ما فيها والو يخي تاع الدولة !

[الورد الأحمر]

السـلام عليكم ورحمة الله وبركاته
...
راني جيت هنا ندير الحس شوية توحشت لومبيونس لي هنا
مساء الخير عليكم كامل فردا فردا وأهلا بينا في اللمة مجددا
...
راني بخير والحمد لله وان شاء الله تكونوا بخير ولاباس عليكم
...
اليوم جيت نحكي على وحد العفسـة غزلتني /
هي عفسة في الجزايريين الكل وممكن نكون درتها حتى أنا
في وحد الوقت من حياتي ...
هي العفسة تاع اللامبالاة بأملاك الدولـة
...
مثـــال / ( لي على جالو جيت ندير الموضوع )
...
يخدوما معايا بنات يطلعولي قلبي ساعات بلعفايس تاعهم
وخاصة العفـسة هذي لي جيت نحكي عليها ...
نجيو نخدمو عادي كل وحدة عندها ميكرو حداها و imprimante
واش يديرو ؟ ...
يجيبو كتابات تاع الطبخ والقاطو و و و ويجيو للبيغو يخرجوهم
بلـ imprimante تاع الدولة ويخليو تاعهم لي في الدار ...
والله يا جماعة كون جاو يخرجو ورقة ولا زوج معليش راهم
يخروجو بالـ 200 ورقة وطلّع للطفلة الوحدة يعني احسبوا
شحال كاينة طفلة في الساغفيس كل وحدة تخرج نفس لكتاب من
الطابعة لي بحداها ... _o:
هلكوني يا خوتي ما حملتش وجعني قلبي ...
جا نهار وين حصلوا بقاتلي غير الطابعة تاعي فيها لونكخ جاو
ليا خرجيلنا الورقة هذي ... :schmoll:
قلتلهم لا ما نخرجش أنا المسؤولة على الميكرو هذا من عندي
ما تخرجوش ... أم كلاوني تم بعــد ... /
يخي مش تاعك تاع الدولة وواش فيها ؟ ما فيها والو ...
على ورقات واش رايح يصرا تلمو فوق راسي /
قلتلهم وي مش تاعي مي مش أنا لي نضغطلهم على طباعة
يا جماعة دوماج كان عليا نخلي الميكرو ونروح وخليتهم
ياكلوا في بعض تم شكون لي تخرج اللولة لورقات لي تحتاج
...
مي بقى قلبي يحرق لي ما قدرتش نقوللهم نو ونبقى على الموقف
تاعي ... دوماج كنت وحدة قدام كتيبة وتعرفوا لبنات كي يبداو
يهدروا ما يسكتوش ياكلوا راس العبد ...
...
علا درت الموضوع ...
والله ما فهمت وقتاه احنا نتحضروا ونوليو نتصرفوا تصرفات
تاع حضارة ورقــي ... صح لحكاية جات في ورقات وشوية
أونكخ ... مي درك أنا نخرج وهي تخرج وانتا تخرج واحسبوا
معايا شحال كاين موظفين في الجزائر كون كل واحد يخرج ...
:scared: الدولة ترجع تخدم على الكاغتوش ولورق ...
هذا مجرد تصرف واحد من ألف تصرف نديروه ونقولوا يخي
تاع الدولة ... علاش ما نتصرفوش هكاك في ملكنا وملك
والدينا ؟ الحاجة لي تهون في تاع الدولة ما تهونش في تاع
والدينا وتاعنا ... معناها التصرف مش مليح ...
---
هكذا يعد التلاميذ يكتبوا فوق الكوابل ويقولوا تاع الدولة وكون
يديروها في الدار تدخل عليهم أمهم بطريحة

وهكذا يديرو في الضو يخليوه شاعل وجامي واحد خمم يطفيه
مي في الدار مع يخرج من البيت يطفي الضو لا يصرعو باباه

وهكذا يديرو في الحافلات يركبوا ويقطعوا غلاف المقعد مي كون
يديروها في الدار للفوطاي تصرعهم ماماهم

هذا الكل علاش ؟ السبب هي أملاك الدولة ...

كاينة مقولة تقول :
كن التغيير الذي تريد أن تراه في الحياة

لوكان أنا نقرر انحي التصرفات هذي اليوم انتا تقرر تنحيها غدوة
وانتي تنحيها غير غدوة وفلان وفلان وفلانة وفلانة ...
يجي نهار نشوفوا رواحنا متحضرين والتصرف هذا يروح من
طبيعتنا على خاطر راه مشالنا في الدم ...
جيسباغ تكونوا فهمتوا الهدف من الموضوع
...
متفرقات
- تخدم معايا وحدة صرعتني تحكيلي كلش حتى واش قال خوها وواش قال بوها وواش حكاو في الدار -
- رابو زوج ديار في سكيكدة والحادث قتل طفلة في الـ 20 من عمرها ادعيولها بالرحمة -
- احتفلت سكيكدة بعيد الفراولة في 25 - 26 - 27 ماي راحت عليكم هههه -
...
ســـلامي ليكم كامل كامل

:re_gards:

​

 

[ماكانش]

أهلا بيك نور

يعطيك الصحة على موضوعك الباهي
الصراحة انا مع لبنات في الفكرة
وكتاه نكونو نتعاونو ونحافظو على الدولة تاعنا واملاك الدولة ؟؟؟
كي تكون الدولة عاطيا حقوق الشعب والخدام والمواطن
المشكل ماشي فلونكر قالش نتي والدولة تصرف على لونكر
ياي والله لوكان جا لبحر كامل لونكر قادر تشريه الدولة تاعنا غير بمليار دولار برك وتبقى 199 مليار دولار مخبية ...
الناس راهي تسرق في لملاير والمواطن يموت بالجوع وحنا نخممو نحافظو على ورقة باش ماتخسرش الدولة ؟؟؟؟؟؟؟
كي يمدونا حقوقنا لثم نحافظو على لبلاد واملاك الدولة لاخاطر نحسو بلي رانا منها عايشين
أما ورانا نعانيو لا حقوق لاوالو مالا ألي يلقى يستفيد من الدولة ومايستفيدش راهو غالط ...
​

 

[السلطانة]

هههه قريت الموضوع مي لازمني نرجع مباعد نرد


والله ياصحبتك خخخخ

لي عودة اكيدة

​

 

[الورد الأحمر]

أهلا بيك نور

يعطيك الصحة على موضوعك الباهي
الصراحة انا مع لبنات في الفكرة
وكتاه نكونو نتعاونو ونحافظو على الدولة تاعنا واملاك الدولة ؟؟؟
كي تكون الدولة عاطيا حقوق الشعب والخدام والمواطن
المشكل ماشي فلونكر قالش نتي والدولة تصرف على لونكر
ياي والله لوكان جا لبحر كامل لونكر قادر تشريه الدولة تاعنا غير بمليار دولار برك وتبقى 199 مليار دولار مخبية ...
الناس راهي تسرق في لملاير والمواطن يموت بالجوع وحنا نخممو نحافظو على ورقة باش ماتخسرش الدولة ؟؟؟؟؟؟؟
كي يمدونا حقوقنا لثم نحافظو على لبلاد واملاك الدولة لاخاطر نحسو بلي رانا منها عايشين
أما ورانا نعانيو لا حقوق لاوالو مالا ألي يلقى يستفيد من الدولة ومايستفيدش راهو غالط ...
​

وبيك أهلا سفيان
اووو راك تونكوغاجي في سرقة الدولة ؟ هههههه
علابالي الكل راهي تسرق يا سفيان ويسرقوا في لملاير وانا راني نحكي على ورقة
مي واش قلتلك ؟ في المقولة ؟
كن التغيير الذي تريد أن تراه في الحياة
يعني حايب تشوف الناس ما بقاتش تسرق ؟ اجبد روحك انتا عالسرقة حايب تشوف الناس
ما بقاتش تفسد ملك الدولة ابدا بروحك انتا ، حايب تشوف الناس ما بقاتش تطيش في
لرض اخدم بيها انتا ... كون كل واحد يخمم هك نقدروا نوصلوا لحاجة واليوم تبداها انتا
غدوة يقرر واحد ىخر يبداها وهي ماشية واذا واحد ما بداها تبقى بينك بين روحك راضي
على الحاجة لي درتها المهم أنك مش كيفهم ومليح التفرد في بعض الحالات :shiny:
- روحو جيبو لابوليس كاين هنا تحريض واضح ضد أملاك الدولة ههه -
مغسي سفيان عالاعتماد ويعطيك الصحة على ابداء الرأي
ســــلآمي
​

هههه قريت الموضوع مي لازمني نرجع مباعد نرد


والله ياصحبتك خخخخ

لي عودة اكيدة

​

اهلا بيك شوشو
أكيد يلزم ترجعي وتعبري على شعورك وصاحبتي لي قلتي عليها
نفضل تقولي زميلتي برك ههه أي صرعتني يا شوشو أو حكيتلك
نستنى العودة تاعك :shiny:
ســـلامي
​

 

[شوشونة]

السلام عليك

قالك نتاع الدولة فكرتيني بواحد يظل يكتب فالطوابل و كي ينهيه كاش بروف يقوله ماشي انت شريتها ياك الدولة دارتها شا نقولو ربي يهديهم مي بقى السؤال وينتا يترربو و يتحضروا؟
مشكورة على الموضوع ان شاء الله يوصل كلامك ليهم سلام


​

 

[الورد الأحمر]

السلام عليك

قالك نتاع الدولة فكرتيني بواحد يظل يكتب فالطوابل و كي ينهيه كاش بروف يقوله ماشي انت شريتها ياك الدولة دارتها شا نقولو ربي يهديهم مي بقى السؤال وينتا يترربو و يتحضروا؟
مشكورة على الموضوع ان شاء الله يوصل كلامك ليهم سلام


​

ايه هذي هي لحكاية في المؤسسات التعليمية نشفى لروحي كنت نديرها من بعد فقت مع
روحي وما بقيتش نديرها ونلوم لي يديروها ... ان شاء الله يوصل كلامي
ســـلامي ليك
​

 

[anissa 13]

يعطيك الصحة اختي ياريت كل الناس تخمم كيفك
لكان رانا تحضرنا هادي زمااااااااااااااان
انشاء الله موضوعك يأثر على كل واحد عندو هاد التصرف
​

 

[•мϊѕŝ Šрέсǐάł•]

والله انا وحدة كنت نديرها في السيام تاعنا ,,
تالمو مانحبوش ,, نديرها زكارة نخربش في الطاولات ,, ونخلي الضوء شاعل
نفزد لي ماركور تاع لي بروف
حتى مرة حضرت اجتماع زعمة مع الادارة على الميزانية
وغاضوني مساكن هههه يسلكو على التريسيتي اكثر من الماكلة تاع المطعم
ايا وليت بطلتها هادي العفسة
على العموم ,, حنا الجزائريين هكذا مدايريين
واكييد لازم نتبدلو ,, بصح لازملنا التزيااااااااااااار
شكرا على طرحك للموضوع

 

[ماكانش]

وبيك أهلا سفيان
اووو راك تونكوغاجي في سرقة الدولة ؟ هههههه
علابالي الكل راهي تسرق يا سفيان ويسرقوا في لملاير وانا راني نحكي على ورقة
مي واش قلتلك ؟ في المقولة ؟
كن التغيير الذي تريد أن تراه في الحياة
يعني حايب تشوف الناس ما بقاتش تسرق ؟ اجبد روحك انتا عالسرقة حايب تشوف الناس
ما بقاتش تفسد ملك الدولة ابدا بروحك انتا ، حايب تشوف الناس ما بقاتش تطيش في
لرض اخدم بيها انتا ... كون كل واحد يخمم هك نقدروا نوصلوا لحاجة واليوم تبداها انتا
غدوة يقرر واحد ىخر يبداها وهي ماشية واذا واحد ما بداها تبقى بينك بين روحك راضي
على الحاجة لي درتها المهم أنك مش كيفهم ومليح التفرد في بعض الحالات :shiny:
- روحو جيبو لابوليس كاين هنا تحريض واضح ضد أملاك الدولة ههه -
مغسي سفيان عالاعتماد ويعطيك الصحة على ابداء الرأي
ســــلآمي
​

هههههه
المقولة هذي والنظرية يا نور تصلح في المزرعة السعيدة، ودولة الأحلام، ومملكة الملائكة :shiny:
وتصلح ثاني في لالمان الوزير تاعهم يسلك مع الشعب ويدير لاشان :shiny: هذا يدا بروحو :sheer:
أما مع أويحيى وخليدة تومي وعمر ملاخسو -الله يخزيهم- ماتصلحش
الواحد يربي روحو مايظلمش جارو ومايسرقش صاحبو وو
أما مع الدولة لازم يربي روحو يحكم عليها مايراطيش
لاخاطر راهو يدي في حقو ...

هذا رايي نور
​

 

[مابقاش بزاف.Dz]

السلام عليكم
بارك الله فيك على الطرح
يعني جات غير فورة يطبعوها و كان راهم يستحيوا هادوك الي راهم ينهبوا فالملايير ماشي ينهبوا في ورقة و غيرها
التغيير يكون من فوق اولا
و ربي يهدي

 

[abidou 20081]

تحية عطرة أختي الفاضلة

أختصر ردي بكلمتين وين يبانو زوج زرقات ولا كارتوشة مع لملاير قالك لوكان لقاوها مسقمة مايديرو هذا لعفايس
ياو راهي كاملة كملو عليها وخلاص ربي يصلح لحوال برك إن كان رب البيت للدف ضاربا فلا تلمنا الصغار إن رقصو شكرا على الموضوع القيم حفظك الله ورعاك ​

 

[الجزائري05]

السلام عليكم ورحم الله وبركاته أختي نور

و الله صح هذو حكايات حنا مستهونين فيهم مي ربي ما يغفل على حتى حاجة خصوصا انو هذه الأشياء تعتبر مالا حرام


و أترك البقية الى الشيخ عمر عبد الكافي في هذا المقطع المؤثر الذي يتناول فيه المال الحرام وشبهته

http://www.youtube.com/watch?v=urWzAGSK95Q
​

 

[secret de coeur]

سلآم خيتو عآش من شآفگ
بون تهدري على موضوع هو طبيعة فالدزيريين من بگري
عندهم هاد العقلية
وتوآرثوهــآ يقولك رزق البآيلك :scared:
مآم انا درتهــآآ فالليسي نرسم فلاطـآبل تآعي الورد ههه مي صح صح كآنت شابة
أمــآ البروفيتاج هذا في مؤسسآت الدولة انا تبانلي يتسما سرقة باسكو مش من حقو
كيما نعرف مرة وحدة قاتلي رآه عنا ميكرو < هآدي بكري > تـآع ليكول الي يخدم فيه بابا مدير :cra_zy:
ياو هداك من حق المؤسسة مش ملك شخصي ليهم ..
ايوه ربي يهدينــآ ونبطلو العفايس هــآدو لعل وعسى تتسقد البلآد
كل واحد مسؤول عن تصرفاتو

​

 

[الورد الأحمر]

يعطيك الصحة اختي ياريت كل الناس تخمم كيفك
لكان رانا تحضرنا هادي زمااااااااااااااان
انشاء الله موضوعك يأثر على كل واحد عندو هاد التصرف
​

أهلا اختي يعطيك الصحة عالمشاركة
وان شاء الله يفيد الموضوع ولو واحد من البشر
مع أني أشك في هذا الردود ديجا فشلوني :cra_zy:
ســلآمي
​

والله انا وحدة كنت نديرها في السيام تاعنا ,,
تالمو مانحبوش ,, نديرها زكارة نخربش في الطاولات ,, ونخلي الضوء شاعل
نفزد لي ماركور تاع لي بروف
حتى مرة حضرت اجتماع زعمة مع الادارة على الميزانية
وغاضوني مساكن هههه يسلكو على التريسيتي اكثر من الماكلة تاع المطعم
ايا وليت بطلتها هادي العفسة
على العموم ,, حنا الجزائريين هكذا مدايريين
واكييد لازم نتبدلو ,, بصح لازملنا التزيااااااااااااار
شكرا على طرحك للموضوع

ههه زخدتيهم واش بيك كانوا يخدمو عليك خخخ ...
ايه الكل كنا نديروها وكيما انا فقت انتي فقتي غدوة يفيق واحد آخر
وهي ماشية يفيق واحد من الناس خير من ولا واحد
مغسي اختي وان شاء الله نتحضروا شوية لأنو الشعب الجزائري
للأسـف مش متحضـر ... همجي تاع الصح
ســـلامي
​

 

[الورد الأحمر]

هههههه
المقولة هذي والنظرية يا نور تصلح في المزرعة السعيدة، ودولة الأحلام، ومملكة الملائكة :shiny:
وتصلح ثاني في لالمان الوزير تاعهم يسلك مع الشعب ويدير لاشان :shiny: هذا يدا بروحو :sheer:
أما مع أويحيى وخليدة تومي وعمر ملاخسو -الله يخزيهم- ماتصلحش
الواحد يربي روحو مايظلمش جارو ومايسرقش صاحبو وو
أما مع الدولة لازم يربي روحو يحكم عليها مايراطيش
لاخاطر راهو يدي في حقو ...

هذا رايي نور
​

السلام عليكم
بارك الله فيك على الطرح
يعني جات غير فورة يطبعوها و كان راهم يستحيوا هادوك الي راهم ينهبوا فالملايير ماشي ينهبوا في ورقة و غيرها
التغيير يكون من فوق اولا
و ربي يهدي

تحية عطرة أختي الفاضلة

أختصر ردي بكلمتين وين يبانو زوج زرقات ولا كارتوشة مع لملاير قالك لوكان لقاوها مسقمة مايديرو هذا لعفايس
ياو راهي كاملة كملو عليها وخلاص ربي يصلح لحوال برك إن كان رب البيت للدف ضاربا فلا تلمنا الصغار إن رقصو شكرا على الموضوع القيم حفظك الله ورعاك ​

أجمعتوا بلي زوج ورقات ما يضروش قدام واش راهو صاري ... مي يا خوتي
زوج ورقات مش ملكهم ولونكخ مش ملكهم صح ما يبانوش قدام لملاير مي
عند ربي غدوة يبانو في الميزان وتبقى اسمها سرقة بالاك حتى ويفيق المدير
ما يهدر معاهم والو كون تكون عندو عقلية ملك الدولة واش فيها ...
مي لوكان يكونو عندي لـ privé نشوفو واش يصرا فيهم يجيبهم برا على
خاطر ما يقبلهاش لروحو ويعتبرهم سرقوه يعني يلزم نخمولها من المنطق
هذا وأبقى مصرة على مقولة
كن التغيير الذي تريد أن تراه في الحياة
مغسي ليكم خوتي ويبقى رأيكم راي ورأيي رأي ورانا نتناقشو كلٌ
حسب وجهة نظره :shiny:
ســـلامي
​

 

[الورد الأحمر]

السلام عليكم ورحم الله وبركاته أختي نور

و الله صح هذو حكايات حنا مستهونين فيهم مي ربي ما يغفل على حتى حاجة خصوصا انو هذه الأشياء تعتبر مالا حرام


و أترك البقية الى الشيخ عمر عبد الكافي في هذا المقطع المؤثر الذي يتناول فيه المال الحرام وشبهته

http://www.youtube.com/watch?v=urWzAGSK95Q
​

بارك الله فيك أخي معتز وحياك الله
هذا رد ولا خلّي عليك يعطيك الصحـة ... مهما استصغرنا التصرفات هذي
تبقى كبيرة عند ربي والسرقة تعتبر سرقة مهما كانت ورقة ولا كاغتوش
ولا مليار ... عند ربي اسمها سـرقة وفقط ... شكرا على الاضافة
ســـلامي
​

سلآم خيتو عآش من شآفگ
بون تهدري على موضوع هو طبيعة فالدزيريين من بگري
عندهم هاد العقلية
وتوآرثوهــآ يقولك رزق البآيلك :scared:
مآم انا درتهــآآ فالليسي نرسم فلاطـآبل تآعي الورد ههه مي صح صح كآنت شابة
أمــآ البروفيتاج هذا في مؤسسآت الدولة انا تبانلي يتسما سرقة باسكو مش من حقو
كيما نعرف مرة وحدة قاتلي رآه عنا ميكرو < هآدي بكري > تـآع ليكول الي يخدم فيه بابا مدير :cra_zy:
ياو هداك من حق المؤسسة مش ملك شخصي ليهم ..
ايوه ربي يهدينــآ ونبطلو العفايس هــآدو لعل وعسى تتسقد البلآد
كل واحد مسؤول عن تصرفاتو

​

أهلا جيمي نورتي ....
ايه حتى انا كنت نديرها في الابتدائية والاكمالية والثانوية والجامعة ههه
من بعد فقت في السنة الأولى وليت ما نخليش الغاشي يكتب فوق الطوابل
ونلومهم ونطفي الضو ورايا حتى يضحكو عليا يقولولي تحسبي روحك
في داركم ولا ... مي هكاك كنت نحس روحي مرتاحة وحتى درك في البيغو
كي نكمل نطفي الميكرو ونغطيه ونطفي الضو ونقفل الطاقة يضحكوا عليا
أنوكوغ يقولولي وين تحسبي روحك تشوفي لي ميكرو تاعنا لهيه معبيين
غبرة كي شغل يلزم ندير كيفهم ...
هههه وحكاية لي عندهم ميكرو تاع ليكول لي بوهم مدير فيه راهي ضربة
خخخ استعمروه وهو مش تاعهم ... علابيها ما نتطوروش للأبد
يلزم نفيقو شوية مع رواحنا وتصرفاتنا كاشما نتحضرو شوية ...
...



كل واحد فينا يدير في تصرف مش حضاري تلمو على بعضاهم
ورجعنا في آخر قائمة الشعوب المتحضرة ودرك خرجونا من القائمة
حطونا في قائمة الشعوب الهمجية :schmoll:
​

 

[حالمة بالجنة]

السلام عليكم ورحمة الله
موضوع في الصميم ومعاآك في كل ما قلتي
يعني أنامرة سمعت يقولو عقلية البايلك
يعني تع الدولة خلاص دمر فسد دير اللي تحب
والله سبحانه وتعاآلى قال: "لا يُغَيرُ الله ما بقوم حتَى يُغَيروا ما بأَنفسهم"
فالتغيير يبدا مننا نحن حتى نرفضوا مثل هاذي الظواهر
مع أنو ومثلما قال ماكانش الدولة تستاهل ناكل دراهمي منهاآ...لكن ماش بهاد الطريقة...اللي داو حقوق الناس ربي وكيلهم
وتقييم على الموضوع الراآئع =)
في أمان الله
​

 

[السوفي]

السلام عليكم ورحمة الله وبركاته

اهلا بصاحبة الموضوع وجزاك الله خيرا ان شاء الله
تحية طيبة لرواد منتدانا الجمعين والحمد لله ان منَ الله علينا بالاجتماع مرة اخرى بعد ما ضننا انه الفراق فراق مارق وبعد
سوف احاول انت اتحدث عن الموضوع من جانب الذي حرك في صاحبة الموضوع الضمير والتانيب وهو روح المسؤلية
وحتى يفهمني الجميع ساسرد عليكم قصة فصيرة عن روح المسؤلية التي تنقص كثير من الجزائريين بصفة عامه فقد جاء في الاثر عن عمر بن عبد العزيز امير المؤمنين الزاهد العادل التقي انه كان حريصا ان لا يقرب أموال المسلمين ولا يمد يده إليها فهي أمانة في عنقه سيحاسبه الله عليها يوم القيامة فكان له مصباح يكتب عليه الأشياء التي تخصه ومصباح لبيت المال يكتب عليه مصالح المسلمين لا يكتب على ضوئه لنفسه حرفًا وذات مرة سخنوا له الماء في المطبخ العام فدفع درهمًا ثمنًا للحطب لبيت مال المسلمين رحمة الله علية استحق ان يكون خامس الخلفاء الراشدين
لو فقه كل الجزائريين والمسلمين عامة ان مال الدوله امانه ومسؤلية سيحاسب عنها عند علام الغيوب الذي لا يظلم الناس فتيل الذي قال وياتينا يوم القيامة فردا وقال ايضا ومن يعمل مثقال ذرة خيرا يره ومن يعمل مثقال ذرة شر يره فكيف يطيب لبعضنا ان يتلف مال العام في الامور الخاصة ولو كانت طباعة ورقة واحده فقط فهي مثلها مثل 100 ورقة كل عند الله محسوب ومعدود لان ميزان عدل الله بالمثقال ذرة يا عباد الله حديث شريف مشهور قل من يجهله كل مسؤول كيف تسرب الاستهتار حتى صال حلال ان تفسد مال العامة لا انك ان هناك اشخاص شرفاء وعلى سبيل المثال لا الحصر اعرف شابا طيبا واحسبه كذلك ولا ازكيه على الله هو يعلم المصلح من المفسد يعمل لدى الدولة وكيما يقولوا حاكم الكوزينه فكان يقتصد في المشتريات ولا يبذر فكان اذا حدث طارئ وظهر ضيوف لم يحسب حسابهم امر نفسه وعمال المطبخ بعدم الاكل اليوم حتى يتسنى لهم واذا بقي من الفاكهة في الغذاء قام بقسمته بالعدل والتسامي في العشاء حتى انه قسم التفاح الى ثلاثة اثلاث كان صيب كل واحد ثلثه فضحك الجميع من امره الا المدير فقد زكاه وسماه الطالب بمعنى الامام سبحان الله وحفظه الله واكثر من امثاله في الورع والتعفف ولي منه قصص كثيره استغرب ذكرها هنا
اسف على الازعاج
والسلام عليكم

 

[lima-bell]

شكرا على الطرح المميز
أختاه هذه عادة حتى خنا فاليسي و يديرو و يكسرو و يقولو املاك الدولة
رب يهديهم هاد ما نقولوا
​

 

[الورد الأحمر]

السلام عليكم ورحمة الله
موضوع في الصميم ومعاآك في كل ما قلتي
يعني أنامرة سمعت يقولو عقلية البايلك
يعني تع الدولة خلاص دمر فسد دير اللي تحب
والله سبحانه وتعاآلى قال: "لا يُغَيرُ الله ما بقوم حتَى يُغَيروا ما بأَنفسهم"
فالتغيير يبدا مننا نحن حتى نرفضوا مثل هاذي الظواهر
مع أنو ومثلما قال ماكانش الدولة تستاهل ناكل دراهمي منهاآ...لكن ماش بهاد الطريقة...اللي داو حقوق الناس ربي وكيلهم
وتقييم على الموضوع الراآئع =)
في أمان الله
​

أهلا اختي حالمة بالجنة ... وعليكم الســلام
ان شاء الله تكوني بخير وعافية
ايه حكاية البايلك لي كثروا منها حتى والفوها
ايه اختي التغيير يبدا منا علابيها بقيت
نانسيستي على المقولة هذيك
مغسي اختي عالمرور نورتي
ســـلامي ليك​

السلام عليكم ورحمة الله وبركاته

اهلا بصاحبة الموضوع وجزاك الله خيرا ان شاء الله
تحية طيبة لرواد منتدانا الجمعين والحمد لله ان منَ الله علينا بالاجتماع مرة اخرى بعد ما ضننا انه الفراق فراق مارق وبعد
سوف احاول انت اتحدث عن الموضوع من جانب الذي حرك في صاحبة الموضوع الضمير والتانيب وهو روح المسؤلية
وحتى يفهمني الجميع ساسرد عليكم قصة فصيرة عن روح المسؤلية التي تنقص كثير من الجزائريين بصفة عامه فقد جاء في الاثر عن عمر بن عبد العزيز امير المؤمنين الزاهد العادل التقي انه كان حريصا ان لا يقرب أموال المسلمين ولا يمد يده إليها فهي أمانة في عنقه سيحاسبه الله عليها يوم القيامة فكان له مصباح يكتب عليه الأشياء التي تخصه ومصباح لبيت المال يكتب عليه مصالح المسلمين لا يكتب على ضوئه لنفسه حرفًا وذات مرة سخنوا له الماء في المطبخ العام فدفع درهمًا ثمنًا للحطب لبيت مال المسلمين رحمة الله علية استحق ان يكون خامس الخلفاء الراشدين
لو فقه كل الجزائريين والمسلمين عامة ان مال الدوله امانه ومسؤلية سيحاسب عنها عند علام الغيوب الذي لا يظلم الناس فتيل الذي قال وياتينا يوم القيامة فردا وقال ايضا ومن يعمل مثقال ذرة خيرا يره ومن يعمل مثقال ذرة شر يره فكيف يطيب لبعضنا ان يتلف مال العام في الامور الخاصة ولو كانت طباعة ورقة واحده فقط فهي مثلها مثل 100 ورقة كل عند الله محسوب ومعدود لان ميزان عدل الله بالمثقال ذرة يا عباد الله حديث شريف مشهور قل من يجهله كل مسؤول كيف تسرب الاستهتار حتى صال حلال ان تفسد مال العامة لا انك ان هناك اشخاص شرفاء وعلى سبيل المثال لا الحصر اعرف شابا طيبا واحسبه كذلك ولا ازكيه على الله هو يعلم المصلح من المفسد يعمل لدى الدولة وكيما يقولوا حاكم الكوزينه فكان يقتصد في المشتريات ولا يبذر فكان اذا حدث طارئ وظهر ضيوف لم يحسب حسابهم امر نفسه وعمال المطبخ بعدم الاكل اليوم حتى يتسنى لهم واذا بقي من الفاكهة في الغذاء قام بقسمته بالعدل والتسامي في العشاء حتى انه قسم التفاح الى ثلاثة اثلاث كان صيب كل واحد ثلثه فضحك الجميع من امره الا المدير فقد زكاه وسماه الطالب بمعنى الامام سبحان الله وحفظه الله واكثر من امثاله في الورع والتعفف ولي منه قصص كثيره استغرب ذكرها هنا
اسف على الازعاج
والسلام عليكم

اهلا أخي السلام عليكم ...
مرحبا بك في اللمة والموضوع
مداخلة جميلة تتبعتها حرفا حرفا
لكن للأسـف بزاف ناس رجعو يشوفو
التصرفات هذي عادية من كثر ما رجعت
روتينية ماشية في الدم ...
ربي يهدينا برك هذا واش نقولوا ...
عجبتني القصة لي طرحتها
مغسي ليك خويا يعطيك الصحــة
ســــلامي
​