الي فاتو الزين .....يلحقو ب..........

[القطة الزهرية]

السلام عليكم ورحمة الله وبركاته
واش راكم ناس اللمة ياخي راكم بيان نتمنى تكونو كامل لاباس ...........وتاني هاد الموضوع يحكي على جزء من حياتي انا وصديقتي الانتيم القطة الجزائرية على خاطر ضالين مع بعضانا ***وحد النهار سلفت كراسي للطفلة تقرا معايا وحد الانوشة هكا وحنا لغدوة عندنا فرض ايا رحت لريمي قتلها لكان تقدر تروح معايا نجيب كراسي مناه اكم تعرفو لعرب تاعنا كون ماتروحش اجيب حاجتك ماجيكش من سابع المستحيلات ***المهم رحنا وستر ربي نعرف وين تسكن قريبا لينا سقسينا الحمد لله اداونا لحتى باب الدار اكم تعرفو انوشة كامل يعرفو دارهم ****ياسيدي طبطبنا وصونينا تفتح الباب ....؟؟؟؟؟؟خرجتنا وحد الكائن غريب هكا _o:_o::scared::scared:ايا شفت مع ريمي قتلها واقيلا غلطنا في الدار المصايب هادو تاع لولاد يتمصخرو بينا ريمي قاتلي بلاك والله كاين منها مناه هاد لولاد ماش متربيين ..........ومن بعد جينا رايحين قتلها اسمحيلنا اختي غلطنا بلاك ....لقيناها بدات تضحك ......_o:_o:ياه ياه خير برك _o:_o::scared::santa_1:قاتلنا ماعرفتونيش ........قتلها انا والله لم يحصل ليا الشرف مي شبهتك (هههههههه دخلت فيها تفلسيف ماتلومونيش وحدة طول نشوفها بالخيمار والماكياج حاجة باينة مانقدرش نعرفها بلاهم )
قاتلها ريمي حتى انا قاتلنا فيفي ريمي عيب عليكم ماعرفتونيش شوفو كيفاه يطيحو .....قاتلها ريمي ييييييي صح صح انتي اخت منال عيطينا عليها i-o:i-o:نحتاجوها (الطفلة حارت صح ) قاتلنا انا هي منال الي تقرا معاكم ماعرفتونيش (انا زدت شوي قلتلها اواه هديك شابة عليك وانتي غولة ياااربي اسمحلي خليقة ربي )روح ياسيدي قاتلنا واش نحيت الماكياج ماعرفتونيش .........سبحان الله تقول عليها ما هذيك الي تقرا معانا ولات عبد واحد اخر خلاص هذا الماكياج (خداااع المومنين)وشحال يبدل لخلايق ابشع الباشعين تتخدع فيه المهم حبيت تقولولي واش رايكم برك في هاذ لبنات الي يحطو الماكياج بالكيلوات ويبانولكم شابات ......شوفو هاد النقاط وهاتو راايكم ....
1-يعصيو ربي مناه راهم يتبرجو وينعتو زينتهم لغرباء عنهم وينشرون الفتن (الملخص المفيد حراااام)
2-يخدعو في الناس عليها سماوه خداع المومنين قادر راجلها يديها ينوض الصباح يموت بقلبوا يقول انا تزوجت بعبد ولا فينومان هههه ...في انتظار آرأكم سلالامو :re_gards::re_gards:

 

[07 _H@yThm]

بصح نورمالمو نتموما لبنات تعرفو لحقيقه لمره نتاعها قبل ماتروحو لدارهم وتتصدمو
يعني وجه لخروف معروف وصدق الشاااااب فيصل كي قال شاااااابه بلا مكياج ينوض عليها لهيداج.............
مشكوره ع الميضوع​

 

[لاجودان شاف]

السلام عليكم
أهلا بالقطة المزهرية
وش راح تعملي هاذي هي حالة بنات الجزائر لي خلاو المغني هذاك حاير
بصح ما يطولوش ويتكسرو وجووهم كي لقزاز
ولا يحكمهم كونسار تاع الوجه
شفت وحدة تالمو تستعمل كريمات الوجه حتى وجها زراق كي القديد
هيا بزايد عليك
بالسلامة​

 

[virus2015]

دوك وين عرفت علاه البنات رايحين والألوان يزيدو في وجوههم :schmoll:
خطرات تلقى الطفلة خارجة من دارهم تقول بالاك راهم يبنترو في الدار وغلطو جوزو عليها البانسو تاع الصبيغة :showoff:
لي تشوف صاحبتها بلا ماكياج تتشوكا وتقولها بالماكياج تكوني شابة i-o:
أيا هي تآمن وتزيد في لا دوز :sheer:
صحيتي على الموضوع ختي مي ما خبرتيناش
ياخي صاحبتك راهي سلامات بعد الشوك " الصدمة " ههههه
تقبلي مروري:re_gards:​

 

[Bissan-sisil]

اصبحنا في عصر الموضة ومن بين اللبسة والعديل الشعر كاين الماكياج حنونا شكرا على الموضوع ++

 

[إنسانة ما]

وعليكم السلام ورحمة الله
أهلا بيك يا القطة ..
والله أنا نحير كيف طفلة تقرا ثانية ثانوي ولا أولى ثانوي ولا حتى باك تحط ماكياج، مازالت صغيرة على الماكياج، أهلها وين راحو؟؟؟؟ مع أنِّي ضد المكياج عمومًا إلا وحدة متزوجة تتزين بيه بين النساء وأمام زوجها وفرات.
أنا في رأيي الطفلة لي تحط مكياج وهي صغيرة ومازالت تقرا في المتوسط وإلا الثانوية قليلة حياء، لأن لو كانت تستحي على الأقل تستحي من والدها وخوها وأستاذها لما توقف قدامهم وهي متزينة هكاك.
راهم غير يضرو في رواحهم ويضرو في بشرتهم. هاذي بعد 10 سنين روحي طلي عليها ورديلي الخبر، تولي تبان وكأنها أكبر من عمرها بـ20 سنة.
ناس بكري يقولو: (الزينة بلا كحل والعزيزة بلا طفل).
وش رح نقولو ربي يهدي وخلاص ..

​

 

[بيّاع الورد]

ربي يهدي ما خلق

الف ششكر و مرة تانية ما تسلفيش كراسك هههههههههههه

 

[crazy girl2]

هدا الموضوع يحكي فيه طفل ماشي نتي حنونة ...كل واحد يهتم بروحو كيما حاب هو​

 

[˜•ȘħåŨŋä βřįťŤ•˜]

هههههههههههههههههههههههه

الله غالب بنات اخر الزمان

 

[farouk sansiro]

وزن الفتاة الجزائرية 60 كيلو بعد وضع الماكياج تصبح 65 كيلو وبعد لبس تلك الملابس تصبح 65.1 كليو غرام​

 

[ماكانش]

ههههه
انا كي نرروح نخطب نقلهم نشوف الطفلة صباح ربي كي تنوض من لفراش ههههه​

 

[جزائرية كوول]

ههههههههههههه والله صح
مام انا صراتلي كيما هاد العفسة العام اللي فات

مرسي قطوطة
​

 

[hiba14]

هههههههه ماعلاباليش بصح انا جامي عجبتني وحدة بالمكياج الا بعض العرايس اللي يكون ماكياجهم سامبل و مخدوم عند وحد لاكوافوز كوني هنا عندان بصح في حياتي العكس نحسو لوحة زيتية في وجه المرا نحسها موسخة اسمحولي على هاد اللفظ بصح و الله غي هاك يبانولي غسيل بالاك كحل بالاك بصح هاديك الفاغاجو و الفوندوتان و فاغابوبيار و ايلينر تبانلي تزيد تبهدل و خلاها واحد نعرفو المليح بلا مسيح

 

[nina usma]

1-يعصيو ربي مناه راهم يتبرجو وينعتو زينتهم لغرباء عنهم وينشرون الفتن (الملخص المفيد حراااام)
2-يخدعو في الناس عليها سماوه خداع المومنين قادر راجلها يديها ينوض الصباح يموت بقلبوا يقول انا تزوجت بعبد ولا فينومان هههه ...في انتظار آرأكم سلالامو bnj cv? wach raki 7aba n9olak al7adja alawla almakiyaj makruuuuuuuuuuuuuuh machi 7raaaaam (lukan yasam3ak kach mufti ra7at 3lik) lollllllll :shay: w l 7adja a2eme rahum ya5ad3u fi ru7hum 9bal maya5ad3u anass:wink: wali yadjri mour azin w may7awasch 3al3a9liya yastahal:scared: psq azin zin laf3ayal wana 3andi sa7abti fa dar may5aluhach adir almakiyaj :sadwalk: mi ghir tal7a9 lalsy tud5ol lalclassa w tabda attalass.......:luve_1: w hiya tafraaaaaaaaaaah ki y9olulha raki chaba:shiny: mi hiya tnahi hadak almakiyaj w lghachi ga3 yabda yu5zar fiha wachbiiiiiiiiiiha hadi wa9ila rahi mghida_o: hiya t7abatt rasha w ta3tiha ladar:cra_zy: hhhhhhhhhhhhhhhhh:lol: almuhim merci pq 3almawdu3 hada:showoff: chbab merci :re_gards: salam

 

[hollahop girl]

انا صح ندير مكياج مي في دارنا حتى واحد مايشوفني متبرجة
وحدة كانت تخدم عندنا مين كنت نقرا في السيام في الفطر تجي ميلتي كولار وفي رمضان تحسب شبح
​

 

[القطة الزهرية]

بصح نورمالمو نتموما لبنات تعرفو لحقيقه لمره نتاعها قبل ماتروحو لدارهم وتتصدمو
يعني وجه لخروف معروف وصدق الشاااااب فيصل كي قال شاااااابه بلا مكياج ينوض عليها لهيداج.............
مشكوره ع الميضوع​

يااااااااااااه اول مرة رديت على موضوعي مع لولين :shay::shay:
المهم نرجعو للموضوع ...
لالا خويا وحدة مدايرة ماكياج كومبلي وماناش قراب ليها بزاف وديجا حبيت نقولك الطفلة كي ادير الخيمار راهي تتبدل خليقتها شوي مناه الشعر نصف جمال المرأة وكاين الي اجي شابة غير بالخيمار وكاين الي بلاه خير وكاين في زوج
اي وي شابة بلا ماكيااااج ...مرسي للمرور:re_gards::re_gards:

 

[virus2015]

وزن الفتاة الجزائرية 60 كيلو بعد وضع الماكياج تصبح 65 كيلو وبعد لبس تلك الملابس تصبح 65.1 كليو غرام​

الله يبارك عليك خويا فاروق أرقام في منتهى الدقة :re_gards:​

 

[القطة الزهرية]

السلام عليكم
وعليكم السلالالالالالالالام
أهلا بالقطة المزهرية
صار هك مزهرية انا اسمح لشخص واحد برك يقولي مزهرية وهو واحد كان مداير اسمو ايسي فليكسي هههههه كان يقولي خرافية من خزافية من فزا من مزهرية ........
وش راح تعملي هاذي هي حالة بنات الجزائر لي خلاو المغني هذاك حاير
هههههههه والله سحبت كلامي تاع البارح تاع الابتلاء راكم انتوما المبليين ماش حنا المظاهر اي خداعة هههههه
بصح ما يطولوش ويتكسرو وجووهم كي لقزاز
ولا يحكمهم كونسار تاع الوجه
ههههههههه والله كانو يديرو الماكياج وهوما صغار وضك عمرها 29 تبان في عمرها 45 مسكينة فسد وجها مكااانش قد الطبيعي في طبيعي i-o:i-o:
شفت وحدة تالمو تستعمل كريمات الوجه حتى وجها زراق كي القديد
ههههههه لعقوبة ليك وحدة تزوجها شابة كيما هي بعد
هيا بزايد عليك
بالسلامة​

ايا شكرا للمرور ...سلام :re_gards::re_gards:

 

[القطة الزهرية]

دوك وين عرفت علاه البنات رايحين والألوان يزيدو في وجوههم :schmoll:
ههههههه ترسم في وجها نحاتها لبيكاسو كون تشوف لكوافاز تاعها تهرب علابيها الرجالة يقولولك خلصت شهريتنا راهي تفلس باباها ونهار تعود ادير في الشورة راهي السع واش نقولك ارواح انت وفكها
خطرات تلقى الطفلة خارجة من دارهم تقول بالاك راهم يبنترو في الدار وغلطو جوزو عليها البانسو تاع الصبيغة :showoff:
هههههههه ويي كاين منها والمشكل وينهو الحياء تاع بكري
لي تشوف صاحبتها بلا ماكياج تتشوكا وتقولها بالماكياج تكوني شابة i-o:
أيا هي تآمن وتزيد في لا دوز :sheer:
هههه مسكينة تخاف تبور
صحيتي على الموضوع ختي مي ما خبرتيناش
ياخي صاحبتك راهي سلامات بعد الشوك " الصدمة " ههههههههههههههههههههههه والله لاباس رانا سترنا الحالة هههههههههههههههههه
تقبلي مروري:re_gards:​

اهلا بيك في اي وقت مشكوووووووور .....سلام:re_gards::re_gards:

 

[القطة الزهرية]

اصبحنا في عصر الموضة ومن بين اللبسة والعديل الشعر كاين الماكياج حنونا شكرا على الموضوع ++

اهلا اهلا بالصديقة المستقبلية ههههههه
والله ربي ربي يستر برك حنونة :shay::shay:
مرسي على المرور