السلاااااااااااااااام عليكم و رحمة الله
واش راكم خاوتنا وليدات لمتنا سكان حومتنا بزناسة حارتنا مافيا زنقتنا
ياي عندي وحد الاربع شهر ولا عامين مادرتش ميضوع هنا
ماعليش الرجوع للاصل فضيلة بنت الطاهر
و انا هاني رجعت مي لقيت مليكة بنت مسعود هاو كيفاش ندير ذرك؟
ياي راني باساجي برك و في بالي وحد السويجي هك راه راسي مبوط منو
كي شفت الحالة هدي شعري نسل بقات غير شعرة وحدة كي المحريقة
شوف لوخر وجد البريكة باه يطرطقني هههه آو دراهم ال.... يروحو محارق هههه
ياي هاني راح نحكي المفيد برك برك ماتقولو وش بيه يهرف كيما الكولسترول ما والو
يا خواتي لاحظت وحد الالظاهرة راسي حبس شوي برك وكي كثرو منها بلوكا
راني نشوف ولكان شفتو نتم ثاني وحد القنوات جديدة - انا خاطيني التلفزيون ساعة ساعة
تجي في طريقي برك -
قتلكم شفت بعض قنوات القرآن الكريم حلو جدد
ماعليش حاجة تفرح قناة القرآن :re_gards:
مي خلفياتها وش كاين من وراها هدي اليس ماحبش يقبلها مون سارفو
تلقى القرآن يُرَتل و تشوف الاشهارات غير مايجبد اهتمامك
و زيد دي فوا صور مفضوحة :scared:
هدا كريم البشرة وهدا مبيد القمل و هداو هدا و هدا و هدا
و الي حبستلي راسي مستحضر ل ....... لاداعي لذكره راكم شفتوه :sadwalk:
يخي ربي قال الي يسمع القرآن ينصت ليه
مي كي تسمعو هنا سي سير راح تكونسنطري مع الاشهارات هدوك
الي نورمالمون مايجوش مع القرآن لانو فيهم صور عورة
يعني والله تحير لهد الدرجة يولي القرآن بزنسة؟
انا ماعلاباليش شكون مالكين هدي القنوات مي نقلهم ربي يهديكم برك
و ربي يهدينا كامل و يحفظ امتنا
الا راني غالط قولولي؟
هيا تهلاو في رواحاتيكم
كان معاكم خوكم طيط
هيا اتهلاولي في ميضوعي
طييييط
