الوا.......راكم في الدار رانا جايين عندكم

[dahbito]

السلام عليكم ورحمة الله تعالى وبركاته
واش راهم ناس اللمة الزينين يا خي لاباس
الامور ماشية
ايا الحمد لله
ربي يدومها ان شاءالله
الله يجيب الخير خويا سفيان راني كل يوم ضيفة عندك هنا المهم تستقبلني برك
وفي سيرة الضيوف نبداو نحكوا حكايتنا اليوم
ياسيدي حنا الجزائرين كيما داروا معانا مسلكوش
كلشي متوفر
الفيكس البورطابل حتى الانترنت ولات بالمعاندة
المهم ماشي السوجي نتاعنا

السوجي نتاعنا يهدر على الضيف الى يجي عندك على خدعة
:scared:
ومانيش ضد الضيوف والله غير نحبهم وكون نصيب دارنا دايما معمرة بيهمi-o:

بصح علاه الشعب نتاعنا ميرفدش البورطابل ويسقسي يا سيدي

مافيها والوا

بلاك ماهمش في الدار بلاك عنهم ظروف .....

ياسيدي خلينا المهم يقول الوا راكم في الدار اليوم رانا جايين عندكم

اموا يوجدوا رواحهم باستقبالك
انا هاذي دوخني بزاف
صراحة انا والعائلة ناعي فينا طبيعة مانروح حتى عند واحد قبل منسقسي

انا حتى صحاباتي الى مزوجات كي يجو عند والديهم نعيطلهم قبل مانروح عندهم

لازم نتعلموا هاذي الحاجة
نسقسوا ماخصرنا والوا unité راهي 4 دج
:yaw:
لازم نحسنوا عون الناس
وتوجور الضيف على العين والراس
:re_gards:
كيما يقولوا ناس بكري

* الضيف ضيف لو يقعد شتا و صيف*

واش راي ناس اللمة الزينين في الهدرة نتاعي
اسكو راه عندي حق ولا لا

ملاحظة :مرحبا بناس اللمة عندي معليش حتى وبدون استئذان هههههههههههههههه:ax_flw:
))سفيان باصيت معايا هدا العام راه عندي عرام نتاع سوجيات كي تنفحلي راني نجي نخربش هنا ((
:like_1::like_1:​

​

 

[بيكهام]

هههههههههههههههههه

هيه عندك الحق بصح اعطيني الناس لتفهم

حنا تربينا على لخدع والمكر

لازم نروحو على خدعة زعما مفاجئة ههههههههههههه

تحياتي يا غالية
+
تقيم
​

 

[الشبابية]

دق دق دق
ضياف ربي
موضوعك بزاف يعانو منو الناس سيرتو كي تقلك يماك الصباح
نوضو راهم جاونا الضياف ويولي الطايح اكثر من النايض
تخملي في الشنابر
خاوتك كانو راقدين وخلاو الحالة ماتصلحش
وتوجدي في القهوة ومرات ما تصيبيش واش تحطي معاها
واش نقلك مسلسل رعب ربي يكون مع كل واحد تصرالو هذي العفسة
ايا لوكان نقلك حنا مرة جا لينا خطيب اختي جداه جدو وزوج عمومو وبنت عمو وبلا ما يخبرونا
المهم فوتنا نهار قيامة
تقبلي مروري اسمحيلي ماجبت والو معايا جيت بكري لحوانت كانو مسكرين
ههههههههههههههههههه​

 

[sali-sali]

شكرا على الموضوع
هههههههه حنا نحبو المفاجئة
شكرا اختي على الموضوع لكن هدي عقليةdz
على هدا لازم الواحد يكون كل وقت متهيأ لضياف على خاطر ماعندك معامن تهدر

​

 

[مسيلية فوور]

وعليكم السلام
راني معاك
لازم يسقسيو قبل ما يجو
الحمد لله كلش تطور كاين الفيكس البورطابل غير عيط برك هههه
مرسي ختي على الموضوع
​

 

[ماكانش]

أهلا بيك ذهبية

والله مانعرف شكون قبل الموضوع
جيت لقيتو ههه
لي رجعة نشارك
تعبان بزااااااااف​

 

[حفيد هواري بومدين]

الضيف في وقتنا 3 سوايع الماكسيموم ماش 3 أأيام

 

[mimi.dz]

واعرة و جبتيها
واش نقولك اختيـ ايماجيني يجي عندك كاش واحد يلقاك
زارعة الدعوة ما و تسيقي هذا وين دخليه ؟؟
و تصرى بزاف سيرتو نهار الجمعة
مي واش تحبي متقدريش تقولي عيط قبل
و متقدريش يجيك واحد تليكيديه هههههه
ربي يهدينا برك
و يعطيك الصحة ....


​

 

[MusTapha-Dz]

وعليكم سلام
ههههههـ شعبنا غير يزدم مرة شيبانية وو ولادها غالطين زدمو عندنا ههه متلقي ما ديري قولي مرحبا و نسكتو

 

[براءة مسروقة]

ضياف ربي

 

[dahbito]

هههههههههههههههههه​

هيه عندك الحق بصح اعطيني الناس لتفهم ​

حنا تربينا على لخدع والمكر ​

لازم نروحو على خدعة زعما مفاجئة ههههههههههههه​

تحياتي يا غالية
+
تقيم​

اهلا بيك اخي
والله تربينا على عادة ماهيش مليحة
والمفاجاة ديفوا راهي تمرض الغاشي ههههههههههه
مرسي على ت.... نردوهالك غير في الخير

 

[dahbito]

دق دق دق

ضياف ربي
موضوعك بزاف يعانو منو الناس سيرتو كي تقلك يماك الصباح
نوضو راهم جاونا الضياف ويولي الطايح اكثر من النايض
تخملي في الشنابر
خاوتك كانو راقدين وخلاو الحالة ماتصلحش
وتوجدي في القهوة ومرات ما تصيبيش واش تحطي معاها
واش نقلك مسلسل رعب ربي يكون مع كل واحد تصرالو هذي العفسة
ايا لوكان نقلك حنا مرة جا لينا خطيب اختي جداه جدو وزوج عمومو وبنت عمو وبلا ما يخبرونا
المهم فوتنا نهار قيامة
تقبلي مروري اسمحيلي ماجبت والو معايا جيت بكري لحوانت كانو مسكرين

ههههههههههههههههههه​

ههههههههه والله غير راني حسيت بيكم في هداك النهار
وجهك خير حنونة معليش غير ارواحي ههههههههههه

 

[rafrofa]

الوووووووووووو راني جاية نرد على لموضوع تاعك وجديلي لقهوة ولقاطو هههههههههههههه

عندك لحق بصح كاين لي يحبو يديروها مفاجئة و كاين لي ماعندهمش نميرو كفاش رايحين يديرو (يكتبو طلب الزيارة ههههه)

 

[zagane]

سلام عليكم

بارك الله فيكم

 

[مارينا]

موضوعك فور يا غالية
ما فهمتش علاه يديروا هك يقولك حبينا نديروها مفاجئة
علاه حتى تعيي روحك وتسجي ومانيش عارفة واش يخترعوا تاني
انا نبقى بلا راس
ازدم برك والله ما علابالهم بالدنيا
مي واش تحبي تديري الله غالب والفنا
لازم توالفي انتي تاني حبيبتي
تقبلي مروري

 

[*ليديا*]

السلام عليكم ورحمة الله وبركاته
يعطيك الصحة حنونة موضوع شباب
احنا كاين الي يقول راني جاي وكاين الي يديرها مفاجأة
مي والله عند الحق ديفوا واحد يكون عندو خدمة ولا مريض
والي يزيد الطين بلة كي يجيوك الصبــــاح بكري ولا في الليل (الشتاء)
صحيتي حنونة
​

 

[عرفتك]

ايه في حياتي نكره حاجة اسمها خرجات كيما هكا
انا اصلا منحبش الي يج بلى موعد الحق حتى في لفامي الواحد ساعات يكون مريض ولا عندو مشاكل ولا راح يخرج ولا موش موجد روحو نفسيا ولا معندوش قضيات في الدار:cra_zy::cra_zy:
انا كي نروح لناس نعيط ونقول ليهم راني جاية حتى ولو تكون اختي كون نروح ومنلقاش مولى الدار فرشةi-o:i-o:
اما قصة الخطاب ماشي مليحة واحد يروح يخطب في ناس ويدخل فجاة متصلحش
لازم نحنا نوجدو رواحنا والدار تتسقم والغاشي كامل يكون في الاستعداد زعمى حرب:shiny::shiny:
لي عودة مرة ثانية

 

[عرفتك]

دق دق دق

ضياف ربي
موضوعك بزاف يعانو منو الناس سيرتو كي تقلك يماك الصباح
نوضو راهم جاونا الضياف ويولي الطايح اكثر من النايض
تخملي في الشنابر
خاوتك كانو راقدين وخلاو الحالة ماتصلحش
وتوجدي في القهوة ومرات ما تصيبيش واش تحطي معاها
واش نقلك مسلسل رعب ربي يكون مع كل واحد تصرالو هذي العفسة
ايا لوكان نقلك حنا مرة جا لينا خطيب اختي جداه جدو وزوج عمومو وبنت عمو وبلا ما يخبرونا
المهم فوتنا نهار قيامة
تقبلي مروري اسمحيلي ماجبت والو معايا جيت بكري لحوانت كانو مسكرين

ههههههههههههههههههه​

هههههههه اختي والله كاني في مكانك الي عندكم عندنا

 

[i love me]

wè c vrè mè allah ghaleb hadi hya la montalitè what we should to do rabi yahdi makhla9 w lazem ntfakrou tjr beli dif annbi 3 jrs machi ktar

 

[آمِيْرَتُه]

السلام عليك
كلامك فالصميم كون نحكيلك مرة جاو عنذنا ضياف على 12 سا و كنا حنا صايمين تلفتنا ، يا ريت الناس قاع تفهم واش قلتي
​