نتوما تاني و لا لالا كيما أنا ؟؟؟

[ام اشرف]

سلااااام عليكمـ

ان شاء الله تكونوا لابااااسـ

ايييييه هذا عمر مادرتش موضوع عندكم توجور نكتفي بطلة خفيفة

امالا توحشتــــــــــــــكمـ

راكم هدرتو برسك على تو لي sujé ماخليتونا والو

شفت امــــــي "ربي يحفظهالي" كل ماتحلم حلم تحوس تفسرو و تقولي وين راه كتاب تفسير الاحلام ؟

ولا شوفيلي في النت,توجور نقولها اخطيك مي ماتحبش

قولولي نتوما تاني ملي تحرصوا على تفسير احلامكم, وتأمنوا بواش تصيبو؟ ولا نو كيما حالتي ماعندي حاجة ...

اياااا تقبلوا موضوعي و تفاعلوا معانا ^^

 

[ماكانش]

أهلا بيك أم شرف
يعطيك الصحة على الموضوع الباهي
الأحلام أغلبها خالوطات وأضغاث احلام قليل وين يجي واحد باين
ساعات الواحد ينام منامة واضحة من بعد تتخلط ههههه
انا تبالي توسويس الواحد يتحير من لمنام بزاف
ياي كاين واحد جارنا واش ينام يجي يسقسيني وانا كل مرة كيفاه مرة ماعلاباليش مرة نطيشو مرة نبعثو مرة زعما نفسرلو
واش ينام يجيني
ولمنام تاعو كامل مخلط
راهو غرق
راهم عطاوه التفاح
ناض مالقاش سنيه
شرا بابور
خالوطة كبيرة ويجي يكسرلي راسي ههههههههههه
تستاهلي تقييم​

 

[DARINE05]

WI sah tsrali dima mdrrrrrrrrrrrrrrrrrrrrrr

 

[ام اشرف]

أهلا بيك أم شرف
يعطيك الصحة على الموضوع الباهي
الأحلام أغلبها خالوطات وأضغاث احلام قليل وين يجي واحد باين
ساعات الواحد ينام منامة واضحة من بعد تتخلط ههههه
انا تبالي توسويس الواحد يتحير من لمنام بزاف
ياي كاين واحد جارنا واش ينام يجي يسقسيني وانا كل مرة كيفاه مرة ماعلاباليش مرة نطيشو مرة نبعثو مرة زعما نفسرلو
واش ينام يجيني
ولمنام تاعو كامل مخلط
راهو غرق
راهم عطاوه التفاح
ناض مالقاش سنيه
شرا بابور
خالوطة كبيرة ويجي يكسرلي راسي ههههههههههه
تستاهلي تقييم​

ايييييه عندي شعاااال مامدوليش تقييمـ ههههـ مرسي ^^
ياااه مالا راهم كاينين انا ماما كل صبحا حلمت هكا و هكا شوفيلي و لا جيبيلي نشوف
وعلاه Toiمفسر احلامـ ! ماناش عارفينـ مليحـ
وشكرا على المرور و يسرني كثيرا انك تكونـ اول المتفاعلين...

 

[ام اشرف]

WI sah tsrali dima mdrrrrrrrrrrrrrrrrrrrrrr

mrc pr le pàssàge Sis
hhh b1 màt9olilCh ri nti li t7àwssi é tt ! wza3mà yet7à9oulek
é sàlàm

 

[ام سيرا]

شوفي اختي العزيزة كاين احلام تتفسر وكاين لخلوطات برك
انا معظم احلامي تصرا
يعني نشوف حلم ولا نسموها رؤية
ومفسرة باينة بعد مدة يتحقق واش شفت
سبحان الله

 

[النورس]

واحد المرة نمت حاجة و كي شفت تفسيرها لقيتو صح
مي ممكن صدفة برك
​

 

[بيكهام]

سلام عليكم
نظن الاحلام تبنع من الضغط وتعب انسان في العمل او تفكير كثيرا
وكي يرقد يشوف افلام وخالوطات متعرفها صحيحة ولا غالطة
والله اعلم
تحياتي لك وبرك الله فيك
وربي يخليلك الوالدة
​

 

[الخيزران]

في الآونة الاخيرة تخلطولي احلام اليقظة مع المنامات ,
كنت ما نحلمش وكي نحلم حاجة تفسيرها يخرج ,ماشي مرة ماشي زوج مناماتي ما يهبطوش للارض
خطرة حلمت بنت خالتي شرات حذاء بني اللون داها واحد من تقرت ههههه يقولو الحذاء في المنام ولد الحلال
منامات الماساوية ما نحكيهاش
تفبلي مروري

 

[ام اشرف]

شوفي اختي العزيزة كاين احلام تتفسر وكاين لخلوطات برك
انا معظم احلامي تصرا
يعني نشوف حلم ولا نسموها رؤية
ومفسرة باينة بعد مدة يتحقق واش شفت
سبحان الله

سبحااااااان الله اختيـ
صح راني معاك كاين او كاين حلم من حلم
ديفوا واحد غي م ستراس يحلمـ خالوطات
و ديفوا هو يكون حاب تصرالو كاش حاجة ولا يخمم فيها بوكو امالا
كي يرقد يحلمها وكاااااين
و شكرا اختيـ على المرور نورتيـــ

 

[ماكانش]

في الآونة الاخيرة تخلطولي احلام اليقظة مع المنامات ,
كنت ما نحلمش وكي نحلم حاجة تفسيرها يخرج ,ماشي مرة ماشي زوج مناماتي ما يهبطوش للارض
خطرة حلمت بنت خالتي شرات حذاء بني اللون داها واحد من تقرت ههههه يقولو الحذاء في المنام ولد الحلال
منامات الماساوية ما نحكيهاش
تفبلي مروري

هههه
كون غير تناميني شريت بشماق، بلاك تجي بنت لحلال هههههههه

 

[ام اشرف]

واحد المرة نمت حاجة و كي شفت تفسيرها لقيتو صح
مي ممكن صدفة برك
​

صح كاينـ
انا خطرة حلمت صحبتي شرات شوكولا ومامدتليش
حلمت كيفاه دايره و تو لي ديتاي
كي سقسيتها قاتليـ والله صحـ ههههـ
مي ممكنـ صدفة برك وشكرا على المرور

 

[لميس90]

ههههههههههه اما انا حالة خاصة ياو جامي حلمت هههههههههههههههههههههه

 

[ام اشرف]

هههه
كون غير تناميني شريت بشماق، بلاك تجي بنت لحلال هههههههه

بشماق ؟ واشـ هذا
اييييه انا حلمتني صاحبتيـ شريت صباط عندها واحد العامينـ
مي ماكان والو اواااه هههههـ
غي ماتطمعشـ
كي جي المكتوب يجي بلا حلمـ
وربي يرزقك على قد نيتك

 

[ام اشرف]

ههههههههههه اما انا حالة خاصة ياو جامي حلمت هههههههههههههههههههههه

نتي مالا مشي نورمالـ ختيـ هههههـ
ديجا كاين ابحاث تقولك ك الانسان الذكي
يحلم اكثر من غيرو مالا نتيـ علا حسابهمـ
ماكاشـ
مي جاميـ جاميـ اووووه مانصدقش هههههـ

 

[ام اشرف]

سلام عليكم
نظن الاحلام تبنع من الضغط وتعب انسان في العمل او تفكير كثيرا
وكي يرقد يشوف افلام وخالوطات متعرفها صحيحة ولا غالطة
والله اعلم
تحياتي لك وبرك الله فيك
وربي يخليلك الوالدة
​

اشاطرك الراي لكن ديفوا مشـ توجور
بويسك كاين احلامـ صح رؤيا من الله
عز وجل
جزاك الله خيرا على الدعاء وشكرا على المرور

 

[ام اشرف]

في الآونة الاخيرة تخلطولي احلام اليقظة مع المنامات ,
كنت ما نحلمش وكي نحلم حاجة تفسيرها يخرج ,ماشي مرة ماشي زوج مناماتي ما يهبطوش للارض
خطرة حلمت بنت خالتي شرات حذاء بني اللون داها واحد من تقرت ههههه يقولو الحذاء في المنام ولد الحلال
منامات الماساوية ما نحكيهاش
تفبلي مروري

يااااااايـ على احلامـ اليقظة ههههـ
مالا اختيـ تعيشيـ احلمينيـ انا كاش حاجة مليحـ
وخلاص مايهمش ههههـ وشكرا على المرور

 

[ماكانش]

بشماق ؟ واشـ هذا
اييييه انا حلمتني صاحبتيـ شريت صباط عندها واحد العامينـ
مي ماكان والو اواااه هههههـ
غي ماتطمعشـ
كي جي المكتوب يجي بلا حلمـ
وربي يرزقك على قد نيتك

هههههههههههههههه
قالك الصباط القهوي برك ألي ولد لحلال ههههههه
ربي يرزقنا لحلال
رانا غير نضحكو برك هههه

 

[لميس90]

نتي مالا مشي نورمالـ ختيـ هههههـ
ديجا كاين ابحاث تقولك ك الانسان الذكي
يحلم اكثر من غيرو مالا نتيـ علا حسابهمـ
ماكاشـ
مي جاميـ جاميـ اووووه مانصدقش هههههـ

هههههه خيتي انا تبانلي غبية على هكا مانحلمش هههههههه
:schmoll:

 

[نورجس]

السلام عليكم يا اهل اللمة انا نورجس نحب لمنامات ومدمن على التفسير خاصتا ماما وفي بعض الاحيان كي نوم شي منام ونعاودو لماما تغنيلي اغنية وهي يا شيخ الطلبة بركاك من لمنامات كليوم تنوم وجيبلي اخبر واها ياماما واه الا لا بويا يا بويا ماعندي زهر