- إنضم
- 18 أوت 2010
- المشاركات
- 1,385
- نقاط التفاعل
- 123
- النقاط
- 39
جربت الوصفة الي حطتها شميشة نتاع اللبنه وخرجت روعة في اول تجربة للوصفة صورتلكم كل المراحل ان شاء الله تعجبكم
مثل ما تعرفو اللبنه قليلة عندنا فالمتاجر وإن توفرت تكون غير فالمتاجر الكبرى وبسعر غالي للعلبة الصغيرة جربوها فالدار وتكونو مطمنين انها طبيعية ومصنوعة فالدار
المقادير
- 2 لتر ماء - 2 كيسان لحظة ( حليب بودرة) - 2 علب ياغورت طبيعي
طريقة العمل
*نخلط الحليب البودرة مع الماء جيدا ونحطوه فوق النار حتان يغلي طفي النار وخليه يرتاح حتى تقدري تحطي فيه صبعك وينحرقش*
ضيفي الياغورت الطبيعي وحركي جيدا حتى يدوب الياغورت تماما
غطي الطنجرة أو الايناء الي فيه الحليب جيدا مثل ما تغطي العجين باه يخمر
وحكي الايناء في مكان دافئ أنا حطيتو تحت المدفأة لمدة 7 إلى 8 ساعات على حسب الحرارة الي فالغرفة
منين تفتحي عليه تلاحظي أنو صار جامد بدون ما تحركيه خديه مباشرة الي الثلاجة وخليه لمدة 4 ساعات او اكثر على حسب الوقت نتاعك أنا خليتو الليل كامل
راح تحصلي على هذا الشكل
حطي الخليط في قطعة قماش نظيفة وحكمي الغلق نتاعها وخليها تتصفى
منين يتصفى كل الماء نتاعها راح تحصلي على هذا الشكل
حطيلها الملح قدميها مع شوية زعتر مرشوش وزيت زيتون
أو مع نعناع يابس يبقى الخيار ليك
هي روعة للي يتبعو رجيم والاطفال وشي جديد نزيدوه لمائدتنا
