لتقوية جهاز المناعة مجرب

[سمراء الدنيا]

السلام عليكم
بعد معاناتي مع ابني ذو الثماني سنوات و كثرة مرضه
وتعرضه المزمن للحمى و الام الراس و الجري من طبيب الى
طبيب قررت ناخذ ابني عند راقي قرى عليه ايات الرقية واعطاه
هاذ الوصفة لتقوية المناعة
اثنان كاس شاي حلبة مطحونة
كاس شاي سكر رطب
نص كاس شاي ورق سدر مطحون
نص كاس شاي حبة البركة مطحونة
كيلو غرام عسل حر
خلطتهم وعطيتو مغرف الصباح و مغرف في الليل
و الحمد لله لحد الان وبعد سنة ما زال ما مرضش
نتمنى نكون افدتكم بهاذ التجربة

 

[سيرتا]

شكرا لك اختي ان شاء الله نجربها مع ابني والله عيينا من الادوية والاطباء

 

[أم الولدين]

بارك الله فيك و ربي يشفي أولادنا كامل
كل شيئ عرفته ولكن ورق السدر وين نلقاه

 

[سمراء الدنيا]

أهلا بك أختي سيرتا الله يشفي ابنك انشاء الله
وجربي هاد الوصفة راها فعالة جدا
وكل لحوايج الي فيها ملاح

 

[سمراء الدنيا]

أهلا بيك أختي أم الولدين
ورق السدر أنا جبتو من شجرتو (السدرة) لأنو عندنا في بلادنا بزاف
وشفت ناس شراوه من عند العطار

 

[أم الولدين]

آآه خلاص السدرة هذا لي حبيت نتاكد منه إيه كاين بزااااف منه
جزاك الله كل خير و ربي يشفي أولادنا ويعافيهم

 

[سمراء الدنيا]

 

[iman la brune]

شكرا بارك الله فيك
​

 

[فايزة1207]

عزيزتي عندي سؤالين
1/السدر تقصدي التي تعطي ثمار نبق وهل تكون خضراء ام يابسة
2/الحبة السوداء تقصدي السينوج اللي نديروه في خبز الدار ولا الي تشبه لحبة العدس
وشكرا لك

 

[سمراء الدنيا]

شكرا لك ايمان على المرور

اهلا اختي فايزة
السدر هو هو نتاع النبق انا جبت خضر و يبستو
والحبة السوداء هاديك اللي تشبه العدس وعطاهالي العطار
مطحونة لا خطرش ما تطحنش بسهولة
و بالشفا ان شاء الله

 

[فايزة1207]

بارك الله فيك عزيزتي وربي يحفظلك ولدك

 

[ام منصف]

بارك الله فيك
على الموضوع الرائع
والطرح الراقي
اتمنى ان يستفيد منه الجميع
بانتظار جديدك​

 

[سمراء الدنيا]

شكرا حبيبتي أم منصف
على مرورك و ربي يخليلك منصف و يفرحك بيه:sheer::sheer:

 

[سمراء الدنيا]

بارك الله فيك عزيزتي وربي يحفظلك ولدك

و فيك بارك الله و ربي يشفي مرضانا
و مرضى المسلمين

 

[ام سندس]

جزا ك الله كل خير
ا ذا كا ن عندك وصفة ا لطفل ا لصغير كيعو د ضعيف

 

[حكيك]

بارك الله فيك
على موضوع الرائع

 

[سمراء الدنيا]

جزا ك الله كل خير
ا ذا كا ن عندك وصفة ا لطفل ا لصغير كيعو د ضعيف

أهلا بيك أختي أم سندس
شوفي اختي انا ابني عندو 8 سنوات gاع ما يبانش قدام صحابو
و اللي كتبلو الوصفة قالي كي يبدا ياكلها ينورو خدودو و تفتح شهيتو
و هاذاك اللي صرا و لاو يقولولو صحابو يا السمين
لكن هاذ الايام راني نشوف فيه ناقص و راني حابة نعاودهالو
و غير جربيها و ان شاء الله تلقي الفايدة

 

[سمراء الدنيا]

بارك الله فيك
على موضوع الرائع

و فيك بارك الله يا غاليتي حكيك