوب - والفريت - والدجاج المحمر - السلاطة - الهريسة - المشروبات الغازية ( تاع حمود بو علام ) .
- معاملة العسكريين من حيث التاخير حتى الصبح لحين انتظار الامن العسكري في المطارات لمن طائراتهم تهبط بعد ال 8 مساءا وبعد مغادرة الامن العسكري للمطار
يعني ننتظر للصبح وبالاخص الفلسطيني .
- شرب الخمور على شوطائ البحار بفظاعة
- الملاهي الليلة والتي تنتشر بكثرة في العاصمة ووهران
- صالونات الرقص والسهرات
- الشمة ما حبيتها بالمرة .. وخاصة ريحتها كانت تقتل لما تركب الكار وتلاقي 20 في الكار بيشموا
- ازمة الحافلات وقت تعليق عمل ودوام القطارات
- الجزائر ما فيها سهرات بالليل بعد ال 10 مساءا
يعني بتقفل مثل بدري مثل الدجاجة النعسانة هههههههههه وهاد شي كان يخنقني كثير
ما بدي طول في السلبيات :shiny:
اتمنى تعطوني رأيكم
:re_gards:
كل التحية
آخر تعديل بواسطة المشرف:
