كسكسى من منطقة القبائل من مطبخى

[imane27]

سلام عليكم لبارح طيبت كسكس من منطقتنا القبائل قلت نديرو موضوع لتعرف على اطباق الجزائر
المقادير:
لحم غنمى كسكس
2حبات بصل قرفة
ملح فلفل اسود
فلفل عكرى حلو
حبة طماطم زيت
حميصة طماطم علب
التحظير:

فى قدرة حطيت لحم بصل زيت ملح فلفل عكري قرفة فلفل اسود وخليتو تقلا لمدة عشر دقائق

بعد ما تقلى اضفت طماطم حب

اضافت لحميصة

مرقت بماء سخون واضافت مغرفة طماطم علب

فورت كسكس على المرقة بعد ما غلات

كى فار كسكس نحيتو ورشيتو بالماء فى جفنة واضافت لوبية ماشتو للمرقة

وبعد شوية ما طابت لوبية اضافت جزر وعاودت درت تفويرة ثانية لكسكس وكى فار حطيتو فى جفنة ودهنتو بسمن

وفى اخير اضافت قرعة باش متتكسرش وخليها طابت لمدة 5 دقائق

بعد ما طاب كلش حطيت كسكس فى صحن وحطيت عليه مرقة وخضرا ولحم
انشاء الله تعجبكم طريقتنا



​

 

[21maria]

emmmmmmmmmmmmmmmmmmm merciii yehebel

 

[الزوجة الصالحة]

يعطيك الصحة حبيبتي مليحة كسكسي بالحم و الخضرة

 

[nassira23]

يعطيك الصحة أختي إيمان راكي شهيتينا وزيد الطعام بالخضروات وقتوا.
​

 

[ام خديجة1]

كسكس يشهي اختي يعطيك الصحة

 

[karima tati]

يعطيك الصحة ايمان على الطعام .انا تاني قبايلية و نديرو بنفس الطريقة.

 

[homework]

يعطيك الصحة حياة الفحلة يبان هايل وحنا في الشرق منديروش لوبيا خضراء مي نجربوه

 

[أم نيفين]

باين عليه بنين...بصح حنا في سطيف مانديروش القرفة و اللوبية و الزرودية
بصحتكم...

 

[imane27]

شكرا ليكم على الردود المشجعة نورتو الموضوع

 

[وفاء5]

اممممم انا نححب الكسكسي راه يشهي .يعطيك الصحة ايمانو.

 

[ibtesem]

بصحتكم ايمان اختي الكسكسي
شهتيني فيه

 

[cherine]

يم يم شهيتيني مع الصباح يعطيك الصحة اموونة​

 

[راجية عفو الله]

بارك الله فيك​

 

[omarwa]

كسكسي يشهي ايمان بارك الله فيك اممممم

 

[ألاء الرحمـــن]

الله الله عليك القبايلية يعطيك الصحة


​

 

[عشقي الامارات]

جاك رووعة
يعطيك الصحا ايمان 27

 

[imane27]

الله يسلمكم لبنات نورتو الموضوع

 

[khroufa]

شكررررررررررررررررا ليك أختي صح هذا هو الكسكسي تع القبابل بالتفصيل توحشتو راني نستنى وقتاش نروح عند يما تديرهولي و إذا مديتيلي منو مانقولش لالا

 

[imane27]

شكرا ليك خروفة مرحبا ليك فى اي وقت تكليه سخون

 

[rima29]

بصحتكم حنونة​