الأغواط تعلن حالة طوارئ

[souhila_95]

السلام عليكم ورحمة الله وبركاته:shiny:
السلام يوصل لكل أهل اللمة عضو عضو:thumb_up2: مشرف مشرف شبر شبر دار بيت بيت زنقة زنقة فرد i-o:

يا سيدي حابة نحكيلكم على الظواهر الجديدة في ولايتي العزيزة الأغواط يخي على بالكم راه جاي بوتفليقة في هذه الأيام بلاك تشوفوني في محطة التلفاز هههه.:sheer:

لوكان تشوفو هذي الولاية أعلنت حالة طوارى:no_1: وتأهب الصباح رحت نقرى على 8 كانت الجهة اللي بين سكني والليسي فارغة ولما خرجت على 12 نشوف هذيك العلامات لاسيتي متزينة والطريطوارات والطرق يعاودوا فيها وعمال _o:النظافة الله يبارك رجع الحي كالعروسة يجي يدشن اللاسيتي نتاع الجامعة والمدرسة العليا للاساتذة ....ومنيش عارفة.يخي قلت لصحبتي لوكان بوتفليقة يديرلهم عفسة مليحة ويقولهم كل مرة راني ويطولها شوية كون رجعت لقواط نيويورك هههههههههه:yahoo:

وزيد الوحدات العسكريةاللي خرجوها حتى قلت هذو العباد منين خرجو كالجراد برا وجوا في طروليات كبار وسيارات وموطارات ...:scared::scared:

أنا تنخلعت حسبتها حرب رايحة تنوض قلت هذه هي قيام الساعة :sad:نروح نجاهد في فلسطين أموا نموت مع الشهداء نروح نطلب منهم سلاح ونتكل على ربي:santa_1:هههههه
أنا وصحبتي درناهم غير تمسخير نقولولهم(الى الأمام إلى الأمام ...وغير نشوفو خرين مش يخدمو نقولولهم :جايينكم يا جرذان:like_1::like_1: ...أنا كنت في فنزويلا ههه:lol

المهم والمختصر المفيد علاش بلادنا هكذاك يخافو غير من الرايس ؟ علاش مانسgموش كي البلدان لخرى ؟ وعلى بالي الاجوبة معوجين نقعدو معوجين:smoke: أنا في الحقيقة كتبت الموضوع غير باش ننقلكم الأخبار من موقع الحدث

كانت معكم مراسلة الجزيرة مباشر تنقل لكم الأخبار الساخنة أينما كنت وأينما تكون
souhila_95
ومسك الختام الا وهو السلام
:re_gards:
​

 

[ماكانش]

ههههه
اهلا سهيلة
هذي راهي بارتو وفي الولايات كامل
كلش يتبنترت كلش ينظاف حالة ههه​

 

[شجـ الروح ـون]

ههههه ياختي
لوكان وقفتي فالطروطوار
كان جاز عليك البانسو وبنتروك بعد هههه
هذي هي البلاد وهدي هي العقلية
ا يعجبوني لعباد اللي يجو قبلو يكنس بيد ويبنتر بيد
تقول اخطبوطات ماعرف منين جابوهم:sadwalk:
الخدمة نتاع العام الكل يديروها في نص ساعة
ايه هدي هي
وكل شي ماشي
شكرا حبوبة
تخرج عليك تخدمي مراسلة من قلب الحدث ههه
ماغفلتي على حتى شيء
​

 

[Jeune Sghir Mc]

عقلية الجيريان
حصريا وجميع الحقوق محفوظة للجزائر
نهار تحب الدولة تسـgـم لبلاد رانا نولو بلا مانزينو قبل مايجي الـpـريزيدو
​

 

[nawal 88]

خلي مزيا يربحو تبنتيرة جديدة ههههه​

 

[إنسانة ما]

وعليكم السلام ورحمة الله
أهلا بيك أختي سهيلة
يظرهلي جاكم القذافي مش بوتفليقة :shiny: راني قريت موضوعك كلمة كلمة حرف حرف

إيه أختي وش تحبي، هذا هو الحال، المشكل أنهم ما ينظفوش الولاية كامل ينظفو برك وين رح يفوت الرئيس والباقي خلي تخلا.
بصحتكم زيارة الرئيس
مليحة تع لقواط (هدرتكم مليحة لما تحذفو حرف الغين)

​

 

[ملكًة الاحسآس]

وعليــكم الســلام
ههه واش تحبي اختي هدي هي بلادنــا ، كون مايخلعهمش مرة على مرة عمنا بوتفليقــة ولا واحــد من الوزراء
مانشوفوش ولاياتنــا نظاف ومخدوميــن هكاكـ خلاص .
+
رنا نستناو فالتقرير تاعكـ مابعــد الزيارة ـ يعني ماقبل ومابعــد ـ
يعطيكـ الصحــة مراسلــة لمتنـا بالأغواط ـ بدلتلكـ الاسم معجبنيش مراسلـة الجزيرة ههه ـ
​

 

[souhila_95]

ههههه
اهلا سهيلة
هذي راهي بارتو وفي الولايات كامل
كلش يتبنترت كلش ينظاف حالة ههه​

ايه بصح البلايص لي رايح يزورها ترجع مراية الله يبارك :shiny:
شكرا:re_gards:
​

 

[souhila_95]

ههههه ياختي
لوكان وقفتي فالطروطوار
كان جاز عليك البانسو وبنتروك بعد هههه
ههههههههههههههه
هذي هي البلاد وهدي هي العقلية
ا يعجبوني لعباد اللي يجو قبلو يكنس بيد ويبنتر بيد
تقول اخطبوطات ماعرف منين جابوهم:sadwalk:
مليحة هذي اخطوبوطات هههههههه
الخدمة نتاع العام الكل يديروها في نص ساعة
ايه هدي هي
وكل شي ماشي
صح حسيتهم روبوات مش عباد
شكرا حبوبة
تخرج عليك تخدمي مراسلة من قلب الحدث ههه
ماغفلتي على حتى شيء
_o: عيني محلولين 24 على 24 ساعة رايحة نوافيكم بكل الاخبار السريعة
​

شكرا ختي نورتي:re_gards:

 

[souhila_95]

عقلية الجيريان
dz
حصريا وجميع الحقوق محفوظة للجزائر
متخافش حتى حد يفكر كيفنا:santa_1:
نهار تحب الدولة تسـgـم لبلاد رانا نولو بلا مانزينو قبل مايجي الـpـريزيدو
هههههههه والله عندك الحق
​

يعطيك الصحة:re_gards:

 

[souhila_95]

خلي مزيا يربحو تبنتيرة جديدة ههههه​

ايه تبنتيرة وعليها الكلام:shiny:هههههههه مرسي بوكو ختي على المرور:showoff::re_gards:

 

[souhila_95]

وعليكم السلام ورحمة الله
أهلا بيك أختي سهيلة
أهلا أختي العزيزة
يظرهلي جاكم القذافي مش بوتفليقة :shiny: راني قريت موضوعك كلمة كلمة حرف حرف
هههههههههههههه هدرة القذافي راهي لامود نتاع هذا العام:shiny:
إيه أختي وش تحبي، هذا هو الحال، المشكل أنهم ما ينظفوش الولاية كامل ينظفو برك وين رح يفوت الرئيس والباقي خلي تخلا.
صحيتي هذي الملاحظة نسيت ماذكرتهاسi-o:
بصحتكم زيارة الرئيس
الله يسلمك .بصح ماني مفيدة والو لا سكنة لا خدمة لادراهم ولاهم يحزنون نشوفوه كيفاش يفوت وبوتفليقة الي الي الي:sheer:
مليحة تع لقواط (هدرتكم مليحة لما تحذفو حرف الغين)
هههههههه تعمدت اني نستخدم حرف القاف ونتي لاحظتيها يعطيك الصحة على بالك بلي حنا نقولو حرف القاف في بلاصة الغين هذه من أبرز الحوايج في اللهجة الأقواطية:shiny:


​

شكرا ختي نورتي :re_gards:

 

[souhila_95]

وعليــكم الســلام
ههه واش تحبي اختي هدي هي بلادنــا ، كون مايخلعهمش مرة على مرة عمنا بوتفليقــة ولا واحــد من الوزراء
مانشوفوش ولاياتنــا نظاف ومخدوميــن هكاكـ خلاص .
ايه صح لوكان جا على خدعة مش خير :cra_zy:يشوف هذيك المظاهر ماشاء الله :scared:
+
رنا نستناو فالتقرير تاعكـ مابعــد الزيارة ـ يعني ماقبل ومابعــد ـ
ايه ماتخميش رايحة نوافيكم بكل الأخبار الساخنة نشاله وهذا وعد:shay:
يعطيكـ الصحــة مراسلــة لمتنـا بالأغواط ـ بدلتلكـ الاسم معجبنيش مراسلـة الجزيرة ههه ـ
امممممممممم:shay: الاسم عجبني بزااااااااف من اليوم يكون اسمي مراسلة اللمة :showoff:
​

شكرا اختي نورتي:re_gards:

 

[naGam]

والله ياختي سهيلة يسقموها كيما اليوم وكي يجي يشوفها الرئيس ومن بعد النهار الثاني تلقايها ولات كيما قبل ولااكثر
شكرا ليك مراسلتنا على الاخبار الطازجة
​

 

[souhila_95]

والله ياختي سهيلة يسقموها كيما اليوم وكي يجي يشوفها الرئيس ومن بعد النهار الثاني تلقايها ولات كيما قبل ولااكثر
:sad: والله غير حلاتلي هذي الايام :sadwalk:
شكرا ليك مراسلتنا على الاخبار الطازجة
في خدمة اعضائنا الكرام
​

شكرا نورتي :re_gards:

 

[الحق سلاحي]

ههههههههههههههههههههههههههههههه
=)
​

 

[yasmine_1993]

ايه صح حتى انا خلعت الصباح ملي راه صاير وزييد طريقي جاية مع لاغوت ناسيونال كل مانمشي 2متر نشوف بوليسي و من باعد جا جاي كوغتاج كاش وزير دخل و زيد مع الفرق الفولكورية لي جابوها من كل الولايات ولابوليس و لعسكر والدرك صح لقواط راها مقلبة و النظافة دايرة حالة وو ليكليغاج ليي شعلوا في كل الاحياء والله عييت نلققالها وصف ليوم المهم اقامة سعيدة

 

[βǻŋǾừŧά ₡ǖŦё]

ههههههه ايا مالا انتوما راكم فور
الهدرة علينا :sadwalk:مون تجي لعندنا تقعدي تخزري_o:
ولله الدنيا كامل يبداو يخدمو فيها شويا يحبسو
وتتعمر الدنيا كامل
ايا بصحتكم وشكرا على الطرح​

 

[zahira92]

اللهم اغثنا بامطار غزيرة تكشف المستور.
​

 

[SAMANTHA]

البلاد يحافظوا على نظافتها الشعب نورمالمو البلدية اديرلهم وين يلوحو الزبل (حاشاكم)

و الجهة الجامعة نقية و مخدومة مليح من بكري يسمى البلاصة المخيرة كع .... Mais اgزاجيراو في العلامات واش من الوان سماطت الطرق .... و الفوارات الي كانو فاسدين خدموهم واش نحسبواا .... ؟؟

مع زيارة سيادة الرئيس انا قلت كون غير يهربو بيه و يطلعوه الاماكن مش مخدومة ... يعطيهوم تبهديلة

و هاذي هي , الشعب قاواش والف ... ندعوا ربي يسقم الاحوال في بلاد و ان شاء الله تعود خير من الي راها درك .. و الحمد لله عايشين في امن و سلم و كل الخير .