قولولي شكون لي عندو الحق _(((هو ولا هي)))

[أم عبد الله]

السلام عليكم:sheer: رواد قسم واش راك تهدر :shiny:وحتي الزوار i-o:

علابالكم كيما علابالي بلي الشاب الجزائري نهار لي ينوي يتزوج الحاجة اللولة لي بطلبوهالوا اهل البت هي السكنة وكي يروح يدير دوموند هلى السكنة يقولولو لازم تكون متزوج :cra_zy:يعني الاولوية للمتزوجين:scared:

الحكاية راهي هنا

هذا ياسيدي واحد خطب باه يدير الدوسي نتاع السكنة وتفاهم مع الطفلة وماليها يعني كل شيء عادي وواضح وكان مشدد في الكذب مايحبوش

والحمد لله استفادو من السكن الاجتماعي وكنا نتسناو وقتاه يحدو نهار للعرس الكبير
مي كان كاين مشكل اكبر:scared:

انو بعد ماجاتو السكنة طلقها :scared::scared:راكم تسبو فيه وتقولو خداع

راكم غالطين مام انا في بادئ الامر قلت كيفكم



مي قاتلي ختي هي السبة :cra_zy:حبيتو تعرفو كيفاه i-o:انا نقوللكم


هو عندو 40 سنة وقاللها ندي وحدة مولات 25-28 نكبر معاها وجيبلي الذراري مي هي عندها 30 وقاتلو عندي 25 وكتشف هذا الخبر نهار لي عقدو:scared:

المشكل هنا وين راه
فيه ولا فيها

انا قلت المشكل فيها لوكان من لول قالتلو بالاك كانو يتفاهمو هو خبرها بل شيء وكان صريح هي علاه قابلاتو بالخداع والكذب

هو ربح الدار وهي ربحت ورقة الطلاق بلا زواج قولولي واش رايكم في الكذب نتاع الناس


راني نستنى فيكم تقولولي شكون عندو الحق
انتضر ردودكم

كانت معكم NinaDz​

 

[ماكانش]

أهلا بيك حياة المحبة
يعطيك الصحة على الموضوع الباهي
تبالي الغلطة منها لأنو هوا مادار والو
صح كان قادر يسمح ويفوت علاجالها هيا بصح بلاك غاضاتو كيفاه كذبت عليه ...
مالا الواحد يولي كي يروح لوحدة يدوموندي عليها لاكارت ناسيونال قبل ههههههه​

 

[كبرياء دمعة]

الغلطة منهم فى زوج هى غلطت باسك كدبت عليه و هو كيف كيف هادى ماشى سبة باش يطلقها هو كان حاب الطفلة 25-28 و هى 30 سنة يعنى عامين جاوه بزاف مانيش نشوفها سبة باش يطلقها
ميرسى اختى​

 

[yazar]

بما أنها كانت البادئة بالغش،فهي تتحمل الأمر...شكرا جزيلا...​

 

[Ahlem&mou]

في زوج نيتهم ماكانتش صافية و الله اعلم ,الطمع يفسد الطبع و كونها كدبت عليه فالعمر هادي ماجاياش صح مي لوكان عينو فيها و حابها كان يفوتهالها وهي مااعليها غير تتحمل نتيجة فعلها و خلاص

 

[وهج الجمان]

سلااام عليكم

انا تظهرلي الغلطة منها هي

وكيما مايخفاش علينا حبل الكذب قصي

امالا كي غلطت لازم تخلص

لوكان قرات حساابها مليح لوكان ماصرالهااش هكا

وهو مادام عجباتو كي خطبها

وسور راهو قصر معاها وعجباتو

ماشي بالصح علاجال العمر يطلقها

غير واذا خااف تكمل معاه بالكذب كيما بداتو

وعلى هذا نعطيلو ليه الحق
​

 

[nawal 88]

مالا بابيشة هذي لي عندها 30 وقاتلو 25 علبيها مابانتلوش كبيرة هههههه
يا ختي وهي علاه تكذب عليه لوكان قاتلو قبل ماقبلش وراه المشكل تفرت فيها هو ربح دار وضرك يزيد مرا جديدة
+
هو ثاني عندو 40 لوكان تقبلها وسكت واش الفرق بينها وبين 25
المهم كل واحد وعقليتو
​

 

[إنسانة ما]

وعليكم السلام ورحمة الله
أهلا بيك أختي
هذا مشكل صح، برأيي الغلطة منها هي من الأول لأنها كذبت، يعني سبحان الله تقولو 25 وما علابالهاش أنو يجي النهار ويطلع على وثائقها ويعرف أنها أكبر!!!
الواحد على الأقل كي يكذب يعرف كيفاه يكذب.
الغش في الزواج ماشي مليح.

وهو إذا كان البنت مليحة ومتربية كان ممكن يقدر يفوت هاذ الغلطة، بصح ما نلوموش لأنو ممكن يقولك غشتني الآن ممكن تغشني نهار آخر.

صعيب الحال
ربي يعافينا

​

 

[Jeune Sghir Mc]

هكا ويجيو لبنات يقولولك
الرجال كامل خداعين وكذابين وكامل كيف كيف
ربي يهدي ماخلق

مي وشنو حنا الرجال لي ماشي ملاح
هكذا باه ماتاطاكيونيش
​

 

[adel-mz]

هو ثاني عندو 40 لوكان تقبلها وسكت واش الفرق بينها وبين 25
المهم كل واحد وعقليتو
​

الفرق هو pépé نتاع 5 سنين هههههه.امزح مع اختي .
هو يحوس على الدراري ههههه باين يحسب .

 

[nawal 88]

الفرق هو pépé نتاع 5 سنين هههههه.امزح مع اختي .
هو يحوس على الدراري ههههه باين يحسب .

علاه مولات 30 ماش رايح تجيب لولاد والله كل عام بواحد هههه
بالاك هو غاصتو كي كذبت عليه برك​

 

[adel-mz]

سلام
من المعروف ان المراة السر الوحيد لي متحبش تبوح بيه هو السن .
مي هي الله غالب حسبت كل خضرة حشيش ،جاب لي ربي راحت عليها
مسكينة وماشي حاجة gــــراف ،مناخذوش كل حاجة كلي شغل خلاصت الدنيا .
بارك الله فيك
​

 

[***سوسن الجزائرية]

سبحان الله العظيم حتى فالعمر ولاو يكدبو هداك ماتستهل كدبت تخلص حق الكدبة ديالها
الله يهدينا .​

 

[adel-mz]

سبحان الله العظيم حتى فالعمر ولاو يكدبو هداك ماتستهل كدبت تخلص حق الكدبة ديالها
الله يهدينا .​

ايايايايايايايا لا تكوني قاسية يا سوسن ههههههه
ممكن نخطا من غير قصد .
حفظك الله ورعاك

 

[صفية الروح]

هههههههههه نستعرف بيه وهي علاه تخدع فيه
زواج الخدع عمرو ولا يدوم
واش ربحت هو ادا سكنة ومن غدوا يزيد فيها امراة كيما يحبها وهي ذهاب بلا رجوع
مشكوووووووورة نسيمة تحياتي لكي

​

 

[bachboucha]

ايييييه حتى العمر ولاو يكذبو فيه اي قعدت فدار باباها اللي بغى وحدة يدوموندي ساعة كارت نتاعها ...​

 

[أم عبد الله]

شكرا لاعتماد الموضوع

 

[أم عبد الله]

لي عودة احبتي للرد عليكم :shay:
فالسلام عليكم
:re_gards:

 

[جوانا]

ana tbanli lokan sarhata7 men lowla kan yakdar yatfaham lwad3 w ma yosloch hak

basah hia kadbat 3lih
hia lafout

 

[ريحانة الجزائر2]

الصراحة هي اهم شيء

و الانسان الي يمشي بالحيلة دايما نهايته ماشي مليحة

لان هدا العلاقة تنبنى على اساس هش هو الغش و الكدب