في منتصف الليل .....؟؟؟؟

[السوفي]

السلام عليكم ورحمة الله وبركاته

اهلا وسهلا بالجميع
في منتصف الليل تقريبا سمعت طرقا مدويا مفزعا ... احده يريد مساعدة ؟؟
طق طق طق شكون شكون انت ؟؟؟
جارك فولان ؟؟ افتح والدتي طلع لها الدم
روح تو انجيك بالطاكسي - الجار الى الجار رحمه -
والدتي واشي لاباس - لا شيء ام جاري ضربها بوجناح الله يستر
والدتي يالطيف الله يستر
وناهي الا لحظات حتى كنت عندهم امام الدار ساعدته في حمل والدته كانت ممتلاءة نوع ماء تجاوزت 70 سنه الله يبارك فيها ونطلقت نحو اسبطار حكومي هههههههههههههههه ياريت ما فعلت ؟
وصلت المستشفى وجدته مقفل لا حياة لمن تنادي طرقت الباب وبعد جهد واصرار مني فتحوا الباب
الممرض : واش لا باس
السوفي: رانا في سبطار وللى في دار ... زعمى غلطنا ؟؟
الممرض : ياربي يعدي ها الليله على خير يالله خلاصنا
السوفي : راك تشوفين كيفاش خارجين في ها البرد خاف رب
الممرض : تاو انروح نوض الطبيب وهو يدبر راسه معاكم
السوفي : انقلك حاجة يا جارنا خلينا انروحوا لبريفي تبعني برك
وانطلقت بالسيارة وفوفوفوفوفوفوفوفوفوفوفوفوفوفو طيييييييييييييييييييط صوت السيارة هههه
وصلنا
الممرض : محمد صالح بشير وهم يجرون .... مافهمت والوا دقيقة كان الطبيب يفحص في جارتنا والممرض وراه يحظر في الحقني وسيروا كلش ساجي ما شاء الله خدامه انتاع الصح الحمد لله
وبعد نصف ساعة الطبيب الحمد لله راهي مليحة والدم راهوا مليح خليها غدوى الصباح نعملولها تحاليل وممكن سكانير كلش كاين
الجار : بارك الله فيكم ويرحم والديكم
الطبيب : روح حاسب لاكيس في الاستقبال
الجار : السوفي والله ما جبت معايا دراهم
السوفي : قداش
الجار : 2200 دج
السوفي : هاك ربي يجيب الخير
هذا الكلام قاله السوفي بينه وبين روحه : ليله وحدها زيد معاها دراهم يا رب يستر
الجار : منطولش عليك روح طمن اهلي وبارك الله فيك ودراهمك في راس الشهر انرجعهلك
السوفي : واش راح نقلك ربي يجيب الشفاء ولي الصبر
السلام عليكم

 

[ماكانش]

أهلا بيك خويا السوفي
ربي جازيك
يعني صح تلقى الطبة تاع لبريفي يخدمو وناشطين على تاع السبيطارات لنو ماكانش رقيب
اما الفرملي ألي يخدم عند الخواص مراقب ولازم يقوم ويتهلى في المرضى بخلاف ألي يخدم عند الدولة
أنا نقول الله لا توصلنا بين يديهم ههههههه
يعطيك الصحة​

 

[sali-sali]

اولا بارك الله فيك وجزاك الله خير فالجار للجار كيما يقولو
وتاني ربي يشافيها ان شاء الله
وهدا حال المستشفيات في بلادنا واش دير لازم علينا نتحملو
شكرا على الموضوع
​

 

[السوفي]

أهلا بيك خويا السوفي
ربي جازيك
يعني صح تلقى الطبة تاع لبريفي يخدمو وناشطين على تاع السبيطارات لنو ماكانش رقيب
اما الفرملي ألي يخدم عند الخواص مراقب ولازم يقوم ويتهلى في المرضى بخلاف ألي يخدم عند الدولة
أنا نقول الله لا توصلنا بين يديهم ههههههه
يعطيك الصحة​

السلام عليكم ورحمة الله وبركاته
اهلا بيك اخي ماكانش ان شاء الله راك بخير وصحة وعافية كل من يصبح عليك تناله البركه آآآآآآمين
شكرا على الدعاء
اتعرف لماذا الفرق واضح نفس الشخص لو كان يخدم في قطاع عام والقطاع الخاص سوف تجده نشيط في القطاع الخاص كما قلت الرقيب ثم المردود المادي مضعف على حسب خدمتك
شكرا لك اخي الفاضل
السلام عليكم

 

[ISMA.dz]

السلام عليكم

بارك الله فيك خويا

والرسول عليه الصلاة والسلام وصانا على الجار

ونبكي على المستشفيات الحكومية تع بلادنا غير العوج

خاصة في الليل الواحد يموت معاهم


ربي يسترنا

وربي يشفي جارتكم

ويعوض عليك


سلام

​

 

[اعيش راضية]

السلام عليكم ورحمة الله و بركاته
ربي يجازيك خير على اللي درت معا جارك
الجار لجاره رحمة صح
و هادوك الاطباء اللي غير بالاسم فقط ربي وكيلهم
المهم ربي يجازي اللي يخدم بعرقه
و في هاد الوقت الواحد يتكل على دراهمو​

 

[مسلمة وافتخر باسلامى]

ربى يجازيك دير الخير تلقى الخير

 

[سلفي والحمد لله]

يعطيك الصحة خويا السوفي هاوم الرجال تاع الصح ربي يبارك فيك
ان شاء الله تلقى وش درت عند ربي سبحانو ويضاعفهالك اضعاف كثيرة
قال صلى الله عليه وسلم( المسلم اخو المسلم، لا يظلمه ولا يسلمه،ومن كان في حاجة اخيه كان الله في حاجته،ومن فرج عن مسلم كربة فرج الله عنه كربة من كربات يوم القيامه،ومن ستر مسلما ستره الله في الدنيا والاخره. رواه البخاري
ربي يجعلك منهم

​

 

[hiba14]

هادا قاع من غياب الرقابة بصح مهنة كيما هادي يلزمها الضمير اكتر من الرقابة ربي يهيدي برك

 

[Moha le sage]

ايـــــــــــــــــه يا لاطونسيون .....

سامحني مقدرتش نكتب دموعي غلبوني


لاطونسيون وحش يقدر يخطفلك يماك بين يديك ....... وما تقدر تدير والو


احسن حل لي عندو يماه عندها لاطونسيون ..يحاول يكون طول الوقت قدامها .. و يشري الجهاز لي يقيس الضغط ( حنا شاريين 3 ..زوج نيميريك و واحد تاع الساعة )

و الثوم لازم ديما كاين ..و النعناع ..هذو في زوج يهبطو ... بصج ديفوا ما يكفيش .. و اذا لحقت للعشرين لازم الطبيب ... و هذيك حكاية وحدها .... ربي لا يخلي مومن يحسها ....


سلامي


​

 

[دعاء19]

هذا هو حال العرب لا يؤدون عملهم بتفاني وامانة خاصة في صبيطارات الحكومية الا من رحم ربه اما صبيطارات بريفي تلقاهم حدا لباب يرحبوا بيك هههههههه
الله اشافي والدة جارك اخي السوفي وربي يخليلنا صحتنا ومنحطوش رجلينا في حتى صبيطار

 

[براءة سوف]

السلام عليكم
الموضوع جميل جدا يعكس الواقع المعاش بالظبط........ الله غالب مثل ما يقولوا............ولكن لابد من التغير
وانت يا السوفي........... مهما قلت لك مش راح احقق مرادي ولكن الله يكون في عونك دمت في عون الناس ودامت هي في عونك ودام الله في عوننا جميعا.

 

[zahya]

صباح الخير خويا السوفي .....البريفي يتهلى فيك ويديرك فوق راسو ....باش كل مرة دجي ليه .....وهو هديك هي الفايدة ....وخدماتو لاباس بيها يقومو بيك.....اما سبيطار الحكومة ....كيما الحكومة .....مدابيه حتى واحد مايديرونجيه ولا يكسرله راسو ....دايما خدماتهم خارج مجال التغطية

 

[أمازيغي]

م شي الكل كيفكيف.
كاين واحد الصونطر في الرويبة يشرف عليه البروفيسور حطابي والشاف نتاع لفراملة خدم معاه في فرنسا 20 سنة ومبعد جا معاه. ساعات يبقى البريفيسور قارد ملاد وساعات الشاف .
وكي العائلة نتاعو يحوسو عليه يجيو ليه للصوطر ساعات ما يروحش بالشهر والشهرين.
يعني كاين وكاين.

 

[kariim]

وانطلقت بالسيارة وفوفوفوفوفوفوفوفوفوفوفوفوفوفو طيييييييييييييييييييط صوت السيارة هههه
وصلنا
هههههههههههههههههههههههههههههههههه
​

 

[السوفي]

اولا بارك الله فيك وجزاك الله خير فالجار للجار كيما يقولو
وتاني ربي يشافيها ان شاء الله
وهدا حال المستشفيات في بلادنا واش دير لازم علينا نتحملو
شكرا على الموضوع
​

السلام عليكم ورحمة الله وبركاته

اولا شرك على ردك وعلى مشاركته موضوعي
وللآسف حال مايسرش لا صديق ولا قريب ضاع فيه الزوالي
لاحول ولا قوة الا بالله
السلام عليكم

 

[السوفي]

السلام عليكم
وعليكم السلام
بارك الله فيك خويا
وفيك بارك الله اختي الفاضله
والرسول عليه الصلاة والسلام وصانا على الجار
اكيد
ونبكي على المستشفيات الحكومية تع بلادنا غير العوج
الله يهدي
خاصة في الليل الواحد يموت معاهم
في كل وقت للآسف
ربي يسترنا
امين
وربي يشفي جارتكم
امين
ويعوض عليك
اكيد عند الله دائما الاجر
سلام
وعليكم السلام
​

السلام عليكم ورحمة الله و بركاته
ربي يجازيك خير على اللي درت معا جارك
الجار لجاره رحمة صح
و هادوك الاطباء اللي غير بالاسم فقط ربي وكيلهم
المهم ربي يجازي اللي يخدم بعرقه
و في هاد الوقت الواحد يتكل على دراهمو​

حياك الله اختي الفاضلة
ابداء من اخر كلمة قلتها وهي يتكل الواحد على دراهموا
اذا اتكلت على غير الله فقد خسرت وصدقيني حتى دراهمك مع الامراض والمصائب بصفة عامة نوائب الزمن لا يفيد معها دراهم ولا شيء غير رب العالمين اوصيك بالاتكال عليه سبحانه
شكرا على ردك الطيب الحسن وبارك الله فيك

ربى يجازيك دير الخير تلقى الخير

شكرا اختي الفاضلة وصيتك وصلت وبارك الله فيك

يعطيك الصحة خويا السوفي هاوم الرجال تاع الصح ربي يبارك فيك
ان شاء الله تلقى وش درت عند ربي سبحانو ويضاعفهالك اضعاف كثيرة
قال صلى الله عليه وسلم( المسلم اخو المسلم، لا يظلمه ولا يسلمه،ومن كان في حاجة اخيه كان الله في حاجته،ومن فرج عن مسلم كربة فرج الله عنه كربة من كربات يوم القيامه،ومن ستر مسلما ستره الله في الدنيا والاخره. رواه البخاري
ربي يجعلك منهم

​

الحمد لله ان وفقني الى فعل الخير والدل علية واكيد عند الله الجزاء الحقيقي لافعالنا فمن احسن احسن لنفسه والله عني عن العالمين
شكرا على دعمك وحسن نصنك في والله يعلم المصلح ومن المفسد
شكرا

هادا قاع من غياب الرقابة بصح مهنة كيما هادي يلزمها الضمير اكتر من الرقابة ربي يهيدي برك

سلام عليكم اختي الفاضلة اذا ضاع الضمير الحي والخوف من الله لن يصلح الحال مهما فعلنا
شكرا

ايـــــــــــــــــه يا لاطونسيون .....
سامحني مقدرتش نكتب دموعي غلبوني
لاطونسيون وحش يقدر يخطفلك يماك بين يديك ....... وما تقدر تدير والو
احسن حل لي عندو يماه عندها لاطونسيون ..يحاول يكون طول الوقت قدامها .. و يشري الجهاز لي يقيس الضغط ( حنا شاريين 3 ..زوج نيميريك و واحد تاع الساعة )
و الثوم لازم ديما كاين ..و النعناع ..هذو في زوج يهبطو ... بصج ديفوا ما يكفيش .. و اذا لحقت للعشرين لازم الطبيب ... و هذيك حكاية وحدها .... ربي لا يخلي مومن يحسها ....
سلامي


​

سلام عليكم اخي وبارك اللع فيك
لقد افدتني بهذه النصيحة وجزاك الله خير ا
ربي يستر على امة محمد صلى الله علية سلم
السلام عليكم

 

[السوفي]

السلام عليكم ورحمة الله وبركاته

هذا هو حال العرب لا يؤدون عملهم بتفاني وامانة خاصة في صبيطارات الحكومية الا من رحم ربه اما صبيطارات بريفي تلقاهم حدا لباب يرحبوا بيك هههههههه
الله اشافي والدة جارك اخي السوفي وربي يخليلنا صحتنا ومنحطوش رجلينا في حتى صبيطار

حياك الله اختي الفاضلة دعاء
للاسف كما قلت واكثر وكل مسؤول مسؤول عن رعيته يوم القيامة والله لا تجد ما قوله في شاءنهم الله يهدي

السلام عليكم
الموضوع جميل جدا يعكس الواقع المعاش بالظبط........ الله غالب مثل ما يقولوا............ولكن لابد من التغير
وانت يا السوفي........... مهما قلت لك مش راح احقق مرادي ولكن الله يكون في عونك دمت في عون الناس ودامت هي في عونك ودام الله في عوننا جميعا.

وانت يا اخت براءة مش عارف واش راح نرد على ردك هذا المشفر ؟؟؟
على العموم فعل الخيرات من صيمات اهل سوف والحمد لله وكل مسلم تجد في قلبه دافع لفعل الخير والحمد لله على ذلك

صباح الخير خويا السوفي .....البريفي يتهلى فيك ويديرك فوق راسو ....باش كل مرة دجي ليه .....وهو هديك هي الفايدة ....وخدماتو لاباس بيها يقومو بيك.....اما سبيطار الحكومة ....كيما الحكومة .....مدابيه حتى واحد مايديرونجيه ولا يكسرله راسو ....دايما خدماتهم خارج مجال التغطية

صباح الانوار والخيرات على اختي الفاضلة zahya
لاحول ولا قوة الا بالله كما قلت ولا ازيد على هذا
شكرا على ردك الطيب وتحية الاطيب شكرا مرة اخرى

م شي الكل كيفكيف.
كاين واحد الصونطر في الرويبة يشرف عليه البروفيسور حطابي والشاف نتاع لفراملة خدم معاه في فرنسا 20 سنة ومبعد جا معاه. ساعات يبقى البريفيسور قارد ملاد وساعات الشاف .
وكي العائلة نتاعو يحوسو عليه يجيو ليه للصوطر ساعات ما يروحش بالشهر والشهرين.
يعني كاين وكاين.

اهلا اخي الطيب اكيد هناك من في قلبه الايمان وحب الخير ونية الخدمة انتاع الصح وتجده متفاني دائما حيث ما ذهبت ستجد من امثاله كثر ولكن للاسف الاغلبية باعت ضميرها
شكرا على مشاركتك لي موضوعي

وانطلقت بالسيارة وفوفوفوفوفوفوفوفوفوفوفوفوفوفو طيييييييييييييييييييط صوت السيارة هههه
وصلنا
هههههههههههههههههههههههههههههههههه
​

جميل انه جذبك صوت السيارة
مشاركة طيبة
شكرا لك

السلام عليكم

 

[شوشونة]

السلام عليكم
مزية كاين جيران كيما انت خويا ربي يحفظك

 

[السوفي]

السلام عليكم ورحمة الله وبركاته

السلام عليكم

وعليكم السلام يا اخت براءة سوف

الموضوع جميل جدا يعكس الواقع المعاش بالظبط........ الله غالب مثل ما يقولوا............ولكن لابد من التغير

الحمد لله ان وفقني في موضوعي هذا راجيا منه ان يكون لبنة في اصلاح ما افسده الانسان

وانت يا السوفي........... مهما قلت لك مش راح احقق مرادي ولكن الله يكون في عونك دمت في عون الناس ودامت هي في عونك ودام الله في عوننا جميعا.
وانت يا اخت براءة سوف ....... ما عسايا ان ارد على مثل هذا الرد فمهما نسجت من الكلمات فلن اجد اسلوبا استطيع ان ارد به على مثل ردك هذا فقد اوفيت واحسنتي وجاملتي دون كثرة كلام قشكرا مرة اخرى
ربي يكون في عونك دائما

وعليكم السلام