السلام عليكم
جربت غربية الجوز كنت شفتها فالنت عند واحد اخت وجات رائعة الشكل والمذاق
المقادير:
80 ملل سمن غير ذائب
80 ملل زيت بدون ذوق
50 غ سكر قلاصى
50 غ جوز مرحى رقيق
300 غ فرينة
20 حبة جوز لتزين
فانيلا
التحضير:
فى صحن ضربت بالباتور سمن وسكر قلاصى حوالى 20 دقيقة حتى كريمة الموس وهاد هوا سر نجاح الغربية
واضافت فانيلا وزيت وزدت ضربت بالباتور
واضافت لجوز المرحى وخلطت بالمغرفة
واضافت فرينة تدرجيا حتى تلمت العجينة وصبحت طرية ولا شفتيها مزالت تلصق زدي شوية فرينة
وعملت حربوش وزينتو بالفرشيطة لى اعطاء هاذ الشكل
وقطعت مقروطات وحطيت عليها حبة تاع جوز وحطيتها فى سنوة ودخلتهم للفرن حى طيب متخليهاش تحمر باش متوليش يابسة
هنا راهى جاهزة وجات دوب فالفم
انشاء الله تعجبكم والف شكر لصاحبة الوصفة
آخر تعديل بواسطة المشرف:
