التكبر

[harodi]

السلام عليكم

هذا اول موضوع ليا يا خوتي هنا وحبيت نشارك بلهجتي الجزائرية في هاذ القسم ان شاء الله نلقى تفاعل من طرفكم يا عشاق اللمة

واش رايكم رانا نشوفو بزاف في حياتنا ظواهر بصح كيما ظاهرة التكبر مانلقاوش راهي طغات بزاف هاذ الايام
كاين وين تكون مع واحد اصحاب واكثر من الاخوة ونهار يشوف روحو طلع فحياتو المهنية خاصة يبدى يتكبر وكانو جامي كانت بينكم معرفة وتلقى الواحد اذا قرى وانت مانجحكت ثاني يبدى يتكبر ويدير روحو ميعرفكش كاين بزاف حاجات وين راهي هاذيك الصحبة و الاخوة واش رايكم انتم وكيفاش تشوفوها وواش تعملو اذا صراتلكم
ولواش ترجعوا اسباب هكى ظاهرة و افعال تصدر من صديق في زمن مضى

خوووووووووووووووووكم حرودي حاب تفاعلكم

متفشلونيش

 

[4LI_4LGERI4]

رد: التكبر

وعليكم السلام

كاينة منها خويا وهذا الشيء راه كاين بارثو هنا في للجريري ولا الدول لخرا والواحد منا يبدا جهدو باش ما يوقعش فيه ويحذر منو على قدر إستطاعتو وبارك الله فيك أخ على الموضوع المميز .

 

[سما الجزائر]

رد: التكبر

خطرات كي نشوف ناس يتكبرو لكن عندهم علاه يتكبرو نعذرهم، لكن خطرات نشوف ناس "فارغين" كي تقارن روحك بيهم تصيب روحك خير منهم راسي يحبس و نقول الله يهدي ما خلق

 

[تيارتية]

رد: التكبر

والله العظيم صح كثر التكبر في وقتنا ولا الواحد غير يطلع شويا يحسب في روحو ملك الدنيا بيديه ويغزر فيك غير بنص عين تقول راه يعيش فيك........

من تواضع لله رفعه والي يتكبر عليا راه قاعد في بلاصتو حتى يطيب جنانو ......

مزيدا من التالق مع تحياتيواحتراماتي

 

[algerienne]

رد: التكبر

صح هاذي ظاهرة يعيشها كل واحد فينا

لكن للأسف راهي منتشرة بكثرة

وتحدث معايا يوميا

الله يهدي ما خلق

وكيما يقول المثل

التواضع من مصائد الشرف

شكرا لطرحك هذا الموضوع

 

[sanaa_algeria]

رد: التكبر

وانا لي يحط روحو عليا حاجا ولا منيش عارفا ويولي يتكبر انا ندير روحي حبة باطاطا من الكبار ونفوتو في التكبار نتاعو وعلاه راه معيشني حتى يتكبر عليا
ربي يهدي ما خلق

 

[ZIZO/SAHARA]

رد: التكبر

موضوع جميل اخي وبارك الله فيك اخي والله صح كاين بزاف الناس كي تطلع بيه يصبح ما يشوفش الناس خلاص ويبدل كل شيئ ......واخطرهم الذي ينطبق عليه المثل الي يقول كي يتبدل عليك الحال اول شيئ تعملو تبدل لبستك وثاني شيئ تعملو تبدل لصحاب وثالث شيئ تعملو تبدل الزوجة او الصديقة الا معندكش الزوجةوما تنساش احفض المثل مليح باش الى تبدل عليك الحال هذا واش تدير خووووووووووZIZO/SAHARA
​

 

[nadya]

رد: التكبر

مشكور اخي وربي يهدينا كامل

 

[نيناNina]

رد: التكبر

الله يهـــــــــــــديناااااااا
​

 

[harodi]

رد: التكبر

الله يهدينا جميعا وراني فرحان كي غبت و رجعت لقيت قاع هاذي الردود بارك الله فيكم كامل وكيما قال الاخ الي قبلي قاع نعرفو نتكرهو من التكبر بصح اول ما يتبدل علينا الحال راح نتعاملو بيه ونلجاو ليه يالطيف الله يبعدنا كامل عليه

صحا خو زيزو على المثل راح نعمل بيه بصح ماشكيت راح نبدل الصديقة لخاطر غالية على قلبي بزاااااااااااااااااف راهي هي الاكسجين الي نتنفس بيه


ربي يحفظكم

 

[harodi]

رد: التكبر

بغيت نزيد نقلكم واش رايكم بتكبر الادارة عندكم فاللمة و تكبر المشرفين و المراقبين
انا نشوف بلي كاين بعض المشرفين جامي يدخلو يردو على مواضيعنا و كي يكونو بكري اعضاء تلقاهم في قاع الموضيع
وخلي كاين الي يشوف موضوعك و يهرب هاذي هدرة وخلاص بصح حاس بلي الادارة هنا بطاقمها متكبرة

 

[ريمة 82]

رد: التكبر

من تواضع لله رفعه
التكبر احيانا طبع يولد مع الانسان
واحيانا يكون سببو شبعة من بعد حاجة
واحيانا الشعور بالنقص.....
انا رايي المتكبر مريض:puke:
ونبعد عليه قد ما نقدر:yes:​

 

[ريمة 82]

رد: التكبر

حرودي وانت حرودي ضرك راك ضيف امالا كي تعود عضو واش رايح ادير:P​

 

[harodi]

رد: التكبر

يا اختي ريمة انا راني ضيف بصح مش متكبر وقتاه تكبرت عليكم
انا لكان نلقى روحي نعيش فاللمة ديجا راني معول نجيب فراشي و نبدى نبات هنا باه مكاش الي يقول عليا متكبر

ربي يخليك خيتو على الرد الشباب كيفك

 

[حفيد هواري بومدين]

رد: التكبر

اه يا الزين انت لازم نديك عند عمي الحواس

 

[harodi]

رد: التكبر

ايه ياغزالي انا نروح لعمك الحواس بصح لازمني نديك عند ولاد عيشة الفطسة
صحا خوووووووووووو مول الكوستيم و صاحبو فلان

 

[كاتمة الاحزان]

رد: التكبر

خويا وانت علاش راك مقلق الي يتكبرعليك........... بيعلي|-)
الله يهدي ماخلق......قول امين​

 

[حفيد هواري بومدين]

رد: التكبر

|-)عيشة منعرف وين سامعو هاد الاسم |-)

ايه ياغزالي انا نروح لعمك الحواس بصح لازمني نديك عند ولاد عيشة الفطسة
صحا خوووووووووووو مول الكوستيم و صاحبو فلان

 

[harodi]

رد: التكبر

ana mohal nqalaq roooooooooooooooohi ok

w saha khooou flan moul kostim

 

[ابـن العــرآق]

رد: التكبر

المتكبر كالصاعد على الجبل يرى الناس صغارااا ويرونه صغيرااااااا​