قالك فلنت تحكي مع الذكورة وفلواقع لالا

[كمايا]

السلام عليكم ورحمة الله تعالى وبركاته


قصة منطقية :shiny:


مالا هذا واحد فلجاميعة عندي زمان وانا نشوف فيه


بداها بنظرات باينين ماش نورمال خبيثة :shay::cra_zy:

يقرا بجنب déparement نتاعي:santa_1:

ذاك النهار كانت الشمس قاوية قعدت في بلاصة حليت السيوانة باش نتخبى منها:re_gards:


ونستنى في صحبتي اومام ثون

شفتو من بعيد يعدل في روحو ويمشي خطوة خطوة

جا لعندي قال صباح الخير

جاوبناه صباح النور بابتسامة i-o:


قال يا اختي راكي اعجبتيني وانا حابة ندي النيميرو نتاعك باش نديرو حاجة رسمية بيناتنا_o:

قلتلو ياخويا مليح اذا راك طالب لحلال مي انا عندي دار بابا تستقبل ولاد لحلالi-o:

قالي لا راني ماساجيش مي نقدرو نتفاهمو مفي بيناتنا ونثاسثيو العقلية :sadwalk:

ومبعد يفرج ربي بلخطبة والزواج
:sheer:

وف نفس الوقت قالي معليهش تغطيني معاك بالسيوانة الشمس راهي حرقتني :re_gards:_o::shiny:


هههه هنا تنشعت منو وعرفت بللي راهو جا يجوز الوقت :shiny:

قتلو ماعليش نعرف اسمك وعمرك

قالي اسمي ..... عماد 25 سنة

قتلو 25 ومازال ماكش مستعد للخطوبة ؟_o:

قتلو شوف ياخويا انا جيت نقرى غير باعدني لكان ناوي التمسخير

روح عند لبنات نتاع اولى جامعي هذوك يواتيوك :shiny:


راني جامي مادرت صداقة ومانديرش

وعمري ماحكيت وشغلت مع طفل فلبوغتابل ومانشغلش


:re_gards:

قالي لاعبينها هنا ناس ملاح شفناكم فلانترنت

قالي راهم فضحو عقليتكم بنات المنتديات ولفايسبوك

ومارديتش عليه ونضت


انتهى

الحاجة المنطقية للي قالها اننا فالنت نشغلو مع الجنس الآخر بعفوية وطلاقة وضحك وتمسخير :shiny:

وبرا ممنوع :shiny:

واش رايكم

 

[ماكانش]

أهلا بيك كمايا
(عييت نقرا إسمك ههههه)
قوليلو هنا في المنتديات نضحكو ونقصرو بصح ألي يزلق ويلعبها نشعلو فيه النار ...
هذو الله غالب عليهم بانتلهم لبنات كامل كيف كيف، يروحلها برك وهيا تموت بالفرحة
وهذا ثاني باين مايعرفش يهدر ديراكت دخلها بالخطوبة والزواج هههه
احم سر المهنة مانقولوش عليه هههه
ومليح جاوابك تاع روح لتاع اللولة مايعرفوش وداخلين للجاميعة بواحد النظرة تاع زعما راهي كبارت ولازملها تفكر راجل هههههه
بصح مليح لوكان مانعتيلوش
يعطيك الصحة وربي كثر من امثالك ....​

 

[nina usma]

salam:re_gards: ana ngassar m3a lawlad kima falmssid kima fa fc kif kif w tan des amis dyawli ta3 lsy rahum ga3 fal fc amis m3aya :shiny: pour moi nourmale mi ngassar m3a wa7ad na3arfu tb1 machi arwa7 w gassar by

 

[بيّاع الورد]

اهلاَ

راني معَ كلام الاخ مكانشً

أصلاً هناَ في المنتديآت نتعاملٌوا بالعقلية و كل واحد في حدودُو

ياخي مارانا شايفين بعضانا بعض و ما رانا نتمسخرٌو

بصح معليش اختي كمايا .. ساعفيه على قد عقلو الاخ عمادَ ههه

شكرًآآ

 

[عاشقة مجهول]

ايه حاجة باينة كان ولات لحكايات في النت كيما في الصح راهي خلات
انا مانحكيش مع الدراري لبرا على جال اللي يششوف يقول هاذي ماتسواش....على جال ماهمش يسمعوا فينا واش رانا نحكيوا يروحوا طور يقراوها النقص .......بصح هنا في الفايس بوك ولا المنتديات كامل الناس يقراو الهدرة اللي نهدرواها يعني على عينين الناس مكان حتى شي عيب مخبي ...............

 

[الجندية]

تعاملنا في المنتديات عنه حدود اخوه وصداقه واللي يتمسخر ويبغي يلبعها راها تبان عليه​

 

[Jagwar]

أنا رانى نشوف العكس تاع السيد هذا
واش راه يصرى برا Live أكثر من النت
حكايات ما لا نهاية ، لبنات يدراغو لولاد
السيد هاذا بالك غاضاتو روحو كى ما عطيتيهش هواه
بصح لافير هاذى تاع البنات يحكو غير فى النت ما كانش منها :shiny:
برا تانى لسان طويل طويل طويل :shiny:

​

 

[simou11]

هههههه
كيما اتفقو بالاجماع
العلاقة في المنتدى علاقة اخوة
جايبينها لعب و ضحك و تمسخير برك
و كاين خطوط حمراء
و كيما قالك اخي Jagwar سير غاظاتو روحو كي ماديتيهاش فيه :/
ربي يهديهم و يهدينا ​

 

[AnGeL*dZ]

فلفايس بـــــوك عندو الحق خاطر كاينين بنات مدايرين الويل
اما فلمنتديات كلش باين قدام عينين الناس
أنا نسخايل زعما برا نقعد نحكي مع طفل على وش صاري في سوريا
ام طول يحطوني في الشروق ​

 

[barca.moha]

مايعرفش يهدر ههههه
باين ماهوش ارتيست
واش يدخل النت في حديثكم
في 2012 بانو كــــــــاvـــــية
مديريش عليا
​

 

[Black heart]

هادا الاخ الحابس المبلوكي الاخ عماد
عندو نظرة خاصة عن البنات كيما يشوفوها اولاد الشوارع الي مايفهموش
+ هدر هاك بويسك
مالقاش بواه يغطي الفضيحة/قدام صحابو هه/
لكن هنا فالمنتدى الحمد لله
الناس مثل العسل التربية والاخلاق
**
مارسي ​

 

[The DoN]

ههههههههههههه
حاب يقلك يعرف الفايسبوك والنت برك هههههههههههههه
​

 

[Jeune Sghir Mc]

قيه قيه قيه قيه
هذا باين يلعب ديس فالتكواv
لوكان جا راجل وعقلية انتيك ديجا كي قلتيلو حاب الحلال ارواح للدار يوافق سون تردد

اما كي قالك على لافار تاع الفايس والمنتديات
حاب يبين روحو بلي
راه يعرف يفرق بين التارنيت ولانترنات
خخخخخخخخخـ


اما في ما يخص عقلية لبنات
طب طب
مانحكووش فيها


صحيتووووو
​

 

[naouma]

انا نقولك غير الله يهديه مسكين ديرونجيتيه كي قولتيلو هاكداك
اما هنا الحمد الله ملي ادخلت هنا جامي واحد ديرونجاني بكلمة كل واحد شاد قدرو والي يشد قدرو يحتارموه الناس
و نقول لخاوا الي جاوبو ماشي كامل البنات كيفكيف نورمالمو علابالكم حنا كيما راكم تشوفونا هنا كيما برا واش نفسنا نكتبوه وعقليتنا تبان لتما
سلامي ليك اختي

 

[مابقاش بزاف.Dz]

هــــــــــدا باين فيه خاطي خلاص
يعني يدخل حكاية في حكاية رانا لحقنا 2012 و هو يحكي يهاد الطريقة واش دخل الوقع فالنت

 

[كمايا]

أهلا بيك كمايا
(عييت نقرا إسمك ههههه)

ههههه مرحبا بيك هذا الاسم راهو غلطة برك :shiny:

نهار سمعتو اول مرة عجبني حسبتو شيك كيما مايا :shiny:

مبعد سمعت جارنا اسمو كمال يدلعوه صحابو كمايا :scared:

اكتشت انو اسم طفل

الوغ نتوما عيطولي مايا برك ونحيو الكاف :shiny::sheer:

قوليلو هنا في المنتديات نضحكو ونقصرو بصح ألي يزلق ويلعبها نشعلو فيه النار ...

كاين منها

هذو الله غالب عليهم بانتلهم لبنات كامل كيف كيف، يروحلها برك وهيا تموت بالفرحة

ايوه والله صح حسبو لبنات رخاس ارواح ودي يعطيك الصحة هذي كاين منها :re_gards:

وهذا ثاني باين مايعرفش يهدر ديراكت دخلها بالخطوبة والزواج هههه
احم سر المهنة مانقولوش عليه هههه

هههههههههه كون غير قلت كيفاش باش نعرفو السيغيو صح من خوه :shiny:

ومليح جاوابك تاع روح لتاع اللولة مايعرفوش وداخلين للجاميعة بواحد النظرة تاع زعما راهي كبارت ولازملها تفكر راجل هههههه

ههههه والله صح يا خويا نعرف بنات هكذا يخمو بيان سير منعمموش مي كاين هكذا يخمو

بصح مليح لوكان مانعتيلوش
يعطيك الصحة وربي كثر من امثالك ....​

ربي يحفظك خويا آمين يارب العالمين

شاكرة مرورك

salam:re_gards: ana ngassar m3a lawlad kima falmssid kima fa fc kif kif w tan des amis dyawli ta3 lsy rahum ga3 fal fc amis m3aya :shiny: pour moi nourmale mi ngassar m3a wa7ad na3arfu tb1 machi arwa7 w gassar by

نقلك ختي خطيك من التgسار مع لولاد بلاك نتي نيتك صافية مي هوما امبوسيبل

صداقة بين لبنات اوك مي مع لولاد نو نو كي تلقايهم يقلولك صباح الخير ماتنشعيهمش قال صباح نور صافا صافا وفضت وزيد ختي لولاد فلجميعة بعقلية خلاف ماش كيما لمسيد ومام فلمسيد راهو دونجي كوم

سي لادوليسونس

فهمتيني ؟

مشكورة غاليتي على مرورك العطر

اهلاَ

راني معَ كلام الاخ مكانشً

أصلاً هناَ في المنتديآت نتعاملٌوا بالعقلية و كل واحد في حدودُو

ياخي مارانا شايفين بعضانا بعض و ما رانا نتمسخرٌو

بصح معليش اختي كمايا .. ساعفيه على قد عقلو الاخ عمادَ ههه

شكرًآآ

مرحبا بيك

يعطيك الصحة هكذا كامل رانا نخمو

:shiny: عماد ربي يهديه ويهدي امثالو بلاك هذي التجربة لولة نتاعو :shiny:

العفو اخي شكرا جزيلا

 

[كمايا]

ايه حاجة باينة كان ولات لحكايات في النت كيما في الصح راهي خلات
انا مانحكيش مع الدراري لبرا على جال اللي يششوف يقول هاذي ماتسواش....على جال ماهمش يسمعوا فينا واش رانا نحكيوا يروحوا طور يقراوها النقص .......


يعطيك الصحة مام نيتكم صافية الناس ماترحمش

بصح هنا في الفايس بوك ولا المنتديات كامل الناس يقراو الهدرة اللي نهدرواها يعني على عينين الناس مكان حتى شي عيب مخبي ...............

اكيد اذا ماتجاوزش الكلام الخطوط الحمراء خاصة في هذاك الفيس بوك كلامك فيه وجهة نظر اختي

شاكرة مرورك من قلبي :re_gards:

تعاملنا في المنتديات عنه حدود اخوه وصداقه واللي يتمسخر ويبغي يلبعها راها تبان عليه​

بالفعل :re_gards:

ماغسي اختي على مرورك :re_gards:

أنا رانى نشوف العكس تاع السيد هذا
واش راه يصرى برا Live أكثر من النت
حكايات ما لا نهاية ، لبنات يدراغو لولاد

هذا هو الشيئ الكارثي :santa_1:

السيد هاذا بالك غاضاتو روحو كى ما عطيتيهش هواه
بصح لافير هاذى تاع البنات يحكو غير فى النت ما كانش منها :shiny:
برا تانى لسان طويل طويل طويل :shiny:

​

نو هو راهو قصدني انا بكلامو زعما راهو يتهم فيا اني لاعبتها معاه بنت فاميليا وفالنت راني دايرة حالة

صافي راه يتهم فيا في عرضي :santa_1:

ربي يهديه واش نقولو

مي الصنف للي قلتو نت راه كاين بزاف بيان سير

شاكرة مرورك اخي

 

[كمايا]

هههههه
كيما اتفقو بالاجماع
العلاقة في المنتدى علاقة اخوة
جايبينها لعب و ضحك و تمسخير برك
و كاين خطوط حمراء
و كيما قالك اخي Jagwar سير غاظاتو روحو كي ماديتيهاش فيه :/

اكيد :shiny:

ربي يهديهم و يهدينا ​

امين اجمعين

مشكورة اختي عل مرورك العطر
:re_gards:

فلفايس بـــــوك عندو الحق خاطر كاينين بنات مدايرين الويل
اما فلمنتديات كلش باين قدام عينين الناس
أنا نسخايل زعما برا نقعد نحكي مع طفل على وش صاري في سوريا
ام طول يحطوني في الشروق ​

ههههههههه حتى هذا للي راكي تتناقشي معاه رايح يديرك اضحوكة

اصلا هذو الذكورة كي يسمعو لبنات يجكيو فالسياسة يضحكو عليهم فمابالك تتناقشي معاهم

وشبيك نتي زعما السياسة ليهم :re_gards:

مرة زوج بنات قدامي بقاو يتغانو على لعمر نتاع حسني مبارك

وحدة تقلها 48 ولخرا تقلها 35 ماقفلهمش :shiny:

i-o: بهدلت بينا

مشكورة اختي على مرورك العطر

مايعرفش يهدر ههههه
باين ماهوش ارتيست


هههههههههههههه وعلاه هذي لازمها ارتيست
؟؟

واش يدخل النت في حديثكم
في 2012 بانو كــــــــاvـــــية
مديريش عليا
​

:shiny: ربي يهديه

شاكرة مرورك اخي

 

[كمايا]

هادا الاخ الحابس المبلوكي الاخ عماد
عندو نظرة خاصة عن البنات كيما يشوفوها اولاد الشوارع الي مايفهموش
+ هدر هاك بويسك
مالقاش بواه يغطي الفضيحة/قدام صحابو هه/

ههههههههه كاين منها


لكن هنا فالمنتدى الحمد لله
الناس مثل العسل التربية والاخلاق

اكيد كاين الخلوقبن واكيد كاين للي متخفيين :shiny: ومانفيقلولهمش :shiny: وربي يهدي الجميع

**
مارسي ​

دوغيان اختي شاكرة مرورك :re_gards:

ههههههههههههه
حاب يقلك يعرف الفايسبوك والنت برك هههههههههههههه
​

:shiny:تبانلي وي

ادمري وصايي هههههههههههه
كل شيئ راه باين كي الشمس ماكالاه تلعبوها عاقلات

هذي الجملة مافهمتهاش مليح _o:

شاكرة مرورك اخي :re_gards:

 

[كمايا]

قيه قيه قيه قيه
هذا باين يلعب ديس فالتكواv

:rolleyes: واش معناتها ؟؟؟

لوكان جا راجل وعقلية انتيك ديجا كي قلتيلو حاب الحلال ارواح للدار يوافق سون تردد

اما كي قالك على لافار تاع الفايس والمنتديات
حاب يبين روحو بلي
راه يعرف يفرق بين التارنيت ولانترنات
خخخخخخخخخـ

ايه واش من طالب لحلال راهو حاب يجوز الوقت وحسبني خبزة طايبة ربي يهديه


اما في ما يخص عقلية لبنات
طب طب
مانحكووش فيها


صحيتووووو
​

ني طب ني زوج ربي خلق وفرق

باين فيك ماترفش لبنات نتاع الصح i-o:


شاكرة مرورك العطر اخي الكريم

انا نقولك غير الله يهديه مسكين ديرونجيتيه كي قولتيلو هاكداك
اما هنا الحمد الله ملي ادخلت هنا جامي واحد ديرونجاني بكلمة كل واحد شاد قدرو والي يشد قدرو يحتارموه الناس
و نقول لخاوا الي جاوبو ماشي كامل البنات كيفكيف نورمالمو علابالكم حنا كيما راكم تشوفونا هنا كيما برا واش نفسنا نكتبوه وعقليتنا تبان لتما
سلامي ليك اختي

ربي يسلمك حنونة

كلامك جواهر كاين بزاف للي عرفو بنت ولا زوج حسبو لبنات كامل هكذاك

لا طبعا راهم غالطين

شكرا جزيلا اختي

هــــــــــدا باين فيه خاطي خلاص
يعني يدخل حكاية في حكاية رانا لحقنا 2012 و هو يحكي يهاد الطريقة واش دخل الوقع فالنت

:shiny:ربي يهديه

شكرا جزيلا اختي