طلب مساعدة فى مادة الرياضيات بخصوص الدوال

[Chakib Developpeur]

سلام عليكم انا طالبة اولى ثانوى شعبة علوم ممكن تساعدونى فى فهم الدوال ضرورى جدا والله يجيزيكم بخير و يجعلها فى ميزان حسناكم ما طولوش عليا:sad:

 

[مابقاش بزاف.Dz]

اهلا بيك
واش ما فهمتش exactement فالدوال

 

[Chakib Developpeur]

كل شيء ... مجاال التعريف ... حساب تغير شعاع الدالة .... شعااع الأنسحاب ... الخ
وشكراااا على الرد

 

[ريحانة الورد]

ايه والله غير انا ثان :-h

 

[makour]

je pense pa takadri tafahmi hna
saksi wahed ta3arfihe yfahmek ou houa koudamek
mmm wllh c facile m3a el wakt tafahmihoum hagdak ana kanou yjouni s3ab mé ki kassart rassi m3ahoum vraiment walit nmout 3lihoum
bn courage

 

[ghezal32]

a3tina exercice ou nehalouh en meme temps nexpliquiw

 

[سوسو مينا]

مجال التعريف هو : قيم العدد x مثلا منحنى نتاع دالة يبدة من نقطة فاصصلة نتاعها ناقص 5 ويخلص في 4 نقولو في هده الحالة الدالة معرفة على مجال التعريف( 5_,4)








7
​

 

[hind1991]

اختي والله ساهلين نعطيك ملخص لدوال امرجعية كيفاه ديري مجموعة التعريف وجدول التغيرات دراسة اتجاه التغيرات رسم التمثيل

 

[سوسو مينا]

دراسة اتجاه تغير دالة
الدالة التالفية : دائما افرضي عددين x1و x2 وعوضيهم في هده الدالة
مثلا حنا عندنا دالة معرفة بمايلي : f(x)=2x+4
في هده الحالة نديرو f)x1)=2x1+4
و f)x2)=2x2+4
نديرو لدينا x1<x2
من بعد نضربو طرفي المتباينة في 2 في هده الحالة مايتغيرش الترتيب لخاطر ضربنا في عدد موجب يعني تولي هكدا :
2x1<2x2
وضرك نضيفو لطرفي المتباينة العدد 4 كدالك مايتغيرش التراتيب وتبقى محافضة عليه يعني
2x1+4<2x2 +4 ادن
f(X1)<f(x2).......... في هده الحالة الدالة حافضة على الترتيب معناتها دالة متزايدة
وبالنسبة لدالة متناقصة ديري بنفس الطريقة بصح في الاخير لازميكون الترتيب متغير كي يتغير معناتها دالة متناقصة

واش نستنتجو
كي يتغير الترتيب دالة متناقصة كي يبقى هوهو دالة متزايدة

 

[la_safa]

وش مش فآهم قدقد دركـ نفهم خويآ ~
​

 

[hind1991]

ا\ا حابة نصورهولك

 

[كاترين]

شوف خويا
مجموعة التعريف تشوف على حساب الدالة اللي راهي عندك مثلا اذا كانت كسر ما تقبلش القيم اللي تعدم المقام
و اذا كانت جذر تربيعي ما تقبلش القيم السالبة خاطر مكاش جذر تربيعي سالب غير الموجب
و ايلا كان فيها تربيع و لا هاديك من المجال كامل من ناقص ملانهية لزائد ملانهية
بالنسبة لجدول التغيرات هداك انا نخلط فيه شوية
بصح تقدر تتاكد من الصحة نتاعو م الدالة ادا كانت هابطة اعرفها باللي متناقصة و ايلا كانت طالعة اعرف باللي متزايدة
بالنسبة لجدول الاشارة
ادي القيمة x يعني العدد اللي مرتبط بالمجهول و ادي عكس الاشارة نتاعو