السلام عليكم
عجبني منتداكم هذا و حبيت نشارك معاكم فيه
راح نحكيلكم واحد الموضوع و راه باين من عنوانه و هو الفتنة
كنت بموضوع بجريدة يحكي على اعتداء ملاكم مصري على سباحة جزائرية في دورة الدوحة الماضية
حبطت للتعليقات نلقاهم يقولو بركاكم من الفتنة و كلام هك
انا حبيت نفهم وش حكاية الفتنة لي ولات تخرج كلما تحب تعمل او تقول زوج كلمات
معليش صح واحد كي يروح يتبلى نقولو فتنة
لكن لما يجي واحد يضربك او يسبك او حتى يعتدي على شرفك او بلادك و انت كي تجي تدافع على روحك او على حقك يعني راك تدير في فتنة؟
واش يعني حبو يضربونا و يسبونا و يعتدو على بناتنا و حنا نسكتو باش ما تكونش فتنة؟
انا ندافع على روحي و على حقي و يديني النيف على بلادي ضد اي واحد يتعدى و يظلمنا يكون واش يكون ما يهمنيش جنسيته شكون حتى لو كان فلسطيني (كمثال فقط)
لانه حنا مع القضية الفلسطنية طبعا لكن مثلا وقوفنا مع القضية الفلسطنية حاجة و الدفاع على شرفك و روحك حاجة اخرى ما يعنيش هذا انه يجي واحد يعتدي عليك و انت تسكت و تطيح بكرامتك و شرفك و تقولي فتنة!
و تاني في الاضرابات و المظاهرات
انت طالب حاب تدير اضراب يقولك فتنة
علاش راك تشوف فيا هاز الكلاش و طالع للجبل راني غير نطالب بمطالب عادية ما تتعداش نطاق الجامعة فأي فتنة؟
الفتنة هذه رجعتلنا غولة تظهرلنا في كل مضرب! و كل كلمة او خطوة نديروها!
نتمنى ينشر موضوعي و لا يعتبر ايضا فتنة!
و شكرا لكم
عجبني منتداكم هذا و حبيت نشارك معاكم فيه
راح نحكيلكم واحد الموضوع و راه باين من عنوانه و هو الفتنة
كنت بموضوع بجريدة يحكي على اعتداء ملاكم مصري على سباحة جزائرية في دورة الدوحة الماضية
حبطت للتعليقات نلقاهم يقولو بركاكم من الفتنة و كلام هك
انا حبيت نفهم وش حكاية الفتنة لي ولات تخرج كلما تحب تعمل او تقول زوج كلمات
معليش صح واحد كي يروح يتبلى نقولو فتنة
لكن لما يجي واحد يضربك او يسبك او حتى يعتدي على شرفك او بلادك و انت كي تجي تدافع على روحك او على حقك يعني راك تدير في فتنة؟
واش يعني حبو يضربونا و يسبونا و يعتدو على بناتنا و حنا نسكتو باش ما تكونش فتنة؟
انا ندافع على روحي و على حقي و يديني النيف على بلادي ضد اي واحد يتعدى و يظلمنا يكون واش يكون ما يهمنيش جنسيته شكون حتى لو كان فلسطيني (كمثال فقط)
لانه حنا مع القضية الفلسطنية طبعا لكن مثلا وقوفنا مع القضية الفلسطنية حاجة و الدفاع على شرفك و روحك حاجة اخرى ما يعنيش هذا انه يجي واحد يعتدي عليك و انت تسكت و تطيح بكرامتك و شرفك و تقولي فتنة!
و تاني في الاضرابات و المظاهرات
انت طالب حاب تدير اضراب يقولك فتنة
علاش راك تشوف فيا هاز الكلاش و طالع للجبل راني غير نطالب بمطالب عادية ما تتعداش نطاق الجامعة فأي فتنة؟
الفتنة هذه رجعتلنا غولة تظهرلنا في كل مضرب! و كل كلمة او خطوة نديروها!
نتمنى ينشر موضوعي و لا يعتبر ايضا فتنة!
و شكرا لكم
