ظاهرة التسول الجديدة 2012

[آمِيْرَتُه]

السلام عليكم و رحمة الله تعالى و بركاته
مولد نبوي مبارك على كل أعضاء اللمة
اليوم جيت نحكيلكم على ظاهرة التسول نتاع 2012
كنت فايت على وحد الطريق حتى شفت 2 نتاع متسوليين مدابزين مداقين
و الناس قاع واقفة تشوف أملا كانوا يدابزو على البلاصة الي يطلبو فيها واحد يقول للاخر
هذي بلاصتي هذي 3 سنيين و أنا نطلب فيها دجي اليوم تديهالي _o: و الاخر يقوله ههههه راك غالط حبيبنا انت في 3 سنيين أنا حياتي و أنا نطلب هنا i-o:
أيا نفض روحك و طير منا و كبرت الحكاية حتى جا بوليسي و سلك بينتهم و
الله حاجة تحير حتى فالطلبة و كاين المحامرة فيها
حنا مخلينا والو الطلبة الحافلات المرشي .... في كل شي ندابزو
منعرف و ينتا نعدلو رواحنا
أيا سلامو مبغيتش نطول عليكم علابالي مخير فيكم راه قاتله البرد
​

 

[ماكانش]

أهلا بيك منيني
ههههه
حنا هكذا ثاني هنا، كل طلاب وحاكم السيكتور تاعو هههههه
وياحليلها طلابة تروح تطلب في المسجد ألي تطلب فيه مولاتو ههههه
يعطيك الصحة​

 

[آمِيْرَتُه]

أهلا بيك منيني
ههههه
حنا هكذا ثاني هنا، كل طلاب وحاكم السيكتور تاعو هههههه
وياحليلها طلابة تروح تطلب في المسجد ألي تطلب فيه مولاتو ههههه
يعطيك الصحة​

شكرا لاعتماد الموضوع هههههههههه و الله عجب عيش تشوف i-o:

 

[ISMA.dz]

السلام عليكم

حتى انا لاحظت هاذ الظاهرة وصادفني موقف مشابه


ماقيت مانقول خاصة انهم الاثنين بصحتهم وقادرين يخدمو

يتشاطرو على بعض ويتضاربو على بلاصة للطلبة

فقط ربي يستر


سلام​

 

[Jeune Sghir Mc]

هاذو متسولين محترفين ولا هواة
خخخخخخخ
مرgـوها على رواحهم

هاذي لافار تاع التسول ولات مهنة
راهم قريب يدخلو الدومان في لافاك
يقراو عليها

كاين لي يجيبوهم باللوطووات الفاخرة
يحطوهم وكل واحد يحكم بلاصتو
ويبدا الاسترزاق على ظهر الشعب

ياو المسكين تاع الصح جامي يمد يدو للناس
"السؤال لغير الله مذلة"



صحيتووو

​

 

[JIJEL88]

وعليكم السلام ورحمة الله وبركاته
حقوق البلاصة محفوظة
عندك الحق هدي الظاهرة كثرت ورانا نشوفوها بزاف بسكو باش يطلب مليح لازمو موقع استراتيجي جيد
سورثو قدام جامع ولا في سوق ويقولك وين تقوى تحرام على هدي راهم يدابزو بيناتهم وكما قال الاخ لمعندوش صح يحشم يمد يدو مي الشعب الان راهو فاق بسكو بزاف طلابين راهم لاباس عليهم وحتشي ما يخصهوم
ياختي في اوروبا مثلا واحد معندوش وحاب يدبر الدراهم متلقاهش يمد يدو تلقاه يدير عروض مثلا موسيقى والناس يتفرجو ومبعد يعطولو الدراهم يعني يجيبهم بمقابل
وشكرا لك الاخت على الموضوع​

 

[براءة مسروقة]

ههههههههههههههههههههههههههههههه عفسة شابة هاذى

 

[السلطانة]

وعليكم السلام
عادو يتعارو شكون يشد لبلاصة لمليحة باه يلم دراهم اكثر
ماشيين وين يشوكيو جدنا اكثر واكثر
يلعبو الرول باه يفوتوها على الناس ويعيشو راقدة وتمونجي
منعرف وقتاه يتنحاو هاد الظواهر من بلادنا لي مشكيناش يتنحاو
شكرا امينة على الموضوع الذي هو من قلب الحدث
تحياتي

​

 

[براءة مسروقة]

++++++++++++++++++++++++++++++++++++++

 

[crazykhadija]

ههههههههههههههههه يا ودي ربي يهدي برك
بصح عجبتني هدي اللقطة هههههههههههههه

 

[bachboucha]

هات برك ولله الطلبة قريب يديروها ف 10 أربح مهن في العالم ... ياودي نعرف واحد الطلاب فباتنة عندو سيا ليون بيضا و يسكن ف الفيلات نتاع الله الله ... وولادو كامل فالخارج يحوسو ... و مع لعشية يلم الصرف فقهوة المقاولين عيش تشوف تبا نحن شعب نحب الكسل و نديرو الدراهم بالتبلعيط أعاذنا الله من هته السلوكات .... لا تعليق غلب راسي شكر موضوع ديراكت من الواقع​

 

[homework]

طبع منيني التسول حرفة واصحاب الحرف نادرين
كل متسول يختار المكان المناسب و الاستراتجية المناسبة و اللبسة المناسبة باش يكون فعال
المحتاجين الحقيقين والله مايتسولوا

 

[مابقاش بزاف.Dz]

عجب و الله التسول هادا اصبح مهنة
عيش تشوف
يعطيك الصحة منمن

 

[*ليديا*]

السلام عليكم ورحمة الله وبركاته
والله تحيري اختي
شعبنا (حاشا البعض) ملهوف على كلش
اذا جاء معرض يدابزو واذا ماتش يدابزو وحتى على الطلبة يدابزو؟
فكرني الموضوع في نكتة : تاع الطلابة الي قالولها كون تربحي مليار واش تديري بيه؟ قاتلهم نبني مسجد ونطلب فيه وحدي هههه الانانية
ربي يهديهم ان شاء الله
وكان جاو مخصوصين تاع الصح راهم يحسو ببعضاهم يقلك دير صبعك في عينك زي ما تضرك تضر غيرك
يعطيك الصحة على الموضوع
​

 

[ضو العش]

انا اكتر حاجة تغششني كيما يتعاركوا على لبلاسا

 

[Ice Queen]

ماتقوليش ظاهرة قولي عمل او وظيفة
التسول بكري كان تسول اليوم ولا خدمة كيفها كي الاعمال الاخرى
والله حاجة تحير
​

 

[آمِيْرَتُه]

السلام عليكم

حتى انا لاحظت هاذ الظاهرة وصادفني موقف مشابه


ماقيت مانقول خاصة انهم الاثنين بصحتهم وقادرين يخدمو

يتشاطرو على بعض ويتضاربو على بلاصة للطلبة

فقط ربي يستر


سلام​

شكرا على المرور ربي يحفظك نولو ربي يهدي قاع الناس

 

[آمِيْرَتُه]

هاذو متسولين محترفين ولا هواة
خخخخخخخ
مرgـوها على رواحهم

هاذي لافار تاع التسول ولات مهنة
راهم قريب يدخلو الدومان في لافاك
يقراو عليها

كاين لي يجيبوهم باللوطووات الفاخرة
يحطوهم وكل واحد يحكم بلاصتو
ويبدا الاسترزاق على ظهر الشعب

ياو المسكين تاع الصح جامي يمد يدو للناس
"السؤال لغير الله مذلة"



صحيتووو

​

واه خويا كلامك صح العام جاي رايحة تولي مادة تدرس خخخخخخخخخخخخخ

 

[آمِيْرَتُه]

ماتقوليش ظاهرة قولي عمل او وظيفة
التسول بكري كان تسول اليوم ولا خدمة كيفها كي الاعمال الاخرى
والله حاجة تحير
​

و الله عندك حق ولا خدمة ربي يهديهم برك

 

[آمِيْرَتُه]

وعليكم السلام ورحمة الله وبركاته
حقوق البلاصة محفوظة
:shiny:

عندك الحق هدي الظاهرة كثرت ورانا نشوفوها بزاف بسكو باش يطلب مليح لازمو موقع استراتيجي جيد
سورثو قدام جامع ولا في سوق ويقولك وين تقوى تحرام على هدي راهم يدابزو بيناتهم وكما قال الاخ لمعندوش صح يحشم يمد يدو مي الشعب الان راهو فاق بسكو بزاف طلابين راهم لاباس عليهم وحتشي ما يخصهوم
ياختي في اوروبا مثلا واحد معندوش وحاب يدبر الدراهم متلقاهش يمد يدو تلقاه يدير عروض مثلا موسيقى والناس يتفرجو ومبعد يعطولو الدراهم يعني يجيبهم بمقابل
وشكرا لك الاخت على الموضوع​

بارك الله فيك على الرد و على كل ما دون هذوك اروربا مش افريقيا i-o: