مانعرفش قيمة الخاتم ووقت الشدايد بغيت لحدايد

[bachboucha]

السلام عليكم
واش راكم واش أحوالكم نشالله راكم بخير ..... ​

:cra_zy:

*************************** ************ ***** **** *** ...

ندخل فالموضوع مباشرة
​

​

الناس كامل علابالهم الذهب ولا غالي و مايخفاش عليكم بللي عراسنا كامل متعلقين بيه ...
اليوم صباح كنت نتناقش مع واحد السيد قاوي بزاف فراسو مالقري مازال صغير فالعمر و تجاربو محدودة مي والله أفكارو كامل في المستوى ماتقولوش خلاص وليد البيئة اللي رانا فيها لا علينا

***************** 0_0 ****************

الموضوع فيه زوج افكار .: أهمال خاتم الزواج ​

1- علاه الجزايرية كي تكون رايحة للعرس تلبس 60 كلغ ؟؟ و قندورة عراسي فيها 3 كغ سمسم ولا طرز و تزيد فوق هاذا 5 كغ من الماكياج و على الأقل 10 طبقات بين مبيض بشرة و ضد الهالات ° anti Sèrn ° ؟ ........... بينما
الاوروبية تلبس لباس بسيط SimpL و دير غير الخاتم نتاع زواجها لا ذهب لا قصدير دير غير خاتم نتاع الزواج ذهب و تعرف قدرو و حق هاداك الخاتم tré tré b1 ؟؟

وراه خاتم الزواج و علاه مانعرفوش قيمتو المعنوية بلي رابط لعلاقة مقدسة ... وراه خاتمك يا الجزايرية و واش يمثلك هداك الخاتم
​

الجزايرية الذهب نتاعها كامل تعرفو وين راهو و وكتاه شراتو غير خاتم الزواج نتاعها مانعرف وين راهو مطايش تنساه ولا مانعرف عليها .....​

الجزء الثاني هو الحدايد للشدايد تعكست و ولات​

الحدايد وقت الشدايد أصبحت العريس فالشدايد و العروس بغات الحدايد

بكري العجايز يشريو الذهب و الفضة يقولو نخبيوهم لوقت الشدة كي نحتاجو نبيعوهم Mé اللي رانا نشوفو فيه هو العريس مسكين راهو حاصل ف العرس ...
الشرط + العشا نتاع العروس + تجهيز البيت و كراء البيت + غرفة النوم اللي غالية تقتل + العرس كامل عليه و بلا الحفافو و الحمام و ........ و يزيدو يقولولو دير أولدي الذهب تقاه فالشدايد و السيد راهو فالشدايد وين يزيد كثرمن المصاريف هادو ....

وييييييييييين بيها يا الشبيبة وين ؟؟؟؟ علاه الاوروبيات يقدرو الأمور و يوزنوها كثر منا ؟؟؟ علاه وصلنا لوقت نشوفو العريس صندوق دراهم .....
أنا عييت من التخمام أني نستنى فتعليقاتكم ...​

 

[ماكانش]

أهلا بيك بشبوشة
ههههههههه
يعطيك الصحة على الموضوع الباهي
أسمعي حكايات الزواج راني هنا وخاطيك هههههههه
حنا لمرا تاعنا تحب تروح للعرس لابسة 60 كيلو ذهب كيما قلتي وقفطان ومانعرف واش لاخاطر النسا تاعنا يعلقو بزاف ووحدة ماهي عايشة لروحها ...
حتى ولاو النسا في القعدة وحدة يبدلو اللبسة زوج مرات ؟؟؟
علاه ؟؟؟ باش مايعلقوش عليه ومايضحكوش عليهم
شوفي فلانة راهي لابسة القندورة ألي جات بيها في الطهارة تاع فلانن والحنة تاع فلانة ؟؟؟
شوفي هذاك الشال شوفي هذاك وراكي عارفة التعلاق
بصح الأوروبيات لالا كل وحدة وعايشة لروحها، ومايهموهمش التافهات هذو فلانة واش لبست وفلانة واش لبست ...
أما تاع الخاتم تاع العرس مايتهلاوش فيه هذي صح وشفتها في مرت خويا ياي كي تجي ظيفة الخاتم تاعها يضال يطايش راهو في الدوش راهو فلرض حالة كاش نهار نسرقهولها هههههههههههههه
اما لغلا والشرط يالطيييييييف حالة كبيرة
انا مافيهاش 30 سنة فيها فيها هههه إلا إذا لقيت شكارة صوارد ههههههه
يعطيك الصحة بشبوشة تستاهلي تقييم​

 

[بنـ MaPa ـت]

وعليكم السلآم

النساء الجزائريات والاعراس

كاااارثة انسانية.....النسا اصلا علاش يديرو الدهب بالقناطر واللبسة لوكس غير باش يبانو ويكونو في لعراس كوم ديبرانساس
انا وحدة من الناس لبستي بسييييطة جدا في الاعراس الخواتم وليزاكسيسوار مانسيبورتيهمش بزاف حاجة خفيفة يقولك "اذا زاد الشيئ عن حده انقلب الى ضده"
المهم نعرس ونزهى ونقرعج على عباد ربي كيفاش يشطحو كيفاش ياكلو ههه

وربي يهني كل عريسين

تحياتي
​

 

[nawal 88]

علابالك الاوروبيات يديرو غير خاتم تاع ألماس يسوى ذهب المرة الجزائرية كامل ههههههههههه
الله غالب تربينا على العادات والتقاليد هذو + كل وحدة والgو تاعها
أنا مثلا نحب حاجة سامبل وماكياج هذا ساعات من الفرحة تاع العرس والشطيح ننساه خلاص

مرسي بشبووووووووووووش على الموضوع ​

 

[إنسانة ما]

وعليكم السلام ورحمة الله
يعطيك الصحة أختي بشبوشة
النساء تاعنا يحبو المظاهر أكثر من أي شيء، لي تجي رايحة للعرس لازمها تلبس قنطار ذهب والا ما تروحش، لو تجيف راجلها ما يهمهاش المهم انها تلبس الذهب وخلاص.
وش رح نقولك أختي ربي يهدي هاذ لعباد برك، وبالنسبة لتكاليف العرس ما نعرف إذا تتذكري ردي هذا في أحد مواضيعك: #2
لو الناس تنقص عليها شوي من المظاهر يعيشو مرتاحين.
ربي يكون في عون الشباب ..

​

 

[nawal 88]

+
زعما هذاك ذهب كامل ليها والله غير نصو من عند الناس هههههههههه
بصح انا حيرتني حاجة في الدنيا لوكان وحدة تسلف حاجة ذهب غالية وتودرها كييييييييفاش تخسرهاااااااااااااا؟​

 

[Ahlem&mou]

ما تحيريش,الاغلبية يحبو المظاهر و بالاك على خاطر الناس تقيمك على حساب واش لبستي,ما نكدبش عليك انا يجوني مخلوعين هدوك اللي يديرو المحال باش يبانو فوسط النسا,كل واحدة تحب تبين روحها كثر من لخرا,ينساو اللي الدنيا هاادي ماشي مظاهر و يحسبو رواحهم خالدين فيها.اللي عندها و دارتو من حقها مي ماشي ترغم زوجها يديرلها
يا ودي الدنيا موت موت و وقت الصح لا يصح الا الصحيح

 

[مابقاش بزاف.Dz]

في بالي هادوما قع تفاهات المهم الزواج كي يكون صالح لبناء اسرة حقيقية
سلام

 

[bachboucha]

أهلا بيك بشبوشة
ههههههههه
يعطيك الصحة على الموضوع الباهي
أسمعي حكايات الزواج راني هنا وخاطيك هههههههه
حنا لمرا تاعنا تحب تروح للعرس لابسة 60 كيلو ذهب كيما قلتي وقفطان ومانعرف واش لاخاطر النسا تاعنا يعلقو بزاف ووحدة ماهي عايشة لروحها ...
حتى ولاو النسا في القعدة وحدة يبدلو اللبسة زوج مرات ؟؟؟
علاه ؟؟؟ باش مايعلقوش عليه ومايضحكوش عليهم
شوفي فلانة راهي لابسة القندورة ألي جات بيها في الطهارة تاع فلانن والحنة تاع فلانة ؟؟؟
شوفي هذاك الشال شوفي هذاك وراكي عارفة التعلاق
بصح الأوروبيات لالا كل وحدة وعايشة لروحها، ومايهموهمش التافهات هذو فلانة واش لبست وفلانة واش لبست ...
أما تاع الخاتم تاع العرس مايتهلاوش فيه هذي صح وشفتها في مرت خويا ياي كي تجي ظيفة الخاتم تاعها يضال يطايش راهو في الدوش راهو فلرض حالة كاش نهار نسرقهولها هههههههههههههه
اما لغلا والشرط يالطيييييييف حالة كبيرة
انا مافيهاش 30 سنة فيها فيها هههه إلا إذا لقيت شكارة صوارد ههههههه
يعطيك الصحة بشبوشة تستاهلي تقييم​

سفيان شفيت كي حكينا على الجبايلية ؟؟؟ تلاقيت واحد المرا قاتلي كان يخطيوهم النساء الجايحات يباتو بلا عشاء اما خاتم الزواج هداك انت اسرقو بيعو ونتقاسمو انا و نت دراهمو نص بنص باه ربي مايحاسبكش وحدك ..... زيد 30 سنة مازالك صغير ههه استنى حتى ل 40 خير​

:shiny:

 

[ماكانش]

ألي قيمني ربي يحفظو ...

 

[bachboucha]

ما تحيريش,الاغلبية يحبو المظاهر و بالاك على خاطر الناس تقيمك على حساب واش لبستي,ما نكدبش عليك انا يجوني مخلوعين هدوك اللي يديرو المحال باش يبانو فوسط النسا,كل واحدة تحب تبين روحها كثر من لخرا,ينساو اللي الدنيا هاادي ماشي مظاهر و يحسبو رواحهم خالدين فيها.اللي عندها و دارتو من حقها مي ماشي ترغم زوجها يديرلها
يا ودي الدنيا موت موت و وقت الصح لا يصح الا الصحيح

ايه ماقلتيليش الموقف نتاعك من خاتم الزواج ؟؟؟ نستنى رايك حبيبتي​

 

[bachboucha]

وعليكم السلآم

النساء الجزائريات والاعراس

كاااارثة انسانية.....النسا اصلا علاش يديرو الدهب بالقناطر واللبسة لوكس غير باش يبانو ويكونو في لعراس كوم ديبرانساس
انا وحدة من الناس لبستي بسييييطة جدا في الاعراس الخواتم وليزاكسيسوار مانسيبورتيهمش بزاف حاجة خفيفة يقولك "اذا زاد الشيئ عن حده انقلب الى ضده"
المهم نعرس ونزهى ونقرعج على عباد ربي كيفاش يشطحو كيفاش ياكلو ههه

وربي يهني كل عريسين

تحياتي
​

Simple بزاااف حطة
الله غالب النسا نتاعنا كامل هكدا و انتى واش رايك فاللي ينساو خاتم الزواج نتاعهم ماقلتيلناش رايك ؟​

 

[bachboucha]

علابالك الاوروبيات يديرو غير خاتم تاع ألماس يسوى ذهب المرة الجزائرية كامل ههههههههههه
الله غالب تربينا على العادات والتقاليد هذو + كل وحدة والgو تاعها
أنا مثلا نحب حاجة سامبل وماكياج هذا ساعات من الفرحة تاع العرس والشطيح ننساه خلاص

مرسي بشبووووووووووووش على الموضوع ​

الله يحفضك شكرا على المرور مالقري ماقلتيليش الخاتم نتاع الزواج واش رايك فللي ينساوه ؟
​

 

[bachboucha]

+
زعما هذاك ذهب كامل ليها والله غير نصو من عند الناس هههههههههه
بصح انا حيرتني حاجة في الدنيا لوكان وحدة تسلف حاجة ذهب غالية وتودرها كييييييييفاش تخسرهاااااااااااااا؟​

ههههههه منين راح ترد باينة تدي طريحة من عند الراجل و يخسرها هو و خلاص يحرملها العراس​

 

[bachboucha]

وعليكم السلام ورحمة الله
يعطيك الصحة أختي بشبوشة
النساء تاعنا يحبو المظاهر أكثر من أي شيء، لي تجي رايحة للعرس لازمها تلبس قنطار ذهب والا ما تروحش، لو تجيف راجلها ما يهمهاش المهم انها تلبس الذهب وخلاص.
وش رح نقولك أختي ربي يهدي هاذ لعباد برك، وبالنسبة لتكاليف العرس ما نعرف إذا تتذكري ردي هذا في أحد مواضيعك: #2
لو الناس تنقص عليها شوي من المظاهر يعيشو مرتاحين.
ربي يكون في عون الشباب ..

​

ايه مازلت نشفى على ردك و انت مازال ماقلتيليش واش رايك فخاتم الزواج اسك راح تنسايه مستقبلا ولا تلبسيه ديما ؟

​

 

[Ahlem&mou]

ايه ماقلتيليش الموقف نتاعك من خاتم الزواج ؟؟؟ نستنى رايك حبيبتي​

نقبل نضيع قع دهبي و ماشي خاتم الزواج يا لوكان يكون قيمته المادية صغيرة بزاف,لا لشئ سوى لانو بالنسبة ليا قييمتو المعنوية كبيرة بزاف و كيما انا نقدرو نحب زوجي يقدر لا لليانس تاعو,فهاد الوقت مازال متزوجتش مي شفتها من خاتم الخطبة برك نقبل نضيع اي حاجة و مانضيعوش

 

[bachboucha]

نقبل نضيع قع دهبي و ماشي خاتم الزواج يا لوكان يكون قيمته المادية صغيرة بزاف,لا لشئ سوى لانو بالنسبة ليا قييمتو المعنوية كبيرة بزاف و كيما انا نقدرو نحب زوجي يقدر لا لليانس تاعو,فهاد الوقت مازال متزوجتش مي شفتها من خاتم الخطبة برك نقبل نضيع اي حاجة و مانضيعوش

مممممممممم صحيتي الفحلة هكدا تعجبيني عندك الحق الاشياء عندها قيمة معنوية كثر من مادية تستاهلي تقييم​

 

[إنسانة ما]

ايه مازلت نشفى على ردك و انت مازال ماقلتيليش واش رايك فخاتم الزواج اسك راح تنسايه مستقبلا ولا تلبسيه ديما ؟

​

ربي يحفظك أختي ويهنيك
شوفي خاتم الزواج بالنسبة ليا مالازمش يتربط بعقيدة فاسدة كيما لي عند الغرب النصارى، بالنسبة ليا خاتم الزواج نشوفو حاجة برك باه تميز أنني متزوجة، ونشوفو ثاني من باب الهدية من عند الزوج. إذا كان هكذا فأنا أكيد رح نعتبرو هدية غالية.
أما أني نقدسو لدرجة كبيرة فلا، العلاقة الزوجية أكبر من خاتم، الأساس في العلاقة بين الزوج والزوجته هو الإحترام والود المتبادل مش الخاتم.
ناس بزاااف محافظين على خواتهم لكن علاقتهم فاشلة، ومن بينهم الأروبيين ذات نفسهم لي في معتقدهم أن الخاتم هو لي يزيد المحبة بين الزوجين وأحوالهم أسرهم الله المستعان.
هذا رأيي .. باختصار الخاتم عندي مجرد هدية من الزوج وأكيد رح تكون هدية قيَّمة. وحتى إذا ماجانيش خاتم زواج فهذا عندي لا يعني شيء ..
ربي يرزقك الذرية الصااااااالحة

​

 

[bachboucha]

ربي يحفظك أختي ويهنيك
شوفي خاتم الزواج بالنسبة ليا مالازمش يتربط بعقيدة فاسدة كيما لي عند الغرب النصارى، بالنسبة ليا خاتم الزواج نشوفو حاجة برك باه تميز أنني متزوجة، ونشوفو ثاني من باب الهدية من عند الزوج. إذا كان هكذا فأنا أكيد رح نعتبرو هدية غالية.
أما أني نقدسو لدرجة كبيرة فلا، العلاقة الزوجية أكبر من خاتم، الأساس في العلاقة بين الزوج والزوجته هو الإحترام والود المتبادل مش الخاتم.
ناس بزاااف محافظين على خواتهم لكن علاقتهم فاشلة، ومن بينهم الأروبيين ذات نفسهم لي في معتقدهم أن الخاتم هو لي يزيد المحبة بين الزوجين وأحوالهم أسرهم الله المستعان.
هذا رأيي .. باختصار الخاتم عندي مجرد هدية من الزوج وأكيد رح تكون هدية قيَّمة. وحتى إذا ماجانيش خاتم زواج فهذا عندي لا يعني شيء ..
ربي يرزقك الذرية الصااااااالحة

​

ممممممممممم رايك عجبني بزاف العلاقة اقدس من الخاتم لكننى احترم الرابط الذي يجمع ايضا بيني و بين الطرف الاخر على كل حال شكرا ليك
​

 

[إنسانة ما]

ممممممممممم رايك عجبني بزاف العلاقة اقدس من الخاتم لكننى احترم الرابط الذي يجمع ايضا بيني و بين الطرف الاخر على كل حال شكرا ليك
​

ربي يحفظك يا بشبوشة وشكرًا على التقييم
بصح قوليلي: هل الرابط هو الخاتم فقط؟؟؟؟
أكيد الرابط لي بينك وبين زوجك أكبر بكثييييييييير من الخاتم. يعني نفرضو لو راح الخاتم معنى هذا أنو الرابط لي بينك وبين زوجك خلاص راح هو ثاني؟؟؟ أكيد لا.
الخاتم رمز فقط وقيمتو رمزية كيما قلت من باب أنه هدية.
ربي يباركلك في زوجك ويرزقك الذرية الصالحة

​