انا في بالي ولات الرجلة في زماننا هكا

[القطة الزهرية]

السلام عليكم
ان شاء الله تكونو عقبتو يومكم بيان
انا بصراحة عندي حاجة طول نخمم فيها ومالقيتلهاش جواب
قلت في قلبي بلاك نلقا عندكم الجواب شوفو ماتفهموش بالغالط مي حابة نفهم واش معناتها كلمة الرجولة ولا الرجلة كيما حنا نقولو بالدارجة ......يرحم باباكم عييت وغلبت باه نجيب كلمة الرجلة واش معناتها ماقدرتش في بالي بزاف حوايج واش نقولو على واحد مايخليش اختو تخرج والي يلبسها المستور ومنبعد تلقاه هو مورا بنات الناس راجل ياسيدي ...ولا على طفل ساتر اختو ومنبعد تلقاه يهدر في بنات الناس ويقول مع صحابو اي ادير هك وهك هذا في رايكم يسموه راجل ...او واش رايكم في طفل يقول لختو شوفيلي هذيك وهذيك بصح هو كون يسمع عليها غير نش برك مام هي لاعلاقة في هذيك القضية غير واحد قال لوحدة شوفيلي اختو يعذبها واش نقولو عليه رااجل .....واش نقولو على واحد جارتو تربات معاه من الصغر كي ختوا يجي وحد يتبعها وهو غير نيتو ماش مليحة ومنبعد كيفاه تلقاه يسلم عليه يظهر صاحبو ومامبا يقولو احشم شوي ولا اخطيها راهي على الاقل اخت صاحبي لالا يزيد يزيد يعطيه بطاقة التعريف تاعها ...قمة الرجولة هذي .ووووو بزااااااف حوايج في بالي ليسونسيال هادو مايهموش انا حبيت برك تقولولي واش معناها كلمة الرجلة وشكون هو الي يستاهلها هل الي يضرب اختو ولا الي يصرخ على يماه ولا الي يهز يدو عليها ولا الي يخرج ضد باباه ولا او ولا او ولا ..........نخليكم تخموا وجاوبوني نحب نلقا تفاعل ...سلام :re_gards:

 

[ماكانش]

أهلا بيك قطوطة
ياحصرا على الرجولة راحت بكري ...
انا هذو نسميهم ذكورة برك، ريحة الرجولة بعيدة عليهم ...
نعرف واحد مداير حالة في لبنات واحد اليوم شفت ختو حرت
قتلو مزيا ربي مايضلمش ....
​

 

[القطة الزهرية]

شكرا لاعتماد اموضوع

 

[إنسانة ما]

وعليكم السلام ورحمة الله
أهلا بيك قطوطة
كاين فرق بين الذكورة والرجولة، والآن الرجولة ما بقاتش بزاااف، الذكورة كاين غير هوما.
الرجولة مش اِسم برك، راهي أخلاق وأفعال. ونظن راهي راحت مع المجاهدين تع بكري، بقات شوي برك ذرك.
مش كل من لبس سروال راهو راجل، حتى لبنات ذرك راهم يلبسو في السراول. فما تخدعكش المظاهر ياسر. حتى تشوفي الأخلاق والأفعال.
+
(ما تخمميش راني نحاولك في التمرين)

​

 

[القطة الزهرية]

أهلا بيك قطوطة
سلالالالالالالالام
ياحصرا على الرجولة راحت بكري ...
عندك حق هنا راااااحت وقليل الي تلقاه راجل مي حبيت نفهم واش معناها الرجولة
انا هذو نسميهم ذكورة برك، ريحة الرجولة بعيدة عليهم ...
ههه عجبتني هذي والله انا نسمييييه مريوة ولاعبها
نعرف واحد مداير حالة في لبنات واحد اليوم شفت ختو حرت
قتلو مزيا ربي مايضلمش ....
​

الي تشوكيك كاين بنات يدعيو في هذاك الطفل ويقولك ربي يجيبهالو في ختو

 

[أم نعمة]

كلمة الرجولة كبيرة بزاف ولي يتصفو بهدي الصفة قلال بزاف

 

[القطة الزهرية]

وعليكم السلام ورحمة الله
أهلا بيك قطوطة
سلالالالام استاذتي
كاين فرق بين الذكورة والرجولة،
هذي عرفتها غير منك ومن اخي سفيان كنت حاطتها كل واحد من جنس ذكر راجل
والآن الرجولة ما بقاتش بزاااف، الذكورة كاين غير هوما.
هههه فور هذي وي وين تروحي تلقاي طفل مي الله غالب مكانش الرجالة راهم رايحين ينقارضو
الرجولة مش اِسم برك، راهي أخلاق وأفعال.
ارواحي انتي وفهميهم ضك عاد الي زاد البارح يضرب gارو يقولك اني راجل يهز صوتو على يماه يروح يجري لصحابو اني راااااجل والي يروح يقرا وحاكم قدرو يطيع يماه يبداو يقولولو مريوة وانووووووووووش وانا في بالي هذاك هو الراجل :schmoll:ونظن راهي راحت مع المجاهدين تع بكري، بقات شوي برك ذرك.
يااحصرا على اسيااد الرجال ربي يرزقهم الجنة
مش كل من لبس سروال راهو راجل، حتى لبنات ذرك راهم يلبسو في السراول.
ههه اني قريت مابين السطوووووووور فما تخدعكش المظاهر ياسر. حتى تشوفي الأخلاق والأفعال.
+
المظاهر خداعة بزاف كيما قلتي لازم نشوفو المخفي باه نحكمو
(ما تخمميش راني نحاولك في التمرين)

​

مرسي بزاف ماتخافيش خمي مليح برك استاذتي :shiny::shiny:

 

[القطة الزهرية]

كلمة الرجولة كبيرة بزاف ولي يتصفو بهدي الصفة قلال بزاف

ايه اختي كبيرة بزاف والي يتاصف بيها قليل مي حبيت نعرف شكون هاذو الي يستاهلو هاذ الصفة هذا مكان

 

[السوفي]

السلام عليكم ورحمة الله وبركاته

اختي الفاضلة من عنوانك لهذا الموضوع شعرت انه انه نوع من اللوم الغير مباشر لنا نحن الرجال دقيقة سوف اوضح لك الاشكال
انت في بداية موضوعك سالتي عن معنس الرجله ثم بداءت تحكمين على بعض التصرفات والحل عندي حاولي ان تعيريني سمعك ديعني ابداء من حيث انهيتي في كلامك
ليس كل ذكر رجل وليس كل رجل ذكر ليس غريبا هذا الكلام نحن نتحدث عن صفة لا عن نوع لان صفة الرجول تعني الشهامة والاخلاق النبيلة تعني الترفع عن سفاسف الامور تعني كل ماهو جميل فقد تبدر من امراءة فعل نقول عنه انه فعل رجولي فهل نحن نذمها بهذا الوصف ام نمدحها هنا اختي اختلط عليك المعني وتبادر الى ذهنك انه كل ذكر فهو رجل وهذا من ناحية الصفة والله اعلم
ثم ناتي الى تلك الصفات ففي شقها الاول منالمحافظة على اخته وامرها بالستر والاحتشام فقد قام بعين الصواب وهو عليه ماجور اذا اراد به وجه الله واتبع في ذلك الحسنى ام شقه الثاني فهو نتاج عصر وزمن انتشرت فيه الرذيلة وصار امرها بسيط لهذا الشباب قل من ينجوا منها مع ذلك فان الحسنات يذهبنا السيئات ولا اعتقد ان العكس صحيح
فالواجب علينا ان لا نقارن بين الفعلين يعني ان نقول له حين احسن اجدت وبارك الله فيك وحين اخطاء نقول لك كف عن الخطاء وتب الى الله
والان اجيبك عن جملت الموضوع حقيقة صفة الرجولة تكاد ان تنمحل من منا يتفاخر بصيفاته الحميده سوف ينعت بين افراد المجتمع بالنية و براكه وما شابه ذلك تثبيطا له وترى في نفس الوقا قيلوا الرجول اشباب الرجال وقل عنهم ما تشاء تلخذهم العزة بالاثم والحمد لله فقد رد عليه رب العالمين في محكم تنزيله < فحسبه جهنم ولبئس المهاد > فلا ازيد عن قول خالقي
اسف على الاطاله
السلام عليكم

 

[القطة الزهرية]

السلام عليكم ورحمة الله وبركاته

اختي الفاضلة من عنوانك لهذا الموضوع شعرت انه انه نوع من اللوم الغير مباشر لنا نحن الرجال دقيقة سوف اوضح لك الاشكال
انت في بداية موضوعك سالتي عن معنس الرجله ثم بداءت تحكمين على بعض التصرفات والحل عندي حاولي ان تعيريني سمعك ديعني ابداء من حيث انهيتي في كلامك
ليس كل ذكر رجل وليس كل رجل ذكر ليس غريبا هذا الكلام نحن نتحدث عن صفة لا عن نوع لان صفة الرجول تعني الشهامة والاخلاق النبيلة تعني الترفع عن سفاسف الامور تعني كل ماهو جميل فقد تبدر من امراءة فعل نقول عنه انه فعل رجولي فهل نحن نذمها بهذا الوصف ام نمدحها هنا اختي اختلط عليك المعني وتبادر الى ذهنك انه كل ذكر فهو رجل وهذا من ناحية الصفة والله اعلم
ثم ناتي الى تلك الصفات ففي شقها الاول منالمحافظة على اخته وامرها بالستر والاحتشام فقد قام بعين الصواب وهو عليه ماجور اذا اراد به وجه الله واتبع في ذلك الحسنى ام شقه الثاني فهو نتاج عصر وزمن انتشرت فيه الرذيلة وصار امرها بسيط لهذا الشباب قل من ينجوا منها مع ذلك فان الحسنات يذهبنا السيئات ولا اعتقد ان العكس صحيح
فالواجب علينا ان لا نقارن بين الفعلين يعني ان نقول له حين احسن اجدت وبارك الله فيك وحين اخطاء نقول لك كف عن الخطاء وتب الى الله
والان اجيبك عن جملت الموضوع حقيقة صفة الرجولة تكاد ان تنمحل من منا يتفاخر بصيفاته الحميده سوف ينعت بين افراد المجتمع بالنية و براكه وما شابه ذلك تثبيطا له وترى في نفس الوقا قيلوا الرجول اشباب الرجال وقل عنهم ما تشاء تلخذهم العزة بالاثم والحمد لله فقد رد عليه رب العالمين في محكم تنزيله < فحسبه جهنم ولبئس المهاد > فلا ازيد عن قول خالقي
اسف على الاطاله
السلام عليكم

سلالالالالالالام مرحبا بالسوفي في موضوعي :shiny::shiny:
والله انا نقصد واحد يحط روحو راجل ياسيدي مي نسى بلي فعايلو ماش تاع راجل انا واحد يحب يتصف بالصفة هذي لالازم يطبقها بجميع معناها ماشي غير بالهدرة ونص لفعايل وكيما قلت الرجولة احيانا وهي حالات نادرة تقدر تتصف بها المرأة بصح تقدر تقول فحلة هاذ الكلمة تنوب صفة الرجولة مي انا ماتدخلش لراسي يدير لحلال ومنبعد يدير العكس تشغل مايحبش على عرضو وعرض الناس حلال عليه ااااو انا يجيني ذرة رجولة ماكاين فيه ماشي العصر ولا حاجة كيما هك هذا عذر اقبح من ذنب واحد راجل حاكم قدرو ليه ويخلي بنات الناس ولوكان حتى دارت ودارت اي وليا وحسابو عند ربي

 

[الورد الأحمر]

هاني جيتك لموضوعك ها القطة ... امم الموضوع هذا حتى أنا ما لقيتش اجابات
للأسئلة هذي ... وهاذ الأسئلة لازم يجاوبو عليها الرجال لي هنا باش نفهمو تراه
العقلية كيفاش مدايرة كاشما نفقهو عليهم ... الرجلة كي هدرتي عليها شوية حارتلي
قلت واش تعني ... تالمو نسيتها برك عندها مدة ما استعملوهاش في الجزائر
نسينا عليها ههه ... في انتظار البقية يفهمونا في الرجولة ...
... سلامو قطقوطة ...
​

 

[josefcom]

الراجل أ أختي مولات لموضوع
هو لي حاكم قدرو وحاكم سابعو ... ويجيب لخبزة تاعو
هذاك هو لي فحل وراجل
بالصح لي ينوض يلقى 100 ألف كل يوم تحت لوسادة
واش راح تستني منو ؟؟
​

 

[القطة الزهرية]

هاني جيتك لموضوعك ها القطة ... امم الموضوع هذا حتى أنا ما لقيتش اجابات
للأسئلة هذي ... وهاذ الأسئلة لازم يجاوبو عليها الرجال لي هنا باش نفهمو تراه
العقلية كيفاش مدايرة كاشما نفقهو عليهم ... الرجلة كي هدرتي عليها شوية حارتلي
قلت واش تعني ... تالمو نسيتها برك عندها مدة ما استعملوهاش في الجزائر
نسينا عليها ههه ... في انتظار البقية يفهمونا في الرجولة ...
... سلامو قطقوطة ...
​

اهلالالالالالالا واااااااااي مانساتش وجات فرحتيني
والله اكي تشوفي تالمو نسيناها قتلهم فكروني هذا مشكل صح راني نستنا يفهموني :shiny::shiny:نوغتي المنتدى مدام حوحو :shiny::re_gards:

 

[القطة الزهرية]

الراجل أ أختي مولات لموضوع
هو لي حاكم قدرو وحاكم سابعو ...
اييه كيما قلت لخويا السوفي يحكم قدرو ليه والله يصلح المجتمع ويروح هذا الفساد الي راهو هنا
ويجيب لخبزة تاعو
هذاك هو لي فحل وراجل
وي كاين منها مي قولي كاشما بقاو من هاذا النوع
بالصح لي ينوض يلقى 100 ألف كل يوم تحت لوسادة
واش راح تستني منو ؟؟
​

اييه نستنى منو بزاااااااااااااف حوايج تحيطيست تفنيين وووو خليها لربي مانفضحوش بركi-o:

 

[الورد الأحمر]

اهلالالالالالالا واااااااااي مانساتش وجات فرحتيني
والله اكي تشوفي تالمو نسيناها قتلهم فكروني هذا مشكل صح راني نستنا يفهموني :shiny::shiny:نوغتي المنتدى مدام حوحو :shiny::re_gards:

طبعا ما ننساكش أختي ... :shiny: ... النوغ نوغك حبيبة ...
راني نقرى في الردود تاع الاخوة الكرام كاشما نفهم شوية
مليح ... كاين رجال في المنتدى هذا i-o:
​

 

[القطة الزهرية]

طبعا ما ننساكش أختي ... :shiny: ... النوغ نوغك حبيبة ...
راني نقرى في الردود تاع الاخوة الكرام كاشما نفهم شوية
مليح ... كاين رجال في المنتدى هذا i-o:
​

على فكرة قبل مانبدا نقطع هههه عجبني توقيعك احم احم
اقراي بيااااااااااان وفهمي
والله كاين الرجال في المنتدى ربي يخليهم i-o:i-o:

 

[دعاء الحق]

حاليا الرجوولة قليل وين تعدو كاينة راحت هاذي الرجلة تع بكري

 

[القطة الزهرية]

حاليا الرجوولة قليل وين تعدو كاينة راحت هاذي الرجلة تع بكري

اي وي واقع مرير مي لازم نستعرفو بيه واش حديري

 

[السوفي]

سلالالالالالالام مرحبا بالسوفي في موضوعي :shiny::shiny:
والله انا نقصد واحد يحط روحو راجل ياسيدي مي نسى بلي فعايلو ماش تاع راجل انا واحد يحب يتصف بالصفة هذي لالازم يطبقها بجميع معناها ماشي غير بالهدرة ونص لفعايل وكيما قلت الرجولة احيانا وهي حالات نادرة تقدر تتصف بها المرأة بصح تقدر تقول فحلة هاذ الكلمة تنوب صفة الرجولة مي انا ماتدخلش لراسي يدير لحلال ومنبعد يدير العكس تشغل مايحبش على عرضو وعرض الناس حلال عليه ااااو انا يجيني ذرة رجولة ماكاين فيه ماشي العصر ولا حاجة كيما هك هذا عذر اقبح من ذنب واحد راجل حاكم قدرو ليه ويخلي بنات الناس ولوكان حتى دارت ودارت اي وليا وحسابو عند ربي

السلام عليكم ورحمة الله وبركاته

اختي الفاضلة
اود ان انبهك على شيء هو من منا لا يقترف المعاصي ومن منا لا يخطاء من منا ليس عليه لبس من منا بصفة عامة كامل الاوصاف اكيد اجابتك تقول لا احد على الاقل في عصرنا هذا
من مهذا المنطلق لا يجب علينا ان نعطي الاثم اكثر من حجمه وما قصصته عن سبب المشكل ليس تبريل له ولا هو مساندته ولا هو اعتذار عنه فانا مع الزجر والعقاب لانها عصا السلطان التي يوزع بها ما لا يوز القرآن
ولكن اختي الفاضلة هل يعقل ان تجدي شخص ينهى اخته عن العلاقات اللاشرعية وهو ينهاها خوفا من الله وعلى اساس انها غير شرعية حرام فهل تعتقدين انه سيفعلها اكيد انه لن يفعلها فالسليم العقل يدرك ان ما حرم على اخته فهو عليه حرام
والان فقط فهمت قصدك من موضوعك انت تتحدثين عن اشخاص ينهون عن الفعل ياتون مثله وهم ينهون عنه من اجل ظهورهم الرجولة والفحولة لا غير ويفعلونه باسم الرجولة والفحولة ايضا مثلهم في ذلك الوالد الذي ينهى اولاده عن التدخين وهو يدخن ؟؟؟
شكرا مرة اخرى
السلام عليكم

 

[آمِيْرَتُه]

كل واحد و عقليته نخلوا الموضوع لأدم احسن
​