//// ماقدرتش نبعد على دارنا يومين برك.........نتوما تقدرو؟؟؟؟

[بنـ MaPa ـت]

الــــــــــــــــــــــسلام عليكم ورحمة الله

عاش من شافني هنا ههه
زعمة كنت غايبة وجيت :shiny:
واش راكم؟؟ بخير؟؟ لاباس؟؟
الحمد لله

حبيت نشوف آسكو نتوما من الناس لي تقدر تبعد على دارهم في ليفاكونص اور ناو؟؟
حب يقول واحد ولا وحدة يبات بعيد على والديه وخاوتو

انا صراحة مانقدرش
تقولي الام نتي على حساب الشوفة مانزوجكش ههههه

المهم

من يومين كنت عند خالي الحمد لله قامو بيا ربي يخليهم وتوانست مع بناتو وضحكنا وتمهبلنا كي العادة :shiny: لكن ماقدرتش نستوعب اني بايتة بلا امي....معجزة _o: بابا شوية مي ماما كتر :blush:
موالفة نخرج غير معاها نبات تاني معاااهااا مانقردش نبعد عليها

حبيت نجرب بلاها وفعلا جربت وفشلت بنسبة 89 % :shay:
اشتقتلها :tears: وحتى هي اشتاقتلي وعيطتلي نجي نديك ماقدرتش نصبر وحدي هههه
(قتلها علابالي لي نخطيكم ضيعو ههه)
وبابا مسكين رحت بلا مانقولو قاتلي كي جا دار حالة وعلاش خليتيها تروح وبالاك تولي تبكي عند الناس في اليل تاني
:scared:
بابا حاط عندي 5 سنين هههه
اول مرة ماقتلوش ماديرو والو في بالكم خخخ

المهم
حابة نعرف آسكو نتوما تاني كو صا ولا غير انا؟؟؟

اليكم الميكرو عبرو وفرغو كيما تحبو :shiny:


سلآمي

:re_gards:
​

 

[بيّاع الورد]

اهلا

هههههههه ياو فكرتيني باختي

مسكينة جامي تبات في ديار الناس بلا يماً ههههه

و اذا فارقتها ليلة .. ذيك الليلة كحلة معمرة بالدموع هههههههههههه

شخصيا انا ما نتقلقش بالعكس كي نغير الجو نرتاح اكتر

الف ششكر و ما تبكيش بززاف على ماماك ههههه

سسلام

 

[adel-mz]

سلام
والله اختي بالنسبة ليا والفت ،نتوحش دارنا مي الله غالب ياما ايام وشهور بعاد عن العايلة .
مارسي
​

 

[آمِيْرَتُه]

ههههههه ممكن انت صغيرة شوفي حالتي انا 25 سنة كون منرقدش حدى ماما نموت :shay: هذوا اليامات راحت سافرت املا لا رقاد لا شراب و كي تعيط نوض نوح و نبكي دقولي بيبي
ربي يجيب الخير نهار نتزوج
​

 

[إنسانة ما]

وعليكم السلام ورحمة الله
أهلا بيك بنت باباها وماماها
هنا ظهرتي صح اِسم على مُسمَّى .. بنت ماماك وباباك
أنا ثاني أختي ما نقدرش نبعد بزاااف، عندي أختي في عنابة وخويا في العاصمة يعيو معايا أرواحي عندنا فوتي أيامات ما نقدرش نروح.
بصح بما أنكِ بنت لازم تعودي روحك وتيهئيها لأن رح تتزوجي وتبعدي ذراع عليك.
ربي يحفظلك باباك وماماك ويحفظك ليهم ..

​

 

[ماكانش]

أهلا بيك بنت باباها
ههههههه
صح بنت بابا وماما هههههه
أنا لو كان نلقى نهجر من لبلاد هذي خلاص و6 سنين مانشوفش واحد نعرفو
كي كنت نخدم نسافر بالسمانة نتوحش غير اللمة هههه​

 

[ღحنين الروحღ]

السلام عليك
مم يعني اسم على مسمى يعني ماغليطيش كي خيرتي اسمك بنت ماما وبابا
انا تانة مانحبش نبعد على الدار مي مش لهي الدرجة الي انت فيها ههههههههههههه
وي نحبهم ومانقدرش نبعد عليهم مي ساعات تضطري
مممممممممممممم يمكن انا كيفك مي شويا قليلة عليك
جاتني فرص اني ندرس بعيدة على الدار وما قبلتش لاني نشتاقلهم وخيرت نكمل قرايتي هنايا احسن من اني نبعد مع انو الترونسبور كاين
واشياء خلاف مي حبوبتي حبيت نسقسيك مجرد فضول قداش في عمرك...............اذا كبيرة لازم توالفي ترقدي وحدك وتبعدي على ماماك وباباك شوي على الاق تتعودي من ضرك كيما قلتي ممكن يجي نهار وتبعدي ضربة وحدة لبيت زوجك .............واش حديري لتم هههههههههه
+دبرتيها لقيتي واين تروحي نحسدك
انا عطلة كاملة ماقاليش واحد ارواحي عندي بدلي جو هههههههههههه دبرتيها
تقبلي ردي حبوبة

صح بنت ماماك وباباك اله يعيشهملك يارب وماتبعدي عنهم ولا هم يبعدوا عنك ان شاء الله
موفقة
​

 

[أم نعمة]

انا تاني كنت كيما هاك ومبعد تزوجت جاتني صعيبة مع لبدية و مبعد والفت هاذي هي الدنيا وحنا تاني نديرو ولاد يوالفونا و مبعد يروحو هذي سنة الحياة ربي يخلينا والدينا ويطولهم في عمرهم

 

[اعيش راضية]

السلام عليكم
ههههه والله قصتك حلوة
انا كيفك ما نقدرش نبعد على ماما نحبها بزاف و موالفتها و لكن نصبر عليها كي نكون عند فاميليا مي مشكيتش نصبر اكتر من سمانة برسكو نتوحشها بزاف
ربي يخليلك ماماك و باباك و ما يحرمكش منهم و ان شاء الله توالفي شوية بلا بيهم باش تقدري تكملي حياتك​

 

[داليا]

هههههههههههههه علاش شحال عمرك؟
انا قبل ما نتزوج كنت نقرا بعيدة على دارنا و نطول باش نروح يعني موالفة شوية بصح كي تزوجت بعيدة على دارنا عييت نوالف نهار كامل و انا نبكي هبلتو المخلوق و لحد الان عندي اكثر من عام و مازلت نبكي نتوحشهم بزاف بصح واش نديرو سنة الحياة

 

[nina usma]

jamais jamais w jamais bat f kach dar bla mama dar mami(mani) w mabatch bla mama kima y9oluli ki tatzawdji adi mamak m3ak:um_sh: hhhhhhhh

 

[خوليتا]

كوتشي كوتشي .. ماتبكيش pوpونة تتزوجي و توالفي ههههههههههههههههههه
أنا كانت فيا هذي الطبيعة مي درك كبرت أحم أحم ووالفت ههههههه
مرة ختي راحت عند عمتي فليالات ربي جابها بن عمي قالنا على 10 قالتنا ديوني لدار بابا ههههههههه

 

[الجندية]

يــــآآآآآآآآآآآآآآآآآآآآآآي لامام شوز .. رانا كيف كيف
انا تاني مانقدرش نصبـر على ماما بصح بـآبـآ نورمال مي هو مايقدرش يصبر بلا بيا هههههههههه
​

 

[kojak]

اهلا همخلوقة .......خوك غاب على دارو9شهر لين باب ادار ريحو ^_^
​

 

[hiba14]

ههههههههه عندك الحق انا كي رحت لاسيتي في الجامعة بت غدوة من داك سايي ما نجمتش حسيت حاجة خانقتني وليت غي نبكي و الي زادت ضربت الزنزلة في الليل رواحي انت و سكتيني الشيرات قاع طلعو لشنابرهم و انا برا هايهاي هاي الشعب قاع مداور بيا يا طفلة راكي مرا و انا والو بابا ارواح اديني كي جا بابا قالولو شكون ديك البكاية ههههههههههه واعرة ا اختي صح

 

[بنـ MaPa ـت]

اهلا

هههههههه ياو فكرتيني باختي

مسكينة جامي تبات في ديار الناس بلا يماً ههههه

و اذا فارقتها ليلة .. ذيك الليلة كحلة معمرة بالدموع هههههههههههه

شخصيا انا ما نتقلقش بالعكس كي نغير الجو نرتاح اكتر

الف ششكر و ما تبكيش بززاف على ماماك ههههه

سسلام

هلآ
ماتقوليش هكدا نحس روحي 5 سنين :shay:
ماتخبيش باين نتا تاني ماتقدرش تصبر عليهم ايا قر برك هههه
مرسي خيو منور الموضوع
وربي يحفظلك اخواتك ووالديك

:re_gards:
​

 

[بنـ MaPa ـت]

سلام
والله اختي بالنسبة ليا والفت ،نتوحش دارنا مي الله غالب ياما ايام وشهور بعاد عن العايلة .
مارسي
​

وعليكم السلآم
الحمد لله لي والفت
الله لا يحرمك من شوفتهم خويا وربي يخليلك ياهم
مرسي على المرور منور الموضوع

:re_gards:
​

 

[بنـ MaPa ـت]

ههههههه ممكن انت صغيرة شوفي حالتي انا 25 سنة كون منرقدش حدى ماما نموت :shay: هذوا اليامات راحت سافرت املا لا رقاد لا شراب و كي تعيط نوض نوح و نبكي دقولي بيبي
ربي يجيب الخير نهار نتزوج
​

ههههه ربي يخليلك ياها ختي وربي يحفظك ليها ويرزقك بالزوج الصالح وتقدري توالفي بلا بيها
باش مانستشفاش فيك هههه
مرسي على المرور خيتو منورة الموضوع

:re_gards:
​

 

[بنـ MaPa ـت]

وعليكم السلام ورحمة الله
أهلا بيك بنت باباها وماماها
هنا ظهرتي صح اِسم على مُسمَّى .. بنت ماماك وباباك
أنا ثاني أختي ما نقدرش نبعد بزاااف، عندي أختي في عنابة وخويا في العاصمة يعيو معايا أرواحي عندنا فوتي أيامات ما نقدرش نروح.
بصح بما أنكِ بنت لازم تعودي روحك وتيهئيها لأن رح تتزوجي وتبعدي ذراع عليك.
ربي يحفظلك باباك وماماك ويحفظك ليهم ..

​

:shay: ماتحرجينيش بيلز ههه
يمكن تقدري تجوزتي يامات معاهم لانهم من صحاب الدار راهم خاوتك يعني مثل امك
روحي نحي شوية على خاطرك خير من قعاد الدار :shiny:
ربي يخليهملك خيتو وربي يحفظك ليهم
مرسي على المرور منورة الموضوع

:re_gards:
​

 

[بنـ MaPa ـت]

أهلا بيك بنت باباها
ههههههه
صح بنت بابا وماما هههههه
أنا لو كان نلقى نهجر من لبلاد هذي خلاص و6 سنين مانشوفش واحد نعرفو
كي كنت نخدم نسافر بالسمانة نتوحش غير اللمة هههه​

شوفلنا بلاصة معاك تع 3 ههه (والديا لازم نديهم خخخ)
استغفر خويا لوسع ساهلة فيه الهدرة
مي كي جرب تندم وتتوحش كتر وكتر
ربي يحفظهملك وربي يحفظك ليهم
مرسي على المرور سفيان منور الموضوع

:re_gards:
​