ميل فاي من مطبخي بالعجينة المكسرة

[ibtesem]

سلام عليكم يالبنات
المقادير هي
400 غ فرينة
400 غ زبدة تاع التوريق او الزبدة العادية تكون مقطعة
180 غ الماء بارد جدا
ملح
كريم باتيسيار
3 اكواب حليب
3 على 4 سكر
فانيلة
6 ملاعق فرينة
3 حبات بيض
الفوندو
حليب سائل
سكر بودرا
في الاخير نعصر ليمون
من اجل اللمعان والنكهة
التحضير
نضع الفرينة والماء والزبدة ونخلطها جيدا
اليكم الصور لتوضيح

هنا نلمها على شكل كرة ندخلها الثلاجة

هنا عمليت الفتح وتطبيق

نقلبها على الجيهة الثانية
ونفتح نفس الطريقة

الى ان ننتهي من 6 تطبيقات
كل مانعمل تطبيقتين نضعها في الثلاجة 15 د

هنا ندخلها الى الفرن

هدا نسيت ماصورتش خطوة تاع كفاش حطيت لكريم باتيسيار
المهم نخرج الاوراق الثلاثة بعد مطابو نضع الاولى نضع عليها الكريم
ثم الورة الثانية نضع عليها الريم ثم الثالثة نضع الفوندو

طبعا نقص الاطراف باش اكونو متساوين

ان شاء الله تعجبكم الطريقة جدو سهلة ​

 

[omarwa]

يعطيك الصحة ابتسام طريقة سهلة انشاله نجربها
شهتيني ندي حبة نشرب بيها القهوة رني معاها

 

[ibtesem]

تفضلي ام اروى انت راح تشربي القهوة انا راح نرقد راني خلاص طفيت هههه
بارك الله فيك على المرور

 

[oum BIBARS]

ممممم سخفتيني
يعطيك الصحة
عيشك ابتسام اختي حطيلي الصورة تاع الزبدة اللي تستعمليها راني جربت العجينة المورقة و جاتني ريحة الزبدة قاوية فيها​

 

[nina-6]

jak hayal khti on dirait machri
merciiiiiiiiii pr la r7

 

[cherine]

يهبل ماشاءالله قلبووشتي
امانة اذا تبغي قوليلي كي درتي الفوندو وشحال درتي حليب وسكر والكريم باتيسيير ندير البيض كامل فطريقتك ولا الاصفر برك وقوليلي الطريقة بالتفصيل
معليش نعييك معايا قلبي
يعطيك الصحة​

 

[Ahlem&mou]

Rahi tban sahla w manaaraf
Choukrane bessouma , essemhilna lakan chaqinak
++

 

[ام قصي]

شكرا بسومة انجربها ونردلك لخبر +++++++ احلى تقييم
​

 

[ام سيف]

يعطيك الصحة من فضلك طريقة عمل الكرام باتيسيار بالتفصيل
وجزاكي الله خيرا

 

[ام خديجة1]

الله يعطيك ما تتمنايه طريقتك سهلة جدا والنتيجة رائعة بارك الله فيك حبيبتي
زائد تقيييييييييم +++

 

[عفاف الجزائرية]

هـــــــــأيلة يا بسومة
ايا ازربي اوراحي نفتحو محل نبيعو فيه الميل فاي
نكسرو الصوق نبيعوه غير ب 800 فرنك هههههه
تحفة يا غالية
واكيد ما يجي من يدك غير التحفة
​

 

[الاختان سوسو ونونا]

ماشاء الله ابتسام روعة تسلم ايدك بصح قوليلي العجينة تاع 6 طبقات كامل ب400 غ فرينة وشكرا

 

[karima tati]

يعطيك الصحة خرجلك هايل

 

[sarittah]

ماهو بديل الفوندون من فضلك

 

[oumsif]

امممم تسلم ايدك حبيبتي جاك روعة ​

 

[ibtesem]

يهبل ماشاءالله قلبووشتي​

امانة اذا تبغي قوليلي كي درتي الفوندو وشحال درتي حليب وسكر والكريم باتيسيير ندير البيض كامل فطريقتك ولا الاصفر برك وقوليلي الطريقة بالتفصيل
معليش نعييك معايا قلبي

يعطيك الصحة ​

نعم تستعملي البيضة كاملة
شوفي شرين انا عملتو كيما نعملو القلاصاج
انما اكون عاقد عليه شوية
ابداي 4 ملاعق اكل تاع حليب واسكبي عليه السكر انت تتحكمي في السمك تاعو

اما الكريم الباتسيار

عندك انك تخلط كل شئ في البارد من بعد ضعيها على النار مع التحريك المستمر الى ان يتخثر
او طريقة الثانية
دفي الحليب انزعي منو قدر كاس
اخلطي البيض في الخلاط مع السكر واضيفي الفرينة وكاس الحليب واخلطي ثم اسكبي في الحليب المتبقى وحركي الى ان يتخثر
شكرا لمرورك حبيبتي شرين

 

[ibtesem]

ماشاء الله ابتسام روعة تسلم ايدك بصح قوليلي العجينة تاع 6 طبقات كامل ب400 غ فرينة وشكرا

نعم حبيبتي كيما في الصورة

 

[ibtesem]

شكرا لمروركم يالبنات الله اسلمكم فرحتوني انو عجبكم

 

[ibtesem]

هـــــــــأيلة يا بسومة

ايا ازربي اوراحي نفتحو محل نبيعو فيه الميل فاي
نكسرو الصوق نبيعوه غير ب 800 فرنك هههههه
تحفة يا غالية
واكيد ما يجي من يدك غير التحفة​

ههههههه فوفتي والله وحدك
ايدي على ايدك والحالة تزهى :sheer:

 

[ام قصي]

ياسمسومة دخلوني الشريكة امعاكم راني مربوحة واسم على مسمى نشتي غير نضحك فهميني يا الفحلة في الفندو وحدة وحدة نقدر انعوض بكرم دو بار او كرام شانتي
​