تارت بالشكولاطة و كريمة الليمون و المورانغ من مطبخي

[merieme hassi]

السلام عليكم
اليوم جربت وصفة جديدة مع فكرة جديدة و الحمد الله نجحت فيها
للعجينة
باكي 1بيمو مطحون و نزيدولو كاس زبدة دايبة و باردة و فاني و صفار بيضة و نخلطو مليح حتي نحصلو علي عجينة نعملوها في المول و ندخلها للثلاجة
تدوبو علبة شوكولاطة و نزيدوها للتارت
كريمة الليمون
3 صفار البيض مع 3 عصير حبات الليمون مع قشورهم مع 3 معالق سكر هنا لك الاختيار هي و درجة الحموضة الي تحبيها
زدت ملعقة صغيرة نشاء خفت متجمدليش و نخلطو هلي نار هادية ثم زدتلها ملعقة صغيرة زبدة و خلطتها مليح و خليتها تبرد ثم اظفتها للتارت
المورانغ
4 بياض البيض مع قرصة ملح مع فاني خلطيهم مليح حتي يولو كالثلج و بدي نزيدي السكر حتي تولي مورانغ هنا استعملت كاس سكر
زيدي الورانغ للتارت و دخليها للفرن غير من الفوق حتي تحمار و خرجيها تبرد ثم حطيهاا في الثلاجة ليلة كاملة
مقدرتش نقصها حتي الغدوة ان شاء الله
ملاحظة ادا العجينة متلمتش بالزبدة زيدي غير شوية معجون
نخليكم مع الصور باش تفهمو اكثر ​

​

​

​

​

​

 

[shahrazad]

امممم جاتك تشهي ختي مريم
ربي يبارك فيك
​

 

[نور الرحمان]

جاك رووووووووووووووعة الله يبارك رايحة نجربو نشاء الله مشكوووووووووووووووووورة.​

 

[رنيم16]

جاتك هايلة
يعطيك الصحة
​

 

[ŚσÚмĨÁ.Ďz]

يعطيك الصحة

جاتك روووعة

تطبيق ممتاز
​

 

[rima29]

وااااااااااااااااااااو
خرجتلك روعة يعطيك ابصحة​

 

[عفاف الجزائرية]

روعة روعة اختي مريم حاسي
تعرفي جيتيني في واش نحب
باسكو نكره لابات صابلي وبريزي وهاذوك لي بات نتحتم عليهم برك في لي تارت
اما هاذي نرحي البيمو ونخلط والى الفرن
والله يعطيك الصحة
ربي يمنيك ويهنيك يا غالية
​

 

[s_luna]

اممممم شكلها مغري ،، أطباقك كلّها تشهّي
بارك الله فيك على الوصفة
​

 

[randa serine]

ممممممممممممممممم مريم حاسي جاتك تهبل
عندي سؤال ليك فقط ادا معليش
العجينة تحليها و تحطيها في الثلاجة و ممبعد تحطي عليها الشكولا و الليمون و المورانغ ممبعد تضعيها في الفرن لكي تتطهى العجينة و المورانغ او تطيبي العجينة من قبل اسمحلي حنونة راني كترت عليك
​

 

[كوثر الوهرانية]

هايلة الوصفة اختي مريم
عندي سؤال على حساب ما فهمت من الوصفة القاعدة متطيبش ندخلها الثلاجة
لكن في الخلطة تيوجد صفار البيض
فهميني في هدي اختي باش نجربها

 

[ألاء الرحمـــن]

يعطيك الصحة رفيقة خرجتلك شابة مشاء الله
بصحتكم
​

 

[merieme hassi]

ممممممممممممممممم مريم حاسي جاتك تهبل

عندي سؤال ليك فقط ادا معليش
العجينة تحليها و تحطيها في الثلاجة و ممبعد تحطي عليها الشكولا و الليمون و المورانغ ممبعد تضعيها في الفرن لكي تتطهى العجينة و المورانغ او تطيبي العجينة من قبل اسمحلي حنونة راني كترت عليك​

الله يحفظك
ماكانش حتي مشكل راني في الخدمة حنونة
نعملها في الفرن باش المورانغ يتحمر برك نشعل الفرن غير من فوق
العجينة متطيبش
اي استفسار راني هنا ​

 

[merieme hassi]

اختي ام كوثر
العجينة متطيبش بصح كي دخليها باش يتحمر المورانغ راه هداك الصفار يجمد
و الله اعلم

 

[merieme hassi]

نورتو الموضوع يا الحبيبات اي استفسار راني هنا

 

[Djazaire-El-Ghalia]

يعطيك الصحّة مريومة روعةوساهلة تبانلي تحياتي حنّونة

 

[زهرة الجنوب9]

يعطيك الصحة شكراااااااا

 

[ام خديجة1]

بارك الله فيك اختي مريم جاتك روعة وتشهي

 

[bachira 2]

بارك الله فيك اختي مريم

 

[imane27]

جاتك هايلة مريم يعطيك الصحة

 

[اميرة الساحل]

يعطيك الصحة دايما متميزة بوصافتك السهلة اللي في متناول الجميع
في انتظار جديدك تحياتي لك ​