اعطوني فكرة يابنات اللمة

[ام قصي]

صباح النور يالبنات عندي المخ بعد ما نظفت حبيت تعطوني روسات انا املفا انديرو كي الشكشوكة مع البيض راني نستنى يا لفحلات :sadwalk:
​

 

[merieme hassi]

عملو مرة في الفور
حطي المخ في ورق الالمنيوم و زيدي حبة بصل و حبة طماطم مقطعين و ثوم و توابل و شوية زيت الزيتون و اغلقي ورق الالمنيوم و دخليه للفرن و خليه علي نار هادية حتي يطيب

 

[حاملـة المسك]

ام قصي منحبوش لهادا لم اهتم بكيفية طبخه
بصحتكم مسبقا :sad:​

 

[ام قصي]

الي حاملة المسك

شكرا والله نفس الشيئ انا ثاني نكره les abats كامل الراس مي :santa_1:هذا حاب ياكلو ههههههههههه
​

 

[ام سيف]

انا هذا:santa_1:ليمايكلهمش علابيها مانعرفش نخدمو

 

[ام قصي]

والله ضحكتيني ما اطيبي على جالو

 

[bachboucha]

ممممممممممممممم انا موالفة نديرو فورق المنيوم ونداويه مليح بالتوم و الفلفل الاكحل وشوي زيت وملح شوي وندير معدنوش ودبشة خاطر الراجل يشتيهم هكدا مي مانديرش بصل باسك مايحبوش و ندير طماطم معاه ونقص للفور حتى يطيب و كي نخرجو نزيدلو الملح ​

 

[ام قصي]

امممممممممممممممممم شكرا بشبوشة
​

 

[ام خديجة1]

:sheer:صباح الخير حبيبتي ام قصي
المخ الصح الصح عمري عملتو مي شفت عجوزتي تعمل حميص بالصل والثوم والطماطم والفلفل المشوط وفي الاخير بعض مايطيبو تحط المخ والتوابل والملح وتزيد عليهم بيضة
اتمنى نكون افدتك:shay:
نهار نجي للبلاد باذن الله نشريه ونطيبه هذا :santa_1: يموت عليه ههههههههه

 

[ام قصي]

شكرا ام خديجة
​

 

[sebsouba]

شوفى يا اختى داويه مليح ب الملح و الفلفل الكحل و الثوم و المعدنوس و حطيه ف الالمنيوم ولفيه و حطيه فى الفرن كى يطيب قطعيه كيما الكاشير

 

[عتاب]

عن نفسي ننضف جيدااا بالماء والملح وخاصة غلافه الخارجى ثم نقطعه قطع صغيرة ونضعه مع البصل والفلفل الحار شوية والملح والزيت والتوابل خاصة الكمون ومن بعد مدة على نار هادئة نضيف الطماطم حب مع الثوم والزيت ايضااا واتركه يخثار ثم اضيف قليل من الطمكاطم المصبرة مع الزيتون المقطع ........زيتون اخضر
وعندما يطيب نقطع عليه الدبشة شوية بزاف ونضع فوقه كمية من الكمون ................

 

[دعاء2005]

ضعي المخ في الماء البارد والخل ثم أنزعي الغشاء والعروق وحطيه يغلي في الماء مع الملح و فلفل اسود رند كرافس مدة 10 دقائق ثم قطريه وقطعيه اطهي اللحم المرحي المتبل ثم أضيفي المخ ولب الخبز 2 ملاعق زيت 6 بيضات وخلطي سخني المقلات جيدا ثم صبي الخليط لما يطيب اقلبيه في صحن ثم زيني بالبيض المغلي:up:

 

[mahwossat crochet]

راح نقدملك وصفتتين ساهلين جدا ونحب فقط الوصفة الاولى في اكله
1-تضعين المخ في الماء به ملح ووفلفل اسود وتخليه يغلي حتى يتغير لونه وبسرعة يطهى ثم تقطريه من الماء وياكل هكذا نحبه
2- مثل الوصفة الاولى لما تقطريه من الماء تكوني وجدتي صلصة طماطم مع ثوم تضعيه وتخلطي فوق نار هادئة ويصبح جاهز لاكله
هذا ما لديا فالوصفات التي في الفرن اخبرتك عنها الاخوات التي سبقنني
سلامي لك اختي

 

[ام قصي]

نشكر كل من اخذ طلبي بعين الاعتبار

 

[نقطة حبر]

طيبيه في المرق يطيب فلفل حاار بصل ثوم كزبر توابل ملح يطيب مجمول وبنة مليحة
تقطريه و تحمريه في الفور ولا المقلاة
يعني يكون ناشف

 

[ندى الورود]

تم تلبية الطلب يغلق الموضوع

​