سعد العكيدي
:: عضو مُشارك ::
- إنضم
- 21 جانفي 2008
- المشاركات
- 398
- نقاط التفاعل
- 0
- النقاط
- 6
- العمر
- 60
ميلو بينه..يلي شلتو النعش بالله ميلو بينه
ميلو بينه نودع أهلنه وعادة اليرحل يودع أهله بدموعه ومن صورهم يمله عينه
ميلو بينه الشوگ هزنه ألحضن أمنه ذيچ الحبيبه الحنينه
ﭼلمه منهه وﭼلمه منه حيل مشتاﮔين واشتاﮔت حـﭼينه
ميلو بينه ألعند أمنه بس نوادعها إببـﭼينه
ميلو بينه وشدعواكم ولو نظره ..ولو لمسه أنحني بيهه أﭼفوف أيدينه
وانتواهب خاف زعلانه علينه
ميلو بينه وعالمكان البي ربينه
البيت اهلنه نودع ايامه وسنينه
ميلو بينه الفرع اهلنه حيل مشتاگ لمشينه
ميلو بينه لحي حبيبتنه الحزينه بلـﭼـي بوسة زغيرة منه بلـﭼـي لو شفناها مره ارواحنه ترجع علينه
ميلو بينه وعلى بريمه هناك عدنه اعتاب يمهه هناك يمه أرتمينه
هناك زلهه الماحمانه وخان بينه هناك صار فراگ يمه هناك ضيعنه خوينه
وينو أشو مابينلنه وينو اشو ما مر علينه
مودع ودرب السلامه وبس اخاف الذيب يوﮔـع بيد شاة ايظل رهينه
ميلو بينه
وخاف يخلص هالنهار وهذي اخر ليله هينه
ولولا بيه إنوب ليله ما حـﭼينه
وما بـﭼينه
وما ندهناكم يولو ميلو بينه
ميلو بينه وعالجسر وﮔفونه لحظه ﭽنه هين ازغار نلعب عالجرف يحضنه طينه
ميلو بينه وفرّرونه بهالحويجه وعالمنازل دار دار وﮔولو لتراب الحويجه إيون علينه
واحـﭼو قصتنه ألولدكم واحـﭼو حضكم وﮔولو للاجيال ماخنه وفينه
وﮔولو للاجيال ماخنه وفينه
أدعو لشهدائنا بالجنة
آمين