هل من مدبر

[امين 22]

سلأأأأأأأأأأأأأأم عليكم


خاوتي ليوم حبيت نفرغ قلبي عادي انا انسان صريح:angel: ........................... بون درك انا عندي 17 نقرا 2 ثنوية

عندي جي 15 نيوم ونا قالق ليوم مرحتش للكول مقدرتش كرهت ليكول كرهت ناس مام حتى روحي كرهتها

هيه راني بلموضوع هدا حبيت نقلكم شكون في ليجان جاه موقف كيما هدا يتقلق بزااف { دخلت في لميلون نتع دخان و...............وراكم عرفييين ............. :sadwalk:

ايا من ثم بدييييييييييت نكره دارنا عدت منحبش ندخلها حاب نخرج من بلادي اي لمكان الي نسكن فيه

ومام هكدا واش يقولو ناس راك سغير ومتخممش ومنيش عارف وحوايج هكدا ...... ايه لمثل واش يقووول

الي حااااااس بجمرة الي عافس عليهاا.:schmoll:..... خاوتي منطولش عليكم يعني حاب نستفيد منكم

قلولي كيفاش ندير باه نحي هادي الفطة تقلت بزااف منها

 

[السوفي]

السلام عليكم ورحمة الله وبركاته

عجب انت في عمر الزهور تقول كرهت حياتك والناس اجمعين حتى وطنك تريد تهج منه مع ذلك لم تقل السبب ولم تذكر شيء يدل عليه
ربما هي وسوس شيطان اتقي الله واصل ما بينك وبين ربك ثم اعلم انهذا يسمى القنوط والعياذ بالله فلا اعلم مسلما كره حياته ابداء لانه يعلم انها دار فناء فلما يبكي او يزعل على شيء مصيره الفناء اتقي الله وعليك بالصلاة والدعاء وقراءة القرآن والابتعاد عن اصاحب السوء وبر الوالدين اذهب قبل راس امك وطلب رضاها ثم والدك ورجوا عفوه واحسن الى اخوانك وجيرانك ثم استهدي بالله وعليك بالجماعة فالذئب لا يصطاد الا الشارد والله الموفق
ربي يجيب الشفاء والله انه مرض
السلام عليكم​

 

[مرام التيبازية]

سلام خويا امين...
خويا عندك17سنة راك في عمر الزهور كيما قال الاخ السوفي لازم تعيش حياتك ادير ديسوفونير تعيش تنافيقي على حياتك خويا اذا معشتش درك مراحش تعيش في كبرك بويسك مكاش كيما كي تكون صغير خويا استغفر مولاك وصلي على النبي وصلي صلاتك وابعد على هادوك الصوالح اللي تضرك ودرك ماشي كامل الناس تحبلك الخير وتاني ماشي اللي يضحكلك في وجهك يحبك خويا لازم تعرف كيفاه تعيش وانشاء الله ترجعلي الخبر عن قريب في الرسائل الخاصة..
ربي يسترك خويا امين لازم تعيش حياتك شابة كيما اسمك شباب...
تقبل راي اختك امينة..

 

[ماكانش]

مرحلة وتفوت ...

 

[الجذابة]

راك مازلت صغير باش تبدى تكره حياتك , مازالك ماشفت والو في هذه الدنيا , ماكانش مشكلة ماعندهاش حل , إذا هذا وين دخلت في هذا الميليو راك تقدر تجبد , كي دير في قلبك الإرادة وتقول في نفسك باللي الرجلة ماشي كي تتكيف , الرجلة كي تجرب وتقدر تحبس , وإذا عندك بزاف وما قدرتش كيفاه تبطلو حاول أنك تحبس في الدخان وماديرش حوايج اخرين
وحاول انك تعيش حياتك بالشي اللي يرضي ربي ووالديك على خاطر اللي يفوت من عمر الانسان راه مايوليش.
​

 

[la belle stare]

شوف اخي هدي مرحلة عادية في حياة الانسان يحس روحو مظلوم والناس كامل تكرهوا وهو فاشل وحتى يحس انو عالة على اهلوو ودلك راجع اما لضعفو في الدراسة او فشلوا في علاقة عاطفية او لتمييز الوالدين بينه وبين اشقائه فيتجه لاثبات نفسه عن طريق التدخين والسهر لاثبات رجولته وفي كره من حوله وعدم قبول النصيحة والسفر كي يعرف الجميع قدره ويعاقبهم الا انه في الحقبقة لا يدمر الا نفسه لدلك وجب عليك اخى ان تتقرب الى الله وتسال ان يساعدك في الخروج من هده المرحلة وان تتقرب من والديك او احد اخوتك او صديق تثق فى رايه وتحبه واعلم ان لا مستقبل لك الا بدراستك وعليك ان تنجح حينها ستشعر انك محبوب تلقائيا وعلم ان الهروب ليس حل فانت رجل

 

[امين 22]

ميرسي ميرسي ميرسي ميرسي ربي يخليكم لياأأأأأأأأأ نشاء الله

 

[اسماء16]

مراهقة اخ امين وان شاء لله سا تجتازها
ركز في دراستك
ولا تتبع رفقاء السوء في هدا السن حاول الاحتكاك بمن تضع فيهم الثقة وتاخد منهم النصح
والارشاد
بتوفيق
​

 

[سجاآآايا]

هي أفكار سلبية سيطرت عليك
أخي حاول الابتعاد عن ذاك الوسط أقصد التدخين و ... و كل الرفقاء السيئين
قبل فوات الأوان
فتبعاته ليست بالجيدة .. فهو يقضي على شخصية الفرد و يجعله تابعا له
حاول الاهتمام أكثر بدراسة و املأ وقتك بما يفيد
فالفراغ هو من يقودنا لتلك الافكار

​

 

[fofabriyanka]

سؤال راكى تصلى و لا لا؟ ادا راك تصلى عمرك و لا تحس هذا الاحساس و فى هذا العمر و ادا ماراكش تصلى فهذه هى المشكلة جرب اركع لربى و راح تحس عكس ماراك تحس درك ...عيش وقتك بحوايج مليحة افرح مع صحابك اضحك حاول تقرا و تنجح و يكون عندك مستوى تحتاجو فى هذا الوقت ومع التطور لازم تكمل تقرا مليح ....و ربى يفرجها عليك سامحنى الا كثرت...خاطر هذا عمرك و عيشوا قبل ما تندم
​

 

[sali-sali]

يا اخي مراحش نقولك مزالك صغير يا خي راك تكبر
وهدي المرحلة كلنا فتنا عليها واحسسنا بالشي لي راك تحسو
هدي مجرد افكار وليست واقع شي لي راك تحسو من كترت ماعمرت بيه راسك راك تشوفو حقيقة وهي مجرد احلام فقط
احسن شيئ التقرب الى الله وخطيك من رفقاء السوء
كذلك نظم وقتك واكثر من الدعاء
​

 

[وردة الروح]

شوف أمين خويا
قبل كل شيئ نشكرك أنك كنت شجاعا و فتحت قلبك لينا و صارحتنا بواش راهو إدور في بالك و قلبك
و هذا الشيئ يدل على أنك على بالك بليك راك في مشكلة و الأهم أنك حاب تصيب حل لهذي المشكلة
يعني أنت تقر بليك راك غالط ؟
و ثان حاب حل إريحك ؟
معناتو عندك نية طيبة باش ترجع للطريق الصواب
متفاهمين ؟
داكور
أنا نقولك يا عزيزي أنك في سن المراهقة و هذا السن كما تعرف راهو خطير شوية و يجيب الهم و وجع الراس للمراهق و لأهله
و قليل و ين نوجدو واحد في سن المراهقة سلكلها على خير
سورتو في الأوساط الجزائرية ديالنا
لماذا ؟
لأنه تنقصنا ثقافة التعامل مع المراهق ؟
كما أنه تتقصنا ثقافة تجهيز أبناؤنا لمرحلة المراهقة ؟
شوف عزيزي
الحاجة اللي نأكدلك أنا عليها هي أنك تعرف و تتأكد بليك راك على خطئ و أنا ما انديرش اللوم كامل عليك ؟؟؟؟
المسؤولية تتحملها أيضا الأسرة ديالك و المجتمع
لما تعترف بليك راك غالط إنجيو للحلول و اللي هي :
1 ـ ترجع لربي سبحانه و تعالى و ذلك بمحافظتك على الصلاة و خاصة في جماعة يعني في المساجد و تدعو الله بيقين بأن يهديك و يرحمك و يغفر لك و يبعد عنك السوء
2 ـ الرفقة الطيبة و الصالحة يعني تبدل الكليكة اللي راك ادور معاها لكانت ماهيش نورمال و تشوف جماعة تعرف ربي و خطيها الصوالح العيانين
3 ـ تواضب على ممارسة الرياضة اللي تحبها و تصيب روحك فيها باش تتخلص من الضغوط و تقوي جهازك المناعي و التنفسي بالقضاء على المخلفات السلبية للتدخين
4 ـ شوف كاش خدمة تبريكولي فيها في أوقات فراغك تجيب بها مصروف و تقضي بها على الفيد و تفرغ فيها الطاقة الزايدة اللي عندك
5 ـ ترجع لوالديك تعتذر منهم إذا غلطت في حقهم و تطلب منهم يدعيولك بالخير راه دعاؤهم مستجاب و لايرد
6 ـ أكثر من الإستغفار و المواضبة على أذكار الصباح و المساء و ورد من القرآن يعني أهرب لله عز وجل صدقني راح تصيب الباب مفتوح و ربي ما إضيعكش عز وجل
7 ـ راك تقرا السنة الثانية ما بقالكش على الباك ، دير في بالك بليك الحياة بلى شهادة ماهي والو سورتو في بلادنا ما عندكش وين تورح ـمالا زير روحك و أقرى ليل ونهار و دير بين عينيك النجحا
8ـ و هذي أهم نقطة روح أقرا شوية على مخلفات التدخين و شوف الأضرار اللي خلفها و زيد أقر على نتائج الخروج عن الأسرة و التشرد و اقرا ثان على الناس اللي خلاو الدراسة واش صرا فيهم
راح تقول الحمد لله الي فطنت قبل فوات الأوان
09 كما لازم تقرا كتب في التنمية البشرية ترفع بيها معنوياتك و تستفيد فيها من المدربين و الخبراء و فيها مشكال و حلول و أساليب ناجعة في التخلص من كل مشكلة

مرة أخرى أنقولك برافو امين لأنك كنت شجاع و كتبتنا على واش كابن بقلبك
و دعائب لك من القلب أن يفرج الله كربتك
و يرح قلبك و يسدد خطاك لما يحب و يرضى
و ما تنساش اكتبلي طمني علايك
أيا
ربي يحفظك ​

 

[حوفأ]

خويا أمين أرجع لطريق صالح وبركاك ماراك تخسر في شبابك وأنت مازال صغير
هذا غير سن المراهقة ........كيما يقولو الناس مرحلة وتجوز
وربي يهدي أن شاء الله

 

[امين 22]

شوف أمين خويا
قبل كل شيئ نشكرك أنك كنت شجاعا و فتحت قلبك لينا و صارحتنا بواش راهو إدور في بالك و قلبك
و هذا الشيئ يدل على أنك على بالك بليك راك في مشكلة و الأهم أنك حاب تصيب حل لهذي المشكلة
يعني أنت تقر بليك راك غالط ؟
و ثان حاب حل إريحك ؟
معناتو عندك نية طيبة باش ترجع للطريق الصواب
متفاهمين ؟
داكور
أنا نقولك يا عزيزي أنك في سن المراهقة و هذا السن كما تعرف راهو خطير شوية و يجيب الهم و وجع الراس للمراهق و لأهله
و قليل و ين نوجدو واحد في سن المراهقة سلكلها على خير
سورتو في الأوساط الجزائرية ديالنا
لماذا ؟
لأنه تنقصنا ثقافة التعامل مع المراهق ؟
كما أنه تتقصنا ثقافة تجهيز أبناؤنا لمرحلة المراهقة ؟
شوف عزيزي
الحاجة اللي نأكدلك أنا عليها هي أنك تعرف و تتأكد بليك راك على خطئ و أنا ما انديرش اللوم كامل عليك ؟؟؟؟
المسؤولية تتحملها أيضا الأسرة ديالك و المجتمع
لما تعترف بليك راك غالط إنجيو للحلول و اللي هي :
1 ـ ترجع لربي سبحانه و تعالى و ذلك بمحافظتك على الصلاة و خاصة في جماعة يعني في المساجد و تدعو الله بيقين بأن يهديك و يرحمك و يغفر لك و يبعد عنك السوء
2 ـ الرفقة الطيبة و الصالحة يعني تبدل الكليكة اللي راك ادور معاها لكانت ماهيش نورمال و تشوف جماعة تعرف ربي و خطيها الصوالح العيانين
3 ـ تواضب على ممارسة الرياضة اللي تحبها و تصيب روحك فيها باش تتخلص من الضغوط و تقوي جهازك المناعي و التنفسي بالقضاء على المخلفات السلبية للتدخين
4 ـ شوف كاش خدمة تبريكولي فيها في أوقات فراغك تجيب بها مصروف و تقضي بها على الفيد و تفرغ فيها الطاقة الزايدة اللي عندك
5 ـ ترجع لوالديك تعتذر منهم إذا غلطت في حقهم و تطلب منهم يدعيولك بالخير راه دعاؤهم مستجاب و لايرد
6 ـ أكثر من الإستغفار و المواضبة على أذكار الصباح و المساء و ورد من القرآن يعني أهرب لله عز وجل صدقني راح تصيب الباب مفتوح و ربي ما إضيعكش عز وجل
7 ـ راك تقرا السنة الثانية ما بقالكش على الباك ، دير في بالك بليك الحياة بلى شهادة ماهي والو سورتو في بلادنا ما عندكش وين تورح ـمالا زير روحك و أقرى ليل ونهار و دير بين عينيك النجحا
8ـ و هذي أهم نقطة روح أقرا شوية على مخلفات التدخين و شوف الأضرار اللي خلفها و زيد أقر على نتائج الخروج عن الأسرة و التشرد و اقرا ثان على الناس اللي خلاو الدراسة واش صرا فيهم
راح تقول الحمد لله الي فطنت قبل فوات الأوان
09 كما لازم تقرا كتب في التنمية البشرية ترفع بيها معنوياتك و تستفيد فيها من المدربين و الخبراء و فيها مشكال و حلول و أساليب ناجعة في التخلص من كل مشكلة

مرة أخرى أنقولك برافو امين لأنك كنت شجاع و كتبتنا على واش كابن بقلبك
و دعائب لك من القلب أن يفرج الله كربتك
و يرح قلبك و يسدد خطاك لما يحب و يرضى
و ما تنساش اكتبلي طمني علايك
أيا
ربي يحفظك ​

سلام عليكم انا عندي مدة مدخلتش للمنتدى واختي وردة رووح صح وردة روح ربي يخليك نشاء الله وميرسي على كلامك ولله جامي واحد قالي هكا ميرسي