المشوشة ؟؟ تاعنا ولا مشوشة اخرى ؟؟

[The DoN]

السلام عليكم ورحمة الله وبركاتــه


وشراكم يا ناس الكوزرينة ؟


اليوم راني خرجت في كلمة المشوشة وتشوكيت :cra_zy:


كنت نقرا في كتاب "الأغاني" لأبي الفرج الأصفهاني

في الصفحـات الاولـى لقيت حكايـة

وهذا اقتباس :

فركبت معه أسالك أن تسعفه فيما سأل. فقال: نعم، على شريطةٍ: تقيمان عندي أطعمكما مشوشةً وقلية وأسقيكما من نبيذي التمري وأغنيكما،فإن جاءنا رسول الخليفة مضينا إليه وإلا أقمنا يومنا. فقال أبي: السمع والطاعة، وأمر بالدواب فردت. فجاءنا ابن جامع بالمشوشة والقلية ونبيذه التمري فأكلنا وشربنا، ثم اندفع فغنانا ....


هيه يحكي على المشوشة هههههه

حوست في المعاجم وما لقيتش معنى لهذي الكلمـة وفي امهات كتب اخرى ثاني ما لقيتش

يذكر باللي ابو الفرج عايش في بداية القرن الـ 10 .. الاندلس كانت لينا ..


شكون فيكم حكاتلوا على المشوشة ؟؟ هههههههه

المشكل الكبير : هو يعرف المشوشة وانا مزال ما كليتهاش هههههههه نستنى فيكم تعرضوني


صورة للمشوشة القسنطينية التاريخية ههههههههه

تهلاو في ارواحكم واغسلوا المعين مليح

واللي عارف كيفاه يسمع الاصفهاني (من مدينة اصفهان) بالمشوشة يخبرنا
​

 

[الورد الأحمر]

ههه سخفتني عند الليل وانا جيعانة ... والله معرف زيو يعرفها
ومن بكــري ههه ... يعطيك الصحة موضوع فريد من نوعو
...
هيا سيدات المطبخ ديرولما مشوشة كبيـــــــــــــــــــــــــرة
واعرضونا عليها والله لا جعنا
سلامو
​

 

[السلطانة]

وعليكم السلام
شفت موضوعك في ركن الطبخ جيت نجري
ههه قلت هادا طبخ طبخة اكيد

اعرف ابو الفرج الاصفهاني
قصدي هبلونا بيه كي كنا نقرا و ههه
مي جامي
سمعت بحكاية المشوشة هادي غير منك درك
يعني هو عرفها في قديم الزمان
وظهرت درك بلي راها نوع من الحلويات القسنطينية
انا تاني منعرفهاش ههه
نشوفو كاش شافة تمدلنا الوصفة
نقولك يعطيك الصحة على هاد الربط لي راك ربطتيه
بين واش قريت وبحثك عن هاد الاكلة
اللي ظهرت كاينة عندنا
ملاحظة جيدة منك اخي
شكرا على الموضوع




​

 

[The DoN]

ههه سخفتني عند الليل وانا جيعانة ... والله معرف زيو يعرفها
ومن بكــري ههه ... يعطيك الصحة موضوع فريد من نوعو
...
هيا سيدات المطبخ ديرولما مشوشة كبيـــــــــــــــــــــــــرة
واعرضونا عليها والله لا جعنا
سلامو
​

مشوشة لكل المنتدى في خاطر الاصفهاني

الخطيب البغدادي : (كان أبو الفرج من أكذب الناس وكان يدخل سوق الوراقيين وهي عامرة، والدكاكين مملوءة بالكتب، فيشتري شيئا كثيرا من الصحف، ويحملها إلى بيته ثم تكون رواياته كلها منه)

حاجة من 2 : هو دزيري هههههههههههههه
ولا كوبي كولي من عند دزيري ههههههههههه
​

 

[The DoN]

وعليكم السلام
شفت موضوعك في ركن الطبخ جيت نجري
ههه قلت هادا طبخ طبخة اكيد

اعرف ابو الفرج الاصفهاني
قصدي هبلونا بيه كي كنا نقرا و ههه
مي جامي
سمعت بحكاية المشوشة هادي غير منك درك
يعني هو عرفها في قديم الزمان
وظهرت درك بلي راها نوع من الحلويات القسنطينية
انا تاني منعرفهاش ههه
نشوفو كاش شافة تمدلنا الوصفة
نقولك يعطيك الصحة على هاد الربط لي راك ربطتيه
بين واش قريت وبحثك عن هاد الاكلة
اللي ظهرت كاينة عندنا
ملاحظة جيدة منك اخي
شكرا على الموضوع




​

هههههههههه راه الاصفهاني طبخ راسي، من بكري حاصلين فيه (كيما قلتي) وزاد لحقنا ضرك..

هو ثاني هبلوه ههههههههه المسكين صار يحكي على المشوشة ههههههههه

قبيل كنت نخمم نكتب على موضوع على الجزائريين، في كل بلاصة، كي الدود هههههههههههه بعدها رحت نقرا كتاب في راحتي خرجتلي المشوشة

صح الدزيرية في كل بلاصة وفي كل الازمنة ههههههههههه


نخاف نقرا شوي نلقاه يحكي على البغرير والكعبوش والرفيس ههههههههه
​

 

[الورد الأحمر]

مشوشة لكل المنتدى في خاطر الاصفهاني

الخطيب البغدادي : (كان أبو الفرج من أكذب الناس وكاين يدخل سوق الوراقيين وهي عامرة، والدكاكين مملوءة بالكتب، فيشتري شيئا كثيرا من الصحف، ويحملها إلى بيته ثم تكون رواياته كلها منه)

حاجة من 2 : هو دزيري هههههههههههههه
ولا كوبي كولي من عند دزيري ههههههههههه
​

ههههههه
كان مش 1 أكيد 2 وكان مش 2 أكيد 1
المهم دزيري فيها فيها خخخ
​

 

[ملاك هبة الرحمان]

روعة يعطيك الصحة