*** ربي يهدي ماخلق ***

[the_end]

السلام عليكم و رحمة الله و بركاته

:sheer: ان شاء الله تكونو كامل بخير :sheer:


:shay: والله غير حيروني هذو العباد غير يسمعو عفسة صرات يبداو يمنشرو بلا مايعرفو واش كاين ولا واش صرا :sadwalk:

عندها قريب سمانتين واحد السفينة تع بحرية اختفت عندنا في تنس فيها 8 بحارا . بعد 4 ايام من اختفاءها
بداو يسيبو في هدوك البحارا واحد واحد , وكل واحد وين لقاوه دوكا لقاو 5 ربي يرحمهم ومزالو 4 من بينهم 3 خاوا , هنا بداو الغاشي يزيدو فالهدرة :sad: لداراجة وين يجرحو اهاليهم .




واش رايكم في هذي الظاهرة اللي كثرت في بلادنا ?!!


تحياتي ,,,
​

 

[the_end]

مرسي لقبول الموضوع

 

[ماكانش]

أهلا بيك ختي
الله يرحم الموتى ويرد الباقيين
هذي منتشرة بزاف يزيدو في الهدرة ويخرجو الهدرات والدعايات
لاخاطر واحد ماهو لاتي فروحو وعاس روحو
حنا مات واحد من لافامي اكسيدون عندها بزاف الله يرحمو خلاص بداو التحاليل يبانو كانو حاضرين
خرين يقلك كانو يجريو وراه
وخرين يقلك كان ساكر ووو
أقفلو فامكم حاجة ماتعرفوهاش اسكتو
يعطيك الصحة​

 

[adel-mz]

سلام
-فيس تروتوار- واش تحبي ربي يهدي الناس
بارك الله فيك
​

 

[the_end]

أهلا بيك ختي
الله يرحم الموتى ويرد الباقيين
هذي منتشرة بزاف يزيدو في الهدرة ويخرجو الهدرات والدعايات
لاخاطر واحد ماهو لاتي فروحو وعاس روحو
حنا مات واحد من لافامي اكسيدون عندها بزاف الله يرحمو خلاص بداو التحاليل يبانو كانو حاضرين
خرين يقلك كانو يجريو وراه
وخرين يقلك كان ساكر ووو
أقفلو فامكم حاجة ماتعرفوهاش اسكتو
يعطيك الصحة​

اهلا بيك خويا
والله غير عندك الحق
واش نقولو ؟ الله يهديهم​

سلام
-فيس تروتوار- واش تحبي ربي يهدي الناس
بارك الله فيك
​

وعليكم السلام
امين يارب العالمين

 

[المندية]

صح للاسف هذا هو الحال على خاطر ماعندناش الصبر باش نستفسروا على الحقيقة و ولينا نحكيو الجاهز يعني هذا

يدي من عند هذا و وللينا نحكيو الجاهز

ربي يهدينا

 

[the_end]

صح للاسف هذا هو الحال على خاطر ماعندناش الصبر باش نستفسروا على الحقيقة و ولينا نحكيو الجاهز يعني هذا

يدي من عند هذا و وللينا نحكيو الجاهز

ربي يهدينا

اهلا حنونة
عندك الحق اختي
امين

 

[hiba14]

السلام عليكم
وي عندك الحق و انا شخصيا صرا مع معايا هاد الموقف و تم عرفت بلي العبد يليق يسكت وين ما يعرفش انا ماما ربي يرحمها ماتت على الولادة اجلها و الناس بدات قتلتها قنطة من راجلها و جماه الله يحفظ كان فيها الكونسير و ماعلابلهاش و المشكل قدامي انا نخزر برك اه وجماعة خلات 6 دراري قا ع صغار ما نحكيلكش برك قلبك يضرك

 

[اعيش راضية]

السلام عليكم
هادي كاينة بزاف عندنا
يكونوا واحد و في هدرة الناس يولوا عشرة
طبيعة شينة بزاف غير يزيدوا و ماعلابالهمش بالحق
الله يهدي ما خلق​

 

[محبة الورد]

السلام عليم اختي
واش راح ديري ختي حنا المجتمع تاعنا وعبادوا قاعدين غير يعسوا فالناس واش دير فلان دار فلان مادارش
وزيد اللسان الطويل حنا بالكذب نبنوا شاطو لي يحب يجي يسكن
نسمعوا غير حاجة صغيرة برك حتى نبداو نخرجوا في قصص الف ليلة وليلة ومعمبالناش بالعواقب مي الله يهدينا ختي هذا ماكان​