شحال كرهت هادا style وين رانا رايحيين؟؟

[جزائرية للابد18]

صبـــــــــ الخِير ــاح لناس الخير
مســــ النُور ــــاء للناس الفور (حسب التوقيت اللي راك تقرى فيه موضوعي )
الامر اللي حيرني وخلاني نفكر العقلية اللي راهم يمشيو بها مراهقين هادو الايام وكون جات عليهم خلي فترة وتروح حتى بالكبار كيفكيف هادا واش شفت : مرة رحت مع اختي نوصلها لدروس الخصوصية وهادي فرصة نشوف صحاباتها :scared: ويا يما واش شفت بنات style emo قالك دراري سراولهم طاحو واش رايك في سراول البنات اللي طاحو ورافدين portabelate اخر عيطة ويهدرو بكلمات jamais sme3et bihoum :sad: كلي راهم يهدرو بالالغاز (اواه ماني عايشة في الجزائر) اه وانا في طريقي الى البيت لتم صح صدمة واحد نعطيلو سن 35 سنة دايريين بيه بنات يتحصرو بين 15 و 18 اما عن الملابس نتاعو سروال تقريبا عندي مقطع (يحسراه بكري كنا نشوفو واحد سروالوا مقطع نحطوه طلاب) اه وشعر مربيه وحاكمو بخيط نتاع صباط حشاكم وصباط لون والفردة نتاعو لون اوخر (وعلاه هادا الراجل راهو يستسغر !!!!) وسروال وصل للركبة من بعد راح هو وهادوك البنات ركبوا في سيارة luxe ومشاو قلت مانلحقهومش كفاني t9ar3ij المهم في الغرب الفئة اللي كيماهادي ماهومش معترفين بيها خلاص وشكرا للتكنولوجيا الحديثة على ايصال اهم فكرة مدمرة اختي تاثرت بيهم طلبت 2000 دج كل يومين على اساس مصروف اه مالا اا واش نقول انا كثر خير الجامعة مي بصح ولا العبد يحشم يمشي في الطريق وين الحياء ماكانش ؟؟؟
وصلنا لاخر الموضوع حبيت نصقصيكم برك
هل هادا راجع لعدم اهتمام الاولياء ؟؟
ولا علجال الناس عندهم الحرية كاملة؟؟
او المواقع الاجتماعية (facebook.twitter.skyrock.....وخلي وخلي )
واللي زاد الطين بلة التلفيزيون نشفا كانت قناة وحدة نتاع اغاني دوكا بالملاين كل يوم وحدة جديدة زيد على ذلك اذاعات وهم كبير
واش تقترحوا باه نحدوا من هذه الظاهرة ؟؟
وفي الاخير ربي يحفظنا ويهدي ماخلق امين

​

 

[souhila_95]

هل هادا راجع لعدم اهتمام الاولياء ؟؟
ايه أكيد راجع للأولياء ..اذا كان يشوف بنو ولا بت خارجين من الدار بهذاك اللبس وهو داير زبلة على فمو
ولا علجال الناس عندهم الحرية كاملة؟؟
هذا من أحد العوامل المهمة في رأيي انسان بطبيعتو لما يشوف المجتمع تعو بهذاك البس فأكيد يتبعو والسبب فساد هذا المجتمع هو ذاك الانسان ذو كامل الحريات
او المواقع الاجتماعية (facebook.twitter.skyrock..... وخلي وخلي )
ممكن ..على خاطر المواقع الاجتماعية تأثر على طريقة تفكير الانسان الحالي...وشوف عينك الثورات العربية الأخيرة كلها بفضل الفايس بوك
واللي زاد الطين بلة التلفيزيون نشفا كانت قناة وحدة نتاع اغاني دوكا بالملاين كل يوم وحدة جديدة زيد على ذلك اذاعات وهم كبير
ايه سرتو هاذوك نتاع الشطيح والرديح
واش تقترحوا باه نحدوا من هذه الظاهرة ؟؟
هي لازملها توعية من طرف الأولياء ..حملات فايسبوكية للتوعية الشباب..نشاط جمعيات اجتماعية..توعية التلاميذ من طرف قطاع التربية والتعليم لي يلعب دورها الأساسي الأستاذ..
​

وفي الاخير ربي يحفظنا ويهدي ماخلق امين
آآآآآآآآآآآآآآمين يارب العالمين يعطيك الصحة على الموضوع الرائع

 

[إنسانة ما]

وعليكم السلام ورحمة الله
يعطيك الصحة أختي على طرحك المهم.
فعلاً، الإيمو الآن راه مداير حالة في الأولاد والبنات والله المستعان، هاذ الفئة من الشباب ما يعرفوش صلاحهم ومازال ما يعرفوش شكون هوما الإيمو وما يعرفوش معتقداتهم. راهو غير يقلدوا ويتبعو برك دون أي خلفية على هاذ الشرذمة الشاذة.
المسؤولية بالدرجة الأولى ترجع على الأولياء لأنهم ما يراقبوش أبناءهم، لا وش راهم يتفرجو ولا وش راهم يسمعو ولا مع من راهم يمشيو ولا يراقبوهم وش راهم يديرو في النت ولا ولا ولا.
وحاجة أخرى المعلمين ثاني غاب دورهم. حنا بكري كان الأستاذ لما يشوف بنت أو ولد لابسين لبسة مش مليحة يستدعي ولي أمر التلميذ ويطردو من الحصة ويعاقبو حتى يتحسن هندامو. أما الآن لا المدير ولا المراقب ولا المعلم منتبهين لهاذ الشيء.
وهذا إذا انتبهوا يجي ولي الأمر بكل فخر ويقول بنتي خرجت من داري هكذا!!!
وين رانا رايحين ووين رانا واصلين الله أعلم.
ربي يقدر الخير وخلاص

​

 

[ماكانش]

هذو ناس مساكن يحبو يعاندو برك
كيفاش تلقاي واحد إيمو وهوا يتغدا لوبيا وأسمو لخضر ؟؟؟
ماتخرجش عليه خلاص ...​

 

[adelskikda]

ربي يهدي من خلق ....................شكرا

 

[Soumia_Sétifienne]

هل هادا راجع لعدم اهتمام الاولياء ؟؟
b1 sur
ida 3ad abe wela ome tkhali bentha tokhrj men dar bhadik lebssa c grave ​

او المواقع الاجتماعية (facebook.twitter.skyrock..... وخلي وخلي )
oui meme hadou thani 3andhom dakhl f had chi li rahou sari bara
b1sur ay wehd f le monde yheb yelbess a la mode
yheb yelbess houwa lhaja lmiliha li mich labssinha ness bzf
whadi taber 3la chakhssia koul wahd fina
wkima ygolk koul wech theb welbess wech ye3jb ness
mais dorka welat l3akss je pense hhhhhhhhhh wela welaw ydirou brayhom nakoul wech nheb wnelbess wech nheb wye3jbni mais
في حــــــــــدود
mrc :re_gards:​

 

[اعيش راضية]

يا اختي التقليد الاعمى راه داير رايو فينا
ولينا غير نبلزوا برك ايمو روك بوب
الله يهدينا
من السبب في انتشار مثل هذه الظواهر؟
انا تبالي الاولياء بالدرجة الاولى لانو مهما كبر تاثير التلفزيون و المواقع الا انو السلطة الكبير على الابناء تقع على الاباء
الابن مخلوق ضعيف يستطيع ان يقع في الخطا و الذي يعمل على توعيته المفروض هو الاولياء
الظاهرة ستقل لو توعى الاولياء حيال تصرفات ابنائهم اكتر
الاب و الام اصبحوا يرسلون ابنائهم الى المدارس دون اي مراقبة للدراسة او مراقبة للافكار التي يحملونها او حتى مراقبة للملابس التي يلبسونها
ربي يهدينا و يهديكم ان شاء الله​

 

[الجندية]

اهـآ عندك الصح
حنونه انا غادي نقولك لافيريتي ومدابيا الجماعه يفهموني كوم إل فو وماشقاش واحد يدخلها منا وملهيه انا نبغي نهدر الصح ومابنغيش التبلعيط بزاف .. أسمحيلي اختي
emo style عنده 3 ماخطانيش نموت على الروك والبانك روك صحـآ
بصح في 6 اشهر ولا رسلولي وحد الجماعه نتاع روك يقراو معايا في الليسي باش نتلاقو هادي دي في ... تلاقينا انا انصدمت بزاااااف وكرهت هاد الستيل وماوليتش نقدر نلبس حتى القش هدك اللي كنت نلبسه أمنيني بربي غيـر شفت العجب ... انا رحت وديت معايا لاقيتار وهوما قالولي ماشقاش مانسحقوهاش .... ممارسة السحاق والعياذ بالله وحتى زنا المحارم والله كرهت هاد الستيل نتاع عبدة الشياطين ....
كاين اللي يحب هاذ الستيل من جهة الموضه برك وكاين علابال صوالح وحدخرين الله يبعدهم علينا ويهدينا وإيــآكم مشكوره على الموضوع وسآمحيني على الإطالة .. أرجو التفهم ​

 

[الجندية]

+ فقط إضآفة لتجنب الشبهة فقط راني بدلت لاكوب​

 

[ماكانش]

اهـآ عندك الصح

حنونه انا غادي نقولك لافيريتي ومدابيا الجماعه يفهموني كوم إل فو وماشقاش واحد يدخلها منا وملهيه انا نبغي نهدر الصح ومابنغيش التبلعيط بزاف .. أسمحيلي اختي
emo style عنده 3 ماخطانيش نموت على الروك والبانك روك صحـآ
بصح في 6 اشهر ولا رسلولي وحد الجماعه نتاع روك يقراو معايا في الليسي باش نتلاقو هادي دي في ... تلاقينا انا انصدمت بزاااااف وكرهت هاد الستيل وماوليتش نقدر نلبس حتى القش هدك اللي كنت نلبسه أمنيني بربي غيـر شفت العجب ... انا رحت وديت معايا لاقيتار وهوما قالولي ماشقاش مانسحقوهاش .... ممارسة السحاق والعياذ بالله وحتى زنا المحارم والله كرهت هاد الستيل نتاع عبدة الشياطين ....

كاين اللي يحب هاذ الستيل من جهة الموضه برك وكاين علابال صوالح وحدخرين الله يبعدهم علينا ويهدينا وإيــآكم مشكوره على الموضوع وسآمحيني على الإطالة .. أرجو التفهم ​

أهلا بيك فاتي
تهنيتي وحبك ربي
مي ماذا بيك ديرينا موضوع عليهم وأحكينا واش شفتي وواش صرا معاك خلال التجربة تاعك باش تنصحي الغافلين
راح يجي موضوع هايل بزااااااااااااف ويلقى تجاوب كبير وينقلوه للمنتديات خرين ...​

 

[الجندية]

أهلا بيك فاتي

تهنيتي وحبك ربي
مي ماذا بيك ديرينا موضوع عليهم وأحكينا واش شفتي وواش صرا معاك خلال التجربة تاعك باش تنصحي الغافلين

راح يجي موضوع هايل بزااااااااااااف ويلقى تجاوب كبير وينقلوه للمنتديات خرين ...​

الله يسلمك خويا :showoff:
صحـآ .. إن شآء الله غدوه لاحيانا ربي رح يكون الموضوع يدور هنا
وراح يدير ضجة خاطرش هذه حقيقه راهم غافلين عليها
شكـرا​

 

[إنسانة ما]

اهـآ عندك الصح
حنونه انا غادي نقولك لافيريتي ومدابيا الجماعه يفهموني كوم إل فو وماشقاش واحد يدخلها منا وملهيه انا نبغي نهدر الصح ومابنغيش التبلعيط بزاف .. أسمحيلي اختي
emo style عنده 3 ماخطانيش نموت على الروك والبانك روك صحـآ
بصح في 6 اشهر ولا رسلولي وحد الجماعه نتاع روك يقراو معايا في الليسي باش نتلاقو هادي دي في ... تلاقينا انا انصدمت بزاااااف وكرهت هاد الستيل وماوليتش نقدر نلبس حتى القش هدك اللي كنت نلبسه أمنيني بربي غيـر شفت العجب ... انا رحت وديت معايا لاقيتار وهوما قالولي ماشقاش مانسحقوهاش .... ممارسة السحاق والعياذ بالله وحتى زنا المحارم والله كرهت هاد الستيل نتاع عبدة الشياطين ....
كاين اللي يحب هاذ الستيل من جهة الموضه برك وكاين علابال صوالح وحدخرين الله يبعدهم علينا ويهدينا وإيــآكم مشكوره على الموضوع وسآمحيني على الإطالة .. أرجو التفهم ​

أولاً أختي نحييك على صراحتك
وثانيًا نحييك ونقولك الحمد لله لي هناك ربي من هاذ الناس، والحمد لله لي عرفتيهم على حقيقتهم، وياريت بقية البنات والشباب يعرفو وش عرفتي أنتِ ويفهمو كيما فهمتي أنتِ.
وراكي قلتيها في كلامك: عبدة الشياطين،، يعني وش راح يجيك من واحد يعبد الشيطان ويشوف أن الشيطان مخلوق مليح؟؟؟؟
أحمدي ربي أختي في كل وقت الي هنَّاك وكشفلك هاذ الناس على حقيقتهم.
ربي يحفظك ويحفظ جميع بنات المسلمين
+ تقييم

​

 

[ماكانش]

الله يسلمك خويا :showoff:

صحـآ .. إن شآء الله غدوه لاحيانا ربي رح يكون الموضوع يدور هنا
وراح يدير ضجة خاطرش هذه حقيقه راهم غافلين عليها

شكـرا​

يعطيك الصحة فاتي
ايه ديريه وقولي عن تجربة حقيقية وواقعية ...
والله غافلين عليها بزااااااااااااف ...
في إنتظار موضوعك​

 

[مايا الجزائرية]

سلام عليكم
والله هاذي الظاهرة صرنا نشوفو بزاف حتى انا راني دايرة موضوع عليها ..شكيت هادي خليط من النت والتلفزة وعدم مبالاة الاولياء..ربي يهدينا اجمعين وشكرا على الموضووع تقبلو مروري

 

[═♥.ЈŪšť_ màn.♥═]

..
اممممممممم ... في عمري 17 سنــة
مي تباانلي ما نيشــ عاااااااايشــ كيماا هااااادو الي حكيتــو عليهـم
و ستااااايلـ ايمــو ^^ هاادوكــ جايحيـــن
مين باااا مااشي سوااسوااا
داايرين الضحكــ
و الله كاااااااااارثــة . جيل اخر الزمااان
دمتــ بخير

​

 

[مابقاش بزاف.Dz]

شحال نكره الايمو
صح ديفوا نشتي نتبع الروك ستار في حرايج مي ماشي الواحد يتعمق حتى يدخل في متاهات خرين
الله يهدينا هدا ماكان