شاركينا بتجربتك في علاج اطفالك بالطب البديل/تجمع امهات المنتدى/

[السلطانة]

السلام عليكن ورحمة الله وبركاته

شاركينا بتجربتك في علاج اطفالك بالطب البديل

الى كل ام بالمنتدى
نسعى من خلال هذا الموضوع بمشاركاتكن
الى وضع دليل للامهات يفيدهن في علاج اطفالهن
يجمع ما تستخدمينه من وصفات طبيعية
في علاج اي مرض او عرض او تقوية مناعة او غيرها

فمن لديها وصفة جربتها تفيدنا بوضعها
ولهاالاجر الكبير

​

 

[nada242008]

فكرة مميزة جدا وان شاء الله تلقى التفاعل والتجاوب من طرف امهات اللمة
لنستفيد من تجارب بعضنا البعض
كلما نتفكر حاجة نرجع نحطها واي واحد عندها استفسار ان شاء الله نقدروا نعاونوها
وفي الاخير ربي يحفظ اطفالنا ويقيهم من كل سوء
​

 

[oumniati]

فكرة رائعة بارك الله فيك حبيبتي وان شاء الله الجميع يستفيد

تجربتي مع زيت الزيتون لشفاء السعلة خاصة لما تكون ناشفة معتمدة عندي نداوي بيها نفسي واولادي

مقدار من سكر قلاصي وتخلطي معاه زيت الزيتون وتضربي مليح مع اضافة الزيت بالتدريج حتى تتحصلي على خليط متجانس ويكون سائل يعني الزيت يكون اكثرمن السكر

احتفظي بيها في بلارة وتمدي للطفل من الافضل في الليل

وبالنسبة لابني صغير ما يشربش السكر بالزيت ندهنلو صدرو وظهرو بالزيت في الليل ايضا


ربي يحفظ وليداتنا كامل

كلما نتفكر حاجة نقولكم وبانتظار تجارب اخرى

 

[homework]

من نصائح امي
مغلى القمح لي فتح الشهية للأطفال
بذور الكمون و الدبشة مغلى لأزالة الغازات للأطفال

 

[السلطانة]

فكرة مميزة جدا وان شاء الله تلقى التفاعل والتجاوب من طرف امهات اللمة

لنستفيد من تجارب بعضنا البعض
كلما نتفكر حاجة نرجع نحطها واي واحد عندها استفسار ان شاء الله نقدروا نعاونوها
وفي الاخير ربي يحفظ اطفالنا ويقيهم من كل سوء​

بارك الله فيكي ياغالية
ومنكن نستفيد
ان شاء الله يكون هاد الموضوع ملتقى للافادة والاستفادة

 

[السلطانة]

فكرة رائعة بارك الله فيك حبيبتي وان شاء الله الجميع يستفيد

تجربتي مع زيت الزيتون لشفاء السعلة خاصة لما تكون ناشفة معتمدة عندي نداوي بيها نفسي واولادي

مقدار من سكر قلاصي وتخلطي معاه زيت الزيتون وتضربي مليح مع اضافة الزيت بالتدريج حتى تتحصلي على خليط متجانس ويكون سائل يعني الزيت يكون اكثرمن السكر

احتفظي بيها في بلارة وتمدي للطفل من الافضل في الليل

وبالنسبة لابني صغير ما يشربش السكر بالزيت ندهنلو صدرو وظهرو بالزيت في الليل ايضا


ربي يحفظ وليداتنا كامل

كلما نتفكر حاجة نقولكم وبانتظار تجارب اخرى

اهلا سيدتي
نورتي الموضوع
يعطيك الصحة على هذه النصائح والتجارب القيمة
شكرا على افادتنا ان شا ءالله تفيد جميع الامهات وتفيدنا نحن ايضا
في انتظار عودتك بنصائح جديدة :re_gards:

 

[السلطانة]

من نصائح امي
مغلى القمح لي فتح الشهية للأطفال
بذور الكمون و الدبشة مغلى لأزالة الغازات للأطفال

شكرا استاذنا الطيبة على هذه التجربة
ان شاء الله تفيدنا جميعا
:re_gards:

 

[رضوة الجزائرية]

صحيح اني ما تزوجتش وماعديش ولاد بصح نعالج الاطفال بالطب البديل اولا عملت مدكر عليه باختصاصي بالجامعة وثانيا عندي تجربة كبيرة بالعلاج الكبار والصغار
المهم
الطفل لي يكون يتقي بزاف بحثى على الاسباب اولا
يمكن يكون من السوسات لانها تلمس حلق الطفل من داخل وينزل ليه او من الرضاعة الادن لازم على الام ان تحاول بالسنيتن الاولى لطفلها ان تمتنع عنهما لاسباب وقائية وعلاجها يكون غير عن الخبير برفع الحلق من الداخل لا تخافو ما يصير والو هدا العلاج قامو به ناس زمان
مين يكون الطفل يصرخ ديما من دراعيه او ابطه حاولي معرفة الاسباب اولا كما يقولو ناس زمان لازم على الطفل انك تربطيه القماطة وتانيا يكون شخص حملو من يديه وخلاه مدلي للاسف الرجال ما يعرفوش يحملو الطفل كيفاش رايحة تعرفي المرض هنا تقومي بثني الدراعين على مستوى الصدر واحدة على الاخرى يبدا بصراخ بالالم ادا العلاج هنا سهل وبسيط تقومين باخد البصل الاحمر واحدة فقط تقسميها على اثنين وخليها انصاف انصاف برك تفرقيهم وخليهم يغلو باكاس ماء ومع ثلاث حبات من الحرمل على حسب عمر الطفل هدا بالنسبة للصغير ادا تقومين بالليل قبل نومه ان تضعي بالبصل وهو دافئ في ابطيه الاثنين وتكونين قد دهنتهم بزيت عادي وتربطيه من تحت الابطين الي صدره ثم وتعطيه ملعقة من ماء البصل يشربها رايحة تشوفي كيف سينام مرتاح تقومي بهده العمليه ثلاث ايام
ملاحظة:رايحة تسوفيه يمكن يتقى او يرمي ريق من فمه لا تخافي فهدا عادي لان لديه وجع رايح يرمي كل ما بداخل فمه وصدره
وشكرا المهم للفائدة لمن ارادت اي معلومات تتصل بي وساحاول ان افيدكم بما اقدر عليه ان شاء الله ولي التوفق برك دعولي ولا تنسوني
زمان النساء كانو ما يعرفوش الطبيب والان الطبيب يقول ليهم هده خرافة والله معظم الادوية مستخلصة من الاعشاب وتقبلو تحياتي ​

 

[nada242008]

مغلى ازهار البابونج يهدي اعصاب الرضيع ويرخيه مما يشعره بالنوم
تقضي على انتفاخ البطن والغازات وله عدة فوائد اخرى خاصة اذا اضفنا له القليل من العسل​

 

[omarwa]

بارك الله على الموضوع انشاله نستفادو منو جميعا

 

[زهرة الجنوب9]

بارك الله فيك
كمون مع 2حبات حلبة وحبة حلاوة وتحطيهم في بلارة و غليهم
هذا مفيد لطرد غازات عند طفل

 

[نبيلة شباح]

والله موضوع هايل وهذي وصفة من وصفات جدتي
الطفل ككون يسعل بزاف خذي الدبس (عسل التمر ) وسخنيه مع شوية زيت الزيتون وقليل جدا من عصارة ماء البصل واعطيه يشرب 3 ليالي وانشاء الله راح يشفى
وما تنسايش خلال هذي الليالي ادهني صدرو بزبت الزيتون وذرذري عليه الشيح مرحي واذا مالقتيش الشيح ديري البن نتاع القهوة
وربي يشفي وليداتنا

 

[فايزة1207]

لعلاج مغص الرضع 50غ كمون 50 غ بسباس 50غ كروية 50 غ حبة حلاوة تخلطيهم
تغلي 120 مل ماء وتحطي فيهم م ص من الخليط تخايه 10د وتصفيه
شربيه لابنك محلى بالسكر او العسل

 

[السلطانة]

نورتو الموضوع
شكرا على كل الوصفات المفيدة ان شاء الله تستفاد منها العضوات
ولكن الاجر الكبييييييييير
​

 

[hadda0425]

لازالة الحمى( السخانة)
حبة بصلة مهروسة شوية خل شوية حب الرشاد شوية ماء الزهر شوية vيك
زيت الزيتون تخلطيهم وتحطيهم على راس الطفل وتغطيه بفولارة وتدهني ضهرو وصدرو وتخليه ليل كامل

 

[السلطانة]

لازالة الحمى( السخانة)
حبة بصلة مهروسة شوية خل شوية حب الرشاد شوية ماء الزهر شوية vيك
زيت الزيتون تخلطيهم وتحطيهم على راس الطفل وتغطيه بفولارة وتدهني ضهرو وصدرو وتخليه ليل كامل

شكرا عزيزتي هذه وصفة رائعة
ان شاء الله تستفاد منها العضوات
ونقول لمرت خالي عندها ولدها صغير تديرهالو
بارك الله فيكي

 

[hadda0425]

شكرا عزيزتي هذه وصفة رائعة
ان شاء الله تستفاد منها العضوات
ونقول لمرت خالي عندها ولدها صغير تديرهالو
بارك الله فيكي

العفو اختي سندريلا زماني
نحن في الخدمة

 

[hayouta]

رد: شاركينا بتجربتك في علاج اطفالك بالطب البديل/تجمع امهات المنتدى/

ننننننننننن

 

[ЯǾᵯẫḭṧşẰ]

رد: شاركينا بتجربتك في علاج اطفالك بالطب البديل/تجمع امهات المنتدى/

صائح لتخفيف الام التسنين عند الأطفال

1-تدليك اللثة بإصبعك بعد تنظيفه
2-تدليك اللثة بعسل النحل الطبيعي
3-إعطاء الطفل (العضاضة) بعد تنظيفها

إذا ازداد الالم إستشري الطبيب ليصف له شرابا مسكنا للالام

ولاداعي لاستخدام أي جل فهو يحتوي على مخدر موضعي قد يسبب حساسيه​

​

هادا من عند ست الحبايب
​

​

​

 

[om mahmoud]

رد: شاركينا بتجربتك في علاج اطفالك بالطب البديل/تجمع امهات المنتدى/

السلام عليكم ورحمة الله وبركاته
شكرا لاخت ساندريلا على هذ الموضوع القيم
انا ولادي كبار بين 18 سنة و6 سنوات
في الشتاء نعطيهم الزعتر مع عرق السوس
نغليهم ونعطيهم يشربو مع الليل كي يحبو يرقدو
يقوي المناعة وما يمرضوش في الشتاء
بسم الله ما شاء الله
وكي يكونو صغار فوق العامين يشكو من الديدان
وهذا مشكل عند اغلب الاطفال
نعطيهم فصوص ثوم 3 ايام وفي اليوم الرابع نشربهم زيت الزيتون
او نعطيهم على الريق الشيح نقعه ليلة كامل
ان شاء الله تستفادو من المعلوت ......