الظاهرة الجديدة للفتيات

[sousouia]

السلام عليكم و رحمة الله و بركاته
اما بعد
اليوم راني حابة نخصص موضوع باش نحكو فيه
الي هو
ظاهرة التسكع عند الفتيات او بمعنى اخر *الدورة*
دركا ولاو الفتيات كي ميقراوش ساعة ولا 2 ولا 3
تروح هادوك السوايع تقضيهم في الشوارع تتسكع
و لا راكبة في سيري سيس و دور
و كي تقولها تقلك نحي على خاطري وش نروح ندير فدار
انت فتاة خلقتي لتكوني في البيت لان معظم وقتك في البيت
و اذا حكمها بيها
تولي مها تحامي عليها و تقلو مازالت صغيرة و هاذي هيا الحاجة لي خلات بناتنا يزيدو يتمردوا كثر و كثر
يا فتيات بركاونا من هاذو طبايع
و الظاهرة الثانية هي ظاهرة الاصدقاء الذكور يعني كيما يقولوها هاذو لبنات *حبيبها*
و تخرج معاه و تشريلوا الكادو تاع 14 فيفري.و يشريلها بورتابل و مور 3 ايام تلقا واحد خير منو و طيشوا هو لهيه
اي ان بليس دسا تقولاك انا سيليباتير
و ف العرس تزوق و تمكيج باش تتخطب
و امها علابالها وش مدايرا و تزيد تشجعها
يا امهات نحيو العقلية هاذي
عقلية نخليها تدير وش تحب باش تتزوج
راكم غالطين
الطفل مفيهش العيب.نهار يحب يتزوج يخير الطفلة الي مادارت والوا و لخرا تبقا كولاج
الظاهرة الثالثة هي ظاهرة السرقة
و ظركا ولينا نشوفو لبنات هوما لي يسرقو سوارد لبيانهم و ماتهم و تروح بيهم تشري الكادوات
و تفرني على البنات
و تبذر فيهم هنا و لهيه
و بيها مسكين سشية الحليب ملقاش باه يشريهالهم
اه يا البنات اللي من هاذ النوع
او الي تمارس ظاهرة من هاذ الثلاثة
راكم فسدتوا المجتمع بالاساليب هاذوا
ولا وش رايكم نتوما
​

 

[ماكانش]

أهلا بيك سوسولة
يعطيك الصحة على موضوعك الباهي والمفيد
حطيتي يدك على الجرح كيما يقولو
المشكل في الأمهات كي يخبيو على بناتهم وكي يوقفو معاهم ضد باباهم وخاوتهم الرجال
وهذا كيما قلتي يشجع الطفلة
الطفلة ألي ماعندهاش راجل تخاف منو وتاخذ رايو راح تفسد وللأسف ...
يعطيك الصحة

+ تقييم​

 

[صـ كحرفـ محفور ـامتة]

صراحة أنا ماشفت حتى ظاهرة من هادو..........

وشكرآ

 

[Douna]

لا حول ولا قوة الا بالله

هذا كامل راهو صاير

 

[homework]

طبعا اختي تغير الزمان و الدنيا تغيرة بكري منعرفوا لا صديق ولا حبيب نعرفوا اننا أخوة في الاسلام و كانت الاستاذ الله يذكرها بالخير تحرش الاولاد لي يقروا معنا اذا شافونا درنا حاجة يقولولها وهي تغسلنا ونخافوا
و التسكع حنا عندنا في المدرسة متقراش ساعة تبقي داخل القسم حتي الساعة لي الموالية
و الاصدقاء و الاحباب ربي يجيب ساعة الخير كي تلقي الام تنصح بنتها باش دير صديق يصرف عليها واش راح نقولوا احنا و السرقة راهي قديمة الفتيات اصبحت تسرق اكثر من الرجال

 

[إنسانة ما]

يعطيك الصحة أختي على الموضوع لمليح ياسر
يا أختي ما فسد البنات غير أمهاتهم
دايما نقول إذا كانت الأم مش متربية كيفاه رح يكونو ولادها متربيين؟؟؟
ذرك أغلب الأمهات يمشيو بعقلية خلي الطفلة دبر على راسها وتتزوج
ربي يسترنا حتى تسترنا الموت كيما تقول الوالدة -ربي يحفظها- دايما
وربي يهدينا بنات المسلمين ويهدي الأمهات لأن مسؤولية التربية مش ساهلة ويوم القيامة رح يسألهم رب العالمين على أولادهم.
ربي يبارك فيك أختي
+ تقييم
​

 

[hiba14]

السلام عليكم
الحق الظواهر في تلاتة من بكري بصح بكري كانت خيانة على دارهم و على امها بصح دروك نورمال امها هي اللي توجدلها الطريق
كاين تلات شيرات في السيام اللي نخدم فيه صح علابالنا بهاد الظواهر و نورمال المهم واحد السمانة استادة ماجتش و عندهم معاها 2 سوايع ديفيلي خرجوهم علاه ماشي ديك الاستادة تصيبهم مع شاشرة خارجين من بوم تخبر فيا قاتلي قعدت في لرض ووليت نبكي قاتلي ماجاتنيش حتى الماكلة
و يعجبوك غدوة دخلو يقراو نورمال عندها ني حيا ني حشمة حاوزتهم و قاتلهم جيبو اولياء الامور جاو قاع امهاتهم بحجة انو الاب كون يعرف يدبحهم

 

[اميليا]

يعطيك الصحة على الموضوع في الحقيقة هدي الضاهرة كاينة واش تحبي نقولو الله يهدي ما خلق

 

[Jeune Sghir Mc]

وي وي
شعارنا شدو بناتكم باش يبراو ولادكم

ايه الله غالب
كي نشوفو شي رجال نساهم وبناتهم يحكمو فيهم كاش مابقى



صحيتووو
​

 

[bachboucha]

نترفعت انا على هاد المناظر يوجعولي قلبي الحمد لله ياربي مانيش مبخسة بروحي في كلش و هادو يسموهم المخلوعات اللي تهبط من الدوار و من العرش و ماديرش هكدا .... ترفعت على السلوكيات اللي تمرض +​

 

[souhila_95]

والله ياختي هذه ظواهر الغير اخلاقية منتشرة بزااااااااف في البنات وهذه ظواهر خطيرة للأسف لما طفلة ابوها يطلقها متبرجة ومفضوحة واش رايحة تديري اي واحد يتقدم ينصحها شتا استاذ او زميلة او... تقولو واش دخلك مادام بابا خلاني نخرج كيما هاك نتي وش دخلك فيا ؟؟؟ واروحي كي يلبسو فيزو نتاع hd كيما سماوه ليجون والله غير خبثولي قلبي ...المشكل انو الوالدين ماولاتش قيمتهم كيما بكري مكاش احترام رانا في آخر الدنيا هذه هي بناءا على حديث الرسول صلى الله عليه وسلم حينما جاءه جبريل ليسأله عن الساعة وأمارتها ذكر منها أن تلد الأمة ربتها التي اختلف العلماء في تفسيرها لكن اغلبهم فسروها ان الابنة تصبح سيدة على أمها ..خطرات الوالدين هم لي يشجعو بنياتهم باش يلبسو هذا الللباس ماتلقى واش تقول حكالنا استاذنا عن وحدة طردها من الحصة بسبة لباسها الغير اللائق يخي جا أبوها زعمة يريكلامي قالو مادماني انا خليتها هك انت واش دخلك انت استاذ خدمتك تقريها وبس مع انو شعار الجزائر في ميدان التعليم هو وزارة التربية والتعليم لكن ماعسانا أن نقول الا غير الله يهدي ماخلق مجتمعنا طغى عليه الفساد
​

 

[07 _H@yThm]

ربي يهــــــــــــــــــــديكم

 

[FATIMA 19]

والله عندك الحق على كل كلمة قلتيها بصح ضكا الأمهات هوما السبب من عادو يشريو لناتهم سروال ضيق وبودي ضيقة وتقولها روحي دوري
والظاهرة نتاع الدوران صح كاينة كاينين بنات يقراو معايا مايقراوش ساعة يعودو يفرحو نلقاوهم غير طالعين وهابطين
وكي نقولهم أنا نشتي الدار نقعد فيها يضحكو عليا ويحيرو !!!!!!!!
والله هوما اللي يحيرو نتاع الصح؟
وظاهرة السرقة ثاني تلقايها بزاااااااااااف
عجبني موضوعك تستاهلي تقييم

 

[Sẻl Mā]

السلام عليكم
تبا وش نكره هذا النوع من لبنات
انا من لمدرسة لدار والدار للمدرسة
وكي نحب نخرج نخرج مع خويا ولا ماما​

 

[Rochdi.dz]

هدي الصورة الرمزية عجبتني برك جبتها معايا يخي ماعليش؟

نرجعو للظواهر الطبيعية آآآ البناتية

يا سيدي وش نقلك ربي يلطف برك
مانغطيوش الشمس بالغربال
انتم علابالكم وحنا ما يخفانا

ربي يهدي ماخلق



​

 

[براءة مسروقة]

والله غير كاينة منها بزاااااااااااف

 

[ضو العش]

في هذي عندك حق والله حتنى شفت منهم هذو لبنات ربي يستر من الي جاي
وراو مشي ديما امهاتتهم الي يشجعوهمكين حتى الي تخاف من بنتها ولا يديروها بلخفا (بدرقا)

 

[آمِيْرَتُه]

السلام عليك
هذو هما المواضيع الملاح و لا خلي و الله قالك ناس بكري عيش تشوف
ربي يهدينا و يهديهم
​

 

[miss meryy]

عند الحق ختي سيرتو الظاهرة الثانية ولات منتشرة بزااااف

 

[الشاوية الحرة]

شكـرا على الموضوع
اختـــــــي هـذي راجعة لطريقية التربيــــــة وأخلاق كل بنت وقناعاتـها في الدنيـــــــا وأكيـد الشخصيـاات عند لبنـــــــــــاات تختلف لهنـــــــــا دور الأهـل وخصـــــوصا الأم يلعـب جور كبيـر
نسـأل الله الهــــــداية يارب
سلآلآمي:re_gards:​